時代冰室 (環球工商大廈) (已結業)

九龍灣工業區的冰室/茶記越開越多，今次晚飯時段到訪常悅道的時代冰室，平日7點左右，竟然算是滿座，人流不斷。 餐廳環境裝修特別，是新式的冰室類型，光度充足，座位算是闊落，牆上有不少主題式設計，例如不同年代的電影劇照。 晚餐方面，點了有名的 "蔥油厚切豬扒伴三眼煎蛋飯"。上菜時，賣相不錯， 味道方面，蔥油分量適中，混合白飯進食，食完口感不會肥膩多油。厚切豬扒果然是靚豬扒的口味，厚身有咬口又肉質鬆化，煎得生熟剛好，是茶餐廳少見的。總結，蔥油厚切豬扒伴三眼煎蛋飯是不錯，用餐經驗不錯。

由本港傳奇傳媒人蕭若元先生營運的連鎖茶餐廳，蕭生由新聞主播起步🧑‍💼曾跨足影視、建材、纖體、電台等不同生意，現在主力超市和餐廳生意，亦是火紅火紅的。 .這間餐廳以電影為主題📽店內展示著不少懷舊港產片海報，全部也是有蕭生的參與，很多也是耳熟能詳的電影。整家店主要色調是綠色，海報旁有彩色燈泡，呈現老香港的風光🟢 打開餐牌，發現餐廳也像老闆一樣八足咁多爪，由台式滷肉到日式拉麵也有🍜不過當然是冰室主要的港式風味為重心。 🥩蔥油厚切豬扒配叉燒炒蛋飯 8/10厚切豬扒是時代冰室的代表作，每塊豬扒的份量十足，差不多一隻手掌的大小，煎香後有點脆身，沒有焦位，上面灑上蔥油提味去膩，咬落肉質結實。叉燒炒蛋煎得金黃亮麗，比較像是蛋包飯的煎法，叉燒切得比較瘦和細條，配上特製醬油很適合撈飯。 🍛鴛鴦焗飯 8/10鮮茄豬扒配上忌廉雞扒真是絕配，酸甜的的茄醬加上濃郁香滑的忌廉汁，還加少少芝士鹹香，已經切好一塊塊很方便。

今朝接近十一點黎左呢度食早餐，選擇幾多有平有貴，我叫左個芫茜鮮牛米粉扣底配煎雙蛋(全熟)同丹麥多士飲熱檸蜜～米粉好快嚟到，口感爽口都ok，湯底味道普通，但重味精食完幾口渴～芫茜份量好少，鮮牛肉唔滑仲幾韌，真心麻麻。。。明明轉左全熟蛋，果個時段已經唔多客都俾左半熟蛋我👎👎丹麥多士上檯時微暖，但唔夠濃牛油香味而且無層次，我覺得絕對稱唔上係“丹麥多士”，只係非常普通既多士。。。原本對呢間黃店幾抱有期望，但真心失望囉🙁😖😞

這個常悅道、宏開道路口挺有意思，被黃店攻陷，四個角有三邊都是 ...它的炒粉麵碟、頭飯一向都做得不錯，今午點了一個較麻甩的“沙爹牛肉炒河”。上菜蠻快的，端上來時第一時間撩起幾條河粉“ 檢查”一下，唉，有點失望，河粉沒有炒過 ... 就是沒了這個瞬間煸炒的處理，河粉少了幾分鑊氣，有點失色，也必需要自行把河粉與牛肉攪拌均勻，方可進食。 但確實，沙爹牛肉的味道是不錯的，還有紅、黃、綠的素菜放於其中，賣相總算有點心思！

