有鑊氣-酸菜魚 (大全街)

營業中

休息中

每道菜都夠晒份量，又夠鑊氣，味道又好，最緊要價錢貼地🙌🏻必試冰鎮咕嚕肉！一上菜，底下嘅乾冰飄出黎嘅煙令成件事好啱打卡～咕嚕肉外層冰鎮住，造成外脆內軟外冷內熱嘅效果！而且甜酸到調配剛好，再加埋啲青提子，超級好食🙌🏻酸菜魚又係正～叫左一份鱸魚例牌，都幾大條。魚肉夠滑唔多骨。湯底好好味，夠酸夠辣，仲有芝麻香。配料有寬粉、豆芽，椰菜花等。紅酒燴牛尾，牛尾好腍，帶有少少紅酒香。如果蒜蓉包可以再脆脆啲濃味啲就更好～乾隆鹽水鵝皇，鮮嫩爽口，一啲都唔覺肥但又唔會乾身，可蘸白醋或沙薑食。仲叫左個椒鹽鮮魷（食小菜必叫）同啫啫通菜煲～平時都成日滿坐，最好早啲訂定位～

依區成為我覓食好地方，咁啱比我發現依間一直都好想食嘅中菜館，上星期去左依度食晚飯，好彩黎到咁啱有張二人枱，唔洗等位，其他大枱已經滿晒座餐牌都有好多小菜選擇，叫左兩道餸兩個人一齊食老壇酸菜魚叫左例牌size，揀左鱸魚同點左小辣，估唔到個賣相同出面食開酸菜魚嘅餐廳一模一樣，除左鱸魚之外，底層仲有椰菜花、萵筍同寬粉，魚肉非常嫩滑無骨，酸菜魚湯味道調得啱啱好，酸味唔會蓋過左其他食材味道，小辣嘅辣度亦恰好，飲得出當中有微微嘅胡椒香，不得不讚個寬粉爽滑煙刃，水晶寬粉口感咀嚼幾啖就滑左落喉嚨，唔同平時食到嘅寬粉過份刃口，超鍾意！冰鎮咕嚕肉超級期待依道餸，黎到嘅時候乾冰冒出嘅煙係冰底飄出來，仙氣十足，咕嚕肉外層因為冰凍過，所以造成外皮酥脆口感，掛到個甜酸芡汁，食落有啲似油炸鬼嘅外皮，入面嘅肉亦都好軟熟，炸得好靚，真係好好食！份量都算幾多，我哋兩個人食左幾件覺得膩，食粒青提子解下滯，即刻又可以繼續食咕嚕肉飲品叫左啤酒杯份量嘅大檸茶，兩個人一齊飲都夠哂爽最後叫多個生磨杏汁潤肺湯，飲落好香濃嘅杏汁味，清得黎飲到肉香

大角咀特式小店，中式小菜，即叫即炒，有鑊氣，有人氣，晚飯時段很快滿座，建議提前預訂座位。店內裝修新，環境清潔衛生，店員服務殷勤。杏汁潤肺湯40元，杏仁味香濃，材料是主包括豬肺、雞腳和豬肉，有益美味。乾隆鹽水鵝皇(例牌)138元，份量不少，鵝肉嫩，帶咸味。冰鎮咕嚕肉188元，酸酸甜甜，外層脆卜卜，內層脂肪甘香瘦肉嫩，伴碟的青提子味道鮮甜，這碟小菜很有特色。啫啫通菜煲78元，大大煲，熱辣辣，通菜鮮嫩翠綠，蝦乾香口，醬汁惹味。總結：食物美味，性價比高。

行過見到門口午餐特價牌見入面都坐唔少人而啲餐大概都係$50+有炒飯、鹽焗雞飯等等…其中一項有酸菜魚米線就叫來試下畢竟呢度主打酸菜魚仲可以㨂辣度$53+$2有可樂味道不錯的魚質幾滑同埋都唔腥估唔到魚份量都幾多唔係得幾塊算係抵食的

人生最開心嘅時間就係可以同朋友暢飲一番加食好野😋呢間位於大角咀地鋪嘅有鑊氣小炒，就係一個好好既推介，佢地有出名嘅招牌菜⭐冰鎮咕嚕骨⭐乾隆鹽水鵝皇次次同朋友嚟都會必叫，特別係冰鎮咕嚕肉，出面好少少食到，好味又有特式☕生磨杏汁潤肺湯都係我既最愛，火候十足，飲完即刻覺得好清潤⭐乾炒牛河，份量十足，而且上枱時熱辣辣，好味又夠鍋氣!最後話明暢飲，一定要叫啤酒，食夠又飲夠，真係人生一大享受!✨以家7:30pm前結脹離座, 享有85折添🤩

