曉壽司 (已結業)

🐱小店位於慈雲山毓華街比較隱蔽嘅位置，應該係街坊先會知道😂雖然店舖好細，但有好多款式既壽司、手卷、魚生飯🍣店舖只有一張枱，多數做外賣生意😉燒左口魚邊壽司：$15🌕🌕🌕🌕/5 呢個係每次必食，左口魚油脂分布好平均，燒得好香再加上面頭既蔥花係絕配😍😍軟殼蟹手卷：$23🌕🌕🌕🌕/5軟殼蟹炸到好香脆，唔會過油，零油益味😜而且炸粉係好薄薄一層，裡面啖啖肉😋😋呢個價錢食到咁大舊軟殼蟹真係抵😎香蔥吞拿魚腩小卷：$25🌕🌕🌕🌗/5吞拿魚蓉佔左4成，好足料🐟食落算新鮮😚三文魚海膽飯：$85🌕🌕🌕🌖/5三文魚係厚切，有6-7塊咁多😗而且算肥美😝海膽ok新鮮，味道濃郁😍會再encore😚飯底有少少壽司醋飯味，份量都多，唔洗擔心唔夠飽🫃🏼

黎開呢頭做嘢，專登上網查下呢區有咩好食😋，結果揀咗呢間呢間壽司店黎過幾次，係一條巷仔入面，完全不起眼，佢哋主要做外賣，堂食就只有兩個座位。佢哋有丼飯亦都有壽司，令次叫了共12件壽司🍣，包括火灸三文魚、帶子、醋鯖魚、油甘魚、劍魚腩、墨魚、赤貝、櫻花魷魚🦑魚魚，款款都好好味好新鮮，尤其帶子，好鮮甜！壽司飲軟硬亦適中，但要留意呢度啲壽司體積較細，所以要嗌多幾年先夠飽 質素比起一般大型迴轉壽司店好，埋單大約百三蚊不算便宜但我覺得物有所值呀！

有時候，總有一兩間平民隱藏美食在你家附近，慈雲山也不例外。這間隱世壽司店，默默的開在菲林店旁邊，陪伴我很多年。我初中時候就發現這間新開壽司店，當時價格很是便宜，只要45塊。（學生時期的我當然覺得貴，但到了2022年，這個價錢已經買不到有質素的丼飯了）家人們自從發現這間小店之後，每逢星期六，這間必定是我們的宵夜。我們都很愛買：刺身：三文魚、吞拿魚壽司：玉子（甜甜的，一層一層的，跟外面的完全不一樣）燒三文魚腩（推薦，油脂滲入了醋飯，配上蔥花，滿足感上升）帶子（厚身且帶鮮味）劍魚腩（味道清淡但油脂味重）海膽（份量多，有時會非常鮮甜，不過少貴且來貨不穩定）間中也會買一些反卷：芝士三文魚反卷（內裡捲著淡芝士條及青瓜，上面就鋪上薄三文魚跟車打芝士片）吉列炸蝦反卷（爸爸至愛，新鮮且香脆 ）我比較欣賞師傅很少加上醬汁的做法，於我而言，我會認為加醬汁的目的是掩蓋食材的不新鮮。另外，師傅的炙燒技巧也是值得令人讚美的。如果有機會探訪慈雲山，不妨試下這間小店～

呢間"曉壽司"係我上星期6食過，不過最近太忙無時間打今星期得閒D終於可以寫返個食評啦!上星期去開慈雲山探朋友又想食下日本野就簡左呢間!我總共叫左三文魚魚粒飯($49)+4件油甘魚壽司($36)個魚生飯好大份 價錢平過好多連鎖壽司舖 而且下午6點前Order仲送罐汽水。而油甘魚壽司就見到佢舖頭門口寫住特價買3送1就即管試下，味道都非常新鮮。Order後5分鍾就拎得，好爽手，佢仲有其他既魚生飯下次會試埋佢

今次小弟食三文魚丼，d三文魚量都多既，鋪滿左成個面，夠每啖壽司飯都加一堆三文魚一齊食。所以食親都覺得口感豐富。其實如果逢係壽司丼餐係下午6點前買都會送一罐汽水。不過小弟試過6點01分買，真係無得送汽水整體都幾好食

呢間座落係毓華街既壽司小店，小弟點會未試過。慈雲山要數壽司，一定要講佢，因為價錢合理，比爭鮮貴d，但比元氣平。而且係師傅自己製作。我今次食既係師傅一早制作好既壽司盤，盛惠48蚊。2件花之戀呀。。。要食壽司，曉壽司係慈雲山黎講係不二之選。店內有個小吧台，可以台食。不過應該只限2，3位客人。如果平時要食佢既壽司飯丼，要係6點前買呀。一過6點，就無得送汽水。因為小弟瀨過野，剛好6點02分買都無情講所以記得。。。

呢排得閒都會落街買下野食咁 之前成日經過呢間店都冇試過見最近都好得閒於是就去一試啦我外買左個魚生飯 佢比到幾大suprise我 十分足料 而且見師傅即叫即做 絕對好食 唔馬夫十分有飽足感 味道都幾好 cp值十分高推薦街坊們可以去買黎食下

