春水堂 (希慎廣場) (已結業)

I had a late lunch in this restaurant. Unfortunately they dont have set lunch so you get to order only in ala carte menu. I ordered the Handmade thin noodles with sesame oil, deep fried chicken and Jasmine green tea The noodles taste good its not oily and the ginger really goes well with other flavor and its very light to eat and for the chicken I always ask to remove the season, it taste better without the seasoning for me every time im going for late lunch this restaurant is always on my top

星期日下午茶時間 等位大約15分鐘見到3個店員服務員都好忙下 又執碗又落單 不斷有人黎等位～ 店員安排了入面大小小既位置，坐得好舒服擺完野食都仲有好多位叫左一杯珍珠奶茶 一杯香柚茶雖然2杯都叫左少甜但都略甜 下次可以試下微糖仲有一定要叫少冰 佢杯身又厚下 所以杯野飲唔算好多。鹽酥雞 新鮮炸起好好味 炸衣好薄 調味唔會勁咸呢點好重要，唔會越食越膩 ，2個人share岩岩好細魯肉飯 呢個都要讚一下 半肥瘦肉仲有少少肉鬆 好夾味 肥而不油 雖然幾細碗 但絕對滿足到女仔既食量 下次都一定會叫金沙芋泥丸 黎左先知入面包左奶黃餡 好特別 第一次食 雖然CP值低左少少 但起碼都叫好味。總體黎都食左好開心 雖然呢度都210蚊 台灣野黎講 算中高價 但佢整體調味唔會偏重，比較岩香港人口味。另外 服務就真系冇咩 都見到店員好忙下 但如果會主動遞水就會更加好 始終收左10%服務費 但除左落單同帶位全程都冇咩服務 埋單要自己出去櫃枱俾添

突然心血來潮，想食台灣菜，見多人排隊，所以感覺一定要一試。慢煮豬手豬手外皮十分軟滑，而豬手肉亦煮得十分鬆軟，加入入滷水汁煮後十分入味，容易咬碎，堂食份量十足。職員還會提供骨碟，方便食後放骨，十分體貼。牛骨濃湯牛肉麵牛展煮得十分鬆軟，大舊得黎容易咬碎，牛骨濃湯牛骨味十足，而且麵條軟硬度適中，湯麵份量十足，適合兩人食用。飲品可選擇甜度（半糖、微糖、走糖)，冰量(少冰、走冰）及凍熱珍珠綠茶綠茶味十足，珍珠份量亦十足，每吸一口都很滿滿珍珠

今日下午大約三點左右來到春水堂，竟然不用排隊！幸運地，我們入咗之後就開始排長龍。春水堂的食物質素維持得不錯，偶爾來吃一下都覺得不錯。我每次來都會點這一個雞翼定食，雞翼熱辣辣非常香口。不過又會感到油膩。今次還是了麻油拌麵，竟然比想像中清新可口，值得一試啊！原本抱着想吃得清淡一點的心態，所以點了這個麻油麵，吃下去竟然非常有驚喜，下次我還會再點這一個。飲品方面除了他們出名的珍珠奶茶，最近我也愛上他們的蕃茄蜂蜜特飲，感覺清新！

平時去開其他分店嘅春水堂，今次第一次嚟到希慎廣場嘅春水堂食飯，發覺佢嘅裝修都幾特別，有別於其他分店，相信係同佢店舖嘅位置有關。店舖位置屬於露天，由於近大堂中間所以人流都比較多，位置亦都好顯眼。佢入面嘅座位大部份都有矮牆隔住，大大提高左食客嘅私隱度，令食客食得安心。嚟到春水堂梗係要飲佢啲台式飲品啦，今次試飲咗佢杯鐵觀音鮮奶，茶味非常之夠味道，配上鮮奶非常之好飲，一啲都唔會令人失望。另外再叫咗一碟香酥雞，炸衣嘅厚度剛剛好，皮肉唔會分離，食完成碟都唔覺得膩😊

