時代冰室 (環球工商大廈) (已結業)

兩個雞扒變左一個豬扒一個雞扒 檸茶走甜無走 沙律一兜有醬一兜無醬 同職員講翻又話搵唔到張單 比埋電話訂單號碼同落單時間都無 叫我地30分鐘落嚟攞 我25分鐘落到去 啲野微暖（我公司5分鐘路程）外賣八八折又話好忙有錯漏收左正價 食all day breakfast 上晝同下晝唔同價錢 張外賣紙得上晝個價錢又無寫清楚 外賣紙價錢不一問我地有無攞落黎換？ 邊有咁多食飯時間阿？一早食哂啦 態度又唔係好 係咪覺得啲客食完就算 一啲都唔尊重啲客人

本身諗住食其他餐廳但點知去到已經收咗，正當我哋喺度煩緊食啲咩嘅時候，男朋友突然話佢一直都未食過時代冰室，所以我哋就去咗食。🥸🥸------------------------------我哋分別嗌咗焗豬同埋雞扒蛋包飯。我個人覺得焗豬就麻麻哋，如果唔係特別想食焗豬嘅人，我覺得唔好嗌。🤓🤓------------------------------反而個雞扒蛋包飯就幾好食。雖然個蛋包飯個蛋唔係流心嗰啲蛋包飯，但個蛋都幾好味，起碼唔會食到蛋腥味。個蛋包飯再溝埋啲蕃茄汁嚟食，其實都唔錯。😙😙------------------------------但如果咁樣嘅價錢嚟講，我自己覺得可以食其他嘢，除非真係冇乜選擇而你又諗唔到食咩嘅話，都可以食吓嘅。😗😗

時代冰室喺九龍灣都係好出名嘅茶餐廳🥢 今日就嚟咗呢度食早餐 見佢早餐組合都幾多所以一於試一試佢🍜 呢個叫時代見麵餐 顧名思義就係食麵 再可以配唔同嘅麵包🥯濃沙嗲湯·沙嗲牛肉公仔麵沙嗲牛肉真係湯底好濃郁 而且牛肉唔會醃製得太過林 食落口仲有啲牛肉嘅質感🐮 公仔麵只係緊緊夠熟 唔會腍晒發晒叉燒湯麵叉燒湯麵就比較清淡 叉燒呈現半肥瘦狀態🐷 應該都唔係餐廳自家製嘅 叉燒冇甜甜嘅蜜糖味 但係如果唔想食得太喊嘅話呢個都係唔錯嘅選擇 火腿奄列 牛角包本身係嗌咗火腿奄列嘅 可惜嚟嘅時候只係炒滑蛋 咁樣都錯係有少少失望嘅🍳 牛角包可能因為唔夠熱啦 所以食落口有啲油膩香滑炒蛋 丹麥多士炒蛋來講其實幾好食嘅 裏面仲好滑添 丹麥多士呢就本身比較甜 但係唔係間間餐廳有得食所以都幾特別嘅🍞熱檸茶 熱奶茶熱奶茶來講呢間餐廳都做得幾好 嘆返杯香滑奶茶真係可以帶俾人一個精神爽利嘅早上☀️星期六朝早餐廳都係咁多人嚟食 當中有某個店員心情比較煩躁😂 但係都可以理解嘅 因為佢哋部外賣機真係不停咁響 見店員非常忙碌 所以火腿奄列嚟錯咗 我都冇特別去換😗 不過坦白講真係好想試佢個火腿奄列 因為就咁炒蛋都整得咁出色 相信火腿奄列應該

