木兆小品 (樂富廣場)

營業中

休息中

樂富消費滿$400就可以免費泊車兩小時，如果其中係食肆有消費，無論幾多錢都好，再額外免費泊多兩小時，共免費泊4小時。咁當然我地順便搵間餐廳食晚飯，咁抵可以泊四個中。行黎行去，見呢間木兆小品幾多人食，就入去食個快飯。兩個人點左兩個餸，再加個湯，都係$143，非常抵食。拍蒜涼瓜豉汁炒牛肉 $63好大碟，兩個人都食唔晒，牛肉算幾嫩，涼瓜唔會太苦。鼓汁拍蒜蒸新鮮鯇魚 $65等足15分鐘先上菜，條魚幾新鮮，不過就好多骨，食果陣要好小心，但$65食到新鮮蒸魚非常化算，份量又大。例湯 $15話係猴頭菇湯，但入面冇猴頭菇，有其他品種既菇，都幾大盅，又熱辣辣，味道幾濃。檸檬水無檸檬都係第一次見，服務員話佢坤木搞捽左檸檬，杯野係見到有啲檸檬渣，飲落非常酸。

約咗朋友去樂富，正煩惱食什麼早餐的時候，見到這間茶餐廳早餐時段竟然有約十個人在排隊，嗱嗱聲攞飛排埋一份由於有好幾個都是take away，外賣等了一會便到我們了。佢早餐嘅選擇頗多，如果這餐廳在我屋企樓下便好了🤣我叫了一個雞扒通粉配即磨咖啡，配一隻半焗流心蛋，雞扒味道唔錯，通粉也算彈牙。值得一讚嘅即磨咖啡，味道很香濃，茶餐廳價錢配這種咖啡很不錯👍👍朋友叫了餐肉腸仔煎蛋配烤多士，一上枱發現好得意，兩隻大眼睛笑笑口對住我🤣🤣這個早餐令我覺得今天應該會過得很不錯，不知是不是刻意的呢

和老公二人在樂富商場閑逛，剛又是下午茶時段，隨意找了間茶記「木兆小品」，看格局又是快餐式出品吧。我們點了公司三文治配鴛鴦紅豆冰和港式炸醬撈米粉配熱檸水，快餐式出品就是快、快、快，食物味道就是不能太難食。老公認為鴛鴦紅豆冰是新攪作來，看得出經營者推陳出新的想法，不過還是原來的椰汁紅豆冰來得簡單和對胃口。公司三文治大大份，先滿足視角的胃口，味道也是預期的。炸醬撈米粉，味道做得過酸，也蓋過了所有的味道，填飽肚子倒是可以的。「木兆小品」主要客源都是附近街坊，套餐都是以經濟、份量、配搭選擇為主導吧，如果能夠提昇食物味道和層次益下街坊就更好了。

由於有朋友住喺附近，今日我約埋其他兩位朋友一齊同佢食午餐，以下係我哋食過好味值得推介的食物及飲品：👇1. 凍奶茶少甜 - 媲美金華冰室，甜度剛好2.四川麻辣牛肉炒飯 - 除咗味道好之外係做到好嘅炒飯嘅水準，即係粒粒分明，不會太乾亦不會太濕。最重要係夠獨特，市面未有這個同類型的產品。3. 避風塘艇家炒麵 - 除咗豉油多咗少少鹹咗啲啲之外，好味得來最重要係市面沒有同類型的產品，喜歡食的話只可以到這裏吃。4. 咖喱薯仔魚柳飯 - 個咖喱汁都可以話係秘製配方，還有吉列魚柳炸得好靚，夠大件同埋有魚味。5. 百香果檸檬蜜 - 幾好由於我哋四個人叫了六個菜式及五杯嘢飲，張枱擺唔晒發生意外打瀉一杯奶茶，淋到其中一個人的下半身，不過服務員很專業立刻帶來一個小心地滑的牌，帶了紙巾給他抹身，還有立即拖地，時間再發生事故的兩分半鐘之後，非常之快！我哋四個人叫咗六個菜式及五杯飲品，每位平均消費只是90幾蚊，絕對超值！

平時喱間係好有效率既餐廳，但員工好唔識變通。 我1248攞飛，等左20分鐘都入唔到，前一張飛如是，而2位客人唔駛等即刻有得食。1310時，我要求同另一位一人客人攞2人飛，員工無視我要求。在我要求見經理，先獲安排入座。食物再岩我口味，都唔想再去食，完。

今天下午茶時間，我和妹妹到樂富廣場中新開業的餐廳享用午膳，皆因它有眾多類型的港式食物作選擇，而且方便快捷，正好適合兩個人進食。餐廳大門以全玻璃製作，感覺透亮舒適，餐桌及坐椅則以木材為主元素，整體裝潢簡約樸素。即炸脆雞髀 配 脆脆薯條上桌時熱騰騰的雞髀及薯條是即叫即炸的，雞髀外形大只飽滿，入口外皮香脆，肉質嫩滑多汁，脆脆薯條柔軟酥脆，有香濃的馬鈴薯味道，沾上番茄醬，更惹味可口。自選雙拼湯麵餸菜我選擇了餐肉及半焗流心蛋，餐肉是煎製過的，味道鹹香脆口，肉味香濃，而且沒有明顯肉粒，半焗流心蛋蛋黃呈現流心，味道稠密香濃，嫩滑鮮美，麵條煙韌彈牙，軟硬適中。整體而言，餐廳舒適衛生，價錢合理，食材美味，而且食物選擇類型眾多，是與朋友或家人吃港式食物的好地方。

