春田日本料理 (已結業)

約左同事食Dinner, 大家都未試過依間, 就決定一試。我地叫左個原件燒鰻魚48 , 1磅三文魚刺身148 , 1客甜蝦刺身, 1客帶子刺身三文魚刺身--特價148蚊1磅寫住頂級三文魚, ok喎,夠新鮮大碟。原件鰻魚超大條都幾好食.甜蝦刺身--好wa。總括:以上刺身幾鮮味 可以坐得耐, 我地都食左2個鐘。服務好, 她幫我們加水,仲叫我地小心熱呀!

今日第一次去，約七點半去到，門口已經一大班人在等，攞 飛後等了約半小時就可入座。食物味道中規中矩，沒有什麼特別回味的，但以這個價錢來說算是很合理。份量很足，吃得很飽。服務都算跟得足，在沙田區算是幾好！

　　路經沙田第一城搵老友，肚仔見餓，於是試左一個下午茶，點知中招．．．　　日式炒烏冬($25)－－超級肥膩，每條烏冬都有油滴出黎，碟底d油更不在話下！仲非常濃味，高血壓、糖尿病人士，勿試！食o左四分一，我已經投降！　　三文魚刺身($28)－－有四塊，未解得切凍囉，硬加凍，難頂！　　全程D待應好似遊緊魂咁，嗌都冇人理，我唯有當自己食緊自助餐囉．．．　　愛健康飲食的您, 勿試!

　　前日下晝三點鐘，學完車同媽咪兩個人諗住黎呢度食番個下午茶，門口個帶位妹妹冇點理我地，咁我同媽咪就自己入去搵位坐啦，點知呢個時候，個待應就發揮作用喇，「呢邊唔坐得，我地要準備晚市！」禮貌欠奉，太上皇既語氣，媽咪為之氣頂！望一望隻錶，三點鐘就準備晚市，十分不合理囉．．．再舉頭一望，原來得十二張檯for下午茶，其中八、九張已經有人坐緊添！其餘個三十張"吉"檯就唔坐得囉．．．咁我同媽咪唯有死死氣坐第二張啦，點知件事仲未完，坐低之後，冇人歁茶俾我地，都算喇！媽咪見到成檯水，叫個待應黎清潔啦，嘩！你估發生咩事呀！！個待應妹妹行埋黎用十分不友善既眼神，可以用"怒睥"黎形容，拋低一句：「我未抹喎，冇人叫你坐呢度嫁！！！」究竟發生咩事呀？我想食個下午茶姐，點解要受你地氣呀？我即時起身離開呢間十級恐怖既舖頭，阿媽憤憤不平話要搵經理投訴，我就同阿媽講算喇！成間舖都請埋晒呢D後生妹妹仔，真係投訴無門呀！！

尋日經過第一城，想食日本嘢，走咗入去春田，recept姐姐俾咗間房我地六個人，蝦幾得意呀，好有私人空間，我哋叫咗蟹剌身(第二食煲粥)，夠鮮甜！又叫了焗青口、甘蝦、赤貝刺身等，價錢都大眾化，味道唔錯，環境很大，當晚閒日都幾旺場，都算幾好！服務方面侍應幾細心，但個別(好像暑期工)就比較倫盡，整體價錢及質素都o.k.！

前幾日同同事食晚餐，曄！幾抵，有好多款式比我地揀，食品水準都算中上，因為我地三個人，更叫了個松茸焗青口同埋三隻焗生蠔，首先松茸焗青口略為細隻，但味道很鮮甜，生蠔更抵食，大隻鮮甜；埋單三佰有找，事後有個女部長更請我地食芒果雪糕；更為我地送埋泊車劵(因此商場已取消泊車優惠，是個別商户自己買的)，在此本人讚揚該店之服務及食品絕對是與時並進！

首先，若果唔係我朋友一支箭咁衝入去．．．我都唔會入去架啦好啦＝　＝咁入左去就算啦，叫ｌｕｎｃｈ食啦。首先，選擇已經無乜；價錢以ｌｕｎｃｈ黎講都唔平；我地一行五人望左個ｍｅｎｕ成１０分鐘都諗唔到有乜吸引到我地揀，又唔抵食。其次，ｄ野食又難食，ｄ壽司唔好食ｄ飯又散哂，連ｄ豉油都怪怪的，個拉麵又唔掂。最低死係，我想將餐\飲轉特飲啫，佢\唔轉得既理由係～做唔切，成個場都唔係滿人．．．野飲喎。問ｄ侍應問題，問佢\果樣野係有ｄ咩料問３個２個都唔知，都算啦　依個時期睇黎都係暑期工黎，唔怪佢\，但係我唔會再去囉～

3月6日黎過呢度食今日lunch 時間比較鬆動, 過左黎第一城食本來打算食隔離間越南野, 但太多人, 過左黎春田食。入到去, 唔係太多選擇囉...揀左個定食, 落完單之後, 點知過一陣話無哂!!搞錯...午餐都會無=.=之後又揀左好耐...諗住求其食d野走無乜好揀之下食左個飯(太耐,唔記得咩飯, 有d 肉絲)睇起黎好細碗唔夠食咁, 諗住食完去買野食但原來食完都好飽@@整體黎講都係麻麻...食物種類少, 等得耐, 人多好嘈, 相對價錢貴左d唔係差o既,但唔建議黎

It's so difficult for Japanese food to go wrong, and it has here.The fish isn't fresh,the fried foods are soaked in oil, the television is noisy and the seats uncomfortable. Never again.....

