有口福美食店

營業中

休息中

呢間寂寂無名嘅雲吞粉麵舖，卻藏身住比起外邊好多越南餐廳都要出色既越南河，每一年我至少都要嚟食番一次。呢度個越南河除咗湯底夠濃之外，我最鍾意嘅係佢勁多洋蔥同埋辣椒，面頭仲有一塊熟客先至識得使用嘅檸檬，每次我都幾乎要扭到佢塊皮斷先捨得收手。

新搬黎，一心去馬會買6合彩，行過見到有間牛雜粉面店，門口同鋪面都細，坐位又唔多，衛生環境一般，典型既牛雜粉面檔，小妹由細食牛腩河食到大😂梗係要入去試下啦～店員一放低碗河粉，即時覺得冇入錯黎，我至愛既清湯腩呀～😍食粉前，梗係試淡湯啦～正！再黎就係加辣椒油試牛腩，又淋又滑，仲帶點肥膏😍29蚊碗👍，下次試下佢地既越南湯牛河先

住果頭附近，諗住純粹醫肚求其揾間平野食下，估唔到又幾好哦！牛雜 牛筋好入味，湯底鮮甜。打後間中有幫襯下囉！呢間野舖面係舊式傳統粥粉面格局，完全唔起眼，真係要入過去先知係正野

話說經過呢間鋪好多次 因為附近有馬會 今晚有幫老人家買馬經過 就入去食啦 坐低四圍望睇下d人食d乜 穩陣d 見到對面女仔食緊碗牛肉河巧正咁 就落單 原來正是特式越南河送黎見到好似樣 飲口湯真係驚喜 少少辣 濃濃牛肉味 有片鮮檸檬同洋蔥少許辣椒添 夠晒味 食左又唔覺味精 河粉滑 正得推介另外叫左牛筋牛腸河 分量足 牛腸過肥 牛筋入味 無特別驚喜 可能越南河濃已蓋過豆漿$6 杯 正常

今日突登入黎試下越南河同走地雞反之前都睇過好多人post話好好食一去到睇門口真係估唔到有好野食 越南河又真係好好食喎 湯正 牛肉份量多 依個價錢不得了 邊度搵呀 走地雞反 好食 肉好滑 食到停不了今次一行 絕冇失望 goodgoodgood

夜晚來到呢間系葵涌的街坊小店食野，已分唔清究竟系晚餐定宵夜了，入到來呢度應該系主打牛腩牛什的麺店，亦有粉果燒賣等小食同少量飯類，但最吸引到我食慾的卻系一碗招牌“特式越南河”來到見牛湯底咁深色（當然唔排除加左料），但起碼夠熱而且味道頗濃，而且已預先放左一片普通檸檬（唔系青檸），洋蔥，芽菜同辣椒粒，排場十足，令味道提升左唔少，牛肉有五大片，唔算肥，顏色嫩紅，做到真正半生熟，唔会鞋口，有驚喜，而河粉當然系麺檔用的來貨，尚算幼滑，總結來講，我系幾鍾意呢碗小店的生牛肉湯河，食完都幾滿意

久聞這間隱世小店，果然不枉此行！今趟真的有口福了！必食「特式越南河」$33每一碗都加入一片檸檬，賣相即時加分！湯頭很甜很辣，有少許青檸味。雖然辣得有點過火，卻很刺激，吃完全身是汗牛味特濃，好有口感！以這價錢吃這種質素的牛，實是超值！另一推介，「走地雞飯」$32 配紫菜湯記得早前看過食評，明明是$35一份，竟然降價餐廳說回贈街坊，良心小店值得一讚！走地雞非常滑溜，雞皮與雞肉之間夾著脂肪，雞油滲至雞肉裡面，與外面吃的冰鮮雞截然不同！然而雞味不足，欠缺最佳口感。薑蔥配搭得當，不會太重薑味，蔥油配雞油，很肥但很喜歡這種飽滿感！紫菜湯很清甜很順口，可以消去雞油的肥膩！

