時代豆業

營業中

休息中

9 August 2006 (Wed) - 小吃好好友請我食咗兩件小點，一件係砵仔糕，另一件係雲片糕！砵仔糕我一向都喜愛，所以覺得都唔錯，但係雲片糕我就第一次食，真係不得了，我諗我唔會再食，因為真係太甜．．．佢個樣好似件三文治，但係入面既應該係糖，出面白色既我就唔知係咩．．．但真係太甜．．．我只係食咗兩啖，已經唔想再食．．．

我自己對中式糕點就不大興趣, 不過我亞媽就比較喜歡.見此店有雞屎藤買, 咁我就買d糕點回來一起食.我就無食件雞屎藤啦..見到成件野都黑色就無興趣...試左件紅豆西米糕...都無咩紅豆餡又食唔出有西米在內..味道一般..只係唔會太甜啦.

今晚行過見到有雲片糕($5/2pcs),即刻諗起細個好鐘意食..不過而家已經好少見..就買左2件黎食^^點知呢隻原來同細個食果隻完全唔同..細個食果隻係直情可以一片片咁meet出黎食的..而且帶著甜甜地既香蕉油味..但今次呢種...只係一舊粘米粉造既糕..夾住一d好似糯米糖既物體..而家好淡..只有少少香蕉油味..食完好失望啊不過之前飲過呢度既豆漿..好好飲..好有豆味,而且仲好抵飲!!個笑面係俾豆漿既

今次試左黑芝麻糕($5/2件), 幾香芝麻味, 但如果有芝麻粒粒會更好.糯米糍依然皮較厚, 不過都幾大粒.

行過見到糯米糍, 雙眼發光又買嚟試試, 二粒豆沙二粒花生, 外皮鋪滿粉, 食時會弄到滿嘴邊都係, 都很軟豆沙不太甜, 但分量偏少兼不太香, 花生餡反而幾咸香, 仲幾多tim

今日已經係第N次幫襯(屯門店)，都係買我0既心頭好--鬆糕!!不過，勁過份!!!!!話說佢賣$3一件糕，而$5可以有2件。Lunch time0既時候，我就揀左2件鬆糕。佢一底糕擺係個玻璃櫃入面，其中有2件係散放係底糕0既面。我見2件之中，每件size都幾大，咪同個店員話要。點知個店員係黑起面，目無表情快快手夾左2件細，放係我面前。我以為佢唔明我要邊2件，咪同佢講清楚，佢就即刻話:「無得揀架喎，我地係順序夾架。0甘你要唔要鴉?」佢都已經入左落袋，我咪話要囉。~_~真係火都黎埋，你講順序咪算。駛唔駛加埋「0甘你要唔要鴉?」雖然只係一件好平0既鬆糕；但同你買野係唔係要受你氣先??公道一d，佢0既糕岩我口味，係好食；不過因為佢0既態度，我唔會再幫襯!!!如果下面有0分服務分，我唔會比1分~~

其實我幫襯開0既鋪頭係位於屯門0既時代豆業。貪佢$5就可以買到2件糕點嘛!!尤其係我至愛0既鬆糕。夾埋$5件頭都幾大架，咖哩黃，鬆軟，如果熱食仲正。最近比我發現左一樣野，唔知佢製0既時候加左d咩野，入口0既時候好似有一陣酒香味(定係發酵味?)，所以而家lunch，幫襯佢變左我0既指定動作。 至於佢0既其他糕，我都有試過。砵仔糕水準就一般，無驚喜，豆都唔算多。紅豆糕同眉豆糕唔係太好食(我個人認為)，因為唔中意佢加魚膠粉(真係無得傾，深水0既糕真係正d)。白糖糕太甜，口感都幾好，幾彈牙。茶果就...我欣賞豆沙蓉，不過size就細個d；如果係花生餡，我就覺得似花生醬，唔太buy，事關都幾肥。佢整0既喜板，唔知係咪無係包裝紙上掃油，癡住晒，「起皮」時搞到爛晒，呢樣唔得，食得唔方便。 都同意之前0個位人兄講，間野d衛生都有待改善，我都見過d 烏蠅係d糕度盤旋。尤其而家呢間野加開左張檯，搵過Indian番黎轉薄餅，d衛生真係要搞好d。佢呢條橋都幾駛得，真係有好多人幫襯，$10一件，都幾油膩，我有d男同事幫襯過，一次過買2件，食完想飽死喎~~(Ha, 食完好上路?)

