木兆小品 (樂富廣場)

營業中

休息中

本身想嗌百搭之選 精選二人套餐 因為我哋想食海鱸魚🐟 價錢來講只係比晚市小菜套餐貴8蚊 但係就有條魚食 點知今晚已經冇晒魚啦 唯有嗌兩個小菜啦😂枝竹蘿蔔牛坑腩賣相唔算特別吸引 但畢竟只係一碟家常小菜所以賣相我都唔係太過高要求嘅 牛腩蘿蔔炆得好林 蘿蔔有入口溶化嘅感覺🥕 唔係紅蘿蔔嚟㗎 係白蘿蔔不過冇emoji可以代表咋😂 不過牛腩有少少碎梅菜扣肉啲碟係邪惡之選 份量唔係特別多 但係每件都好大件而且肥膏瘦肉分明 所以驚梅菜扣肉太肥膩嘅可以咬走啲肥膏🐷 梅菜非常好送飯呀熱奶茶呢個晚市精選二人套餐配埋兩碗白飯同埋兩杯熱飲 價錢來講其實幾抵食㗎整體來講兩個餸都幾好 所以搭正六點已經有好多人嚟買晚市外賣啦😺 雖然有返晚市堂食 但係有時覺得係屋企食都幾自在吖

大部分啲姐姐對客態度都幾好，但個肥肥地既男服務員一上嘢飲，成個杯飛跌咗，杯嘢飲耍到成張枱成個地，仲有我哋件衫褲都有奶茶漬，然後佢即刻去攞咗個地拖拖地，我哋問佢攞紙巾，佢先至死死地氣話等陣啦，再攞俾我地，然後又將個地拖打落另外一個職員嗰度，然後個男職員自己仲話佢好嬲，我哋都未嬲佢自己喺度嬲囉，之後佢自己顧住清潔個地下拖咗兩下就走咗啦，全程一句對唔住都冇，又冇問我哋有冇整到，其他職員都當睇唔到，冇幫到手, 成餐飯嬲住食，整體啲嘢食就好咸。米線湯底同炒面都係徧咸

放假有時都會同媽咪久唔久食呢間，😆因為好鍾意佢杯凍檸茶😍😍冇檸檬，唔駛篤但好好飲又香檸檬味😆😆同埋食物都幾好，幾好味！我最鍾意呢個肉燥飯，今次揀咗雞扒🤩🤤香口嘢，好食🤩又大碟！仲有佢聲稱係流心蛋嘅蛋😂😂重點想講佢個小伴碟菜，我勁鍾意食😆係啲木耳絲，雪菜😍撈埋飯食一流😋成碟啲料同個味道都超夾🤤🤤推介👍🏻👍🏻👍🏻另外碟乾牛河都好大碟！味道唔錯👍🏻好多芽菜😆正，牛肉都算多，不過就唔算大塊嗰隻🤣-香煎雞扒滷肉燥流心蛋飯 $50（餐加 凍檸茶 $2）-夠薑乾炒牛河 $51（餐加 熱檸水）

今晚叫左 水煮魚套餐，蝦醬通菜牛肉套餐和咕嚕肉套餐，水煮魚有驚喜，內再薯粉、雲耳，大豆芽墊底，份量都唔少，惹味得來好送飯😋😋😋 咕嚕肉份量唔少，味道都OK，而通菜牛肉就不過不失，但個所謂藜麥飯，成碗只有幾粒藜麥😅唔知以為有隻昆蟲係度😂

下午跟朋友一起逛了樂福商場，買買買，累了在周圍覓食，看到餐廳人還不少，大家推測應該好吃，沒有等位，上餐也很快，四個人消費282元，服務正常，環境也很地道的風格，四個人吃的很飽，不過酸菜魚份量有點小，應該都是一人份

晚上7:15落單 蒸鱸魚＋小菜二人餐, 等咗大半個鐘都未見條魚，追單先知冇哂蒸魚，唔追佢都唔講,隔離枱都睇唔過眼，女侍應叫我哋轉其他小菜，為免再浪費時間，叫咗個比蒸魚平十幾蚊嘅快炒小菜，問侍應係咪會計番平啲，佢話係，點知俾錢先話冇得平，仲講到係客人錯咁 😤😤😤😡管理超級混亂，賣哂又照比人落單😡落單超過半小時，直到人客追單先知賣哂😡叫客人轉小菜前冇講明比客聽價錢照收貴價，主動問佢，仲答應有得減番差價😡收銀經理最初講到客人錯咁，之後賴係侍應的錯，話佢收咗工，冇得對質，一味推卸，態度敷衍。唔明點解集團餐廳，管理可以咁差。

香煎雞扒麻酸辣湯米線趕時間之際見到呢間食物幾多選擇，買咗麻酸辣湯米線外賣。米線同麻酸辣湯係分開裝嘅，雞扒都有四大舊，唔會太多脂肪，煎得好香口。另外仲有好多配料，有兩舊豆卜、炸菜、花生粒、芽菜同芫荽香蔥，令成碗米線唔會咁單調。不過湯底就真係比較辣，客人亦都冇得揀辣度，食到大半已經辣到食唔到😂 (辣嘅程度應該都有五小辣)以呢個價錢來講，碗米線咁豐富其實性價比都高嘅，不過建議可以比客人選擇返辣度就最好。

