暖心芝作

營業中

休息中

本身唔係太好黑芝麻 咁岩經過呢間鋪頭見都多人排隊 又好奇賣緊乜呢多數人都拎住杯黑芝麻軟雪糕一試之下有驚喜 濃郁 幼滑 結實 唔太甜 唔會好快溶 連個雪糕筒都係芝麻味好少食到咁好食嘅軟雪糕🍦另外 買左枝陳皮燉檸檬茶凍飲， 好飲！ 即時解渴 又 滋潤！

平常久不久也要專程來買一客黑芝麻糊 我的至愛 更是一位住老人院長者的至愛 但今天就覺得稀和不夠甜 有些失望 希望不是將價就貨 否則食客是不回頭的。遲吓再試多一次吧⋯⋯ 有時迫不得已加價總好過貨不對板試過雪糕和芝麻圈 不會再吃 因為淡口 不算是甜品布甸很好 希望能夠再嚐有水準的芝麻糊吧 加油！

去過3次幫襯 每次芝麻糊都煲燶打電話跟她們說 我們更換給你吧、如何更換呀？妳們成煲已經煲燶了 更換給我也沒有用❌多次推卸責任、再叫我來更換另一款食品 亦可退回金錢、試問 這問題不是出現一次 而事在我身上發生了3次多這樣沒有下次了❌❌❌

#20240811 🤍📍 暖心芝作 @heartwarming_sesame 太子汝州街23號地下B號舖➖➖➖➖➖➖➖➖➖➖➖➖➖➖➖➖➖#黑芝麻雪糕 $28💭 本身想食脆筒可惜當日無，所以一律都係用杯裝，有少少失望，因為可以食埋個筒感覺抵啲咁，但原本用杯個雪球睇落多好多，真係睇想食雪糕定食筒喇😂個雪糕食落好香芝麻味，加埋唧左啲芝麻醬係面，股芝麻味係勁濃郁，而且佢口感唔係好滑果種，反而有啲似芝麻湖果隻沙沙既口感，夏天食一流呀🍦.#太子美食 #🐷在太子 #🐷_食

食完豐信原本想去荳蔻年華買糕食，但又無開😂，返轉頭見到呢間芝麻味幾香又有人排隊又湊下熱鬧～🔅特濃「黑芝麻」軟雪糕 ($28)黑芝麻味幾濃，仲加左芝麻醬，見唔少comment話膩，可能因為我同朋友share食又唔覺。不過天氣熱雪糕都溶得快，同埋唧得無圖咁靚😂，但下面無空心既～雪糕有分cone同杯，我揀左cone，都幾脆，唔會太厚🔅黑芝麻卷 ($20)原本$25/5卷🎞，因為賣晒淨返4卷所以平啲😂。食落好香黑芝麻味，幾軟糯彈牙🖤🔅流心黑芝麻布丁 ($25)布丁都係覺得偏貴少少，但中間真係有流心既黑芝麻醬，食落都夠濃芝麻味🤤💬整體價錢唔算平，但都好食既，抵唔抵食就見人見智🤣。但店員態度同語氣麻麻又好chur，買左幾樣野未有手拎雪糕就係咁chur住人拎😃，建議可以擺個雪糕架…

朋友介紹, 話呢度芝麻糊好食, 不過天氣太熱想食雪糕, 所以即場買咗杯芝麻軟雪糕, 然後再買芝麻糊加芝麻豆漿返屋企飲。响無期望嘅底下，我覺得軟雪糕唔錯， 不過夏天熱要食快少少，因為我企喺門口食都溶得好快。 芝麻味香， 雪糕軟滑又夠凍， 我見大部分嚟買嘅人都係買雪糕。 至於芝麻糊同埋豆漿， 星期日人太多雪唔切， 買咗暖嘅返屋企， 一半雪凍嚟食， 另一半暖食。 芝麻糊冇太大驚喜。另外黑芝麻豆漿雪凍嚟飲， 我覺得小甜剛剛好，又冇掩蓋到黑芝麻嘅味道 路過下次會再買雪糕嚟食

分多次去試，試過芝麻布甸，芝麻卷，芝麻雪糕，無糖芝麻豆漿，芝麻豆漿。個人比較喜歡芝麻布甸，芝麻雪糕及有糖芝麻豆漿。炎熱食雪糕真的要快手，好快溶芝麻布甸，我覺得都夠滑芝麻豆漿，不算好甜，啱我口味

