有得餃 (已搬遷) 新店位置

建業街係食街黎，兩邊馬路全部食肆，喺泗記食完碗蒸飯，再行幾步就係有得餃，入去食碗餃當round 2，仲有世界盃睇添。見到好多客嗌麵食，都有啲心郁，但係上半場已經食咗個飯，食唔落啦，於是點咗8粒芹菜豬肉餃，估唔到淨餃唔只冇麵，係連湯都冇。食落餃皮略厚，餡料算足，不過芹香蓋過哂肉味喇，其中一兩隻仲食到有類似碎骨嘅異物，真係好一般。食食吓發現好多人叫醉雞翼，唔爭在叫埋，食淨打包啫。呢隻雞翼就全晚最佳球員喇，37蚊8隻，數量上已經好抵叫，諗住數量多即係好細隻？結果好大隻。諗住大隻即係唔入味？結果又好入味、好有酒香。埋單時睇到牆上剪報，原來呢間野仲投咗美食車黎做，真係估佢唔到。

其實元朗真係有幾多好野食！仲有好多餃食tim😆岩晒我口味啦！👉🏿✨野味溫室蕃茄豬肉餃 Hkd 41 💸📌加湯要再加2蚊，係胡椒豬肚湯。老實講佢既湯胡椒味就真係唔太出😂但餃子都係非常大粒又多餡！👍🏿蕃茄味會帶有小小酸酸地，不過係幾fresh~可接受範圍！👉🏿✨金菇肥牛炸餃 Hkd 46 / 半打 💸📌姐姐俾我mix埋芝士比撒炸餃😂個人覺得炸餃係出色過湯餃！特別係個金菇肥牛，真係一試難忘😍味道非常出，好食喎！而芝士就太大眾了，加上會有啲膩，比較推薦金菇肥牛

今日女友訓到下午，之後我就去揾佢一齊食野。我地坐輕鐵去左元朗食餃，我點左個秘制醬汁撈面加芹菜豬肉餃，女友則選左冬菇白菜豬肉餃。之前有同佢食過，一直都覺得很好味，而且有一種親切的感覺，因為今次食緊的時候，可能因為早早賣晒餃子，見到佢地好用心咁包緊餃子，一隻一隻用人手去包，單單食份人手的心意就值回票價，每隻餃子都漲漲的，充滿著材料，就算是男生食一碗已經好飽。另外我見其他有好幾枱都點了薄餐，有機會一定要試試。

呢間<有得餃>睇個名都知主要係食餃子佢地嘅餃子🥟種類超多有湯嘅，無湯嘅，仲有炸嘅味道亦都有好多款總共有成廿款俾你揀一場黎到當然試下啲特別口味啦。。。。。。。。。。。。金菇肥牛炸餃 ($46/半打)▸完全無諗過金菇肥牛可以用黎做餡料，🥟表面炸到金黃色，好脆而且一啲都唔油，裡面嘅金菇肥牛雖然切到細細件，但都好夠味，好重胡椒味好惹味，有啲似食緊胡椒餅，好正😋 食食下發現其中一隻俾錯左，俾左隻炸素餃我，估唔到咁清新咁好味🤤 。。。。。。。。。。。。藥膳雞腳湯 ($46)▸完全無諗過咁大碗，真係成個湯碗咁大 (心諗咁大碗點飲得晒) 藥材味都幾香，但唔算話勁重，岩岩好，再加埋桂圓，愈飲愈清甜，真係可以成碗清晒😋 雞腳方面得三隻有點少，不過都好淋好入味，如果多啲就更好😍。。。。。。。。。。。。整體而言，價錢是有點貴，但又真係幾好味，下次會再去試埋其他

之前食過呢間食店嘅美食車﹐五色餃都唔錯，所以想試下佢地舖頭嘅其他野食，就捉咗男友同我嚟。油渣麵 - 必食推介! 香港地唔係好多地方有油渣食啦! 油渣乾身脆口，冇『油益』味，麵就係上海粗麵果d款，配料有冬菇、小蝦，湯頭清清地，更顯油渣香口味道。秘製上等德國醉豬手 - 豬皮部份夠爽彈，酒味已滲透豬手肉，正!西洋菜豬肉餃❨8隻❩ - 我未試過食西洋菜包嘅餃子，點呢款餃，全因男友愛『鬼妹』。餃子皮厚薄適中，d西洋菜又幾甜wor﹐食得到餡料嘅新鮮。佢地有自家制醬汁，用來配餃子，可以選辣或者唔辣，因為我唔食得太辣，所以點了一辣一唔辣，好好好好好味啊! 大家一定要點呢個醬汁啊! 不過要預咗食完個口會有頗勁嘅蒜蓉味。總括以上食物份量都好足，價錢合理，亦美味。會再來食。

