朱兆記

營業中

休息中

元朗高性價比食肆之一，龜龜經常幫襯。環境很一般，室內座位只有20不到，大熱天時不幸要坐到室外，吃罷一頓定必汗流浹背，尤幸筆者今次光顧時間為早上十一點左右，食客不多，不用擠到室外用餐。吃過他們不少食物，筆者認為以下幾種食物最為優秀：1. 生麵 -自設工場製作，甚有嚼勁，梘水味輕，有蛋香。2. 牛腩 - 份量多，而且鹵得入味焾滑，閣下可隨意挑選不同牛腩部位，爽腩、崩沙、坑腩、肥腩瘦腩適隨尊便，統一收費，不像其他賣手切牛腩的麵店般，把崩沙腩及爽腩部位定價抬高，市面少有！3. 炸兩 - 腸粉皮煙韌，油條在披上腸粉前必定先行翻炸至脆身，每件炸兩都是香脆佳品！4. 粥 - 這裏的粥底甘香線滑，米靚而且煲得火候甚佳。粥底是一碗粥的靈魂，因此，不管肉丸粥、艇仔粥或是其他粥品，都具相當水準。

即使過了一年半載，再回到元朗的朱兆記，餐牌也沒甚改動。元朗的食肆，往往室外的座位很多人坐，反而室內會空位比較多，可能因為煙民較多的關係吧。逕自走進餐廳裏面，都不用考慮太多，點了個牛腩河。平日都只會吃牛腩米線，牛腩麵，但是這天由於大型運動之後，肚子非常餓，因此怕吃個麵未必夠，而米線又剛剛賣光，只有吃河粉。看看廚房裏便，這天更加看見朱先生本人在廚房裏切牛腩，真是難得。平日再去九龍的那些麵店吃得多，很久沒有回來，現在才發現，原來朱兆記牛腩麵的湯底也非常之清甜，牛味極度濃郁，放下來不久，已經喝了大半碗。牛腩亦是跟以往那麼出色，肥瘦均勻，有筋有肉，最瘦的地方，也不會吃到你滿口痴牙。牛腩的份量也不少，最少有十件八件，全部放在河粉的面頭，相當吸引。中間有牛筋的地方，就更加具口感，咬下的口感就更加豐富。

今日冬至，老闆一早講左可以放四點，返得半日多少少，完完全全係假日mood濃，然後又接住放四日聖誕假，又點會集中到精神呢？ 但當諗到，放埋呢幾日，分分鐘要到農曆年先再有稍為似樣既紅色假..................... 於是拿拿臨係元朗食個過晒早餐時間既 all day breakfast 先再開工。朱兆記，以呢個價錢計，絕少令我失望！今日叫左 "牛腩撈粗麵"，呢間呢隻牛腩係我其中一隻最鍾意食既牛腩，再配埋撈面，牛腩汁由每條麵滲落去，真係一個絕配，心裡感覺非常良好呀！至於飲品，亦好易理解得到，水吧唔會係佢強項，不過凍檸茶，凍奶茶都唔算失望，可飲用的。  食得是福，有得撈，無得輸。祝各位冬至快樂，來年事事順利！

病左想食粥 附近有所以就叫左外賣 上次食過一次豬潤粥好食加份量夠所以今次再叫 另外叫多個牛肉腸講下個粥先 比上一次食稀左 水汪汪咁 冇咁好食，有喲失望，豬潤係咪用爽口形容？不過今次太熟變到粉粉地 我唔中意依個味道。粥只可以話唔差 同上次比 上次好食好多腸粉我第一次食 我叫左個牛肉腸 佢腸粉個皮我食落去覺得有喲厚粉既感覺 喲肉似山竹牛肉球既咪，好奇怪，見到好大舊肉但唔點豉油食我覺得食落係冇味既，唔知係咪病左唔係太想食所以覺得麻麻地。不過間野咁近下次我都會再食既。見幾多人講佢既粉面下次有機會試下

《不負責任食評—朱兆記》呢間啲牛腩係元朗一直頗受好評今日終於有機會試🐒————————<牛腩酸辣米線> $35配上大量酸菜同辣醬但酸菜唔夠酸 好甜 我唔太好辣醬又唔夠辣 又無辣椒香味明明好多料但無味 成個感覺好怪🤣所以亦食唔到本身個湯底係點不過牛腩真係唔錯 夠香夠稔唔會好似有啲牛腩店咁 煮到好似湯渣咁 又無味又嚡口💛💛❣️————————會再黎食牛腩既不過會叫番牛腩河個啲而我當初會係度叫酸辣米線我諗我也是醉了🐒