今晚又和太太在大角咀吃晚飯，經過發現這家有鑊氣-酸菜魚好像不錯，於是來試試水準。餐廳面積不大，整體裝潢光潔明亮，位置空間感足夠，平日晚市亦會滿座，記得要先訂位。餐廳主打老壇酸菜魚，亦有多款不同的小炒菜品，同時亦有不同的涼菜及主食可供選擇，現在更有優惠19:30前離座有85折。生磨杏汁潤肺湯 $40先點一客杏汁潤肺湯，滋潤豐美的杏汁白肺湯，豬肺細心去盡血污，完全沒有一絲腥氣，達到滋味真醇的境界，喝一口馬上感到潤燥滋補，杏汁香甜鮮美。老壇酸菜鱸魚 $198點了招牌的老壇酸菜鱸魚，份量十足，用上原條新鮮鱸魚，肉厚無骨而肉質嫩滑。舉勺淺嚐湯底，酸辣的風味，輕輕的刺激著舌頭，酸辣鮮香，層次分明，不腥不燥，回味悠長，酸爽味佳，嚐得出是自家用心熬製，一流。乾隆鹽水鵝皇 $138鹽水鵝例牌份量亦足，物有所值，鵝肉連皮帶肉，肉質柔嫩，鵝皮爽彈，鵝味濃郁，配以白醋或沙薑同吃，有不同的口味，底下原有亦有新鮮鵝雜，鵝肝口感粉嫩，味道甘腴醇美，而鵝腸一咬爽滑脆口，同時甘香可口。大澳蝦膏通菜炒鮮魷 $98通菜以大澳蝦膏快炒過後，鑊氣十足，清脆爽口，油而不膩，賣相亮麗，味道帶有蝦膏獨有的鹹鮮香氣，而鮮魷件件厚切，口

之前食過覺得小菜唔錯, 打算星期五跟朋友再去食晚飯, 早一天訂4位, 當天他們也有打來確認. 8:30 準時去到, 職員指著門口一張只放了3張椅的檯叫我們坐, 一個要坐入去收銀個位, 一個要坐路邊, 根本個張檯無可能坐4個人, 我問阿姐訂位是4位, 你估佢點答, 佢話得大檯. 如果係咁不如訂位唔好接. 幾位阿姐對我們愛理不理, 我係門口等埋朋友到终於決定走人.

放工約了大角咀的老友來聚聚，就選了她最愛的酸菜魚黎食。有鑊氣酸菜魚就是她的不二之選。小店不大，但晚市8點左右，全店都坐滿了人，來到真嚇了一跳，幸好剛好有張二人枱，否則可能要等半個鐘才有位。老壇酸菜魚鱸魚(例)當然是必點的，人人枱上都有一盤。我們原本想點大盤，但大盤的話二人食份量太多，試唔到其他餸。幸好點了個例。酸菜魚賣相好得，色香味俱全。先飲一啖湯，鮮甜而不油膩，小辣剛好，酸菜的份量好多，還有花菜、芽菜和逶明滑嘟嘟的薯粉，魚片雪白軟滑，整體都十分出色，果然是招牌。乾隆鹽水鵝皇(例)例牌的份量不少，件件肉厚，咬落一點也不韌，就咁食已經好夠味，再配上沙薑醬令鵝肉香氣更突出。除了鵝肉，仲有少許鵝肝鵝腎鵝掌係入面，試到幾個唔同部位。大澳蝦膏通菜炒鮮魷上枱一刻熱辣辣冒煙，蝦膏咸香滿溢，鮮魷爽脆彈牙，我最欣賞係個醬油唔會死咸，通菜吸晒蝦膏啲味，好啱送飯！食人食唔停口！果然係有驚喜的一間小店，雖然招牌係酸菜魚，但餐廳入面的小菜都十分有鑊氣，值得幫襯！食完係門口見到7點半前結脹離座，享有85折，咁下次可以約早啲食用下呢個優惠。