今天有空再約同朋友到木兆小品享用晚餐, 由於我地六點左右己到, 所以很快找上相當舒適卡位坐下, 今晚大家點選了其他菜式, 餐牌製作精美, 相片影得好吸引, 最後我點選了厚切葱油豬扒飯, 另加$5 太陽煎蛋； 豬扒鬆脆美味, 一咬即分開, 甚有豬味, 加上蔥油和熱辣辣嘅煎太陽蛋汁, 確實是天下美食,非常滿足.我朋友就點叫了一客小菜, 沙嘜牛肉通菜配熱奶茶； 牛肉嫩滑帶著濃濃沙嘜香味, 通菜香脆新鮮, 令你食慾大增； 特別一提, 佢地自製的凍檸茶, 是用上新鮮嘅橙, 飲時食到粒粒橙粒, 充滿口感, 美味非常, 值得推介給大家.

最鍾意飲杯咖啡，嘢食方面ok，一星期起碼食四日，☺️姨姨服務態度友善，親切，唯獨係一個肥仔，態度極度惡劣，叫佢拎包辣椒油長期扮聽唔到，叫多一聲佢就會超大聲兼且態度惡劣咁同你講等等，成個服務評分俾佢拉低晒

放假第一日陪屋企人去呢間木兆小品度食lunch，間鋪頭嘅環境唔錯，呢個面我覺得都算幾好味，就係有少少貴，可能係lunch嘅原因，但係個凍檸水同我想像中有d出入，冇一塊塊嘅檸檬，直接係一杯白白哋色嘅水，有少少飲唔慣

今晚到樂富尋食,在B區2樓找到此餐廳,看到都有很多種類,粥、粉、飯、麵、小菜都有。晚钣套餐很低食。坐下後就選了2人套餐,蒸魚及梅菜扣肉煲。全果套餐最美味是個湯和梅菜扣肉煲了,那條魚就因不太新鮮所以好ㄧ般。但整體來説都ok,下次都會再來試其它的。

平時夜晚都幾鐘意叫餸食飯，今晚行過間茶餐廳，見佢裝修都唔錯，就入去試下。晚市套餐選項都幾flexible，我地三個人唔想食咁飽就叫咗主菜同小菜各一款，包埋兩個老火靚湯同白飯，都幾夠食。我地嗌咗薑蔥霸皇雞煲同埋拍蒜涼瓜豉汁炒牛肉，上菜都算快，十五分鐘內就有，仲要碟碟都熱辣辣。雞煲有成隻雞髀，唔係全部雞胸肉，味道都算不過不失。至於苦瓜就不太苦得黎又有少少甘味，本身唔係特別鐘意食苦瓜嘅我都食多咗。最有驚喜就係個燉湯，一開個蓋就見到底下有幾多湯料，飲落去完全唔係平時係茶餐廳飲開嘅味精湯，好有味同好清甜，有種飲緊阿媽煲嘅湯嘅感覺。

好耐冇黎過樂富商場呢邊，經過見到下午茶餐牌有炸脾薯條，就係咁吸引咗我入去試下。🍴即炸脆雞脾 配脆脆薯條炸脾薯條一向係下午茶既首選，所以我今日都唔例外😋炸脾係即叫即炸，所以上到枱仲係好熱，食既時候要小心啲。雞脾炸得好香脆，但又唔會太乾，切落去啲肉汁流出黎，都幾juicy。而薯條就冇乜特別。

服務差！！我排第一位，一個人你叫我前面搵位之後行完全場都無位，到出面門口有張檯走左我當然坐落去，你地服務員就走黎又叫我拎飛又話霸住張檯俾唔到人坐.第一 你地無安排叫我坐幾號檯淨係話前面。第二 行過黎既人唔了解件事講到我錯咁。第三 一個重講叫我前面有檯轉過去而唔係講檯號。第四 有個重好笑叫我出返去拎飛。我係街坊成日落黎食野，其實樂富咁多間餐廳唔一定要食你地，反正一個人對你地黎講都唔當係客，完！！！！！！！！

去左樂富行街，行到肚餓見到有間裝修唔錯的餐廳”木兆小品”而且唔洗點等位，於是入去試下望住牌牌比張鯇魚相幾吸引突然好想食下鯇魚，於是叫左豉汁拍蒜蒸鯇魚，另外叫左拍蒜涼瓜炒牛肉！由於鯇魚要蒸的關係要等耐少少，見啲服務員都幾親切，環境都算乾淨！食物到啦！件數都唔少，都大舊，而且新鮮滾熱辣，聞到香味流口水🤤啲鯇魚食落都幾滑，好香豉汁味，另外個涼瓜炒牛肉都唔錯，味道適中，中規中矩、價錢亦都合理有機會可以再嚟