有米鍋粥底海鮮火鍋 (已結業)

朋友喜歡食火鍋，咁就搵咗呢間粥底火鍋一試，叫咗海鮮餐 ， 包括 7款海鮮 ， 5 款任選配料 ，$198 位 ， 星期一至四免加一 ， 但套餐不包任何飲品 ，每枱都會有蟹子沙律 。海鮮有蟹 ， 魚 ， 蜆 ，花甲， 蚝 ，蝦 ， 鮑魚 ， 份量平均每人都 1 隻 ， 蜆就會幾較多啲。 食材幾新鮮 ，食完海鮮之後再食配料 ， 配料都算 ok ， 但份量不是太多 ， 講真，食晒之後都不覺得飽 ， 最後粥底是加……芋頭及南瓜蓉，白 飯煮成。所有精華全部在粥內 ， 咁當然好味啦 ，要食埋粥才覺得飽 。這類型火鍋係好味，不過就真是不太健康 ， 偶爾一次 ， 就冇問題 。如以此價錢論…… 是可接受，未算低食 。

第一次來幫襯因為門口有車位，泊街可以抵左！當時候好有驚喜，但今次嚟到，竟然在海鮮上出了點意外，有兩隻蜆全部都係黑色的沙，令到成個湯底黑色要換，換左之後，即是話我食返普通米水的粥底！當然，侍應態度是好的，馬上幫我們換！希望下次餐廳會留意！😞

舖位位置容易搵，仲有代客泊車服務，海鮮份量啱啱好又生猛新鮮，侍應服務幾好，會教你要用幾耐時間處理海鮮先好食，最後食埋個足料既粥，咁就食左一餐好豐富又好味既晚餐，不足之處就係洗手規液唔夠，食海鮮要預備多少少紙巾抹手。

喺九龍城食完飯經過呢間粥底火鍋,決定帶埋兩老黎試吓~ 呢度可以揀7款海鮮,5款配料~ ($198)星期一至四仲免加一! 當日既海鮮有蟹(一人半隻),鮑魚(一人一隻),龍躉片,蜆,貴妃蚌,蝦,花甲~有埋TIMER比你計時配料揀左雞件,花膠,安格斯肥牛,黑毛豚肉,手打蝦膠。份量都夠，最後仲有店員加白飯，南瓜蓉，芋頭粒，豬油渣煮成粥～成個粥好香，仲有鮮甜海鮮味家人都食得開心滿意呢度除左呢個餐仲可以散叫添! 　

出左新野點都要拉好閨蜜試一試 佢地一樣要訂坐 因為六點去食已經人山人海繼鮮味粥底後 又一新野 好味雞煲香噴噴雞煲 有辣度選擇 大中小程度同埋佢既雞煲係令我連雞皮一齊食埋 入哂味兩個人分量有差不多一隻雞 洋蔥煮到軟哂炸蒜頭 超好食食完雞煲仲叫左響鈴同烏冬 兩者襯雞煲一絕佢係會令我再去食既雞煲

真係因為太好食所以沒來的急影相，食材很新鮮，海鮮鮮甜，最後食到粥吸收了海鮮的甜和其他食材的香，真係好享受，到最後，覺得有無聲的煙花在腦海綻放，放工同friend一起，食得開心，價錢好抵，別無所求哈哈哈

先前係FB成日見到朋友話呢間好好味又好抵食。咁我今日就叫雞叫朋友一齊黎試啦～～呢個人頭收費$198~ 包7款海鮮, 同5款食材~係我地好愁唔知揀咩好既時候, 貌似老細既店員OFFER 就黎同我地講:一係我畀多張你地啦, 你地4個人, 我將D 份量減半, 你地揀多5款啦~咁咪可以食多D咯~~喂呀! 正呀! 你點知我地有選擇困難症家?! 咁我地就唔洗打交喇~~一坐低就送左個蟹子沙律~跟住就上埋大堆頭海鮮喇~四個人有兩只蟹, 不過大家都好懶食蟹.WKAKAKAKAKA 4班唔知咩人黎既.. 食野都懶~大蜆, 蚌, 鮑魚~蝦, 好似每人有3只, 今日既魚係龍躉, OK WOR~ 唔腥, 我平時唔LIKE 食呢D 切片斑塊~ 呢個OK~上哂黎都冇位放LU~終於清哂D 海鮮後, 就可以食肉喇~YEAH!!!!但其實份量都好多呀~ 係咪見我既身型所以優待左我地呀?!飲品都唔係貴, 我地每人都叫左飲品~~~~食到好飽好飽既時候, 重要上埋黃金粥!!!!有南瓜同芋頭碎呀,.. 真係蠢, 咁得飽早知叫姐姐落一半好喇.. 呢D粗糧好鬼飽肚家嘛~~~但佢個粥真係好味既~可惜我真係太餓只可食半碗~呢個套餐好抵食

