時代豆業

營業中

休息中

成日經過時代見呢間賣懷舊糕點既店咁多人排隊搞到次次都經過無買，今次唔可以再錯失了，因為難得下午15:00人唔太多。香港人一貫快既作風，同店員講要2件白糖糕(HKD 15/ 2 PCS), 一條芝麻捲(HKD 13), 同埋兩個多紅豆既砵仔糕(HKD 15/ 2 PCS)。唔洗1分鐘已經快手快腳入曬盒。*味道方面: 白糖糕:別看那雪白平凡的外表，卻有著獨特的口感，令人一試難忘。一件好的白糖糕，吃進口裡還有一種清甜芳香，即使吃完一件又一件也不會膩，而且沒有一陣酸酸的味。芝麻卷:的主要成份係黑芝麻，黑芝麻有滋補﹑烏髮﹑通便等功效。用黑芝麻來做甜品，聽老人家說經常食用對身體有益。呢間的芝麻卷沒有粉粒所以會很幼滑。吾錯!砵仔糕:望圖都知多紅豆，香軟Q韌，加上綿綿的紅豆，陣陣黃糖香，非常美味！總結: 價錢唔貴而且味道好味，值得一試。

軟綿綿 大大件口感一流價錢見人見智但全部都是懷舊風味芝麻卷 糯米糍 香蕉糕 茶果 泰式千層糕 .... 樣樣都係我至愛但未至於令到我會再買的衝動價錢 有1件價錢，倆件便d，三件再便d 選擇大部份都可以夾埋一齊買三件$18確實吸引芒果糯米糍和芝麻卷就只有一件件買，無配搭

經過銅鑼灣鵝頸橋就會見到間買糕點嘅小店每次經過都有人排緊隊買，搞到我成日心思思係咪真係咁好食琴晚食完飯終於無乜人，吾洗排隊就買到全部糕點都係$7/1 $14/2 $17/3姐係買兩個係無平，所以買左六個鍾情於花生糯米糍嘅我一下子揀左三個但實際係令人失望，說好的花生餡只是大量糖同少許芝麻花生，花生味一啲都唔突出！香氣不足，內餡無乜口感，我比較鍾意食到花生碎粒嘅糯米糍值得一讚係糯米皮好軟屬又帶點煙韌，可能其他口味會更出色黑蚊蚊的雞屎藤，依家都好少地方有賣喇我印象中雞屎藤係有餡架，但呢個原來係無餡滿心期待嘅我有點失望但食落陣陣的草青味，帶有回甘嘅味道又幾正整體味道唔太甜，又有點清香！有啲覺得自己食緊艾草大福出面層皮不過口感更煙韌同有嚼勁我即買即食無蒸返熱食，蒸熱左口感應該軟糯啲呢個反而比較特別，值得推薦！

呢間中式甜品糕店，我經常都有去光顧，但係我以前買自己喜歡的糕點作下午茶，尤其周日，下午開杯中國茶，吃黃糖有豆砵仔糕及我的摯愛白糖糕，是一件賞心樂事。今日去九龍開晚間會議，諗唔到買什麼去開會吃，就想到這店，於是買了眉豆糕、馬蹄糕、紅豆糕、芝麻卷（菲林）、桂花糕等，及各式各樣茶果，尤其吸引我的是黑色一團團的馬屎𥸎茶果，據說有清熱解毒的功能，都市人有邊個冇濕熱吖，就即管試吓，好彩不是太苦澀，而且還帶少少甜，不太難食的。同事個個讚不絕口！

第一次食！係老公同我去銅鑼灣行街食飯經過時！老公話呢間糕點好耐架啦！糕點都好好食！所以就買左第一次試！真係覺得唔錯！所以心思思一直都想再來幫襯！下午同媽咪係北角食完午餐⋯⋯⋯過黎銅鑼灣行街！不過今日真係天氣差小小！中途一直落雨！時大時細！搞到好唔方便！但臨回家前！點都要黎一次買！今次買無咩人排隊！對上一次款式少之如仲多人排隊！可能夜啦！都俾人買哂！今次款式好多！但我都係照點左自己最想食既野1.黑芝麻糯米糍「一d都唔會過甜！好好味！」2.雞士藤茶果「以前媽咪買過俾我食就有其他餡料係入面既！好好食！今次呢間買！原來係無餡料的！有小小失望！但唔會過甜！可以啦！」3.杞子桂花糕「都係唔錯！唔太甜」

