望月樓

營業中

休息中

入座未夠1hour，點心食到一半，已經要求我哋先埋單又叫我哋儘快食，催到無曬胃口，一睇原來電腦入座時間出錯，我哋出示安心出行證明只係入座唔夠1小時，職員唔理又唔肯改返啱個入座時間，之後派第二個職員繼續叫我哋儘快食，投訴又無人理，作為食客真係真係好無奈！所有職員都唔helpful，做錯嘢又唔改, such poor service, I will never return to this awful restaurant again!

望月樓聽就聽得多，終於有機會嚟試試佢🤘🏿六人同行，叫左8個點心🥟，1個蔬菜煲🥬，1碟炒飯🍚同埋2個甜品🥧食到個個都捧住個肚走🫢🌟福建炒飯，上湯雜菜煲，兩樣都好足料，蔬菜煲仲有加埋蝦乾同瑤柱，鮮味十足🥬🥬。可惜湯頭飲咗兩啖後有啲口渴。🌟各款點心，真心推介翠玉瓜蝦餃，加咗啲翠玉瓜，感覺好清新，可以一個人食晒一籠🫢😋 其餘點心比較精美，味道不錯👌🏿🌟甜品，馬拉糕同懷舊豆腐花，馬拉糕估計係用左黑糖，甘甜不膩。特別推介豆腐花，用木桶上，配埋黃糖同糖漿，完美🥹六個人分享每人都有半碗前左右👍🏿總括嚟講，點心精美，食物味道都唔錯，環境舒適闊落。

長假期的第一天，天氣還可以，四處也人多、車多。幸好香港人習慣排隊的文化，取了 ，大家乖乖等叫號碼，如果已推算輪侯時間需時，除了耐心等待外，也可四處逛逛，順道shopping，消費一番 。入座後，環顧四週，整體環境是走高格調路線，鄰店是高級日本餐廳，同一集團的。我們隨意點了一些經典點心，什麼燒賣、粉果、腸粉等等，味道不錯， 於是再點了麻辣小籠飽、上湯泡飯、和牛一口酥……同樣的，賣相吸引，美道可口，保留全統廣東點心的味道! 望月樓 – 可以再訪的一所中式餐廳，期待下次的再遇！

呢度環境真係好靚好乾淨，如果食套餐，同旁邊普通酒樓價位差不多，咁緊係試下呢度啦！ 食聞名嘅小金魚蝦餃，賣相一流，鮮蝦爽脆，餃皮都好好食，配埋上湯做嘅海水，兩條小金魚，魚魚得水🥰

呢幾日聽新聞報道，西環「星月樓」有群組感染，覺得個名咁熟悉，先醒起呢間，又係早排爆發疫情丶同樣叫「月樓」嘅九龍塘「望月樓」。抱着獵奇嘅心態，今日去呢間試吓。其實位處「又一城」呢啲高檔次丶大型商場嘅食肆，衛生唔會差得去邊，所以，只可以講呢隻病毒嘅嘅傳播力真係好得人驚。餐廳嘅裝修，燈飾都採用咗較深色現代中式嘅格調，走少少Fine Dining路線，主打川丶粵菜系。茶壺用上仿古銅式，比較容易燙到手。再睇睇嗰張點心紙，一入眼有個「麻辣小籠包」，記得之前喺「新世紀廣場」嘅「念川居」見過，望埋落去原來張點心紙同「念川居」嘅係一模一樣，應該係同一個集團。咁嘅情況下，點返一丶兩款之前喺「念川居」食過好味嘅點心比較一下。雪山叉燒包😋😋😋😋😋：新鮮熱辣，墨西哥酥皮重帶少少脆口，叉燒餡料唔肥，塞滿整個包，雖然唔大，不過絕唔會有，喺外邊食叉燒「空氣」餐包嘅感覺。鮑魚煎糯米雞😋😋😋😋：糯米雞煎得香脆又唔油膩，鮑魚就梗係罐頭嗰隻，只係噱頭，令成件事Grand啲啫。京式叉燒包😋😋：見餐牌上有叉燒包同呢個「京式」，不過就有啲失望，因為貴咗$10喺包個頭「開口」同唔「開口」嘅分別，其他無論餡料丶麵粉嘅口感味道，完全一模

