景霖正宗四川麻辣米線 (通菜街)

營業中

休息中

第一次食景霖米線係食油麻地分店當時比佢嘅素食餐吸引左，好多款素食餸菜仲要咁平，包豆漿米線同餸量都合理 以前唔食芫荽嘅我第一次食到芫茜就係食左景霖嘅米線，素湯底好清甜依家雖然都唔係鐘意食芫荽，但起碼唔再抗拒，食野都唔洗專登走芫茜雞翼價錢唔貴，而且好高質素最唔開心係金油麻地分店已經結業，上黎OpenRice 睇先知原來以前分店仲多，但執下一間執下又一間，依家得返三間分店，可能競爭太大啦！真係要多啲支持咁高質素嘅米線舖最後要講就係每次食景霖都好開心，因為店員好友善

景林嘅雞翼烤得好好食唔同嘅味道非常入味如果下午茶時間可以加錢叫到兩隻佢嘅米線炸醬係可以分開上炸醬甜甜地，一大兜米線配料會有有韭菜腐皮佢嘅媽媽湯底家中特別嘅味道覺得好好食

米線黎講呢間係小編鐘意其中之一，呢間既鈉質一食就知無咁重啦。口感無其他舖頭咁硬身。有得同小二講要既軟硬程度。我就最鐘意食呢個擔擔麵加餸，麵質比米線好，加上魚皮可以被擔擔汁掛上去，簡直就係絕配，加埋腩肉同汁就更加好味。啲汁微辣有花生香！價錢都係$46

以前間唔中就食依間「景霖正宗四川麻辣米線」，行行吓街忽然想食就走左入去食，兩點幾過左lunchtime所以一入到去就有位唔洗等。太耐冇食既關係，見到個menu design同以前唔同左，但眼見啲配料應該都一樣，係多咗唔同米線揀，有「酸菜魚米線」同「手撕雞米線」，但今次都係揀左牛肉同雞肉配米粉。做完gym要補充返多啲蛋白質，所以牛肉叫左雙份。睇相都見到碗野幾咁大份🤤個湯雖然睇落好濃咁，但食落唔算太咸，配埋微辣我自己都幾中意依間既湯底。米粉既份量都一定夠食，唔會芽菜多過麵底，最緊要係米粉夠硬身，依個都係我會去「景霖正宗四川麻辣米線」既原因。個人評分（滿分為5）味道：😉😉😉😉環境：😉😉😉員工友善度：😉😉😉CP值：😉😉😉😉

話說，幾年前佐敦經常食...今日途經旺角，再次幫襯味道正常的......但收錢亞姐態度絕對係趕客。趕客及趕客（重要事講三次）一個人食完，打算去個toilet 先走啦。。當時全店得2-3枱人去完出黎枱已經收好....咁咪行去俾錢囉！亞姐問，你食左乜？我答：4號枱，佢再問食左乜？（心諗入黎係米線啦，你仲有咩食呢？）我答：唔記得喎！亞姐：吓。。食乜未唔記得，你又無單！（你地無開單，咪無單囉，又幾奇呢？）位樓面已經搶住答：係呀，無開單亞姐：再問係咪全日餐？你食乜都唔記得！！我：亞姐，請問全日餐係食乜呢？亞姐：咪全日餐囉…你食乜都唔記得又無單！結果位樓面過黎解決左件事。。。真心，幾十蚊一碗米線，你又咩全日餐/半日餐/一日餐/2日餐，關我鬼事咩，你樓面無寫單，又關我鬼事咩.....入黎食米線，你問我食左乜喎，咪食左米線囉…...食Q完，鬼記得係乜呢？亞姐你都幾得意喎！

第一次外賣了精選米線，選了健康蕃茄湯底及走辣，免費熱檸水，其實加了蕃茄的米線味道應該不會太差，此餐廳真令我失望，這碗蕃茄米線，真令我失望，完全吃不到蕃茄的味道，淡而無味，不會有下次了。

景霖正宗四川麻辣米線一向都好出名, 記得以前都幾多分店, 同真係幾惹味幾好食, 但而家真係周圍都有麻辣米線舖, 仲各有特色, 有得比較, 多左競爭, 景霖好似已經無咁好食了!😅今日咁啱經過又想食下!🤭 叫左個金牌米線, 材料有芽菜, 韭菜, 腐皮, 時菜, 鱈魚魚腐 (有兩舊), 牛腩 (6舊), 蟹籽丸 (有兩舊), 炸醬, 另外加左豬大腸 (都有10多舊)🤭 份量都唔少, 一定夠哂飽, 但味道就好似唔夠味, 湯底唔夠濃, 麻辣香味都唔太惹味!😅

諗住快捷OpenRice訂個外賣 因為有七折但等半個鐘先有 買左2碗 仲要 漏左一碗好在有睇到如果唔係返轉頭就麻煩態度普通⋯有待改善 譚仔姐姐都好過佢湯同餸冇分開 分開會好啲 應要學下人哋譚仔可能堂食盡快到外賣⋯⋯⋯⋯⋯⋯⋯⋯⋯⋯等得太耐