今晚2個人開飯,落到CWB睇中秋展覽之後搵食 見到呢度有位入去食飯叫左碗麻辣牛肉麵 肉鬆滷肉飯 2杯珍珠奶茶配上牛展肉片 小堂菜 蔥 辣椒 湯底大量麻辣醬汁 麵條用台灣麵 彈牙有麵香喝一口湯,先辣後麻飲到少少中藥材味 通常台灣湯麵都很喜歡用藥材入湯 飲落香又辣麵條彈牙吸湯 份量幾大碗 配以辣椒碎和酸菜碎 唔夠可加辣自家秘製滷汁滷肉再加肉鬆 口感豐富 肉醬香濃帶油脂撈飯一流珍珠奶茶係招牌必飲 幾乎無冰,打成碎冰入口冰凍茶味特濃,奶味偏淡 珍珠夠彈牙另一杯係珍珠綠茶 平均消費$122春水堂人文茶館 銅鑼灣軒尼斯道500號希慎廣場3樓317-319號舖

食物OK可以，坐位算坐得幾舒服，不過成日漏單，張單會有＂漏單快起＂，似乎是常常漏單⋯⋯同埋侍應唔會道歉。如果你肚餓，呢間野唔值得信任，坐係度半個鐘都冇人理，直到你發現問佢野食仲未黎。

呢日喺銅鑼灣做完野， 就同朋友嚟飲杯奶茶，歇一歇；順便整理一下文件。兩個人坐咗張4人枱， 與枱之間都會有間隔， 距離唔太近， 所以感覺很好。點了 一胚牙奶茶同鐵觀音奶茶。 第一感覺就係茶香味濃！（開心開心！）最期待都係呢個珍珠熔岩蛋糕 $58 🍰因為自己平時比較少食熔岩蛋糕， 一直都好期待佢爆相流出黎嗰刻！😍但其實佢個cream係結結地，唔會流出嚟嘅 😭味道係幾甜，特別係佢個黑糖珍珠超甜😂不過我都係一個鍾意食甜野嘅人，所以都接受到 😛但一個人就未必食得晒了😂

呢度嘅食物都算跟得好足台灣春水堂嘅口味同埋煮法，咁當然價錢係爭好遠，大約係台灣嘅兩至三倍。個人最鍾意食佢嘅台灣牛肉麵同埋麻辣豆腐。珍珠奶茶當然係必飲，我鍾意佢嘅細粒珍珠，口感彈牙唔太甜，鐵觀音鮮奶茶就係我嘅首選。如果想飲到茶味龍啲就應該要飲熱，凍飲有另外一番風味但係茶味通常會淡少少。另外，珍珠雪糕多士係台灣冇嘅菜式，上次同個朋友兩個人share一碟都幾飽，但係多士有好豐富嘅牛油味，配搭埋茶味雪糕、cream、珍珠，食落真係賞心樂事。

一向都好鍾意飲台式飲品，春水堂實在做得太出色，一試更愛上，每次經過都會order 一柸，今日晚餐時間經過希慎店見過唔算太多人排隊等位，所以決定試吓佢食物，點了酥香豬排配他他醬便當，真係好好味，不油膩，跟他他醬很配，加上有很多蔬菜和姑類！另外一個係滷汁豬扒便當，正正常常不會太鹹，還點了一個細滷肉飯，肉汁好豐富，小食有黃金香酥雞，做得很香口，大小適中，當然不少得台式飲品，珍珠鐵觀音奶茶，好好味，實在係大滿足！下次再試吓佢台灣湯麵！

約咗朋友去銅鑼灣行街食晚飯，行完街之後但係又未到時間食晚飯，行到又攰。所以我哋決定去春水堂飲杯野坐下先。銅鑼灣春水堂例牌多人排隊😂，我哋都等咗一陣。我哋叫咗蜂蜜綠茶丶高山金萱(熱)丶珍珠招牌紅茶雪糕吐司。🍹蜂蜜綠茶👉🏻 d蜂蜜一d都唔假，好清甜。綠茶好香茶味。下次我會再叫👍🏻🍵 高山金萱(熱)👉🏻 清香甘甜！佢係一壺，所以份量都好多，可以兩人share 都得🍨 珍珠招牌紅茶雪糕吐司👉🏻 紅茶雪糕好好味丶好香茶味😋吐司脆脆地，配埋雪糕同d珍珠一齊食，好正👍🏻