星期天，太太把我放棄了，獨自去行街，晚上去大埔接兒子的任務由我獨自去處理。眼見有車在手，不如去一些平時未必有機會去，而又順路的地方。所以，我心中有了石籬邨這一個念頭，一面開車，一面想著馳名的粉仔。可是，是失望的，原來粉仔店星期日定休，目標沒有了，而我又神經地入了一小時的咪錶，於是焗住要係附近尋食。而就在斜路落小小，有幾家小食店，我又是點指兵兵的隨手一指，指中了這一家名叫《有口福》的小食店，目標是食碗麵。我未看到有越南河食，但我見到牛腩同牛什，而且又見到店員正在包雲吞，我就不顧一切地，叫了一個牛骭雲吞粗麵。越南河，是我食食下麵，看見別人叫，而且亦好靚，才知道這兒最出色的其實是生牛肉河。不過，廣式的牛腩麵，也是夠好味道的。先說牛腩，有一絲絲的肉感覺，味道又夠，再重要同令人吃得開心的，就是夠腍，又腍又香的牛腩，你會不叫好嗎? 另外，就是雲吞，是味道很香的雲吞，大地魚的味道完全令這一粒說小不小的雲吞升了幾個層次，非常之惹味。而，當日我心知，我晚上會冇野食，所以我整多一份外賣走。湯麵涉河外賣走不好，而我又見到他們推介雞飯，而且人來人往的買外賣街坊，幾乎個個都來一盒雞飯。懶得煮飯仔的我，就一盒雞飯

位於葵涌石籬邨旁，地理位置只適合該區居民及在附近上班的人。門口及店內攞設，都只不過是一間尋常的粉面店。若不是當初是由同事帶我前往品嚐這碗「越南生牛肉粉」，不知道何時才會吃到這碗讓人一試難忘的牛肉粉，墈稱隱世美食。特色越南河$31，與其他店鋪相比價錢十分合理。特色越南粉 濃濃的牛肉湯香氣撲鼻，湯面鋪滿洋蔥、紅紅的生辣椒粒、新鮮的葱段。生牛肉蓋過了整碗湯粉。最精髓的就是那塊檸檬引出香濃的牛肉湯的甜，配洋蔥、辣椒、葱段，酸中帶辣，辣中帶甜，甜中帶辛，喚醒味蕾。當夾起米粉時會拌著洋蔥及一條條藏在牛肉下面的芽菜，豐富了整碗湯粉的口感。店家其實還提供了好多選擇，價錢平價，抵食。有各類的餃子、丸類、飯類、粥品及小食。由於每一次都忍不住嘴饞，都只點「生牛肉越南粉」。幸好這次朋友J點了「金錢牛肚河」$26配豆漿$7。豆漿跟餐加$6金錢肚河 $26我也嚐了一塊牛肚，味濃爽口。整碗湯河份量足。朋友J喜愛吃牛肚，她對這里的牛肚感到滿意同埋覺得價錢相宜。這是一間有實力的小店，除了「越式生牛肉粉」外，還可試試其他食品，說不定也有合你胃口的隱世美食。

細個讀書經常黎食，今日突然諗起隱世嘅越南湯，於是又來探一探佢 。Order左個雙拼河轉越南湯，其實食咩配料吾緊要，最重要系轉越南湯。叫走芽菜會變左生菜，勁正！面頭既檸檬系細個老板娘指導下 系用兩隻筷子扭佢令檸檬汁整落個湯到，湯會有濃濃既洋蔥果 辣味 蒜味等，總之就好好味！一定要試一試！

今日獨個兒外出食午餐，但葵涌大多都是茶餐廳，實感悶兒。突想起同事就過麗晶中心馬會附近有間食越南粉的，所以決定這就是我今天午餐。去到店舖門口，裝潢與一般的牛雜粉麵店無疑，但門口有一小招牌寫著"正宗越南河"，估計沒去錯地方。坐下後就點"招牌"粉加一碟腐乳通菜。越南牛河 : 香濃牛骨湯底，不禁先喝兩啖，半生熟的牛肉夠嫩滑不會韌，河粉好幼滑。