其實時代d糕都唔係特別好食,都係一般,只不過有時放工去搭巴士時肚餓,又想食少少野,咪去買2件糕食下囉. 不過多次都要睇個賣糕小姐的面色,真係討厭,其實唔單止我一個係咁,我d同事都係咁講,"-好似好叻咁,-懶係好多人幫襯咁,-唔憂做咁". 行到埋去,就要即刻講要乜,睇下先知架,仲要黑口黑面,永冇笑容,最唔高興的事就係~~我朋友很喜歡食白糖糕,但就唔食邊位,買糕前已同佢講唔要邊位,佢仲要袋d邊位糕比你,問你激唔激氣呀,再同佢講唔要邊位,佢仲黑晒口面咁講"冇得簡,要唔要呀",最多咪唔要,都唔知點解佢咁態度,搞度自己心情都差埋.服務嗰度我比0分!

年廿九去聖安娜買年糕點知全部賣晒, 所以走左去呢度買, 皆因平日見佢d糕點都好好食, $35一個年糕, 以佢無咩牌子來講都唔算平, 不過見佢好軟熟同埋都好似幾得, 所以買左啦佢個染色唔係太紅, 味又唔會太甜, 最正就係真係好軟熟, 味道真係唔錯喎!!! 正^^

$5 一杯, 都幾平, 因為個size 唔細~我expect d 紅豆會得好少啦, 點知又唔係wor, 都有成1/4 啦, 而且仲好淋tim!! 不過就ok 甜啦, 可以淡d d, overall 都好飲得過!

晚上經過咪叫左杯豆漿加珍珠飲下...可惜d珍珠又無口感豆漿又無豆味完全唔掂..佢地有其他甜品糕點都唔敢試.

最近一次買... 是晚上七時...少有地..還有紅豆糕...五元兩件...很便宜..可惜...有酸味...心寒起來...掉進垃圾桶...too bad!!!

試了幾次時代豆業的食物，大至上都不錯：豆腐花—很香豆味，夠滑。白糖糕—只是一般，欠缺了舊式白糖糕的那種微酸的味道。花生糯米磁—值得一讚，皮薄，很多花生及椰絲，軟林林，又唔黐牙。咸肉稯—味道不錯，可惜咸蛋黃只得手指尾指甲般大，好寒酸。有機會試埋其他的糕點

7點幾放工無lala 糕癮發, 諗起次次經過銅鑼灣都冇試過既糕點,就由灣仔行左落去幫襯下~~試左5件糕:白糖糕:我好鍾意食既糕品,但買少見少, 可惜呢間都係酸左d綠茶糕:綠白相間的, 第一口有一陣很淡很淡的綠荼味,不過真的很淡,可以說整件都冇味,面層有點硬,但中層口感可以. 原本是想買綠茶卷的,不過賣哂,可能會好吃點呢~紅豆糕/綠豆糕:兩樣都很多豆,不錯,不過吃罷會覺得很飽滯呢!芝麻糕:有很香的芝麻味,好吃,個人最喜歡這件

之前食過好好味, 無食過2個月到,差左...紅豆糕本係我至愛,但係而家覺得麻麻,綠荼糕就都係咁,唔錯,馬蹄糕就真係差左好多,無味道,一d甜味都無...唯讀係芝麻糕好正,好香同埋甜度適中,唔錯...