夏天熱辣辣行街熱到溶💦，係鬧市搵個坐低嘆冷氣嘅餐廳，想飲杯嘢又唔想叫食物，「春水堂」都係唔錯既選擇，到底呢個品牌係咪創造出世界第一杯台式珍珠奶茶🤔？不過個人係覺得偏高少少🤏🏻可能飲慣天仁嘅價位————————————————👅珍珠奶茶($32)👍🏻第一啖覺得好奶，之後係烘焙過嘅茶香，珍珠偏細粒同煙韌派🧋，一啖可以食到好多粒，不過唔知係味杯形關係，飲飲下好快飲晒咁🤣👅愛玉鐵觀音檸檬茶 ($35)🔸特別推介系列~愛玉已經切成方形細細粒，好似冇平時一大舊咁有口感，檸檬酸得嚟似檸檬茶有一陣澀味🍋，今次叫咗微甜，建議唔洗叫正常甜都得————————————————🚩總結：除咗買嘢飲，仲係買位同埋冷氣———————————————— 🌟注意：堂食有10%服務費，價錢比外賣貴3蚊左右————————————————📍 春水堂地址：銅鑼灣軒尼斯道500號希慎廣場3樓317-319號舖.🗺地區：#bem銅鑼灣📥分類：#bem飲品💰人均消費：#bem_50蚊或以下

今晚去咗食春水堂，好彩時間尚早，唔洗點等位。因為比較飽，所以我淨係飲杯野同食小食，朋友就食多我一碗紅燒牛肉麵。金莎芋泥丸咬落好香脆，內裡的芋泥口感好綿，芋頭味香，有鹹蛋黃香味，整體的口感和味道都不俗，我好鍾意食！檸檬蜜凍飲加愛玉其實台式飲品我一向都會係偏愛飲奶茶，不過今日下午真係食得好飽，所以就點咗一杯平時好少叫嘅檸檬愛玉。佢嘅味道都幾清新，甜甜酸酸，有消滯的果效。珍珠招牌紅茶雪糕吐司賣相好吸睛😍，味道唔會太甜，紅茶雪糕的味道好突出，連同珍珠進食大大提升食物的口感。整體來說，餐廳環境坐得舒適，不過店員就比較忙碌，食物的質素也不錯，可以再來光顧的。

相都無影呀。嬲。以為依間餐廳多人排隊好正。點知大失所望囉。午餐無set都算。叫咗小食炸杏鮑菇。炸粉多食落都係粉粉口感。菇無調味囉。淡淡的淡味主食叫了炸豚肉定食。今次係豚肉出事。硬到呀媽都唔認得。肉超實淨。鞋鞋吓咁。啲配菜無味。好似清水烚熟咁。飲品叫了鐵觀音珍奶。這杯總算係成餐飯苦中一點甜。味道唔太甜(無叫少甜）。有淡淡茶香。奶茶都滑嘅。珍珠唔同一般街嗰啲大大粒。依間係細細粒。好似再煙靭啲。不錯。總結。唔明點解咁多人排隊食。份量夠嘅。但味道真係唔係好掂喎。環境都麻麻。坐到好出囉。啲人排隊望住你食。不會再幫趁。仲要好貴囉

今日得閒就約朋友岀黎行下街shopping！順便食個Lunch，唔知點解突然好想飲珍珠奶茶🧋但疫情關係真係唔想攞住杯飲品係條街度。-講起珍珠奶茶就諗起希慎的春水堂，又有我最愛食的牛肉麵又有炸物同珍珠奶茶-朋友叫左原味牛肉麵，本來我都想叫一樣，但本人非常喜愛食辣，見到有個辣椒牛肉麵，即叫！但結果係原味夾好多，陣辣味有啲就咁勉強加落去咁，好唔夾，下次都係叫返店推薦嗰款🥲-另外，我哋仲叫咗兩款小食，炸菇同炸雞翼！雞翼係我最愛，所以必叫！炸菇係朋友叫的，我無食，不評論，但灑係炸物上的粉，真係超好味，絕配！再配埋珍珠奶茶🧋 滿足！