「唔好食咁貴」咁我第一時間就諗起茶記啦應該係比較食得過。不過其實而家茶餐廳都唔平，但係比起Cafe來講點都平啲茶餐廳咩都有得食，唯一唔好就係趕你走囉，想傾耐啲都唔得，又要人齊先可以入，遇着呢啲黃店就更加茶餐廳我多數都選擇食茶餐，今次都唔例外，我嘅首選沙嗲牛肉麵，不過今次改食米粉，感覺健康啲。揀咗炒滑蛋配丹麥酥。點知對丹麥酥極度失望😮‍💨佢係提子麥包嘅質地，怪怪的完全冇油酥嘅感覺！$50一個茶餐，真係好crazy （雖然有茶餐廳俾佢更貴）朋友叫咗鐵板炒烏冬，試咗兩條烏冬，好一般囉又唔熱。另一個就叫左湯飯，呢個冇試。食完就好走啦，唔好諗住坐得耐。依家啲通脹真係好利害😔

時代冰室有唔少分店，唔係第一次幫襯，唔同分店都有試過，整體上食物質素，員工服務，店舖衛生都做得幾好，算係連鎖店茶記裡top3，而且佢地餐牌好豐富好多選擇-早餐叫咗 沙嗲牛肉公仔麵配火腿奄列牛角包 + 仿鮑腿絲通粉配西煎雙蛋厚多士🍽沙嗲牛肉公仔麵配火腿奄列牛角包 $36沙嗲牛肉味道濃郁，濃得來又唔會杰撻撻，牛肉冇雪味，最欣賞就係有得配牛角包，唔係度度有-🍽仿鮑腿絲通粉配西煎雙蛋厚多士 $34通粉好多，朋友都食唔晒味道正正常常，厚多士即整，熱辣辣好味道-兩個餐埋單只係$70，已經食到飽飽

喺九龍灣做嘢，快閃諗住食個下午茶，見到哩間下午茶幾多選擇就入去試叫咗 美式炸魚配和風海苔薯條上枱已經唔得，薯條唔太熱，仲衰過m記，包海苔粉係冇味道所以個薯條唔好食，炸魚都係霉🙄火焰芝士辣肉醬熱狗一咬落條腸係霉到唔洗咬都容易撕開😑辣肉醬唔辣，個包唔熱所以芝士唔夠熔🤨好難食唔會再去……😡

凍奶茶 : 普通茶餐廳，凍奶茶通常有兩個弊病,一係就太多奶，飲落奶味好重，但非死罪，奶既香濃可以蓋過茶味不足，暪天過海一係就茶太多，奶少，飲落似涼茶。但呢間冰室犯左最低級既錯，落太多糖水，衰過麥當勞，水吧師傅要換啦。西多士 : 好厚，賣相討好，但油温及時間控制不好，表面金黃，但中間未熟，面包糊狀，餡料欠奉。薯餅 : 同一問題，炸的油温及時間控制差，沒有香脆，只有油淋淋。其實三樣食品都係下欄野，除左奶茶技術要求高，其他兩樣，稍為有用心做都不至於這樣，廚房班底需要換。非繁忙時間，下午茶時段質素都這樣，需要檢討一下。食飯好少影相，所以相片欠奉。

今晚約左朋友放工健身，當然係要食飽飽先上路，就黎到附近嘅時代冰室（大渣狗 對面）食個又抵又好味嘅晚飯。1. 蔥油無骨雞叉燒伴三眼煎蛋飯朋友點嘅切雞叉燒煎蛋飯，燒味份量比一般燒味店多少少，蜜汁叉燒、雞肉嫩滑；三為一體嘅半生熟煎蛋都好有特色，鯨吞三份蛋黃汁好滿足；白飯亦都好大份，能量滿滿嘅燒味飯！2. 板煎雞扒伴3.6牛乳滑蛋蓋飯我點嘅雞扒滑蛋飯，一個好有日式味道嘅蛋蓋飯，大塊拉麵紫菜冚喺面，雞肉上面淋有紫菜碎、沙律醬同燒肉醬，好似日式章魚燒咁，口感豐富，雞扒亦都煎得啱啱好，肉嫩有肉汁；滑蛋份量好多，可以將個飯完全覆蓋，一啖飯一啖蛋，好滿足！埋單每人60蚊免加一，而家午市閒閒地都50蚊起，呢間晚市60蚊包埋餐飲，食飽飽得黎味道又唔差，真係打工仔良心飯堂！