我喺附近返工既,睇住佢開張,由一間,再租埋隔離果間,打通,每日門口依然係一堆人等位.今日幸好避過左最繁忙既一點鐘食lunch時間,1400,唔駛等,就入去其求食D野啦.選擇都唔少! 花多眼亂,諗住揀佢既 --->王牌 生炸脾<--- 應該穩陣啦,點知原來個伏中到應一應.首先加6蚊碗(細)栗米火腿通粉都真係好迷你,好袖珍下.OK既,有蛋治&生炸脾搭夠麻.侍應姐姐一擺低,睇到碟野既賣相都心知不妙架喇,一食落口......凍冰冰既喂?! 炸到乾曬,又唔熱,咩料?!真心好難食  但我都有將佢格硬食曬落肚,因為肚餓  所以真係純粹填飽個肚. 無陰公! 蛋治普普通通啦,服務都唔好有任何期望.希望間餐廳負責人可以諗清楚,王牌既定義係咩啦,如果咁既質素既生炸脾都可以稱之為"王牌"既話,我諗我真係去食麥當勞炸雞翼都冇咁嬲 

今日去九龍灣Mega Box途中想食個tea,見到間時代冰室門面好似幾新凈就入去試下。進入冰室就被眼前的懷舊設計吸引住，有很多電影劇照，另外有一邊像以前戲院的宣傳燈箱，環境氣氛唔錯。餐牌上食物款式也很多，最開心是下午茶餐款式也多，有麵餐，有飯餐等等。不是整天食的西多士，通粉類。我叫了炸雞脾沙拉和厚砌豬排漢堡包。豬排真係好厚好大塊，不過除此外略嫌味道很淡，雞脾內裏有點凍像翻炸但見別人叫了飯餐又好似幾靚仔

中規中矩，炸嘢太乾,茶記衛生水平最好係滑蛋👍👍薯餅都脆牛角包冇烘熱，👎👎煎雞扒，其實係炸既又乾又柴+茶記都係個茄通最好食05蚊雞係咁上下size沙律唔記得走醬個廚房阿姐攞條毛巾抹走啲菜條毛巾唔知抹過啲乜🤮🤮🤮都可以照攞黎抹碟，佢地水平係咁上下茶記就係茶記，太乾淨就冇茶記既味道🤣🤣😂😂所以碟底啲菜我冇食凍咖啡走甜，正常見到啲飯都幾靚仔下次正正經經食飯算喇😅😂😂返食指數：

話說今日返工我又早左出去食飯，咁岩行過呢間時代冰室，咁岩又冇乜人排隊，咁我就入左去啦。時代冰室一直都係我會去既地方，但係佢真係太多人食啦，12點左右就已經排左條長長既人龍，你知啦，而家天氣咁熱都唔會想排隊，所以次次去見到咁長條隊都唔會過去食，所以今日咁岩冇人我就點都要去一去架啦。咁我就叫左個海南雞飯，個飯好快就上到黎，油飯夠香，海南雞夠滑，加上又唔會好肥，值得俾70分，但係美中不足既係佢冇配到酸菜，因為海南雞飯個酸菜都係重點，所以扣左分。

其實我唔係第一次黎時代冰室度食飯，雖然佢個地點唔算好方便，但價格方面真係好抵食，選擇亦都比較多除咗有一般茶餐廳嘅食物之外，仲有好多比較特別嘅嘢，例如黑松露炒蛋多士我冇特別影到餐廳嘅環境，但以茶餐廳來講算坐得比較闊落，同埋有好多舊戲院海報嘅懷舊設計，都坐得好舒服歐式早餐同其他茶餐廳啲常餐有啲唔同，套餐包左牛角包、薯餅、同腸仔，一個人食都幾夠飽，如果唔要雞扒可以揀豬扒或者炸魚咁嘅價錢咁嘅質素，喺九龍灣來講算唔錯！

厚切豬扒配司華力腸 （配白飯/意粉/薯角）睇個餐牌其實就覺得份量似唔算好大 點知一上到枱 份量十足 就算唔配飯/麵 都覺得份量非常足夠 慶幸自己簡咗薯角做配菜😛😛鐵板燒嘅聲音真係好好睇 聽到都流晒口水😚其實一開頭都預咗佢嘅豬扒會‘鞋’因為佢有一定嘅厚 大概都有成2cm 所以煎嘅時間相對耐啲 而且佢係豬扒 一定要全熟 但無諗過佢啲肉質仲係keep到偏鬆軟 要知道鐵板嘅熱力會再加熟啲 以茶餐廳質素嚟講 真係幾唔錯👍🏻今次要咗蒜蓉汁 就覺得唔夠香蒜蓉味 但其實個豬扒就咁食都唔錯 而薯角佢係另上 總共有5大嚿 每嚿都炸得好香口 😋

