木船泰國粉麵專門店 (已結業)

大埔呢邊嘅午餐選擇真係好多啊今日我哋決定試吓依間泰國料理入面環境都幾靚真係有間木船喺度㗎精選定食超吸引有泰式餐湯,三款小食同埋跟嘢飲我哋上咗OpenRice睇招牌豚肉飯賣相好吸引面頭有好多木瓜絲平時食沙律凍食就試得多估唔到跟飯熱食都好好味因為佢酸酸甜甜好開胃豚肉外邊比較脆身 亦有少少燒焦不過醬汁好香濃撈飯食超好送飯滑蛋鰻魚飯一睇就知啲蛋幾咁滑鰻魚份量都唔使差唔多cover左半碗個人認為呢個飯正正常常唔算好大驚喜都係一般出面食到嘅味道絲網春卷依個好好食呀 入面餡料超豐富 出面炸得夠脆點埋甜酸醬酸酸辣辣好好味特別想讚下依度跟餐嘅湯係泰式餐湯可以揀冬陰功同埋肉丸湯冬陰功口味都算正宗個人認為可以酸啲更好另外跟餐三款小食都好好食呀有一個魚餅同埋朱古力蛋糕朱古力蛋糕入面有少少流心餡整體感覺係超滿足所以個人認為呢度嘅套餐係超級抵食

上個月成日跟住 #杉哥 193周圍覓食！最開心食到大埔好地道的木船 招牌燒豚肉😋 真係即燒嫁！超級好味！熱辣辣！成個set dinner仲有3式小食同一碗湯😋😋推廣優惠仲有兩枝細藍妹送🍻FREE嫁好抵啊！冬蔭公海南雞仲可以試埋佢地啲海南雞湯河😋⋯好掛住泰國⋯味道同服務都值得一讚👍🏻每set餐都有三式小食同湯～好抵💕聽講呢度吸引好多人來試食！同會有分店開？我終於知點解一個差評都無了💕💕💕

星期日 ~ 與朋友暢遊龍尾灘，享受陽光，最好的陽光時間是清晨及4點至傍晚時段，太陽沒那麼猛烈。 我們在龍尾灘玩完，暢游，日光浴完；開始覺得肚子餓，二話不說坐車直達木船也不過20分鐘。。。🍹泰式炒通菜 : 每次食泰國菜，一定會點馬拉盞炒通菜，在家一定唔會炒的，太惹味了。🍷青木瓜沙律 ：醒胃之選，食落爽口又健康。 一人食多兩啖，好快食完。🍸鳳爪沙律 ：再點個有鳳爪，鳳爪爽口又有骨膠原，一口食落去，提升味蕾。🍻水牛城串燒雞翼 ： 新鮮熱辣辣的食係最好味，最好食。。。唔客氣啦，食左先冬蔭功鳳尾蝦湯 ：有湯的一定要食先，因為好快被河粉，粉類的吸湯吸得很快，變左好糊。 冬蔭功湯味道濃，蝦大隻又新鮮甜，反而不太喜歡河粉，吸哂湯，所以點這，一定要食左先。招牌燒豚肉飯：其貌不揚，內涵豐富，食落先知，好味道😅😂😋招牌燒豚肉飯：其實樣子不討好，但是味道係唔錯的，豬肉烤出來很有BBQ 味，豬肉又薄又入味，配上木瓜絲，真的好配合。三個人一定可以食哂從女孩子點飲品，會唔會女孩子是什麼性格嗎❓ 近來有收聽網上說九型人格，又新的說法，人的性格是不斷更新，九型格有新說法也不為奇，好好了解。。。😅HOEGAARDEN 酷

放工懶得煮飯，又想食泰國野，就決定買外賣返屋企食喇！依間餐廳平時間唔中都會食，外賣就第一次！優惠套餐超平呀！嗌左咁多野都只係等左大約１５分鐘，速度幾快！而且好夠熱 返到屋企打開都仲係熱騰騰好吸引呀～咁多野加埋都只係２百幾蚊～超抵！！招牌燒豚肉飯連肉丸雞湯依個飯不愧為餐廳既招牌菜，滿滿既豚肉，肉質嫩滑醬汁帶點辣 非常惹口 好容易極速清晒成個飯飯上面鋪左好多木瓜絲作為一個平衡 令你辣既同時又有清新既木瓜絲雞湯中規中距 依個飯強烈推介 色香味區全三丸湯河外賣自取優惠價只需要$40, 實在太抵啦食落完全唔會因為平而偷工減料，湯底好香濃，丸都好彈牙同夠味河粉亦唔會好碎 好食！青木瓜沙律(大)沙律份量好大，而且調味調得好好食落好開胃呀！芝士焗肉醬意粉打開仲係熱辣辣～食意粉外賣最怕變得乾硬，依度完全唔會芝士肉醬亦都好多 每一啖都可以食到芝士同肉醬份量大，夠２個人食而且亦都係有自取優惠只係$46，超級抵食呀！另外仲有3款小食，非常細心