呢間餃子🥟係一位同事介紹，雖然佢唔係住元朗，但佢都去食過幾次，身為元朗人的我點可以唔去try try?呢間水餃專門店起泛後甜品轉角位，唔太起眼。牆身有啲新聞剪報，原來都頗有名氣。點了一個普通餃子和一個炸餃。野生冬菇有機白菜豬肉餃。呢間餃子係無湯ga，所以外賣都唔怕會浸到淋晒，佢會提供餃子醋，有辣同唔辣揀。金菇肥牛炸餃。呢款我朋友特別推介，炸餃都係第一次食，好新奇呀！個皮好脆，再點個辣醋好好味。不過呢間個價錢都偏貴，間中食下就好。

有得餃呢間水餃做到愈黎愈出名之後仲係唔同地方做埋美食車 不過佢地美食車都只係得5色素餃 所以山長水遠都係要返黎元朗佢地有十幾種餃 今晚我同男友就食左西洋菜同埋玉米餃 西洋菜可能仲未係時候 仲有少少苦 但係玉米餃有大大粒玉米係入面 個皮又唔太厚 好好食架再加埋佢地自家製既手搞麵睇落好似油麵但食落完全唔同 少少似魚麵 佢地既湯底係用胡椒湯既 但唔會太攻鼻 小朋友都食到冬天食胡椒仲可以驅寒 所以我次次都會叫男友食左撈麵 其實就係佢地點水餃果個汁 配埋手搞麵既口感唔錯架

今日同朋友特登去左食有得餃 去到入面都幾多人 得返一張空枱 地方有dd逼 不過都還可以 叫佢地牆上面痴左好多報導介紹個d 我地叫左一個炸餃 一個烚餃子炸餃叫左金菇肥牛餃 烚餃叫左椰菜豬肉餃佢有個辣汁比你點餃子 好好味 我見隔離枱點到要叫多碟辣汁個金菇肥牛炸餃都幾好食幾特別 即叫即炸 有d似胡椒餅 有d辣辣地 食落都唔會炸得太乾個d 外脆內軟 一份好似係有6隻椰菜豬肉餃就普普通通 叫做正常嘅味 唔會難食又未至於話好好食椰菜餃$39有8隻

胖🐽增磅@元朗。第一站有得餃由於男人放假，所以決定黎個元朗增磅之旅，第一站本身係澳門雞湯米，可惜遇上休息日，所以轉戰。有得餃早一日已經做到資料蒐集，想試西洋菜餃同蟹黃餃，可惜蟹黃餃暫停供應，所以只叫了西洋菜餃再加左藥膳雞腳湯🐔🐔。。西洋菜餃$39有8粒。。大大粒，皮薄，同埋幾滑。配埋自家的蒜頭醋，夾埋一齊，好好味。。。個醋有芫荽碎，啱晒我倆個荽人🤣🤣🤣番屋企要試整e個醋醬👍🏻👍🏻👍🏻個醬有得揀辣同唔辣的，我地揀左唔辣都好好味藥膳雞腳湯$44有3隻雞腳。有紅棗圓肉黨參。。閒落好香，我勁鍾意藥材味❤️❤️❤️飲起上嚟初頭甜甜地，之後又帶返啲黨參嘅甘苦味飲完個身即刻暖晒雞腳都好淋，幾入味可能時間比較早，3點幾，無咩人食雞腳湯，老闆娘話要煲番熱先攞比我地，不過都係等多7.8分鐘到姐。因為要留肚的關係，無叫到炸餃，但偷聽到隔離枱食pizza炸餃話幾好味，所以下次再黎，要試埋其他湯餃同炸餃😁😁😁不過個抽氣可能要再改善下，因為只係炸一碟餃，即刻好大油煙味，如果改善到的，就100分了👍🏻👍🏻👍🏻後來發現原來美食車有，有得餃，如果可以近d，唔洗坐個幾鐘入元朗先食到的，貴少少。50蚊內，都可以去食下😁😁因為真係