今日和朋友想搵個地方傾計，諗咗好耐九龍區邊到有d舒服得黎又交通方便的商務午餐好地方，最後朋友提議又一城望月樓，咁就起行去飲返個午茶啦！成間餐廳裝修比較高級，天花板的吊燈盡顯氣派🙊 不過，睇文件就唔太適合，因為整體環境偏暗😜 較有浪漫及格調！點咗豉油皇香煎淮山做頭盤，食落一啲都唔粉，日本貨一分錢一分貨😂之後點咗杏汁燉白肺湯、黑椒和牛千絲蘇同原件鮑汁蝦籽柚皮做主食。個湯真係非常滋潤，和牛蘇肉質鮮嫩，柚皮口感香滑，款款都係功夫菜😏最後點埋個翻沙芋條作甜品，入口粉滑，甜而不膩😋😋平時飲茶點心食唔少，今次可以食到呢幾款不一樣的菜式，認真不錯🥳侍應服務有禮👍👍

很久沒外出晚餐,今日終於的起心肝去又一城既望月樓.知道有新品出,即想試一下.點了1前菜加4小菜..其實只有2人食,但就是餓太久了,要一次過食盡佢先.前菜是川式牛脷,朋友很讚賞此款,帶點川辣很惹味海中龍皇伴金魚鮫賣相很真實,內裡是有蝦及豬肉料,伴碟既湯很出色不會是味精的味道係好飲的金魚鮫有咬感又足料荔蓉香酥鴿平常比較少見此處理方式,經查問是先炸香鴿子再把苧蓉放上再炸,很脆口,鴿子又不會乾身,記得要點配上的醬汁一併食用香煎蓮藕餅比較家常菜,但內裡很豐富不會只得豬同蓮藕再有少少莞茜及應是馬啼,挺爽口黃金蝦球很足料既蛋黃,至愛,蝦是非常爽口感覺是新鮮的整體店內裝潢加食物質素都反映一切

又一城嘅🌟望月樓🌟，裝修雅緻，食物質素頗高，賣相仲好精緻添！😍難怪有返晚市之後，近幾座無虛席！💕🧡海中皇金魚餃 $128金魚造形嘅蝦餃栩栩如生，賣相一流，打卡必備！🥰金魚餃嘅外皮勁薄，帶少少彈性，一啲都唔黏口！🦐入面嘅蝦肉爽口鮮美！上湯清甜好喝！正！👍🏻💚三色素鵝 $88顏色悅目，素鵝帶溫和嘅煙燻味🌫️，點少少酸汁一齊食，係好開胃嘅餐前小食！✨🤍豉油皇香煎日本淮山 $88淮山上咗豉油再煎香，淮山仍保持少少爽口嘅感覺😘，豉油煎完帶住惹味嘅焦香，推得推介！👏🏻🖤松露瑤柱蛋白炒飯 $188極具鑊氣，炒飯粒粒分明🤩，松露香得嚟又唔會搶去瑤柱嘅咸香，好美味！😇💜脆米流沙紫薯果 $58外層炸至香脆，一咬即爆出流心嘅咸蛋黃醬🤩，滋味十足！😘

前幾日趁着阿媽放假，放咗學就同佢嚟到九龍塘呢邊食dinner～我哋揀咗又一城呢間高檔嘅中式酒樓，佢入邊嘅環境幾靚，坐得幾舒服～茶位每人$20～香辣肉絲炒銀針粉$198一大碟擺盤好靚，炒得好香嘅銀針粉～我哋叫咗小辣，所以辣度都接受到～食落感覺好有鑊氣，好惹味，仲有啲肉絲，配埋爽口嘅銀針粉，成碟好快就俾我哋清晒海中皇金魚餃$128一大碗好靚嘅金魚餃，食落有好多肉汁，好鮮甜嘅湯底，值得一試每日精選點心拼盤八件$198好豐富嘅點心拼盤，有蝦餃燒賣粉果同埋紅棗糕～蝦餃蝦肉好鮮甜，燒賣幾有咬口，粉果餡料幾正，仲有甜甜地又煙煙韌韌嘅紅棗糕～脆米流沙紫薯果$58因為平時好鍾意食紫薯，就叫咗呢個甜品～外層係香脆紫薯皮，入面係流沙奶黃餡，外脆內軟，幾香甜，好好味😋酒樓嘅職員服務態度好好👍🏻好友善，值得嚟幫襯～

