木糠甜品屋 (已結業)

之前睇過食評, 見到好似唔錯咁喎,所以特登行過去買o黎試,當我見到外面show左好多隻味,心大心細,唔知食咩味,但係最後我見到blueberry味,見到好似唔錯,所以外賣左一杯走,當我見到既時候,覺得好似好少咁,但係當食落就唔覺得少,而且面頭既"木糠"好好食,d布甸都好正,但係比較實,我唔知係咪真係應該實既,但我只知好好味,唔太甜,正~

一班食友在赤柱食完西餐，來吃甜品，成廿人又佔去店內大部份地方，坐得當然是迫迫地。大家也叫自己想吃的，牛油果說沒道理這裡店名叫「木糠」也不叫個木糠布甸來吃一吃，我同意，但也想吃別的，就叫多個什果涼粉，皆因佢寫明「抵食」，逢「抵」的東西，我就至鐘意。木糠布甸一早整定，當然好快有得食。味道不錯，但口感像雪糕多過像布甸，與牛油果一致認為手指山的比這裡好吃，不算十分出色；什果涼粉真的幾大碗，生果幾多，有西瓜、芒果、火龍果、哈密瓜、蜜瓜等等，加上涼粉，作為消暑甜品，也真的不錯。兩個人分吃，都有不少，之所以話「抵」相信是指份量而言。至少吃完我仍堅持，雖然T兄的芒果涼粉比我的平2蚊，但我這個什果涼粉是「抵」吃過他那個的。涼粉22蚊，可作二人份量，不算貴；布甸就廿蚊，比較貴了一點。

I go this shop with my friend,i order chocolate 布甸and my friend order mango 布甸.My chocolate 布甸i feel some sweet and my friend say his mango 布甸ok.When i enquiry a waiter to told him the chocolate 布甸some sweet and give him some ideas,he very nicely to listen .This point i feel very good.I wish you improve your products(No stop)!!

3-9-2005 2230大家食完西餐後，當然係甜品時間，佢地經過一輪“舌劍”後，決定去一品齋，去到時先知準備落閘放狗，只好轉戰木甜品屋。上次食過藍莓木布甸後，今次食了朱古力味，我例牌叫唔該淋的，食友好奇怪問乜有得淋咩？我上次食都係咁叫啦。一來到，硬度係原裝版本，食落去似點似好硬既雪糕，不過又幾得意，如果個個都叫硬的，伙計真係多得你唔少。其間都chi佐隔離檯一件榴槤，味道始終唔夠我哥次食泛后厲害，在打緊食評之際，見到花花花的榴槤post，令我諗番起第1次食榴槤是在年半前在跑馬地與屋企人食完火瞳翅後去滿屋甜品的事，當時的食完的感覺一模一樣，但經常歲月及openrice的洗禮後，已經接受左，正如廿歲前我也不喜歡及憎吃冬菇、薑及苦瓜，而家一樣食，尤其係苦瓜，如果要我解釋的話，只可以說世事總有可轉機。

之前聽就聽得多這味甜品, 但一直都未有機會試, 剛於早前的食家聚會(遊玩滑食團) 上終於有機會品嚐!店子面積不大, 我們二十人經已佔了一半坐位; 分開坐是必然的了. 我們的六人枱 點了六種不同的甜品, 分別為: 原味木糠布甸、芒果木糠布甸、藍莓木糠布甸、芒果班戟、榴槤班戟和馬豆糕。原味木糠布甸口感很軟滑, 有點像吃蛋榚的感覺. 接著的芒果木糠布甸有很濃香的芒果味, 這個布甸質地較實淨, 而且仲雪到好凍; 入口似食緊雪榚一樣, 老公話覺得怪怪地, 但卻是我最喜歡的一味. 反而藍莓木糠布甸就較為普通. 芒果班戟果肉又大又厚, 味道香濃, 真係拍得住滿記(如果外皮無咁厚的話). 依度概榴槤班戟真棒, 無他ge, 夠濃夠"香" 夠淋law, 而家仲回味緊 只是苦了d 唔食的朋友們呢. 無法啦, 食家中有許多好此道者ma, 不如各位都考慮加入榴槤特區的行列啦! 馬豆糕正如麵包所講, 豆太硬, 味道卻太淡, 可以不試。

