曜嚐

營業中

休息中

今日去曜嚐試咗佢哋嘅黑松露惹菌沙律吐司，真係好好味，值得俾4.5分！❥ 黑松露惹菌沙律吐司吐司外脆內軟，搭配上黑松露醬，香氣十足。沙律裡面有菜，同其他菇菌，口感層次豐富，越嚼越有味。黑松露嘅獨特風味同雞蛋超襯！同沙律嘅清新味道完美融合，真係好開胃！份量方面對細食嘅我以嚟講都好足夠，食咗一個就當係lunch。總體嚟講，值得一試！但係要提一句就係由於即叫即整嘅原因，所以都要等得比較耐，好似我就等咗十零廿分鐘，不過嚟掃街嘅話去附近兜吓食吓其他嘢先都係一個好選擇！

Never seen curry rice like this( the egg was overcooked, and it doesn’t taste like braised pork rice in Taiwan at all 😿 there weren’t any other vegetables or sides as wellTried other Taiwanese snacks as well but none were good. The egg roll was pretty crispy but overpriced.

去開銅鑼灣食嘢唔多，今次專登過嚟太安樓搵食，聽聞呢間小店啲吐司好正，今日嚟試試佢先！間舖雖然細細間，但嘢食種類都幾多㗎，小食飯面都有，不過我今次就主要試佢哋啲吐司啦！我叫咗個韓風豚肉吐司，見隔離枱叫個鰻魚吐司都幾吸引，不過要成68蚊，下次先試！等咗大概15分鐘，個吐司就新鮮熱辣上枱啦！份量好足料，炒蛋多到爆，豚肉都唔少，啱晒我呢啲大食怪！個吐司烤到好香，咬落去又脆又軟，真係好正！加上個韓風豚肉，甜甜地又有少少辣，好惹味！加10蚊做套餐仲有12粒薯角同罐裝飲品，薯角都炸得好香脆，送飯一流！整體嚟講，呢間小店啲嘢食質素真係唔錯，而且價錢都好抵食，下次一定會再嚟試其他嘢食！

作為一個三餐都想食包嘅人，見到呢間餐廳嘅餐牌即刻俾佢吸引住，每份吐司都有厚厚嘅炒蛋，價錢大約係$30至$40，有學生證或者着校服仲可以減$5，既然有折就試試🤓我叫咗豚肉漢堡吐司(原價$34；學生$29)，食物係即叫即制，所以一攞上手非常之熱辣辣又香噴噴，炒蛋望落去都覺得好嫩滑，雖然夾住兩塊豚肉漢堡，但比較薄身、冇乜口感，值得一讚嘅係底下有唔少椰菜絲，亦都撈咗適量嘅醬汁👍🏻麵包烘到啱啱好，表面微微脆，入邊就微微暖又保持到鬆軟口感，而且食得出牛油香味，所以麵包方面我就好滿意😚呢間餐廳仲有賣台灣拌麵同便當，住附近或喺附近返工嘅朋友都可以試試😆

因為隔離海南雞收左檔，先黎尼度買外賣滑蛋叉燒飯。真係估你唔到，原來係炒蛋 肥豬肉豬皮飯，係肥豬肉同豬皮呀！完全做到1粒瘦肉都無，1粒食得既肉都無！ 盛惠$45蚊，得到一碗炒蛋豉油撈飯👍

之前睇過啲節目介紹呢間吐司，但係食過之後唔覺得有咩好特別，正正常常，不過食得出係有俾心機煮嘅，所有食物即叫即煮，所以落完單之後都要等一段時間，吐司用牛油煎過熱辣辣，最緊要揀到自己鍾意嘅餡料，都值得一試

鹽酥雞排飯，加左$14加香菇肉燥，無肉燥！花枝丸拼台灣腸撈麵，配咖啡汁，無汁！由於係外賣店，以上都係要返到屋企，打開盒飯撩下先會見到，下次取外賣時，難道真係要咁肉酸打開撩下check左啱先拎走？？

相關食物：和風牛肉吐司$40，薯絲蝦$28，手工酥餅$37我最近行太安樓，發現呢間嘢有toast 同薯絲蝦就決定搵日一定要試吓，因為我都幾鍾意食toast，而且好開心佢哋有薯絲蝦，唔係好多地方有，基本上我對上一次係好多年前食到會嘅時候食過，之後去任何地方嘅小食店都見唔到有言歸正傳，當日我係lunch time去食，間店主要做外賣，出面有幾張枱可以比客人企喺度食，我就選擇企喺度食，叫咗和風牛肉吐司，薯絲蝦，手工酥餅首先，和風牛肉吐司可以話係正常發揮，唔叫難食，但係相比起我喺第二度食過嘅toast就唔算好食（例如Arirang, Try my bread, 我都各有revisit過1次），呢間我唔會食過返尋味薯絲蝦就最令我失望，因為我本身可以話係為咗呢樣野去食，但佢炸得好差，外面薯絲有炸到，但入面薯絲就無，變咗外脆但一咬落去又有部份係類似白烚薯咁，成個口感差同難食仲要係餐廳會自行落汁，我事前完全唔會會有汁，我本身唔鍾意泰式酸辣汁，佢居然就係自行落呢種，所以我對佢哋個薯絲蝦係非常失望最後個手工酥餅，叫咗辣椒粉，紫菜粉，豬肉鬆，芝士，加爆炒雞絲，呢個都失望，其實佢係想做手抓餅但唔夠熱兼皮好硬，