住喺附近，之前都嚟食早餐，但係未食過佢嘅午餐。今日咁岩喺屋企就落去買個飯返去食。門口見到佢外賣自取都幾抵食，但係想試吓個豚肉飯。拎緊返屋企嘅時候都覺得好重，返到屋企打開原來好大個。我諗夠兩個人食。佢仲包埋小食、湯同埋飲品。個燒豚肉飯面頭有好多青木瓜。係平時食青木瓜沙律嗰隻味，有啲辣味。下一層就係燒豚肉，佢份量都好多，切成薄片，鋪滿成碗飯。辣辣地都幾開胃。個小食盒有一粒係黑色，原來係朱古力蛋糕，好搞笑。

放假入太和廣場shopping後,想食下泰國嘢,搜尋到附近有間木船泰國粉麵專門店,行過去都幾近幾方便。門口大大個餐牌,價錢貼地,又多選擇,抱住不防一試嘅心態入去試下。餐廳設計似個船艙,以木檯、木椅、木牆身、麻纜同柔和小吊燈作裝飾,感覺舒適！點咗✨招牌燒豚肉飯(定食)✨冬蔭功鳳尾蝦湯河(定食)定食套餐包飲品,點了杯好立克,另外加$25叫了個新鮮椰青,凍椰青水清香甘甜,解渴非常！定食套餐仲包1.冬蔭功湯/肉丸鮮雞湯(我哋只要了一碗肉丸鮮雞湯)2.三色小食(蛋沙律、Brownie 同雞卷),喜歡吾太甜但有朱古力味嘅Brownie。燒豚肉飯貌似鳥巢🤭,勁多爽脆酸甜嘅木瓜絲中放咗個溫泉蛋,木瓜絲下係多塊大大件乾煎至金黃色香口嘅豚肉。成碗飯酸酸甜甜,充滿燒汁香味冬蔭功味濃帶酸辣,有種香茅、辣椒同香草等清香味。河粉吸收濃湯,但仍保持Q彈爽口。大大隻鳳尾蝦鮮甜彈牙。開胃,夏日必食！估吾到是是但但都搵到間價錢合理,份量大且食物質素高嘅餐廳。值得再來!

裝修用木船做主題，被木包圍，加上一串串黃燈及音樂嘅背景，有種溫暖和舒適感。這裏大約有20張枱，星期日晩6:00左右已經開始有幾枱食客；約7點已坐滿9成，之後仲要等位入，其間外賣單更不絕，樓面的兩位姐姐真是忙過不停！晚市套餐10分抵食，每個餐都包一個湯、一個三式小食和一杯飲品。🥢 Jumbo木船湯河 $88份量真是Jumbo，足夠2位女孩子吃。食材也豐富，有豬肉，豬肉丸，魚蛋，扎肉，雞肉，牛腩，芽菜，蒜蓉和金不換，每樣食物都有幾件，食到尾聲都仲有好多餸。🥣 冬陰功湯 （套歺包）辣椒碎，鋪滿整個湯，喝完一口之後，那餘辣在喉嚨「丁」上延續散發。不喜歡辣也可選肉丸清雞湯三式小食（套歺包）中華沙律，布朗尼和炸丸。🥢 招牌豚肉飯 $88上面鋪滿爽脆的木瓜絲，加入白芝麻和微辣的醬汁，帶出鮮甜清新感。中層舖滿的豚肉片真是不得了。每塊都燒得好香，嗰邊係有少少焦，是超級香濃的炭燒味。而飯底內藏有流心蛋，加埋有點似鰻魚汁的醬汁，連同木瓜絲和豚肉和飯一起吃，每一口都回味。🥢 木瓜沙律喜愛豚肉飯上青木瓜的朋友，可encore 來個木瓜沙律。醬汁甜酸中帶一點微辣， 10分醒胃。☕️ 熱薑蜜（套歺包）薑味超濃郁，愛薑