有事要在九龍灣處理，完成後就和親戚去食下午茶。之前和朋友在北角的時代冰室食過一次下午茶，覺得不錯，這次就和親戚試試九龍灣分店吧！星期日的下午3時多，店內滿座，我們很幸運的好快獲安排座位～～由於我不太餓，簡單的點了份三式厚多士配熱奶茶。三式厚多士集齊花生醬﹑牛油和煉奶於一身，多士香脆，醬料不會過甜。最欣賞的是將多士切成1/4的大小，方便食用，醬料不會沾滿手～～～熱奶茶的質素OK，茶底不澀，順口，奶與茶的比例恰好，沒有偏重。5cm兩層巴士厚西多士，西多好厚身，面層的牛油又夠大塊！！西多炸得金黃，厚身得來又夠鬆軟，帶淡淡蛋香，中間搽了層花生醬，增添香氣及滋味程度！！厚切蛋治配王牌生炸雞髀，蛋治所用的三文治麵包夠鬆軟，炒蛋都算嫩。炸髀大隻，外皮香脆，內裡的肉質不會太乾身，帶些少肉汁～～揚洲炒飯，用料豐富，炒得夠香，好香蛋味！叉燒粒幾大粒，份量恰好，蝦仁雖不多，但都大隻爽口！揚洲炒飯夠大堆頭，是飽肚之選～～不過，這項不是下午茶餐牌所提供的，只是親戚太肚餓而要吃飯。我們所點的4份餐，大家都覺滿意～～價錢亦屬合理水平啊！

板煎雞扒茄湯手工麵伴3.6牛乳炒蛋 $53板煎雞扒🥩份量十足有成兩大塊啖啖肉😋連皮煎肉質正常👌🏻唔會鞋口但稱不上鮮嫩味道方面醃得頗入味👅鹹淡得宜手工麵🍜粗身既刀削麵麵質煙韌、有嚼勁😻麵條軟滑易入口唔錯👍🏻茄湯🥫配料豐富有幾舊蕃茄🍅、薯仔粒🥔同紅蘿蔔粒🥕但湯底味道偏甜🍯蕃茄既酸味🍋唔突出有少少人工既感覺只屬普通🤭3.6牛乳炒蛋🍳炒得幾靚🤩無浸湯既部份仲保留到蛋汁口感嫩滑😇奶香🍼同牛油味🧈都幾突出係頗出色既茶記炒蛋✅整體而言，食物質素屬中上👏🏻食物份量大方餸仲多過麵🤣食完要捧住個肚走性價比高💰係乾淨企理、食物唔油膩既茶記而且食物款式較新派💕可以一試👼🏻

平時都成日去時代食飯，有次見到餐牌有個好特別既選擇，所以今次專登黎high tea。今次點既叫「時代High Tea層層疊」($88) ，唔只酒店有得high tea，時代冰室都係用三層架上菜嫁！頂層係黑糖水果雪山一口西多，中層係三式腸配雞翼，底層就係炒蛋、薯餅同沙律菜，跟餐會送一壺花茶同一杯熱飲，凍飲加$3。頂層既西多係5cm兩層巴士厚西多士，顧名思義，佢真係超！厚！仲有菠蘿、桃同藍莓，就甘食就有少少淡，要蘸多啲黑糖先得。中層既係三式腸同雞翼就無咩特別，同埋唔太熱。反而應該係底層既薯餅好炸得好好，外脆內軟，炒蛋就都係甘滑甘香，最後收尾食番啲fresh 沙律菜同車厘茄清新下。跟餐嘅花茶唔太濃，我覺得配奶茶咖啡開心啲！總括嚟講，有三層high tea又食到港味既西多雞翼係好有新鮮感既體驗，仲要只要$88，好抵試！