因為係街坊，所以已經幫襯過好多次，個招牌酸菜魚真係好好食，應該係我暫時係香港覺得最好食嘅一間，夠酸又夠辣，個人比較喜歡鱸魚，比較重魚味啲。今日仲叫左菠蘿咕嚕肉，炸得黎唔厚粉，肉汁又彈牙，仲叫左薑蔥霸皇雞，味道都好食😋 水準每次都keep到，所以黎食一定唔會失望，會繼續帶朋友過黎食

Lunch Time時間撞到間好野，12點左右已經差唔多全場爆滿，果然多Fans。揀咗滑蛋牛肉飯加杯凍奶茶唔洗$60，估唔到有驚喜。驚喜在於個炒飯底，炒得好勻循，飯粒有焦香，雖然個面淋咗個滑蛋汁，但係仍然無損個炒飯嘅乾身度。個飯真係炒得有鑊氣，對得住個招牌，下次有機會要試埋佢啲炒粉麵先，尤其是想試豉油王炒麵。

今日中午經過大全街有鑊氣！見到午食價錢都算合理,所以去試吓,叫了個豬扒飯(炒底)加凍0茶都係60元正都0K,小店即叫即炒,出品都唔錯,豬扒碎上味道不錯,炒飯底粒粒分明帶有蛋香,配上冰凍0茶真係不錯,小店服務用心都算清潔衛生！大家可以去试吓！

朋友生日揀左呢到食，仲抵食同好食過去街市，我地12個人，所以可以叫到多d野食，酸菜魚好正，岩岩好，唔會好辣，冰鎮咕嚕肉好正😋薑蔥炒壕d壕勁大隻入晒味😋薯仔炒牛柳好香，杯野飲勁大杯‼️‼️豬手超級林，骨膠原😋椒鹽鮮尤好夠脆😋炒韭菜，壕餅，臘味糯米飯，豬油渣炒菜心，每一樣都係勁好食😋呢到仲有得叫豬油撈飯，好夠熱，不得了‼️怕肥都要叫‼️一定要食‼️每味餸都好有鑊氣，餐廳名改得好岩🤣下次會再幫襯😋

其實同朋友都分別好遲起身，11點幾先食早餐，但完全係嘴饞，走左去食水煮魚。由於吾算太肚餓，所以只叫左個水煮魚，加個菜，份量剛剛好。個水煮魚有調教到香港人口味，未算太辣，食得好舒服。魚肉都大大舊，好正！而且lunch 叫小菜還有8折，值得一試！

朋友話食過好食，所以帶我哋嚟食 點知真係好好食😍😍😍😍😍我哋嗰晚嗌咗冰鎮咕嚕肉，酸菜魚海蜇頭同埋花甲酸菜魚同海蜇頭我覺得係正常發揮酸菜魚可以揀要咩魚 當然要無骨嘅魚啦 啖啖肉好開心海蜇頭相對有少少少少油 但都夠爽口但係冰鎮咕嚕肉真係好好食佢係外脆內軟 冰火兩重奏噉重有啲提子喺度 好食程度100分佢個花甲都冇得輸粒粒都好大粒又入味 印象中係要提前同佢講預訂🈯️最搞笑係佢嘅凍檸茶 係珍寶級咁大杯好抵飲一班fd一齊食最啱

朋友推介過呢間小菜好多次終於的起心肝走去食打去book枱嘅時候，老闆娘好細心咁提我要留埋餸，如果唔係會冇得食**********杏汁豬肺雞腳湯可以話係成餐飯嘅最愛所以我都溫馨提示大家，記得留埋湯！杏汁味非常濃郁，飲完一碗都覺得唔夠**********冰鎮咕嚕肉咕嚕肉最緊要就係皮脆，佢用咗冰鎮住，個皮就keep住香十分香脆，又有一個外凍內熱嘅感覺非常特別**********香辣水煮牛我自己就唔係好食辣嘅，所以對我嚟講都幾辣不過四川嘢最引人入勝嘅地方就係愈辣愈想食**********椒鹽竹炭豆腐個人係好鍾意呢碟餸因為嗰豆腐好滑**********招牌糯米飯覺得係非常高質素嘅糯米飯飯嘅油香適中 臘味夠味 質地煙靭**********滷水鵝覺得肉質同埋味道，都剛剛好唔錯**********整體而言係非常值得推介嘅一間覺得好食過好多小紅書推介嘅大排檔添！