本來想順著時序寫食評的, 但覺得這間不得不插隊先寫~晚飯後, 想吃個甜品, 記得麵包寫下的食評, 又想試一下好吃的木糠到底是怎樣的~ 便慫恿友人來了~還是8時多, 未到吃甜品的時間, 店內只得一位人客在吃飯~ 舖面一個侍應~ 我們看著menu, 已覺得有點怪, 甜品店有飯賣, 似乎是生意難做吧, 一番商議後, 就試試主打, 點了2個木糠布甸~ 木糠布甸以普通的透明膠兜盛著, 沒有賣弄花巧, 似乎是實力之作, 我慣性地低頭聞一下…….榴槤味的!? 沒可能, 雖然見到menu都有這個甜品供應, 但無可能兩個甜品都是一樣的賣相, 就算一樣的賣相, 侍應也應可憑經驗/ 甜品的擺位而分辨出來, 再問朋友的布甸有否榴槤味, 朋友邊食邊說沒有, 我想是甜品一齊放在雪櫃內, 惹到少許味道也不出奇, 是我多心吧!?一啖入口, 味道奇怪得很……是一陣我從未食過……而且從都不會食的味道……有點反胃(有點跨張, 但卻是事實的全部呀)…迷團已漸漸解開, 揮手叫侍應, 侍應忙著接外賣電話, 剛巧廚房有人伸頭出來, 見我一臉不脫便過來….最後嘛, 依然在接外賣電話的侍應將一個原味的木糠布甸一手擲到檯上給我, 過程中

因為未食過木糠布甸, 成日想去澳門試,可惜苦無機會今次見到有人寫,於是冒名而來原來木糠布甸是這樣,正好之前的人講,又香又滑,我覺得雖然地點可難找,我和男友還很了很了冤枉路,但當漫下步,始終到這兒一試都是值得的.

和openrice的食家食完晚飯後，當然要想想去那裏食甜品，有人提議去這裏<木糠甜品屋>，因此一行20人便來這裏食了。我們一共分了三張坐，所以也分了三張各自叫；我們大家商議過後，決定叫六種唔同的甜品(六個人)；大家食少少，試多幾種味道。我們叫了原味木糠布甸、芒果木糠布甸、藍莓木糠布甸、芒果班戟、榴槤班戟和馬豆糕。木糠布甸- 很滑，味道也很好，真係幾特別。感覺原味是最好食的。芒果木糠布甸- 芒果味很濃，但感覺很像在食芒果雪糕一樣，感覺都幾怪。藍莓木糠布甸- 藍莓味比芒果味沒有這麼濃，但感覺還是好的。也和芒果木糠布甸一樣，像有食雪糕一樣。芒果班戟- 外皮比較厚，所以韌了點；芒果味香濃，可以一試。榴槤班戟- 榴槤很濃，但因我不吃的，所以都幾難頂，聽他們說味道都幾臭，好像都幾好食(當然我除外)。馬豆糕- 太硬，味道淡，唔得；可以不試。