最近呢間小店的黑芝麻雪糕筒實在太火熱，我真唔執輸試吓，帶住手套的店員為我收錢，之後佢馬上攞雪糕筒唧雪糕，已經覺得嘩然，因為個店員唔夠力，改為老闆娘過來唧雪糕，她原先是搬緊貨，沒有洗手情況下為我唧雪糕，真係好嘔心，但我都明白餐飲業從來都是這樣運作，手套只是保護他們雙手，我不作評論！個人認為黑芝麻雪糕好多粗渣，未夠綿滑，而且雪糕係空心的，M記、豪華雪糕車都係滿滿的，售價$28是平是貴，見仁見智。之前食過石磨芝麻糊$30，味道的確唔錯，可惜太油膩，相信製作過程中加左食油令芝麻糊更濃稠同口感更滑順，但我為不會再食🥱個人認為，如果係街坊或者經過係一試無妨，但無需特登來打卡🤭

黑芝麻雪糕烈日當空都唔會溶初初買完要行過一條街先上車仲擔心溶左食唔到點知發現32度下，去到隔離2條街都唔溶一滴汁黑芝麻味係有的但係唔溶既雪糕就怕怕了另外買左菲林卷，冇乜特別應該唔會再試

買咗芝麻糊，芝麻豆漿，無糖芝麻豆漿，我們這一家三口都覺好難食芝麻糊 : 唔夠滑有粒粒，口感好嚡芝麻豆漿：少甜，但一啲味都冇，口感好嚡無糖芝麻豆漿：完全飲唔出芝麻、豆漿嘅味道#唔明點解 會有咁多好評

揸車經過呢間舖頭，好奇一間細細間嘅店咁多人排隊😂原來係專食黑芝麻主題嘅小店。這間小店很多都是主打自家製，用健康嘅原材料。於是一於試吓。買咗兩支豆漿，三盒芝麻菲林卷。首先，講吓豆漿，豆漿$15一支，都算大枝，飲落去屬於少甜，而且飲得出真係真材實料。而且黑芝麻豆漿又健康，我估自己間唔中都會買一支嚟飲吓😂菲林卷$25一盒，一盒有五至六條，落去好滑，而且唔會太甜，我亦都鍾意有啲白芝麻喺上面，有返少少口感。呢間黑芝麻主題店值得一試，下次試吓芝麻糊先

見人哋寫好評經過就試下佢個芝麻糊、大拿拿成30蚊一碗、唔係太甜、但係食落去係比較粗口感嘅芝麻糊、食落口係覺得好“確”喉,芝麻糊好似有啲煮燶咗嘅嗰啲𤓓味、唔好食、但唔係難食、芝麻糊試一次就夠絕對唔會有下次、買咗兩兜兩兜都係食唔曬、真係唔想強迫自己食啲唔好食嘅芝麻糊、唔信嘅各位即管買滿嚟試下、我見到有其他人食評講芝麻糊係唔好食、但話呢間芝麻布甸係好食、如果試嘅話可能試咗佢芝麻布甸先囉、如果想試芝麻糊你係想食粗粒口感嘅就食啦

話說車爸爸是個芝麻糊迷一次過吃三四碗也絕沒問題！當我發現太子有一間賣芝麻產品的專門店即時跟他去試了。這間位於太子的芝麻專門店名叫暖心芝作，在網絡上很多朋友經試了而且風評不錯，這天就來會一會它嚐嚐質素是否真的那麼吸引。門口放置了一台石磨機可以觀賞到即場磨製的黑芝麻醬，新鮮即制看得到真材實料好吸引。我們買來了古法石磨芝麻糊及流心黑芝麻布甸來試！雖然是外賣店但貼心地於門口放置一張小檯，讓客人可以於門口即場享用出品。先吃這個凍食的流心黑芝麻布甸$25，入口那濃郁的黑芝麻香氣充斥嘴巴，那布甸質感超級滑溜流心效果亦出色，這份滋味絕對值得專程去幫襯。緊接著到品嚐古法石磨芝麻糊$30！芝麻糊香氣同樣非凡而且甜度恰好，但我們也不太喜歡這麼濃稠的口感，但真的非常足料又大碗確實是抵吃的。我們還有很多產品想試胃納有限只好留待下趟再來品嚐。

估唔到，有啲驚喜，芝麻卷，淡淡芝麻味，甜度適中，$25/6條。芝麻糊，芝麻味香濃，唔會水汪汪，質地好厚身，唔算滑，甜度適中，食完好飽肚，買了兩碗，一碗熱食，一碗凍食😆$30/碗，好食💚

原本都係睇社交媒體網站Foodie介紹，所以慕名而來。其實都真係抱著一個試嘅心態。唔好食就一次過，好食就當bonus。始終依家時下所謂嘅foodie都可信性有限，唔自己試過都好難作判斷。所以今日經過太子，決定去搵搵佢，試一試。去到門口，已經見到有4-5個人係到買緊產品，有位客人仲即場食佢地嘅芝麻糊。而我，就買咗一盒芝麻卷同芝麻糊。芝麻卷味道好香濃，最重要係唔會太甜。時下嘅香港人都追求健康，呢一點佢地做得非常好，食多一兩條都唔怕肥。芝麻糊同樣香濃幼滑，食到有微粒芝麻。絕對值得再次光顧