係銅鑼灣食完野又想食少少甜點點算？可以試下呢間中式糕點店！呢間位於銅鑼灣鵝頸橋附近，糕品嘅種類都幾多咖！呢間店好細，賣嘅嘢一個櫥窗睇到曬！砵仔糕、紅豆糕、西米糕、白糖糕....應有盡有。大部分都係15蚊3件！今次買咗茶果、白糖糕同埋雞士藤。雞士藤大家應該好少見到，雞士藤又名雞屎藤，係用藥用價值咖，可以解毒祛風！食落去煙煙韌韌，有少少草味，可惜冇餡！白糖糕比較薄，甜甜地冇酸味！但白糖糕係冇包裝包住，如果買埋其他糕點，糕會直接掂住其他糕點嘅包裝，感覺上冇甘衛生。茶果係三個糕點入面做得最出色嘅，一來甜度岩岩好，二來餡料適中不會太膩，三來同馬士藤一樣都係煙煙韌韌！唔錯！整體而言，食物味道都中上，但每次光顧，店員都比較冷漠，比錢個都沒有幾乎交流，服務態度有待改善。

平時都好鍾意食芝麻卷，我幾時經過呢度都見到要排隊，今次經過見冇乜人所以就直接買咗。我一個人就食咗1分芝麻卷同埋芒果糯米糍。芝麻卷比我秒速食晒所以冇影到相。份量亦都非常足夠所以，眼大肚窄我已經食唔落芒果糯米糍。返到屋企食佢芒果糯米糍，有啲失望嘅係佢嘅芒果比較少，出邊平時食開嘅芒果糯米糍會有一大條芒果。佢就切開一粒粒但係分量就唔多，真係比較可惜，外皮都唔錯但係都好厚，所以我覺得一定要有足夠份量嘅芒果放落口先夠滋味。去呢度食會建議食芝麻卷，芒果糯米糍都係去返啲專賣店比較好。

一間位於銅鑼灣時代廣場後面, 對住鵝頸橋巴士站的中國傳統糕餅店, 款色多, 而且價錢實惠, 門口永遠不會沒有客人排隊等待購買的 -- 時代豆業.因為家住香港, 一向喜愛到銅鑼灣逛街的我, 每次臨回家前, 必定在此走一轉, 見不太多人的時候,一定買幾款回家與家人共享.而每款 $15 /3件, 可分開買, 亦可一次過3件.到夏天更多客人喜歡購買他們的自製蒠米水等.紅豆燒餅 $ 5皮薄, 軟韌剛好, 餡料量適中, 紅豆蓉不會太甜.紅豆西米糕 $5奶黃西米糕 $5每次必買之選, 因為除他們每件產品都會個別包裝, 衛生,令人食得安心外,他們的西米糕做得比外間其他普遍店舖的西米糕,特別晶瑩剔透, 口感軟棉棉, 而且平均, 不會食食下, 有一,兩啖突然咬到西米未熟, 或放得太耐,糕品變硬的情況.另外, 餡料中間不多,不少, 亦是甜味剛好.紅豆黃糖砵仔糕 $5這個是比較以上兩款產品是口感實了一些,但亦有家人喜歡, 所以都會買來給他們.最後, 他們還有香蕉糕, 芝麻糕, 花生酥,椰絲糯米糍, 眉豆............