諗住請媽媽食飯, 帶佢食下日本野, 點知好失望....星期六晚, 人不是太多...order了牛肉火鍋set 及網燒牛扒set加多個帶子刺身+特大三文魚壽司個特大三文魚壽司嚇我們一跳, 片三文魚好薄, 但舊飯有成3舊正常壽司飯咁大, 要夾散飯先食到, 食到好狼狽...帶子刺身...好一般牛肉火鍋: d牛肉好肥, 而且個湯底超甜，甜到好怪，又少配菜媽媽的網燒牛扒更恐怖，燒到邊都燶了，韌到爆，似肉乾，沒有汁的肉乾以後唔會再去...寧願食吉野家仲食得開心

星期天下午醒來，見肚餓落街食到下午茶餐，行到這間春田，門口有個帶着白色面綠色底眼鏡，好有青春活力的四眼妹，她見我哋行過門口，便叫到先生幾位，食唔食煙。。。首先我喺嚟食曰本嘢唔喺入嚟食煙。。當我講我唔食煙架，她竟然帶我哋坐張後面有幾個人食緊煙架枱，我當然無坐喇！！！我叫佢可不可以坐遠啲，她不發一聲，便指叫我哋坐前一張抬，我便同佢講，我哋入嚟係食嘢唔喺入黎嚟食煙，當時我眼見衹得幾抬客，週邊的人以食得七七八八，我最後不理她便坐到遠遠，當我叫嘢食時，四眼妹又回來，佢話你哋坐理道喺食晚飯，唔喺食下午茶，我便同佢理論，可能佢喺餐廳高層，佢堅持叫我哋坐回食煙區側邊，當時餐廳入面有四至五個事應都不理會她，。。。最後她無禮貌，黑口黑面，口動不語行開，我哋便起身就走，ha ha 出到門口四眼妹又企喺門口，哋見我哋走用啲不有善目光，嘴妙妙的送我哋走，。。。天呀！！！劉德華呀！！！！

全靠馬鐵遊介紹. 已經少去沙田區食肆. 今次再專登搭馬鐵行. 間鋪好大, 一望去成個超級飯堂咁, 二人餐好巨, 份量十足, 交足貨. 兩個人仲要'唔小心' 叫多個師介紹, 所以呢晚捧住個肚走. 服務唔因為周末peak hour 而顯得不足. 顧客背景多以附近第一城居民為主. 食得感覺好簡單.

和太太走過春田門外，見侍應連飲奶力都出埋去宣傳此店有幾好幾抵食，又適逢外面下著大雨，和太太望了望，就此作罷，食飯之餘又可避雨，可算一擧兩得，再說單看店内的環境也不俗，打開餐牌發現雜錦壽司併盤四十九元和海膽剌身二十八元，兩者都做特價，於是我們點選了，再加日式燒餅、軟殼蟹和鹽燒鯖魚定食，二十八元的海膽可真沒取巧，算是值得一試，而同樣是特價的雜錦壽司併盤就略為差勁，飯糰搓得較細，面頭那塊魚生又不太新鮮，日式燒餅和軟殼蟹更是失敗之作，尤以日式燒餅最為差，食落一口漿粉，鹽燒鯖魚定食就幾好，蠻可以接受。此店服務水準略為欠佳，想落Order期間，叫了兩三個侍應都落唔到Order，理由是推說唔識寫單，結果要由年資較深的職員代勞才行，上菜也較為論盡，五個餸菜加埋一百六十八，連加一要一百八十五元，論經濟與否，只屬中規中矩，但服務與質素就唔係咁理想，如稍加改善都還值得光顧。

男友想食日本菜，成日係新城市食到悶，轉移到第一城果邊，見到呢間野門面好似唔差，價錢食物都幾岩食，初初都見幾好招呼架，叫左d壽司，哇...個樣好突特，切到d魚生斷開，形狀不一至...可見個師傅係生手。食落完全唔新鮮...好失望。第二樣係佢地d侍應...後生果班都ok，反而個經理，成日見佢撩d侍應傾計...有冇搞錯...@.@ 食物已經唔正宗，服務更令人側目..

昨天和老伴嚟到第一城都唔知食乜好，就試吓呢間，叫咗兩個歺，一個是魚烏冬歺、一個壽司歺。 個魚歺有2件三文魚壽司，一杯飲品、三文魚壽司，好細件，但係魚烏冬Ｄ渦湯好有魚味，但係魚肉就少咗Ｄ啦，得三、四片左右。 壽司歺有8件壽司，烏冬一碗，有少少前菜同埋一粒雪糕糯米糍。D壽司唔係咁好食同埋好細，返而Ｄ烏冬就OK喎。 但係枱同枱好迫囉，唔好坐。 兩個歺盛惠102元。