因知道這間「有口福美食店」有越式河粉，所以專程去試試。在大街中間，很容易就能找到。鋪頭不太大，人都幾多，加上附近有馬會，隔壁同這間都見到好多阿叔係到＂砲馬經＂駐腳。「特式越南河$28 +另加墨丸」，湯底係濃濃深色的湯，略帶甜，好夠熱！不錯！配料有洋蔥、辣椒、蔥、芽菜、檸檬..等。半生熟牛肉係薄薄的肥牛，最鍾意個河粉好幼滑！（原先係叫魚角（三角型個D），因己賣晒，所以改了墨丸，但墨丸不好食，又係似魚蛋多D! ）「燒賣+  粉果」，燒賣麻麻地，粉果亦一般，好普通。係蒸得幾夠熱。豉油較淡！「涷擰茶」，味道也不錯，但比較細杯。之後，外賣了一盒「走地雞（半隻）」 $51， 因雞賣晒了，所以加咗幾嚿「豬手」！雞肥瘦比例也不錯！但沒有預期中咁滑。雞肉不算滑, 雞味不太濃。反而，要讚個D薑蓉（已加埋豉油）！調較得好好味！薑蓉絕對提升了雞的口感！！店員都好nice. 價錢又平！值得一試！

越南粉濃濃的牛骨湯底，加入了辣椒，蔥，洋蔥和青檸汁，帶少少酸味之餘亦有微微的辣味，飲落感覺幾清新。牛肉亦夠嫩滑，放耐亦不會太韌，不錯不錯！  下次會試下走地雞飯，好似都唔錯！                          

自從啱我囗味那間雞飯店結業後，我就仿如一隻狩索犬般，四圍尋找雞飯嘅芳蹤，慰藉我內心深處失落的雞飯癮~朋友間都會知道我嘅怪念頭，所以當佢地食過有好味嘅雞飯都會彈消息俾我...那天day off，太太亦因為要出席試食會而剩下我一個，女兒長大又有自己世界，咁唯有做一個lone ranger去自己食吧~在石蔭邨下面嘅有口福，旁邊都有一間賣差唔多款式食物嘅店舖，好彩臨門一check無走錯舖！ 其實店裝修白，光猛兼乾淨，侍應阿姐又熱心，食物味道都唔會差去邊~走地雞飯$31, 無改什麼華麗名稱，簡單直接咁表達 "我係賣走地雞！"走地雞果然肉質結實，皮下脂肪可以講係無，肉味都ok嘅，反而浸雞汁可能唔係好鹹，入嘅味係唔顯注，好彩有口福嘅蔥油係好有鮮味，好有蔥香，唔會鹹到嗆舌，少少已經可以掃走碟白飯，雞肉點咗又可以提味，唔錯！呢間走地雞飯可以留在我心佔一席位！

周日相約到好友家中整蘿蔔糕，不過剛蒸好的糕要放進雪櫃凝結才可煎來吃，所以就帶著蒸好的蘿蔔糕離開去吃晩餐。每次來友人家都是叫外賣，而附近又沒什麼吸引的食店，所以就到荃灣葵芳一帶覓食，最後鬆弛竟然找到石籬這個地方。自己對這個地方是零認識，也說不出石籬其實在哪。走進店內看著牆上的餐牌，一時間不知吃什麼。看清楚一點發現這家食店主要吃潮式粉麵，不過門口有個很大的版子寫著招牌越南河，既然是招牌，當然要吃，另外食評中也有人提及走地雞。走地雞可以點半隻或一隻，如果還是嫌份量太多，可以點個走地雞飯。本來阿姐說吃雞要等半個小時，但這次不吃又不知何年何月才會來，於是要了碟走地雞飯，多加一塊吉列豬扒。招牌越南河。越南河其實是生熟牛肉河，湯底的顏色看越來挺濃，心想可能用了煮牛腩牛肚牛筋等東西熬成的湯底吧，這個做法也挺聰明，越南河的精髓就在於用牛去熬成的 湯，所以湯底必然是足料又濃郁。湯底真的不俗，夠味之餘喝完也不覺口渴，另外店家加入了一片檸檬去提味，雖然覺得用青檸更好，不過有總好過沒有。河粉也夠 滑溜，肥牛不過不失。一碗才賣$27，有這樣的質素是合格有餘了。豆苗。粉麵店很少見到有豆苗吃，因為是貴價菜，可是這裡一