After doing some grocery shopping in this mall, boyfriend and I came here for dinner. Momo Classic served very homestyle Chinese dishes.Menu is in English and Chinese. There is no 10% service charge and you pay on your way out. They offer dinner sets for 2  that include a main, a side dish and two bowls of rice. All for $128.The rice was said to be quinoa rice. There really wasn't a lot of quinoa added to it. Just a few flecks.Our side was fried beef and morning glory with belachan.  This was su

一家人想簡單食餐晚飯。由於有病人要選有粥賣的皮蛋瘦肉粥 。夠熱，但唔係好多料。跟粥配油炸鬼，好油，唔多新鮮。蜜汁排骨，偏甜豬潤啫啫雞煲，豬潤有腥味清炒菜芯，菜芯都幾甜羊腩煲，羊夠騷，肉質不錯

今日試呢間下午茶餐 ，開咗未試過一於試試，坐位唔逼，見有位，有人帶咗去張枱坐，呢度有灰色同黑色衫員工，睇完下午茶諗住叫，點知叫極都無人嚟寫嘢，舉手，揮手，無人，好多人就去晒出餐位，灰色衫推嘢食又唔得閒幫你order，隔離枱都叫咗好耐，最後行出嚟叫人都要等等，之後之前送完餐個灰衫員工，幫我同附近3張枱落order，我叫咗3個茶餐，不過不失啦，我叫咗唔夠5份鐘就到，碗仔翅同肉燥麻麻地，另2款就正常時間，都好快，酸辣米線同西多都一般，整體一般

由新開張至今我已經多次惠顧，而家介紹一下餐廳的午餐啦！一個皮蛋瘦肉粥加炒麵午餐，皮蛋都多，瘦肉就一般，份量可以，味道剛好，粥身夠厚，整體可以。炒面只有面及幾條紅蘿蔔絲，夠乾身，不會太硬太林，份量一般，味道較淡，整體可以。另外，我亦試食了通菜炒牛肉飯，足料，味道有點咸，通菜第一次食時很嫩，但食多幾次開始有點老，少部分有渣，整體滿意。土魷肉餅飯，好大塊肉餅，瘦肉及肥肉比例合適，香滑好味，惟土魷量不多。蕃茄牛肉飯，甜酸味中和恰當，牛肉嫩滑有肉味，汁的量適中，不會太黏，整體合格。黑椒牛扒腸仔飯，黑椒味普通，牛扒一般，似乎西餐整體只是合格。到最精彩的一道菜，肉絲脆面，如山高的脆面，賣相超勁，味道少少咸，但加面中和，整體適中。總結，值得再食，可推介！

平時喺樂富返工，好多餐廳都食到厭厭地。咁岩上星期經過樂富廣場，見到呢間餐廳新開張，急不及待帶同事黎試下。餐廳新裝修，環境唔錯，坐得幾舒服。睇吓餐牌先，都幾多種類比大家選擇。無論係湯米線丶炒粉麵飯、碟頭飯、粥麵，定係家常小菜，例如蒸魚、肉餅、咕嚕肉佢都有供應，睇落好吸引啊！最後嗌咗個溫泉蛋雞扒肉燥飯，仲有得配茶走添！ 雞扒煎得剛剛好，香脆嫩滑。溫泉蛋係流心既，正啊!! 唔收加一，埋單$50有找，算係一間性價比幾高嘅餐廳，下次再encore先!!😂

係樂富食野食到悶 見到有新野食就走去試下味道同賣相都幾好試咗咖喱魚柳 熱辣辣好正 不過偏辣 佢個豬扒飯都好正 值得去試。🥰份量大件夾抵食 女仔食唔曬一個餐可以同人share一個

樂富廣場啱啱開咗間新餐廳，所以同屋企人過來試下食個lunch。用餐時間大約是十一時左右，等候了10分鐘左右便可入坐。現場燈光較暗，大概是想營造一點較浪漫的氣氛，但坐得耐有點眼瞓。因兩大人兩小朋友關係，沒有點太多，只點了兩個餐，黑松露义燒蔥花炒飯及星州炒米。因為是新開的餐廳亦裝橫亦很有舒適，所以都會很祈望食物都會很有驚喜。但吃了第一道送來的星州炒米，落既鹽多咗，好咸，不過同服務員反映意見後即時收回，並再叫師傅廚過一碟正常味道的，第二次送來的okok。另一道炒飯亦值得一試。

樂富商場大裝修 見到呢間新開既餐廳就同朋友試下佢地個下午茶啦坐低即刻睇下個menu先 下午茶黎講款式都算多 任君選擇朋友話好耐冇食啲邪惡野 所以叫左個金磚西多士配英倫糖漿($28)面頭有大大塊牛油 成個金磚西多士好鬆脆 點埋個英倫糖漿更加好味 甜甜脆脆咁好正我呢就叫左個經典碗仔翅配輕量肉燥半焗流心蛋飯($32) 見到個menu話個半焗流心蛋好正咁就試下啦碗仔翅大大碗 就算吾落汁本身都好夠味 隻流心蛋果然冇令人失望 同啲肉燥飯撈埋一齊食出奇地夾佢地呢到冇加一 最尾$60埋單 超值 推介大家黎試下

由於新開 我決定試一試 晚餐我叫左個咖喱牛腩飯 好好食 夠辣 夠熱但係d餐具有問題囉 攞左2隻匙羹都好污糟 洗唔乾淨 之後我見到隔離檯個客人都話隻匙羹dirty 希望餐廳跟進因為d食物真係好食 所以絕對有下次