這間位於元朗的店叫有得餃但當然不會只有餃子可以吃還有別的菜式啦。第一張食物是炒粗麵，份量不是很多但味道挺濃，加上芝麻不少放在麵上，吃時感覺很香口及有咬感，拿來填肚很不錯。叫有得餃當然不能錯過他的餃子，水餃是最能吃出餃子的味道。皮不會很厚而且料足挺有份量，看上去不會太多其實吃完麵再吃餃後還是頗飽肚了，不過還有道菜就是雞啦！這雞看著就曉得很入味，除下邊汁多上邊也鋪了很多芝麻跟配料（竟然敢加花生醬）！所以入口會覺得滿嘴都會除雞味還有一種香滿滑濃烈的口感，會很開胃一直吃直到吃完。以小店而言這間很不錯！

其實已經不是第一次來到元朗有得餃，本人其實是本鋪的fans , 來到附近有空的話一定會來品嚐。我最喜歡佢哋新鮮包的餃子，皮薄餡靚！ 尤其鍾意是栗米餃，更是品質保證，至於時令的西洋菜餃更是至愛，奈何老闆比較堅持，不到適合季節就不賣，確保品質！今次來食野點了3 樣野，油渣麵，醉豬手，粟米餃(不過由於趕住食既關係，唔記得左影相，有機會再介紹)如果您喜歡食油渣麵，應該都知道唔會有好多地方有得食，佢哋既麵條係自家做，新鮮又好咬口，油渣老闆也說是自炸的！ 不過炸出來也沒有太黑，也選用肥豬肉，沒有其他雜肥膏，喜歡食油渣麵既朋友不妨一試！另外醉豬手用嚟送野飲(e. g. 汽水，啤酒) 是一流的，如果唔鍾意食豬手，不妨試試醉雞翼，也是非常不錯！酒香適中，不喜歡飲酒的朋友相信也會追住食！

我膳女朋友本身都好鐘意食呢間，因為餃子質素唔錯。由佢地開張食到而家，佢地既一直水準都保持到！個姨臣炒麵配佢地自家製辣椒油簡直一流！同埋佢地個藥膳雞腳湯，味道濃，一定要試！但而家好似唔同左人，外賣連拎個辣椒油都要收$5？！有D貪心喎。。我買咁耐從來未試過。。。希望佢地改善下呢方面，因為辣椒油其實好基本，無理由咁都要收錢掛，仲要唔係一兩蚊，而係收$5！仲要係得好細兜！無左個辣椒油其實個姨臣炒麵會爭好遠！

This is one of the best dumplings restaurants. They made the dumplings in the shop daily and you can see the ingredients are fresh. They have lots of dumplings and the sauce is awesome. One minor disadvantage is they handle the dumpling bare hand, with the same hand they will touch money and serve customers. If the hygiene can be improved, will feel happier to dine in.Their dumpling sauce is so good that I keep going back halfly because of that. However, they are very cheap about giving the sauc

有得餃一家手工做的特色餃子店芝士比薩炸餃餃子裏頭有洋蔥肉碎芝士跟番茄就像是肉醬一樣的感覺帶點微微酸甜味開胃好吃但略嫌餡料有點少不夠實在韭菜豬肉餃子正常味道但皮有點硬配上微微酸辣汁同吃也不錯吃芝士煙肉薄餐沒有吃出芝士味煙肉咸香味和蔥花的香味較出香脆可口但比較咸豆漿偏甜看見餐牌上還有藥膳雞湯和豬油渣麵都是我喜歡的但奈何胃只有一個唯有下次再試另外店裡抽風較差吃罷渾身都是油煙味我覺得好吃不等於你純屬個人意見愛分享

元朗「有得餃」位於又新街的餃子店，店面坐滿也只能容納14人，是家庭式經營的小店，能在元朗這地區立足超過7年，絕對真的有它過人吸引之處。他們每只餃子餡料都很飽足，真材實料。我個人最推是「玉米豬肉餃子」跟「冬菇白菜豬肉」。他們是用新鮮的玉米，一顆顆拆下來再包成餡料，不會為了省工夫而用大包的冷凍玉米。外皮也不會太厚，調味比較健康取向，因為重點在「沾醬」！愛大蒜香菜的人絕對會愛上～不過...吃完要漱漱口就是了😂。.另外煙肉芝士薄餐跟芝士Pizza炸餃也很棒，結果怕油膩的可以先試炸餃～（為什麼怕油膩的我會推炸餃而不是薄餐？因為他們的炸餃是做得一點也不油膩的～有機會來元朗要試一下這材料用心、家庭式的、良心小店～若果在下午來，還會有機會看到老闆娘或是奶奶在忙著拆玉米來包餃子～#hongkong #香港 #吃貨 #食評家 #元朗 #yuenlong #有得餃 #餃子 #🍴 #📷 #poyee🌻