近呢幾年都喜歡食懷舊野，而係銅鑼灣呢一間時代豆業，絕對係舊式糕點界既表表者，其實呢一間已經食過好多次，每一次都係咁好食保持到水準。佢有好多款懷舊唔同嘅糕點。今次我就叫咗3種唔同嘅糕點泰式糕，超級香，每一次都要嗌黎食佢嗰種好煙韌，同麻糬冇得比如果有10個讚我會比11個。菊花糕，好清香，呢個絕對有驚喜可能個人比較唔好太甜，佢呢個填塗，再加埋菊花嘅香味，絕對值得可以一試紅棗糕，雖然略甜，但係都好香紅棗味其實佢仲有個芝麻卷，因為食得太多，所以要食其他

買左幾件試，好失望，未食過咁難食既糕點泰式千層糕口感一般，有苦味，桂花糕好硬！一啲都唔黏韌，糯米糍好軟，軟到一pat野咁，毫無口感，外層唔掂之餘，入面啲料仲難食，芝麻果隻啲芝麻好似沙石咁，又有燶味，苦苦地，奶皇就好似臭蛋，入口即要吐返出離，雞屎藤相比以上既野比較正常伏到離譜，唔會再去買

傳統糕點買少見少，今日行過同同事買左3件黎試($15/3件)要左芝麻糕，砵仔糕同千層糕！其實真係好少食呢d野個芝麻糕都幾有芝麻味，唔會好淡咁，比較硬身千層糕就比較有彈性，好似泰國個隻三角形綠色野食(希望有人明我講乜)，比較鐘意呢款砵仔糕就比較實，而且味道唔係好夠，有少少失望既不過我地買完之後有一班人黎買，係唔係我地揀左d無咁正個d呢

買了兩個砵仔糕同馬蹄糕兩個不同的顏色但是我並沒有吃太出有什麼差別然後吃進去的時候有點粉的感覺 不太喜歡不過紅豆很多然後馬蹄糕的馬蹄有點少 嚼勁是挺好的味道有點淡對於我來說 如果馬蹄多點那就好咯

以前細個好鐘意食傳統糕點。。。不過今時今日要買黎食已經好難找到！每次經過銅鑼灣。。。都會黎呢間糕餅店買幾件黎食回味一下白糖糕係我兒時最愛的一款糕點呢間賣的白糖糕好鬆軟！沒有酸味砵仔糕就實左少少，略嫌唔夠煙韌仲試左支無糖杞子薏米水，貪佢無糖無添加都好足料！

突然好想食中式甜點$15／3件選擇都幾多。諗左陣先決定到食咩好！豆莎卷 - 即係香蕉糕包住紅豆蓉。呢款我一般😅食左少少就無食芝麻糯米滋 - 都幾多芝麻，個包可以再q 啲會更好！泰式千層糕 - 唔太甜，幾q! 三款之中最like呢款

香港租金貴係人都知，有幾多小店因為咁而捱唔住呢間係銅鑼灣多年既懷舊糕點小店，多年黎都一直支持住，直至而家都係用合理價錢去賣，當然要支持支持下啦糕點款式多係賣點，大部份都係六蚊一件，十五蚊三件，次次都令人揀唔落手，因為件件都想食砵仔糕係永遠既首選！呢到砵仔糕好大件，平時可能食十蚊三件平啲，但呢到一定夠哂大件，雖然睇落唔靚仔，但味道絕對係好，紅豆份量多不在話下，甜度適中淡淡香，口感係既有點點黏牙但又有半點彈牙，即使咁大件但都一啲漏既感覺都無綠豆咸茶果，次次黎都叫茶果，不過今次個茶果有少少失準，個茶果皮太黏，係黏到痴住手，食落有啲狠狽而且綠豆饀既綠豆量比較少，整體黎講亦調味過咸，記得之前黎食眉豆係好味啲另外食左呢個西米糕，有五種味揀，試左香芋味，其實第一次食呢種西米糕，相比另外兩件糕呢個細好多！但味道都令人滿意喎！相比另外兩款較黏性同漏啲既糕點，呢個唔係用糯米粉整會無咁漏，同埋偏向彈牙同埋涷涷地幾清新，香芋饀有啲甜但又唔會太過份，整體同個西米皮都幾夾！！不過個皮咁紫色唔知係咪人造色素呢十五蚊試哂三件，滿意！！