暖心芝作

營業中

休息中

原本都係睇社交媒體網站Foodie介紹，所以慕名而來。其實都真係抱著一個試嘅心態。唔好食就一次過，好食就當bonus。始終依家時下所謂嘅foodie都可信性有限，唔自己試過都好難作判斷。所以今日經過太子，決定去搵搵佢，試一試。去到門口，已經見到有4-5個人係到買緊產品，有位客人仲即場食佢地嘅芝麻糊。而我，就買咗一盒芝麻卷同芝麻糊。芝麻卷味道好香濃，最重要係唔會太甜。時下嘅香港人都追求健康，呢一點佢地做得非常好，食多一兩條都唔怕肥。芝麻糊同樣香濃幼滑，食到有微粒芝麻。絕對值得再次光顧

𓍯 Sesame Specialty | 🖤Hidden Gem in Prince Edward 🍮 𓂃@heartwarming_sesame is a hole-in-the-wall gem for sesame fans 🖤This small shop makes all sorts of sesame goodies from an old-fashioned stone grinder, and they’re most famous for the traditional dessert, 𝗦𝗲𝘀𝗮𝗺𝗲 “𝗙𝗶𝗹𝗺 𝗥𝗼𝗹𝗹𝘀” - chewy rice rolls made from sesame paste 🎞️ there’s a fragrant sesame flavour in the rolls and it still tastes great after chilling in the fridge!Real MVP tho was the 𝗦𝗲𝘀𝗮𝗺𝗲 𝗟𝗮𝘃𝗮 𝗣𝘂𝗱𝗱𝗶𝗻𝗴, which had an even stronger sesame

成日聽同事講呢間嘅豆漿好好，今次食完飯經過就去試吓，我最鍾意係佢個豆漿唔係好甜，同埋真係勁有豆香味，係有少少厚身嘅口感，咁樣反而我覺得仲好飲，買多咗幾支返屋企俾屋企人試吓。

呢間舖頭一睇就知係小店，但係裏面買嘅嘢都好有內涵除咗最平嘅豆漿$15一支仲有幾百蚊嘅芝麻粉。我去到純粹行過見到個香味幾重，芝麻香見到唔係人工粉，日本職和記喺隔離，所以就諗住試一個芝麻豆漿。無添加糖，飲落去都唔嚡口非常滑溜，而且亦都有濃芝麻香，唔會稀到好似飲水咁。我覺得幾好，但係放返其他嘅朋友仔我覺得加少少糖會好味啲。我當時去到想買一支豆漿，但都見到幾個姨姨叔叔喺度買芝麻粉，甚至佢哋話食開，見到冇貨都要訂貨。而舖頭手勢店員都會好親自解釋每一款嘅芝麻有咩功效，我諗啲客人都係由小產品食到大產品。

店員態度差～～買的時候發現豆漿有顏色異樣，跟平時的不同，已跟店員溝通，但該店員稱是這樣的，搖勻就無問題。回家後發現樽內是一嚿嚿的帶點酸的豆漿味道，於是致電稱可以換過一枝，點知第二枝喺雪櫃攞出嚟嘅貨都是不凍的，擔心會否一樣是變的，於是問店員雪櫃是否壞了，但那名店員的態度態度十分惡劣，本應是長期客的我都嚇到下次不敢再去買了，其實該店的食物是好食的，可惜我跟我的家人分別買東西時，都試過不禮貌對待😞⋯⋯真的失望。

早陣子去開太子，發現原來有幾間想試嘅食店都圍住喺嗰邊，其中一間就係暖心芝作。呢間本身bookmark咗係想試佢個芝麻雪糕，但去嗰日部雪糕機維修試唔到🥹 最尾試咗：#流心黑芝麻布丁 $25呢個好香滑，甜度剛好，中間流心嘅係芝麻糊，好食幾特別~#黑芝麻菲林卷 $25細個酒樓飲茶好多時都見到呢個，而且阿媽都幾鍾意所以成日見到都叫嚟食，不過而家少見啲🤔 呢個菲林卷黑芝麻味比布丁嗰個重，唔會太甜，唔錯👍我其實最想試係個雪糕🥹唯有下次經過再買啦

