春田日本料理 (已結業)

食左3-4次，每次都係失望而回。<br />昨天又去第一城吃春田日本料理，果然一如所料，不太味美。吃了龍蝦刺身、壽司拼盆、露筍海蝦天婦羅、迷你三文魚炒飯，賣單$33，但整體味道真一般，沒有深刻印象，唯一印象還是服務態度奇差。<br />服務：首先係服務態度，間舖咁大間，但其實一直都冇乜人光顧。有次3-4點左右，打算貪佢唔洗等位入去食下，點知佢個個位都唔俾位，安排我地座係中間的一張台...係人都喜歡坐邊位喇，坐正中間做乜=.=<br />d侍應收野或問佢野時，d態度又係怪怪的，再加埋佢地d眼神，我好似得罪佢咁...<br />環境：應該係好乾淨，但唔知點解會咁多蒼蠅！大佬，現在仲幾凍下喎，咁快有蒼蠅...點清潔的...<br />食物：味道一般喇，叫左個龍蝦刺身，$148，點解隻龍蝦咁細？...可能我要求高左d掛...雖然都ok好味，不過，原來用佢來做第二食，煮左個粥仲好味。個迷你三文魚炒飯都ok的，其他野就...不敢恭維<br />所以...免得過都唔會再去食=.=

星期六同bf經過春田門口, 大大個牌有set lunch, 免加一12:45pm前賣單仲有七折添, 佢d set $3x-$5x都有我地梗係拿拿聲入去試下啦, 我地仲叫左$52刺身餐添! 不過好奇怪, 經理同我地講12:45pm係計走人, 唔係計賣單, 隔離個waitress就話係埋單, 不過我地唔理啦, 反正時間尚早果然係set, 前菜, 黃蘿蔔, 湯, 刺身, 白飯, 糯米池全部都有, 仲有餐茶跟添, 凍檸茶都唔使加$2蚊, 真係開心可惜湯就差d喇, 好淡, 勁溝水刺身好大碟好好味, 三文魚, 吞拿魚, 尤魚, 蟹柳, 魚籽, 赤貝... 通通都有, 仲要係唔只一件, 凍冰冰好新鮮架!!白飯佢係日本米的, 好好味!!!埋單每人$36.4, 抵啦!以沙田區既日本料理黎講真係叫好好, 比起元x, 明x個d迴轉壽司好好多添呀!我會得閒再黎食過!

果日同班fd行過..見到間野出左好多新野~~就同d fd 入左去喇..我地首先叫左隻剌身船~叫左個火焰牛柳~和牛剌身~半打生蠔~同埋個手打烏冬...間野仲一樣樣野上~~先上左d生野~~再上熟野,唔錯!先黎個和牛剌身~真係好正!入口即溶,真係好似識得自己滑落個喉龍咁~3~ 正!到d蠔..都好大隻下ga~ 真係好新鮮!仲有個手打烏冬...d烏冬睇落冇咩特別..不過食落就好特別喇!!咬落去煙煙un un!又彈牙~^^~好得意。火焰牛柳...用鐵板上既~waiter 拎住埋黎...淋小小酒~點火wow!周圍都嗅到好香,等d火熄左先上台~仲叫我地小心鐵板熱^^幾細心丫!d牛柳食落去好香酒未~又唔係太濃...咬落仲好有口"咁" 。d fd食完都話好好丫~我都覺得唔錯!Service 都唔錯~叫d waiter拎野即拎幾好!個menu到仲有好多野都想食ga=o=!果日得5個人..叫得太多又驚哂囇d野>~<!下次要再去>3<下次去既話影d相比大家睇睇丫^^"

呢間野其實都唔係好差....之前聽d人講好差...本來都冇諗過去, 但有一次經過見到佢地d侍應咁hardsale...所以就入去試下...一坐低d侍應比左張"是日推介"比我睇...~WOW~d食物款式好多bo...平到貴都多不勝數,之後見到又有牛肉剌身...龍蝦剌身...活魚剌身...海胆剌身...生蠔剌身...好多好多....正!!最後我叫左3樣野食...1.牛肉剌身($128),2.生蠔剌身($28),3.立魚湯讚崎手打烏冬($48)......正!!!先講牛肉剌身....價錢平,d牛肉入口果種feel...冇得頂!!!到生蠔剌身...原隻一叫先開,又鮮甜又大隻,最緊要係又平....最後我都食左成4隻..KeKe...到個立魚湯讚崎手打烏冬....個湯又鮮甜,d烏冬又彈牙...好正!!!講到服務....又唔係好差bo...不時有人加茶,幫你收野...我記得有個姓王既主任,佢好nice又好傾...有時仲同我講下笑tim~總括黎講呢間野唔錯.....野食平.又新鮮...服務又ok...唔係好差wo...食得過(我依家仲周不時去Tim)

我地一行七人見唔駛點等位，就入去試下啦。佢見我地有七個人，俾左間房我地，good~但係佢地d 食物真係好一般，冇乜o野係好食。最離譜係個壽司拼盤，收成百幾蚊但係得十三件普通o野，有兩件仲係加洲卷。食左一陣，有個似經理o既人入黎話幫我地放好門口d 鞋，o個陣仲覺得佢地d service 係幾好o既。點知到走o個陣，我個friend 對鞋係o係我對鞋上面！有乜理由係會咁做先？呢間o野我係唔會再去!

昨晚0係屋企足一日. 阿媽話唔煮飯. 近近地黎左呢度開飯. 叫了泡菜豚肉鍋, 雜錦壽司( 兩者皆一般). 烏冬(湯底過咸). 推介只有雜錦魚生飯就有三文魚. Toro. 赤貝. 北寄貝. 甜蝦. 八爪魚同油甘魚. 蟹籽. 份量都幾足. 樣樣平均有三大件. 仲幾鮮美. 不過豆府面豉湯就唔多夠熱.

間野d 食物大致上都好難食d拉麵都未煮開咬落去仲係生ge=.=網燒牛扒d味道好奇怪花之卷睇傳單好似賣相一流但係叫左之後大失所望味道又唔係好食蕎麥麵賣得唔算平但係咬兩啖就唔想食服務態度又唔算好網主地舖果度有間日本餐廳叫花喜確實地址唔記得但係d食物好好多價錢合理服務態度好一陣搵到地址再post上黎

我老豆好鍾意食魚生，見間野不停地獄式派單宣傳，就去試試。星期六7點幾都得六七成滿左右，都心中有數...間野開左幾個月，裝修環境都算企理，不過D檯窄到死，根本行唔倒一個人入去，個侍應仲白癡，拎住一大堆碟，食食下叫我起身借過俾佢行，你無野下話?!食魚生千祈唔好貪平，間野特價$28廿幾片三文魚，咁平都無期望，同你去百佳惠康買無分別。另外叫左個魚生刺身拼盤，一百八十幾蚊，又係百佳惠康水準。總括黎講呢間野適合要價錢平，對食物水準要求不高o既人。