時代豆業

營業中

休息中

平時都好鍾意食芝麻卷，我幾時經過呢度都見到要排隊，今次經過見冇乜人所以就直接買咗。我一個人就食咗1分芝麻卷同埋芒果糯米糍。芝麻卷比我秒速食晒所以冇影到相。份量亦都非常足夠所以，眼大肚窄我已經食唔落芒果糯米糍。返到屋企食佢芒果糯米糍，有啲失望嘅係佢嘅芒果比較少，出邊平時食開嘅芒果糯米糍會有一大條芒果。佢就切開一粒粒但係分量就唔多，真係比較可惜，外皮都唔錯但係都好厚，所以我覺得一定要有足夠份量嘅芒果放落口先夠滋味。去呢度食會建議食芝麻卷，芒果糯米糍都係去返啲專賣店比較好。