假期出去放鬆一下，喜歡陪伴家人享受美食，再嘆杯茶，慢活生活，陪伴家人。店內環境雅致，售賣粵菜和創意點心，座位寬敞，空間感十足，食具也充滿傳統和藝術氣息。蔥花脆炸兩腸粉炸兩最重要炸得香脆而不油膩，外層腸粉口感滑溜，蔥花更香，腸粉不會有太多油，外軟內脆。雪山叉燒焗餐包小朋友每次飲茶必食，熱騰騰食更香，雪山外層香酥甜，叉燒饀惹味，酥鬆香軟。上湯煎粉果我第一次食煎的版本，外層炸得金黃，外皮煙韌，沾上湯更有特色。香辣肉絲炒銀針粉這個一致讚好，久違了的童年回憶銀針粉，伴上肉絲、蛋絲、芽菜、蔥段，微辣好惹味。海中龍皇伴金魚餃外型精緻可愛，金魚外皮煙煙韌韌，饀料有爽滑蝦肉，金魚浸在湯內栩栩如生，伴有淡淡花雕酒香。黄金流沙奶皇包鬆軟外皮，饀料有濃郁鹹蛋黃酥香

有件事要慶祝一下！於是我地黎左呢度豪一豪佢，飲個夜茶！呢度環境、地點、食物都係上上飲茶之選，好正～前菜係豆角，脆口又辣辣地夠開胃～呢個豉油王香煎淮山，要做到呢個水準應該真係唔容易，煎香嘅淮山，表面充滿豉油焦香，未食過淮山係咁口感味道層次豐富～精選點心拼盤有蝦餃、燒賣、粉果、紅棗糕，每款有兩件，滿足晒食點心嘅慾望！蝦餃同燒賣嘅蝦肉非常爽口，燒賣仲夾雜肉味香濃，紅棗膏味道濃而甜度適中，煙煙韌韌。睇埋相已經流晒口水，靚到好似有兩條魚喺度游水咁，觀賞性極佳，味道更佳，海中皇金魚餃，裏面嘅蝦肉同薄薄嘅餃子皮，鮮味湯底，入口鮮甜美味，值得細味品嘗。湯麵來講呢度煮得真係非常好食，拉麵條非常爽口彈牙，唔會一pat pat，每條面都掛汁均勻。四川擔擔麵有花生香，家常酸辣麵有醋酸又有川味辣香，兩款都食唔停口，令人再三回味～

就快母親節，提早同媽媽慶祝母親節😌今日就黎到呢間高價級粵菜望月樓餐廳慶祝😍枱與枱之間都幾闊落👍🏻枱面上有盞奶白色燈，驟眼睇落真係好似喺月下品嚐佳餚一樣咁有格調😝😽🥢蒜泥酸辣雲耳 $28呢款開胃小菜嘅酸辣汁一入口已經非常醒胃，配搭買蒜泥嘅味道都唔錯👅服務員亦都好貼心地問我哋有冇需要添加，等食嘅時間雖然唔長，除咗可以欣賞吓餐廳環境之外亦都有啲嘢咬吓口🤩😝🥢海中龍王伴金魚餃 128金魚餃造型生動精美、栩栩如生🐠成個設計精緻到差啲唔捨得放入口🥺佐湯亦都非常講究，由杞子、豆苗加埋乾瑤柱整成湯汁，為菜式點綴更加豐富嘅顏色🥳亦都特別滋潤返各位愛美人士😌🥢蒜泥白肉 $138喺奶白裝飾燈下夾起一塊白肉片😻意外發現咗薄切青瓜片嘅輪廓🤩原來係用蒜泥將白肉片釀埋一齊，一口入面就品嚐到軟腍嘅豬腩肉，同埋沾滿左麻辣汁嘅清新青瓜🤤而底下嘅麻辣汁辣勁十足，連我哋食開辣嘅都感受到絕對唔係小兒科😝😝🥢紅油炒手 $78嚟到呢度又點可以唔試吓川菜著名嘅紅油炒手😙炒手啖啖肉口感唔錯😗 麻辣鮮香、紅油唔會太辣，啱哂我胃口😛好食到停唔到🥰🥢香辣肉絲炒銀針粉 $198食得川粵菜都會想嗌返啲傳統嘅粉麵類，銀針粉炒得夠晒鑊氣亦都保持到爽