行過肚餓就食個下午茶餐....賣相不錯....環境裝修已電影為主題，有多張劇照。電視是播ＶＩＵ的，好多人邊食邊睇，律律樂道。沙嗲牛麵加ＯＫ，但個牛角包太過油，早知就要多士唔要牛角包。

去完Megabox回程途中，見到這家時代冰室，朋友話它出品的西多好好食，所以心癮起了，立即入去食返件。這家冰室的設計著實有點港式味道，店內有很多經典的明星海報。西多都有幾款，但我地揀了最簡單的那款試下其真味。這裏的侍應姐姐很好人，提議我們食下午茶，但發現原來下午茶時間剛過，所以並無跟餐。西多等的時間不算耐，新鮮一份很夠厚，而且熱辣辣，賣相吸引。切開入面，中間塗了花生醬，加埋蜜糖、將牛油溶掉，味道十分不錯。一件$27蚊的價錢，不算貴，而且味道也不差，雖没有朋友講到咁驚為天人，但都值得一食。

唔知有無人好似我咁 一個月總有一兩日好想食茶記😅😅 之前經過九龍灣見人唔多 就啦啦聲攞位試試佢🤓🤓🤓蔥油厚切豬扒伴三眼煎蛋飯🍳🍳🍳一上枱見到個三隻蛋發緊光咁🤤🤤🤤個飯有淋上豉油汁再加上面頭一堆蔥油完全唔會過咸 加埋蛋汁撈飯食 OMG🤤🤤佢塊豬扒都大大塊 夠入味亦唔會乾過紙皮👍🏻呢到整體份量都偏大 價錢亦合理食完飽到上心口 跟餐飲品都正正常常🤗睇佢其他野食都好吸引 😻😻😻呢間可以翻兜

今日lunch又黎時代冰室食🤣好彩早dd 唔係既話要排好長龍架！上次睇餐牌見倒太多選擇好難揀好有衝動試曬咁多樣🤣今次揀左朋友推介既口水雞~一個盤曬有飯 口水雞 列堂 伴菜仔飯係油飯 好香 唔會太油太漏 剛剛好 好中意個飯口水雞勁大份 好多件 件件上面都有醬料仲有兩大條小棠菜越食越麻 但唔會辣到食唔倒 好正~！列湯都好大碗~ 食飯覺得乾乾地 可以飲啖湯繼續食仲有跌伴菜仔 有幾片青瓜同泡菜一個餐 咩都有得食既感覺 好豐富好滿足！餐飲就要左熱奶茶 都好香茶味架☕️

厚切鮮茄豬排芝士焗飯($58)可以拉絲呀😍😍😍😍😍豬排唔算好厚，但都算係厚切嘅。茄汁唔係好酸，Good🤪焗豬嘅飯底好重要，呢度炒到乾身，再嗦返嘅汁，正👍可能因為芝士嘅關係，平時大食嘅我，每次都只係食到一半就飽，就打包剩餘嘅一半。蔥油厚切豬扒伴三眼煎蛋飯($60)三眼蛋係三隻太陽蛋，蓋喺白飯上面，又要浪下浪下，又唔可以穿，其實都唔容易架。食左三隻蛋加埋大大塊厚切豬扒，蔥油，甜豉油，真係絕配，好滿足。蔥油自家叉燒伴三眼煎蛋飯($60)當豬扒換成叉燒，感覺冇咁熱氣，不過就略甜，因為叉燒都係甜甜地，賣相當然冇厚切豬扒咁震撼，不過都係好食嘅。午餐可以叫店員附送例湯