上星期朋友聚餐，成20個人，以為又係去酒樓，點知朋友帶咗我地去呢間「有米鍋」。老細好好人，比咗個近門口又自成一角既位比我地，唔驚嘈到其他人。粥底火鍋都唔係第一次食，不過呢間都算唔錯，價錢唔貴，但就有海鮮食。魚、蟹、蝦、 鮑魚等，都好新鮮，佢啲花膠，話咁快比啲女仔掃晒。我自己唔係特別鍾意食粥，不過佢個海鮮粥最後加入 南瓜及芋頭，又幾好味。老細話呢個叫黃金粥，無渣，大人細路都啱食。呢個場唔係話非常大，但勝在夠乾淨，連廁所都乾淨企理。一大班朋友聚腳搞活動，或者家庭聚會都係唔錯既選擇。

見九龍城開左間新粥底火鍋，試一試。價錢合理，一個價錢包7款海鮮。我最鍾意蟹，鮑魚。鮮到值得一讚之後再簡多5款其他食品。最後個湯底加返米落去煮個粥，好味到震。食到最後飽到抱住個肚出門口。呢間野聚會唔錯，有卡位坐，下次再食過

粥底火鍋聽就聽過好多次. 但真正食既都係第一次. 之前食既係大陸食. 真係有米粥底開始. 依間唔同. 係由粥水開始. 今次係臨時訂台. 係openrice 即日訂. 一去到就送左個蟹籽沙律. 蟹籽算多，有粟米，蟹柳絲，青瓜絲，係開胃既，但嫌醬太多，撈完條條都有醬，但我怕肥食兩啖就放棄勒食緊既時候就係揀邊爐料既時候，其實一坐低就有張紙比，一個粥底配7款海鮮，另配5種火鍋料，食完就再有粟米. 芋頭泥同南瓜泥就加飯比你真係食粥. 食完個前菜就開始上海鮮料同個粥水底 兩個人就有一隻蟹，依度係2人份量海鮮，啲料堅新鮮，個粥水真係粥沙水，一粒米都無，之後就放隻蟹落去戈時仲識郁下郁下， 證明超級新鮮，每種海鮮都有佢個煮食時間，張台隔離就痴住左最佳煮既時間參考，同時都會比個計時器每張台去計.一鑊熟最開心之後就上埋自選5款既火鍋料，揀左山藥. 花膠. 雞件. 肥牛同娃娃菜（菜得幾款揀，唔夠多種類）但全部都新鮮好食既真係啖啖肉最後就係姐姐整粥時間，滾起既時候就要彈，要小心啲，滾就快啲熄火勒當日好彩早又有訂位，見後尾都坐滿晒. 無訂位就唔個要等幾耐luu 綜合：新鮮好食可番卓之系列

海鮮中規中矩但連水也沒有，四個人有兩隻蟹，貴妃蚌每人一隻， 蜆一碟但非常細小 ，蝦每人兩隻, 鮑魚一隻 。除海鮮外還有五款火鍋配料但選擇不多。最初那位很重鄉音服務員話免費添加火煱配料，所以多叫了牛肉，豬肉及油炸鬼各—碟，到埋單時三碟共要二百五元,原來是要錢的, 那所謂安格斯牛肉又黑又不新鮮竟然百多元. 再問那位服務員她竟回答當然要錢啦, 生日飯費事爭拗吾開心但絕對吾推介, 無下次.唯一可取是最後粥底美味, 可以填飽肚。

生日壽星想食粥底邊爐，本身想訂另一間，個間d 時段唔啱，1係太早6點，1係就太夜8半，見到呢間食評幾好，一於試下，仲可以用 openrice 訂枱，夠晒方便。我地自選咗牛肉片，豚肉片，手打蝦丸，花膠仔同雞肉。 用計時器食晒d 海鮮再慢慢食自選配料，d 海鮮好新鮮，食到 lam lam 脷。份量都好多，食到尾再放南瓜同芋泥蓉落去煲，另外再加碟油炸鬼，真係飽到棒住個肚走。P.S 鋪頭有d 細，如果多人要坐迫少少。 同埋唔收切餅費，可以坐底同壽星切埋蛋糕影下相先走。美中不足係坐咗係風口位，成晚吹住個頭。

四人行搵好野食好多野食 飽飽飽無得頂蟹蝦鮮甜 粥底好食！下次一定再來 冬天必選佢地伙計同我講依期like Facebook page &share page~有抽獎 隨機送一款火鍋配料

有晚同同學去食飯 估佢唔到$198食到飽一坐低佢地既職員好細心 比左一大盆沙律我地先醫肚好食！之後見我地細生仔第一次食 仲教埋我地點食 食乜野海鮮先仲有計時器比埋我地 我地睇住海鮮時間表睇住食 唔驚唔識食最後埋單走人都係位位$198仲唔洗加一呀 真係必食之選！

(食海鮮有預算)$198有甘多新鮮海鮮食，酒樓都做唔到，自己一向都鍾意周圍去食，由期是同朋友或親人食晚飯，成日食酒樓雞，鵝，乳豬無的新意，一圍都要2仟至3仟12人。