初八約左frd子去太子Partyroom，frd子話想食糖水 一於搵下附近有咩新開糖水店 買少少一邊食一邊唱K，搵到呢間「暖心芝作」主打無添加一去到 有條小人龍排隊時已經聞到芝麻香飄出，門口仲有個運行中的石磨機, 睇住黑芝麻被磨成漿 滴出黎排左15分鐘左右就到我了所有黑芝麻食品都非常出色，每樣都香味濃郁，磨得細滑 唔會有小顆粒，一定唔係平時食到既開粉糖水，芝麻糊同布甸都入口醇厚 口感味道都一流🖤黑芝麻菲林卷(6件) $25🖤黑芝麻豆漿 $15建議先飲黑芝麻豆漿，佢同時會滲出淡淡豆香，所以相對黑芝麻味會無咁重🖤石磨芝麻糊(熱) $30🖤流心黑芝麻布甸(凍) $25*包裝好靚，洗乾淨個豆漿樽，自行重用中*可惜雪糕機壞左，否則一定試埋*只有外賣 無堂食

去開太子，記得老爸愛吃芝麻糊，就走去”暖心芝作”朝下聖。第一次去，先試芝蔴糊同芝蔴菲林卷回家做下午茶。 老爸食芝蔴糊；我就芝蔴卷。嘩！真心好食，貨真價實！芝麻糊甜度適中，芝麻磨得細膩；芝麻菲林卷，小小一卷，－盒有6小卷，很久沒有見過由薄薄的芝蔴皮捲成；真心比較X太的芝麻卷做得細緻、精巧，更是芝麻量比重高及比較紥實，不是一口粉。如果久違了兒時的芝麻味道，值得去試試、支持。下次試埋芝蔴丸同買啲回家看下門口先。

事出突然🤭當天早上打開社交平台見到呢間小店既資訊，再望下地圖😳發現位置好近攞新眼鏡，於是乎立即save低即時安排去幫襯！暖心芝作𝐻𝑒𝒶𝓇𝓉𝓌𝒶𝓇𝓂𝒾𝓃𝑔 ，位於太子汝洲街，係間專賣石磨芝麻既小店，《𝐻𝑒𝒶𝓇𝓉𝓌𝒶𝓇𝓂𝒾𝓃𝑔》主打無添加、健康食療，店舖門口有部石磨機，係真野嚟架唔係擺設🥰，而呢度最受歡迎係黑芝麻豆漿、石磨芝麻糊及黑芝麻菲林卷！聽附近啲街坊講平時都唔洗點排隊，可能多咗宣傳所以要排下隊～小妹當日去到差唔多下午4:30，已經有條人龍啦，排左差唔多15分鐘就到，不過芝麻糊要再等10分鐘，可惜菲林卷要等25分鐘😢下次先買嚕，最終只買了3碗芝麻糊。石磨芝麻糊非常出色，首先包裝碗高質素，可循環使用；另外芝麻糊質感優質、口感濃厚，純天然以黑芝麻製成，食唔出坊間嗰啲開粉質感，再加上好大碗，食完飽到食唔落晚餐🤣🤣喜歡黑芝麻的一定要品嚐下吖🖤🩶🖤🩶溫馨提示🔔提提大家暖心芝作𝐻𝑒𝒶𝓇𝓉𝓌𝒶𝓇𝓂𝒾𝓃𝑔 ，只有外賣自取‼️

繼上兩次到坊也買不到芝麻布甸，吾系賣晒就系未整好，攪到心都灰晒，依件事一直都耿耿於懷。於是又再一次的起心肝平日出動，今次揀左下午時份踩場一眼望去已經見到有十個八個烏卒卒 的布甸在雪櫃等緊我，巧開心。呢個黑色嘅布甸真係超吸引，如果你係芝麻控你一定明白我嘅感受打開蓋子已經聞到陣陣嘅芝麻香，質感完全係動L級，布甸嘅中間係芝麻糊，口感完全係雙重享受，濃郁芝麻香味將整個口腔包圍，又香又滑，甜度適中，佢喺我印象中係數一數二嘅芝麻布甸，希望佢繼續keep住呢個質素俾fans 一份「暖心」