估佢唔到 工廠區原來有咁靚仔既冰室，滿載濃厚既懷舊氣息，冰室入面四圍都係80年代既電影海報🤓 你又認得幾多套呢？🔺食物👉🏻全日歐陸早餐$55炸魚柳勁大件之外 仲炸得好脆口入面仲熱辣辣🔥仲配埋薯餅、丹麥多士、滑溜溜既炒蛋😍食到個肚捧住走👉🏻公司三文治$41 一上枱就知道應該食唔哂配料勁足 仲加左6蚊升級要埋薯餅薯餅真心好食😍😍 讚🔺飲品👉🏻青蘋果綠茶 $8 跟餐轉可免則免 😂 係加左糖漿既螢光綠色既茶自私評分：🟡🟡🟡🟡⚪️自私評論：食物質量超哂班，以呢個價錢，有呢個質素都算唔錯👍 重點佢除左下午茶都好野揀，有啲雪糕西多士😍 下次可以試埋✨

忙碌的一天 嚟個快、貴、正 late lunch 茶餐廳 當然走唔甩😅1400 開始有 下午茶最快當然係常餐類😅😅瑞士雞全翼撈麵 $40+$8 仲可以升級有埋 牛角包🥐 火腿奄列 以前食過咁多間茶餐廳 冇幾多間啲 #瑞士雞翼 真係用 #瑞士汁 整通常整煮雞翼再淋瑞士汁上面 不過 時代冰室 就絕對唔係咁hea 所以雞翼好入味😋😋雖然係下午茶 但都有成兩隻架～💛份量冇減價減料架😉=====================Pls follow🙇🏻‍♀️

今日過開嚟九龍灣呢邊做嘢，早餐一於試吓深受九龍灣工廠區打工仔喜愛嘅時代冰室🥰打開個餐牌，見到都幾多選擇，一時間都花多眼亂🤣諗住一陣唔係咁晏食lunch，廢事食麵餐太飽，於是嗌咗可以自由配搭嘅自選西式($33)，分别揀咗丹麥多士+炒蛋+餐肉+黑松露炒雜菇😋食物方面，對於普通冰室早餐嘅要求當然唔能夠太高🤣不過全部食物嘅水準都係正常以上，丹麥多士口感酥脆，不過就略嫌唔夠牛油香～炒蛋都算炒得幾滑，而且份量好多，起碼係大字頭快餐店嘅兩倍大🤣餐肉雖然唔係厚切，口感唔算豐富，但都煎得幾香脆😋而黑松露炒雜菇聞落同食落都好香🤤呢個好食～而跟餐嘅熱奶茶都係正常水準，入口冇唔靚嘅茶底嘅苦澀味～而家天氣涼涼哋就唔洗加$3轉凍飲🤣蕭生嘅時代冰室係間唔錯嘅冰室，性價比幾高😆過開嚟呢邊可以試吓，佢仲有幾間分店添～

💛講到鐵板飯 通常都認起Pepper Lunch 不過 #時代冰室 都有 #蔥燒肥牛鐵板飯 下午茶時段 14:00-18:00 只係$48 仲要包熱飲😉由於鐵板關係 上菜會耐啲啲 around 5-10 mins 不過真係好惹味😱 佢地同樣都好似Pepper Lunch 咁會上枱時有紙圈圍著 以免被油煙彈親食物方而，肥牛就如相見到 係一般買到嘅美國肥牛份量唔算好多 圍咗一個圈個飯除咗有蔥花 仲有粟米粒 同好多胡椒、黑椒加上佢個燒汁 所以食落好惹味 不過有粟米中和返冇咁膩但係呢。。。食到見底 見到個鐵板 見到冇啲油感覺就有點heavy 😅都係果句啦。。。食茶餐廳都唔會預好healthy 架啦😅😅=====================#黃色經濟圈 #yellowkowloonbay #yellow九龍灣 #hker #hongkongfood #香港加油 #食好西😋 #互推互追互讚 #nofilter