今次介紹呢一間， 之前我是自己在油麻地夜晚飯唔知吃什麼的時候就入了這間舖， 入去第一個觀感畀我個裝修環境都唔錯， 待應服務態度都好好， 今晚約了朋友在旺角，所以就去了旺角這間分店吃，入到去個裝修環境同油麻地分店差不多，待應服務態度一樣好好，我同朋友坐下，看了一回，就叫了一碗有2人分量吃的米線，這碗米線入面包含了很多餸，有火腿，豬肉片，豆卜，魚蛋，炸醬，東姑，墨魚丸，火腿切到細細片，好易入口，又有厚度，豬肉片，豬肉很透徹同大大片，很滑，魚蛋大大粒，很彈牙，湯底清甜

之前食過一次店舖職員態度非常一般，特別坐收銀果位找錢時將錢劈落去張枱，（初頭仲以為老闆娘）令人唔舒服 有啲趕客🥺之後去多咗位後生職員（似老細🤣）識多謝前多謝後，態度非常好成間舖氣氛唔同咗而湯底味道唔錯的，下午茶幾底食，餸既份量都多👍🏻如果禮貌keep住好，會一直幫襯！

坐在櫃檯收錢應該是店長，另外唯一位staff好junior。無expected 任何服務，但都無洗黑面囉，又超懶，少少基本禮貌都欠奉。客人要落單都唔過去，坐係櫃位唔旭，要客人高呼話佢知，一問一答來來往往，叫來叫去，不知所謂。想靜靜食碗麵都唔得。10點close, 未到9:30想開始結帳，我理解不過唔係就繞場一周跌句鬼食泥“埋單”，講句“唔該”唔會少塊肉囉。出去櫃檯講用支付寶畀錢佢又唔理我，我見到櫃面有支付寶二維碼就掃了畀錢，佢後來大聲話我未付款，我有支付寶紀錄佢又唔肯睇，只繼續坐係櫃檯堅持大聲話無收過，不停責罵我應該等到佢理我先畀錢，極無賴，明明係佢唔理我在先！原來佢無check清楚，確定收到後連句“對唔住”都無。區區48蚊食到一肚氣！

難得放假住酒店啦⋯⋯當然係要飲飲食食精神奕奕咁嘅！就係去食我至愛的景霖米線。以前係佐敦謥店食過橋米線同茶餐。但係都係鍾情兩個款⋯⋯豬潤同鮮牛米線呀⋯⋯湯底麻辣小小小啦⋯⋯另個叫韮菜豬紅。豬紅夠熱湯好飲⋯⋯韮菜嫩口無渣值得讚賞嘅個米線湯底的確不夠麻香但味道好味嘅，朱潤大塊有沙潤感覺我鐘竜鮮牛好大塊我好少食到呢個質素。唯獨是豆漿太細杯。如果佢可以加錢加大杯。仲正會再幫襯你

六餸米線67蚊，加杯凍朱古力，埋單合共75蚊。單餸33蚊，每款餸加6蚊，感覺比其他米線店或車仔面店平。六餸包括腩肉，大腸，黑椒牛丸，素芋頭丸，魚腐，通菜。餸菜份量足，米線同通菜口感偏淋。腩肉有4~5片，算大。不算太肥膩。大腸4舊左右，都唔算細舊。黑椒牛丸兩粒。魚腐同芋頭丸各3粒，數量有少少驚喜。芋頭丸外面口感彈牙，內裡有芋頭味帶微甜。總括黎講，性價比高。

入黎旺角食景林四川麻辣米線～$37一碗💲到黎呢 就叫咗個《魚腐麻中辣小窩米線》🥢咁佢嘅湯底呢 就一向都咁辣㗎啦 只不過除咗辣之外就冇乜其他嘅香味 湯頭食唔到豬骨或者雞湯嘅鮮😢但係佢嘅辣真係好嗆喉 麻辣味道同感覺都好有後勁😂唔係好食得辣既話建議轉小辣～米線質地係偏硬身 比較彈牙😋再講餸 佢嘅魚腐係順德魚腐 用鯪魚肉製作 個樣有啲似油豆腐🤙🏻比較大嚿同埋軟身 索晒湯之後係幾好食架 不過大家就要小心辣到自己個口啦😃

米線有好多地方都有得食，仲有好多唔同種類嘅米線🍜，而我一直都係依間嘅捧場客😄，有得一間食到佢有幾間分店☺️。夜晚冇咗堂食情況底下就食少左，所以今次就買個外賣返去食啦🤭，叫過米線同小食滿足下自己🥰🔻麻辣烤雞翼+香草烤雞翼 $38🔻佢嘅烤雞翼同出邊其他舖頭嘅唔同，雞皮唔係烤得好脆皮嗰種，雞翼表面烤得乾身唔油膩，咬開啲雞汁係爆出嚟👍🏻，麻辣味係辣得好過癮，係一邊食，的辣係慢慢咁滲出嚟👍🏻，而香草味無論食定聞都係勁香😋。🔻精選米線 $49🔻三小辣😄，魚腐吸飽的湯底變得好辣☺️，冬菇好入味👍🏻，鮮蝦腐皮卷比較硬，不過都叫做有味。可能外賣嘅關係，米線變得比較淋😣，整體來講味道係可以嘅，不過始終都係堂食幾好🤣。