出街食泰國菜朋友介紹來到大埔呢間。附近有路邊錶位停車場，100米處有多層時租停車場，方便泊車人仕。涼伴青木瓜絲$42係泰菜出名沙律小食之一，酸酸甜甜好開胃。泰式炒通菜$48份量不多，但勝在新鮮，鮮嫩爽口，不會過度油貳，味道可口。冬陰公鳳尾蝦湯（定食）＄72一個定食包括有肉丸雞湯，主食，前菜，小食甜品。其實真係好抵，冬陰公湯河不算太辣宜入口。甜品有驚喜有好濃郁朱古力味。水牛城串燒雞翼＄32即叫即炸，入口仍新鮮熱辣，雞皮脆香。雞肉味鮮甜美味。龍眼冰（+$10）真材實料，見到又食到一粒粒龍眼肉，聽講龍眼性溫補血，好啱女士飲。有其他套餐或定食，下次經過會再來吧。

經過左呢間餐廳幾次，今日見有位終於可以試下。裝修企理又幾有特式，坐得都幾舒服。餐牌都有好多選擇，大部分都係定食，包左野飲、湯同前菜，仲要有小食。另一個就係小食menu,都幾多選擇。我地就揀左兩款個名睇落唔錯嘅。招牌燒豚定食 - 呢個真係有啲驚喜！燒豚燒得好香口，再加埋以檸檬味醃制嘅味道，香口得黎又唔會太膩，再加上青木瓜沙律，甜甜地嘅口感真係唔錯！又真係幾夾，有去泰國嘅感覺。另一個叫左汁燒安格斯牛肉飯，牛肉好香，好juicy同有牛肉味。兩個定食都配前菜小碟同埋甜品。仲有冬蔭公湯，好足料，好正！仲有配埋野飲，加左少少錢升級嘅椰青果然唔同啲，好清甜，夠哂泰國Feel。整體來講都唔錯呀！應該會再去試埋其他野！

今日放工黎到近太和既木船，聽講佢哋嘅燒豚肉飯好正！餐廳裏面，有船既design，位置寬敞，成個環境都好舒適！晚餐價錢唔算好貴，定食連湯連小食同飲品都只係88以下炸！泰式醉辣鳳爪（9/10❣️）大大碟，酸汁都好夠味，而且仲有好多配材，例如：芹菜，洋蔥，青木瓜，紅蘿蔔等～酸酸甜甜又凍凍地，用黎做開胃茶一流❤️‍🔥招牌燒豚肉飯❣️（10/10）飯一黎到就聞到好香既燒肉味。肉燒得好香又嫩口！真係勁好食，飯既上面仲有好多青木瓜，所我食尾都唔會太油。冬蔭冬湯都係酸辣味為主，味道濃郁。呢個係青咖喱吉列豬扒飯，吉列豬扒一啲都唔吝嗇，有好多件俾你！青咖喱方面，咖喱唔會太辣，甜甜地，配埋飯好夾。整體來講，如果你想食一個平價又好味嘅晚餐，絕對要過嚟試吓，期待下次再過嚟食燒肉飯🥰🥰

見好耐無食過泰國菜，就捉埋我住上水嘅舊同事試下呢間人氣小店😆見呢家人氣小店係Openrice無負評，所以我地幾期望都幾高入到黎裝修環境都幾舒適，見隔離台叫左招牌燒豚肉飯(定食)，賣相好正咁，於是就叫左一個黎share雖然價錢只係88蚊，但已經包一大碗燒豚肉飯、冬陰功湯、三色小食同埋跟餐野飲，大胃王都唔怕食吾飽😁冬陰功湯酸辣的平衡得幾好，飲完好開胃。燒豚肉大大塊，啖啖肉，燒到有焦糖既感覺，配埋d微甜既燒汁，送飯一流三色小食分別係木耳、Brownie和炸物，有凍有熱有甜有咸，好豐富ar 除左燒豚肉飯值得一試外，蘆筍雞翼串係必叫既，因為雞肉好juicy，同鮮嫩既蘆和紅蘿蔔係夾到無朋友最後，我叫左杯凍泰國奶茶做完結。

每款定食仲包一式三份嘅小食、嘢飲好食又抵食！✨Jumbo木船湯河 (定食) $88超！級！大！碗！大碗到我覺得2個女仔share一碗都冇問題睇相都見到個湯底好深色，好甜好濃郁～有雞絲、牛丸、白魚蛋、豬肉片等等嘅配料！最值得讚嘅係，佢面頭有好多炸蒜同埋類似細細粒嘅豬油渣食落去勁香，令成碗湯河大加分(⁎⁍̴̛ᴗ⁍̴̛⁎)不過略嫌河粉煮得偏淋，面頭又好多餸夾起上嚟會好易斷，食得冇咁爽✨招牌燒豚肉飯 (定食) $88豚肉燒得好好食，厚薄均勻咬落唔乾柴燒汁又好夠，啲飯粒粒分明！果然係店鋪嘅招牌(˶‾᷄ ⁻̫ ‾᷅˵)✨芝士蘑菇雞翼 (小食) +$28雞翼入面釀咗芝士同蘑菇～咬落去好juicy又啖啖肉，好食啊～～～*✨為私心推介！