🫖望月樓🫖📍:九龍塘又一城達之路80號地層25號舖⏰:10:00am-7:30pm今日難得放假 就陪屋企人去咗飲茶🙈屋企人好鍾意飲下午茶 所以帶咗佢去呢間’望月樓‘ 我諗最近佢都好出名😂相信大家都有聽過！唔好睇小佢地 都好多人等位架🙈🔸服務、環境方面🔸雖然大家因為疫情都會驚驚地 不過呢度食中菜真係一流👍🏻樓底好高 座位坐得舒服 枱與枱之間距離都好闊落 唔怕同陌生人接觸🙈好值得一提 呢度嘅店員服務態度超好👍🏻超水準 同平時出邊飲茶啲酒樓阿姐完全唔同👍🏻真係服務同質素成正比！🔸食物方面🔸🧾呢度嘅茶錢💰20/1位 再加一🙈我哋叫咗普洱 香濃解膩 淡淡的茶香🫖值得一提 佢哋嘅醬料 豆瓣醬、辣椒醬等 都好香好足料😍好惹味 幫啲食物錦上添花🥰🦑椒鹽魷魚酥無論去邊飲茶 魷魚鬚真係必叫🙈好彈牙大條 香口唔油膩 酥脆無比😍🍯二鍋頭脆麻花甜甜地 好薄身脆口 面層鋪滿好多芝麻 唔錯既小食！🦐香芧鮮蝦脆春卷一開始冇睇點心紙😂食落口點解有陣陣香茅味🙈原來呢款系香茅鮮蝦脆春卷！佢地呢到既鮮蝦好彈牙大隻 春卷熱辣辣超級脆！🥯雪山叉燒焗餐包好鍾意食呢款 熱辣辣新鮮出爐 外皮鬆軟 甜甜地既白色菠蘿皮鋪起外層 裏面既叉燒

一衆為食友終於等到放寬晚市了, 加上消費券的帶動下,  香港市民近日都展開一連串的報復式消費, 今日難得早放, 可避開晚飯的黃金時段, 到就近的又一城望月樓來個6點鐘盛宴。5點多入坐, 食店只得數枱食客, 自我感覺非常安全。食店裝潢有中國特式, 帽形天花配大燈籠, 大堂牆上再配上特色中國彩畫, 很有格調。食店走中檔線, 一般小食前菜數十元不等, 當然還有鮑參翅肚及特色中菜。前菜 ~ 麻辣萵筍脆卜卜的爽脆口感, 加上麻辣蒜香汁, 香辣惹味的吊胃前菜。荔蓉香酥鴿  ($178)原隻乳鴿炸香去骨, 鴿肉放上芋頭蓉再炸, 上枱已聞到陣陣飄香。絲絲的炸漿, 輕輕的, 入口象風似的來去無蹤。鴿肉本身調味好淡, 淡淡的鹵水豉香, 唔鹹的, 但配埋芋頭蓉食又好夠味噃。芋蓉鬆化粉棉, 放少許鹽調味, 簡單的調味反而更突出啖啖芋香, 下層則是鴿的肉香, 這個配搭雙重美味。這個荔蓉香酥鴿醬汁以冬茹粒、蠔肉及蔥花調較, 味道唔搶, 偏清淡香, 我好鍾意芋頭嘅原始香味, 所以只係點左一次這個醬汁試試而己。海中皇伴金魚餃 ($128)兩條金魚在美麗的水池上游動, 栩栩如生金魚餃皮薄餡靚, 以新鮮蝦肉混合了半肥瘦猪

又一城一間中菜廳，店內裝修摩登雅致，除了粵菜外，夜晚還有創意的中式點心提供。除了基本的茶葉外，更有比較特別的龍井和菊花，每位茶位$20。海中皇伴金魚餃 - $128彷如兩尾金魚於水池中暢泳，十分華麗；餃子皮薄得有彈性，夾起來十分紮實，不易破穿；飽滿的蝦肉餡更有原隻鮮蝦，好爽滑彈牙；上湯更有食用花、杞子等炮製，味道好鮮甜。香煎蓮藕餅 - $188八塊煎得金黃的蓮藕餅外脆內軟，更加入爽口的馬蹄，吃來帶點甜味，又能減油膩感。香辣肉絲炒銀針粉 - $198有出面較少見的懷舊銀針粉，入口滑嫩彈牙，還伴著蛋黃絲、西芹、芽菜、青椒絲和紅椒絲等，味道很豐富，更帶點香辣好惹味。蛋白杏仁茶 - $58也是出面較少有，因較考功夫的一道甜品。杏仁隔渣過濾得很仔細，讓口感好滑順，加入的蛋白更加柔嫩香甜，養顏又潤肺。脆米流沙紫薯 - $58即叫即炸十分酥脆，滿佈粒粒的脆米，紫薯外皮軟糯略帶微甜，咬開流出的流沙，有少少沙沙感和奶香。