由一門轉移陣地行過黎再談一會, 之前果晚先食完一品齋既糖水, 又諗住試新野就黎左呢間.九時幾, 一個人也沒有, 會唔會不留都係拍哂烏蠅?可能之前一門款式唔夠多, 呢餐會食飽少少, 所以一共點了六款甜品.藍莓木糠布甸: 面層是朱古力粉, 中間是三層的布甸和blueberries, 藍莓味偏少, 如果多D藍莓,同埋有D粒粒冇咁碎會更好, 不過個cost可能會高D.士多啤梨木糠布甸: 老友覺得ok.正牌木糠布甸賣相幾正宗: 老友食覺得不錯, 有水準.芒果pancake: 芒果幾厚肉, 份量也不少, 但芒果不是太強烈.楊枝甘露: 冇食但賣相幾足料, 食得過.榴槤綠茶糯米卷: 榴槤好熟, 有點像熱了的芝士般, 吃下味道強烈, 糯米皮軟滑, 雖然綠茶味給榴槤味蓋過, 但為全晚最好的一味甜品.食完又繼續吹水, 不知是否給那在外國的朋友影響到, 我竟搞了同一個gag: 把burberry 說成blueberry! 那句為是日gag句)笑聲過後, 大家各自回家, 我也要好好計劃一下將來了. -_-"是次又有另一老友請客, 今次真係睇唔到幾多$了.我們走的時候也近十一時, 開始好多人.水準可以, 九點幾都

響香港其實好小食到木糠布甸,所以都幾驚喜架,個地址就真係難搵左小小,地方算整潔,D布甸味道都ok架,當然澳門D木糠布甸正宗好多,同真係好食好多啦.當我回味緊澳門D木糠布甸時,木糠甜品屋一定可以止到我D為食慾望.

招牌木糠布甸果然很好味, 亦很有特色. 唔知點解叫布甸? 我覺得似芝士蛋糕多D. 另外試左榴槤大菜糕, 榴槤綠茶卷, 榴槤味很香濃. 楊枝甘露, 什果涼粉亦很足料. 桂花糕就一般, 不夠桂花味.這裡的甜品質素真的不錯, 會再幫襯.

3-8-2005 2349主菜次要，甜品先係主角，帶了她去另一間甜品，其實都唔係咁難搵，我諗係因為上次去完惠記聚會後的甜品局後回家途中經過，有些少印象。睇番之前的食評，我點了藍莓木布甸，而她就點了雜果涼粉。雜果就以哈密瓜及西瓜粒為主，應該係新鮮，佢話涼粉幾硬下，我就試了幾粒，係非常之硬，完全不合格。至於個布甸，我就要求唔會咁硬，黎到果然冇錯，上面層木唔係好鞋口，裡面味道適中及幾淋身，絕對值得recommend俾大家。如果曾經對木布甸有陰影及未試過，這裡是入門級之選！

藍苺木糠布甸$22: 不太甜，有少少似食雪糕般，但硬身些。如果可多些藍苺就更好!

某日同太座路過銅鑼灣,想食甜品,諗起附近有間食木糠布甸既,咁就黎左呢度.叫左原味木糠布甸($20)同藍苺木糠布甸($22).第一次食木糠布甸,原來係似冇芝士味既NY cheese cake,頗硬淨,布甸又分幾層,中間鋪左餅碎.味道方面,原味幾好,藍苺更正.個藍苺味都幾真唔artificial.食完真係想去澳門試下正宗既木糠布甸.P.S. 侍應哥哥衣衫襤褸,似賣雲吞麵大排檔既伙計,同賣甜品既地方格格不入,又幾過癮.

女友喜歡甜食, 發夢都掛住沙利文木糠布甸, 在香港做得好吃的不是很多(連雪之甘味都無埋), 所以和她來一試.店舖並不大, 在較靜的敬誠街. 所以要去就要多行兩步.店不止有糖水, 還有飯供應, 是較奇怪之處.木糠布甸不止有原味, 還有朱古力及藍莓等味, 不過要最平要都要20 元才有交易.我要了朱古力, 女友要了原味, 發覺非常不錯, 但比一般木糠布甸略硬, 像食雪榚多過食木糠布甸.我個人對木糠布甸沒有研究, 但看店外訪問稿原來經過特別處理, 若果要軟身的, 店內都有供應.若果抱著食木糠布甸的心態, 可能會有點失望, 但若果食甜品心態, 是不錯選擇.