放假無嘢做，自自然然就會去搵好西食好西，知道太和個頭都有好多唔錯嘅餐廳～今次簡左木船泰國粉麵專門店黎食個lunch～唔洗等好耐位就可以入坐，餐廳空間唔會好逼，坐得好舒服。午餐分左午市套餐同午市定食套餐，分別就在於後者係多左份小食同湯飲！事關我同男朋友都好肚餓，所以簡左定食套餐🤣（同埋啲嘢食睇落都正啲）咁就叫左招牌燒豚肉飯同埋jumbo木船湯河，同樣都係飲冬陰公湯😛飲品方面我就叫左杯青檸梳打，見到大象牌嘅梳打水都即刻feel到好泰，再加上男朋友個杯嘅新鮮椰青，令我覺得有一刻係咪去緊旅行😹（好似諗多左）講番嘢食方面，冬陰公湯我俾10個like，好香椰香味，重點係唔會好辣，岩曬香港人口味，仲要有好多湯料食，真係未食先飽。湯河嘅湯底食得出係花過心思去烹調，份量唔洗講真係超級多。不得不提個小食3樣都好好食（木耳、雞卷、朱古力蛋糕）。到最後招牌燒豚肉，痴線架有咁多肉，面頭先係一大渣酸蘿蔔，肉下面仲有隻溫泉蛋，成個配搭都好豐富，同樣俾10個like！下次我諗我會想試埋個海南雞飯，見好多人叫，個樣都好吸引🤤🤤🤤

大埔出名多美食🤩🔥之前去發掘咗幾次都冇失望 今次再去試吓先呢間位於大埔太和附近 行到盡頭我哋決定試吓🤣唔想行返轉頭.見到好多人食嘢 應該都唔會中伏嘅餐廳真係用木裝修為主餐廳的椅子🪑 真是一個小木桶比食客就坐😇😇好得意.招牌豚肉定食 $88套餐包埋：冬陰公 飲品 前菜（麻辣木耳）蛋糕仔勁豐富🥰🥰豚肉汁好好送飯 份量好足都有成五六片豚肉🐷🐷仲有上面多到爆炸嘅青瓜沙律🥗酸酸地好開胃.我哋仲叫咗三款小食蒜蓉炒通菜 $48 一上枱好大蒜蓉味 好夠鑊氣 份量都好多 兩個人都食唔晒庶蝦🦐 $32蝦肉彈牙 賣相都好靚春卷🫔 & 炸魚餅 🐟$22份量好大 好足料兩個人超級豐富嘅午餐加下午茶埋單215👍🏼飽到抱着個肚走

餐廳喺翠怡花園，星期六下午時間黎到，客人唔少，好彩唔洗等位。餐廳設計成一艘木船，配合餐廳名，用上木枱木牆，大量木及麻繩做裝飾，配以柔和既黃色燈光及掛畫。座椅有軟墊，枱與枱之間既空間亦足夠，環境舒適。食物選擇好多，有小食、炒粉麵飯、焗飯、湯河等。單是午餐都超過30款選擇，價錢經濟實惠，由$50起、包野飲。我地叫左兩個定食套餐﹕招牌燒豚肉飯定食+海南雞飯定食，每個定食套餐包湯、主食、3色小食同野食，都只係$68-$88，性價比好高。﹕冬蔭公湯夠濃夠香，唔辣，有好多香茅同配料，絕對唔馬虎。另一個肉丸鮮雞湯就好清冇味精，如果主食係濃味既就建議選配清雞湯。豚肉飯有青瓜絲同芝麻，芝麻夠香口，表瓜絲可以中和燒汁既濃稠感。燒汁加半生熟蛋汁撈晒成個飯，好好味。豚肉片分量都好多，但略嫌偏瘦唔夠滑，但味道唔錯。海南雞飯啲雞好有光澤，雞肉唔算超滑但啱啱好唔會過熟。個飯亦好香夠乾身，唔會太油，亦唔會只有黃色但冇味。3色小食係木耳、炸腐皮卷(?)、朱古力蛋糕，味道唔錯，作為前菜、點心、甜點。令成個餐更完整。餐飲叫左熱薑蜜，好夠薑，仲有好多薑絲，鐘意薑既唔好錯過。總括黎講，環境好、價錢唔貴、味道唔錯、性價比高，值得