雖然位置相當不起眼， 卻隱藏著瑰寶， 價錢平民， 由幾元至最貴幾十元， 質素屬中上。 灸燒壽司製作用心， 賣相吸睛， 有我最愛的左口魚邊。 吞拿魚蓉足料， 吃到魚的鮮味。 海膽壽司（$18）， 吃起來不會苦腥， 入口甘甜味美。 推薦三文魚籽（$13）， 與一般街鋪不同， 沒有死咸， 粒粒鮮甜。 另一必食， 帶子壽司（$14）， 新鮮， 大大粒超巨型！劍魚腩壽司與燒劍魚腩相比之下， 感覺燒的味道更勝一籌。 即使其他常見的種類， 製作也絕不馬虎。

壽司飯仲係暖，無壽司醋味，飯一食就散桌面雖用濕布擦過但黐立立，魚生唔覺新鮮蟹子沙律味道不錯，炸蝦卷雖然好食但因為飯散不小心吃了只有芝士那塊果下咸到。。。整體服務好，但非必要的話情願食爭鮮

炸蝦食唔到雪味，唔錯。而且又食落唔油。帶子刺身簡直係至愛，又厚又大塊。好食花之戀夾唔到一啖食晒，總會散開三文魚刺身夠新鮮，唔錯芝士三文魚反卷都唔錯，總之個價錢實惠，又夠飽肚（只限反卷）推介大家去幫襯下。

晚餐滿足唔到心靈需要,個頭放低筷子,呢頭轉場去曉壽司開餐。叫左好幾樣壽司,最失望係中華沙律壽司同芝麻八爪魚壽司,細件得可憐。中等就係炸蝦手卷 同海膽手卷。海膽有小小苦。最值得一提就係帶子壽司。大大粒,正整體黎講,材料新鮮。可以再食

黃大仙地擔介紹呢間壽司鋪，店面好細，只有三個師傅。嗌了火灸三文魚壽司, 芝士三文魚卷，什錦刺身飯。火灸三文魚好好味！岩岩燒出黎有炭燒味，加上秘製沙律醬，酸酸地好好食！我係有encore 的。芝士三文魚卷就有咩特別，幾大件，抵食刺身飯都唔錯，好多料！咩都有啲，又唔係梅嘅刺身肉，鮮甜又飽肚！好食！

呢間小小嘅壽司店就猶如爭鮮一樣，都可以take away嘅，裏面嘅壽司一樣好味而且價格便宜。除左賣壽司之外 我見舖頭裏亦有賣不同的刺身、手卷，甚至連wasabi 醬油都有賣，但我其實太肚餓啦，最後都係買左壽司返去醫肚，求其夾左十件左右，咁多款壽司之中我就覺得三文魚壽司又肥又靚又好味又平，雖然係貴過超市一蚊雞左右，但呢度ｄ三文魚肥之餘佢仲會厚切，大讚！鰻魚壽司亦都唔錯啦；油甘魚壽司幾肥好鮮下，一ｄ都唔腥；三文魚子壽司ｄ魚子大粒之餘好足料，唔係淨係得幾粒架～整體黎講，呢間野本來見佢細細間無咩特別咁，諗住求其醫肚就算，估唔到令我一試難忘

佢新開我就有去食，佢既刺身真係唔錯，最近我又買左佢三文魚刺身，我鐘意食勁肥既，呢到都有，而且價錢都幾平下。 呢個係月頭既。 好似係50蚊到，真係好抵食，而且仲係魚腩，仲好肥，勁香！呢個係今晚既，魚油分佈均勻，肥既都十分夠肥

朋友知道我喜歡食壽司刺身，於是便帶我去試慈雲山毓華街7-11對面一間新開的壽司刺身店。店子很細，專門做外賣，只有1張細枱和2張椅子，便坐了下來。壽司的款式很多，價錢也很便宜，三文魚壽司只售$5/件，玉子壽司$4/件。點了幾款壽司刺身，等候時不斷有客人前來買外賣，看來生意還不錯。司傅收單後馬上製作，壽司飯是即時從暖暖的飯煲中取出來用的，不消一會，一件件手握壽司就送上眼前。6款壽司火炙三文魚腩壽司：聽師傅說這是偷師自日本師傅，使用秘製醬汁燒製，三文魚腩入口即化，最終每人加多一件三文魚子壽司：很多很大粒很美味油甘魚壽司：買3送1，新鮮肥美三文魚壽司：三文魚很厚，味道不錯，很抵食鰻魚壽司：質素尚可玉子壽司：本人很喜歡食玉子，一問之下這玉子是師傅親手製作的，不是從外面買回來，製作用心，味道也不錯2款刺身北海道特大帆立貝刺身：Size很大，一粒可以切成2片，鮮甜可口，口感一流甜蝦刺身：肉質新鮮甜美縱合來說，這間店的壽司刺身性價比很高，質素絶對高於一般的壽司刺身大型連鎖店，識食的人會喜歡這間店。師傅很健談很有禮貌，食物也新鮮味美，想不到在慈雲山也會食到如此質素的壽司刺身，真是喜出望外，下次一定會再來