去開西灣河一帶點可以唔去太安樓兜個圈🫣 太安樓呢間台式小店好多嘢食揀 有台式飯 手工酥餅 豬仔包 台式小食等等🤩 而我就比盒子吐司吸引咗😋✨韓風豚肉吐司💲 38吐司比想像中大份🤩 麵包烘到脆脆地 熱辣辣 但係入面都係好軟熟😋 麵包超香牛油味🍞吐司好足料 滿滿既炒滑蛋同埋豬肉～連埋泡菜食好惹味 好多汁！🥹 食到最底原來仲有啲千島醬生菜添😗 雖然千島醬有啲太多 吐司底部有少少濕 但係呢個味道 呢個價錢仲送一罐烏龍茶 我覺得好滿意💖不過如果想掃街可能要再諗諗 因為食完真係會飽咗😹

呢間台式小店有好多唔同種類嘅吐司 拌麵 小食同埋脆豬包真系超多選擇😳最後小妹就嗌咗一份吐司同小食-☻︎ 黑松露野菌吐司 $32吐司好大份😳烘到黃金色 外面脆得嚟 入面好夠軟熟😆而且充斥住濃郁嘅牛油香中間夾住滿滿嘅餡料有黑松露炒蛋 炒野菌 沙律菜mix咗酸酸地嘅千島醬黑松露味唔算好出😗炒蛋夠滑但太油啦🥲份量咁多好漏另外小妹對呢款醬料麻麻地整體嚟講麵包做得幾好 純粹系個餡料唔太啱我哋口味絕對唔系伏嘅 但亦都唔系驚喜質素普通 唔試冇損失～味道: 7/10性價比: 6/10-♥︎ 炸蝦三文治 $18/4 $26/8反而呢款小食有驚喜😳三文治細細件 size同一口西多差唔多麵包烘到好脆😍食得出牛油香😝中間夾住蝦餅雖然蝦味唔系好出 但食落非常彈牙加埋佢哋嘅秘製醬汁食真系一流😋小妹會為咗呢個炸蝦三文治而再食😂味道: 9/10性價比: 7/10-雖然呢間主打嘅系吐司但我哋都鐘意佢哋嘅小食多啲🤣大推炸蝦三文治😆回頭率: 8/10-*備註*想同店主講翻聲唔好意思🙏🏿嗰日小妹本身睇嗰份餐牌有兩款吐司冇咗 最後嗌咗份黑松露野菌吐司 等咗一陣見到第二個餐牌有鱈場蟹腳吐司 即刻想轉 但原來已經整緊黑松露 我都知唔系咁

🇭🇰曜嚐·呢間我之前喺太安樓掃街既時候已經見到過 不過因為掃街食咗佢好似會比較飽 食唔落其他嘢 所以一路都無試過🤣🤣·韓風豚肉吐司$38佢呢個比我想像中仲大個 因為佢係整到勁滿 而且超香因為佢個麵包面頭係有得蒜蓉咁既 食落好鬆軟好好味🧄之後佢泡菜豬肉份量都好多 上半部份有一半都係豬肉黎既 而且最底底都仲有 超足料 不過佢個調味就唔算話超韓風 純水少少辣辣地咁 不過都惹味既🐷除咗啲豬肉之外 佢中間其實仲有啲千島醬椰菜 我自己係欣賞佢有椰菜既 但係因為打直食個多士 佢啲椰菜會越食越多醬 真係有啲太多😂😂·#rbyeat#rby台灣菜#rby西灣河·📍西灣河筲箕灣道57-87號太安樓地下第二街A33A號舖

放工去左太安樓買外賣返屋企食，揀左呢間台式肉燥飯外賣店曜嚐，即叫即整既肉燥飯製作需時，等候取餐期間可以行下附近睇下有咩食先秘製豬腩肉拼香菇肉燥飯 ($46)肉燥飯既份量都幾多，醬汁撈飯就最正，豬腩肉煮到好入味，少少肥但放縱一次啦，會食上癮既肉燥飯 (估計係因為平時少食澱粉質既緣故 哈哈)秘製醬汁雞腿飯 ($48)雞腿飯就叫比小朋友食既，影個陣已經聞到好香，煎到金黃色，雞皮夠香脆可口，小朋友都大讚好味惠顧飯類再送罐裝烏龍茶，解膩之選

今次係第一次食曜嚐既吐司叫左滑蛋叉燒吐司加芝士 仲送一罐烏龍茶舖頭只得企位進食 所以選擇拎返屋企慢慢食本身以為只得頂個層有餡點知原來食到尾仲有啲生菜加沙律醬滑蛋叉燒更加係好多好充料麵包仲係烘底 不得了下次會再試其他💛

疫情下見證佢由兩間鋪變成一間，但食物味道同份量依然不變。最近知道經openrice order指定優惠食品有9折， 當中竟然有性價比高既鰻魚香菇肉燥飯。鰻魚香菇肉燥飯 $54（原價$60）薄身鰻魚掛滿咸中帶甜既蒲燒汁、鹵水蛋半隻、加上份量十足又惹味既香菇肉燥，令我不知不覺食多左飯；仲有附送烏龍茶一罐， 感覺超值。Btw, 如果吐司都可以經openrice 落單自取就好啦～ 咁我就唔駛分開落單， 又經apps又打電話。

太安樓是我的另一個掃街飯堂😆 除了價錢在港島來說相對合理外，款式眾多、同時保持一定的質素，深受街坊歡迎👏🏻🥪巨厚餐肉吐司吐司即叫即做👨🏻‍🍳 入口微暖 面包不夠香脆🍞 但兩面散發著牛油香味🧈 午餐肉煎香後 🐷表面帶微微焦脆 味道鹹香可口✨ 但肉質較乾而且十分薄身🔪沒有厚切的效果😢抄蛋嫩滑 蛋味香濃🍳 但份量太少 吐司食到最後就沒有餡料😩如果盒子有更多醬汁及配菜 可以提升層次感 味道會更為出色✨🆁🅰🆃🅸🅽🅶: 2.6/5