見IG介紹，特登由朗豪坊行過去買試一試，可惜2pm已經冇菲林卷，下次請早或店主建議星期一至四12noon後過會去好D，唯有買芝麻糊今晚宵夜，用熱水座熱，口感好鞋，唔夠滑，食完會漿住喉嚨，感覺不良好，家人對菲林卷也失去信心...haha

收藏左呢間一段時間，終於有時間黎試吓可惜黎到當日雪糕機要維修試唔到不過唔緊要，買到黑芝麻菲林卷$25盒有6條，份量都多菲林卷咬落煙靭，黑芝麻味香濃甜度適中（對我黎講可以再少甜D, 但友人就覺得岩岩好），下次經過會再買

聽講呢度主打即磨芝麻，專登黎試下。第一次係食流心布丁，好驚喜，好濃芝麻味，加上中間流心芝麻醬，口感一流，超級好食，之後有再去食第二次。之後再試下黑芝麻荳漿啦，umm...完全無特別，亦飲唔出芝麻味，好普通。之後又再去，今次試芝麻糊啦，諗住布丁咁出色，芝麻糊一定好食，點知好！失！望！好稀，完全唔可以稱為芝麻糊，味道方面，食唔到芝麻味，淨係食到有陣芝麻油味加好似少少薑味？？好難食，完全唔係正常既芝麻糊！芝麻糊應有既味道同口感都無。平時有買開芝麻醬食，本身都諗住買黎試下，而家都唔敢買lu。總括黎講，淨係得流心布丁值得推介。

店舖細細，有一條人龍，個個買雪糕🍦門口放咗一部石磨芝麻，睇住啲芝麻漿慢慢磨出黎，真材實料！🔸黑芝麻雪糕(💰25)(9/10)黑芝麻軟雪糕麻香超濃烈，幼滑細膩。配合濃厚嘅芝麻醬層次豐富！好味！買完之後店員逐杯慢慢整，大概兩三分鐘先會拎一杯出嚟，真係慢工出細貨。本身想等埋兩杯一齊影相，但雪糕等唔切了🫣🔸石磨芝麻糊(💰30)(8/10)店員話要等半小時先有，真係落足心機煲。好綿好香滑好濃稠嘅芝麻糊，唔會太甜，仲有一層不可分割嘅芝麻油，芝麻糊絕對足料。食唔哂雪凍佢，聽晚試凍食嘅芝麻糊！🔸黑芝麻菲林卷(💰25)(7.5/10)限量供應嘅芝麻卷，睇住店員忙碌咁製作。菲林卷一樣有香濃嘅芝麻味，煙韌但我覺得可以再有咬口多啲。由於一次過買得太多甜品🤭真係要分兩日食呀！下次一定會黎再食雪糕，真係出色呀！😋

芝蔴控的初心。。。暖心一心去食雲吞麵，越行越近之際聞到陣陣的炒芝蔴香，我自覺是一隻大老鼠香味引領著我的腳步👣不出數十步見到這間小店內有個自動石磨在轉動中，牆上貼上密密麻麻的海報。全部也和芝蔴有密切關係的食品，更有些是健康食品，最給力係特濃芝蔴雪糕，正正有一位客人喺門口享用著，引死人，好可惜呢期唔可以食雪糕，唯有入去睇吓有乜嘢買，見到雪櫃內有好吸引嘅芝蔴布甸，前邊有個客人都係要芝蔴布甸。我同姐姐講，我要一個芝蔴布甸佢話啱啱賣晒,我喺嗰一刻個心好似由IFC頂樓跌咗落地下一樣😱佢問我有芝蔴卷啱唔啱嗰一刻因為好嬲即刻走咗。係食雲吞麵嘅途中，諗諗吓芝蔴卷都殺，終於跑返轉頭返買咗僅餘一盒嘅芝蔴卷返屋企做飯後甜品。黑芝蔴卷一盒有六條，灑上白芝蔴，卷軸不多，感覺比較細。未放入嘴前已經聞到勁香芝蔴味，放入口芝蔴味已經撲晒出嚟，整個咀巴也被芝蔴香味籠罩，超正又不太甜。口感較軟糯，魚膠粉比例較少，真材實料，因太好味，我一下子吃了三條……但知道要收口，餘下三條收埋入雪櫃留返明天吃🥰「芝蔴布甸」你要等我 🤤