是夜，回到元朗已是九時，工作身心的累，實在提不起勁做餐。我問肚子想吃什麼，就是一碗粉麵。元朗的粉麵店很多，為什麼要這間？地理我承認是原因。 佢店外可以做，而且不是對住馬路，是一大條行人路。非常舒服，而食物嘛，就請看以下感想。叫了一個雲吞牛根麵，正如我標題寫，好大碗就不是，但比人一種很充實的感覺。雲吞大粒，咬下鮮爽齊來，牛根滑滑的，就像吃腸粉那樣。內心不滿足，就叫多個炸兩，我最愛加上很多甜和麻醬，混在一起吃，外邊滑滑，內裡脆脆。將心中的不滿感填得飽飽的吃完還坐著，靜靜的看著行人散步溜狗，有一種在外國街頭享受的感覺。可惜我不食煙，不然畫面應該更完美。

元朗區多嘢食，此店位置離元朗正旺區遠些少，但店舖門口有處大空地，反而十分開揚，在此嘆杯茶，食碗麵，反而覺得好舒服，後街重可以泊車，舖位外還放了幾張摺檯，睇下人放狗仔，好正。牛腩麵，牛腩夠多又十分靚，好好食，價錢不貴，招牌咸雞牛腩麵，兩樣完全不同嘅菜，咸雞肉質味道都唔錯，夾埋一齊食， Crossover

自從搬入元朗之後，為食既程度只會有增無減😂 又新街標記無再做之後，一直係元朗搵唔到個碗驚艷既粉麵，直到有一次去朱兆記食左碗坑腩河，就知我搵到另一間食潮式粉麵既飯堂了！重點既係，一碗坑腩河連野飲都只係三十八左右，同閒閒地收你六七十蚊仲要d腩唔多靚既比，我覺得呢度值得大家一試！題外話，老闆同老闆娘都係好有人情味既人黎！食得呢d舊式鋪頭唔要求得裝修可以有幾靚或者乾淨，但以一碗食得飽又有質素既坑腩河，仲要只係40蚊樓下，去邊度搵？

行過見到門口好多人坐，咁岩自己又有少少肚仔餓，就又去食碗麵啦。睇完餐牌，見到有個客家咸雞麵，我記得我係大陸食果ｄ咸雞好好味呀！咁就叫碗試下啦。好快黎到啦，灰左，雞胸，無所謂啦！食左第一舊雞，無想像中咁入味，唔知係唔係ｄ湯浸走左ｄ味，而ｄ麵亦都無梘水味，都幾彈牙，總結黎講都唔差，最大問題係個師傅斬雞應該係弱項，成秋雞連住左，雞都係幾入味，下次會過黎試下佢ｄ腸粉，因為我見到都幾多人叫。

元朗其實有好多間湯粉麵鋪，各有特色，朱兆記應該暫時係我食過最好味河粉，幼薄之餘亦夠滑，湯底頗有牛味，而且牛腩軟腍唔鬆散，份量有成大半碗，今時今日三十幾蚊有咁既cp值抵食。另外叫左碟蝦腸，腸粉皮唔算太薄，係可接受範圍，不過啲係蝦就包得唔太好，有啲甩漏鬆散，加上我唔係最熱辣辣食，變左蝦冇咩鮮味同腸粉唔夠滑，整體一般。

元朗食清湯腩有好多間, 但出名而又好食的並不是太多。 這天老公帶我來到了元朗劇院近球場那邊的“朱兆記”。麵店小小, 設有戶外座位, 不喜歡邊食邊“打邊爐”的當然選擇坐室內。 午飯時間多數是附近街坊光顧。除了清湯腩, 其他麵食的定價大多都很親民, 二十多元起就有交易, 簡直是在抗通漲。 原來除了麵食, 還有粥品和腸粉, 而且選擇非常多。熱辣辣天氣食粥定必汗流浹背, 既然是衝著清湯腩而來, 還是忠於原著!清湯牛腩麵 $30牛腩麵都頗大碗, 牛腩份量多。我要了河粉, 而老公選了生麵。湯底不是清湯腩那款, 與一般牛腩麵店的啡色湯底沒太有分別, 既然是清湯腩何不實實在在的用上清湯呢? 湯頭不是清徹見底, 鮮甜嚴格來說也稱不上, 不過牛味頗為香濃, 味精成份亦不算多, 吃後不算很口渴。本人認為敗筆源自那湯底引起, 如果湯底用上鮮甜清湯那款, 說不定會加回分數呢!沒有要求要哪一個部位, 只是隨機分板。我的多肉夾雜一些爽腩位, 而老公的一碗則帶有坑腩。牛腩條理分明, 肉質很腍軟, 入味而香濃, 有彈性, 筋位亦略帶嚼勁。如獨立給牛腩評分會是不錯的。麵條倒要一讚: 河粉很滑溜, 條理分明, 而幼麵很爽口

要讚嘅係麻辣牛𦟌（$35）份量很多！應該有至少十塊。麻辣度剛好！而且有少量花生，食唔晒打包，第日煮翻熱食仲淋仲入味～～咸蛋瘦肉粥（$21），粥底棉，大概半隻咸蛋，咸蛋唔係金黃靚咸蛋。唔係咸瘦肉，不過料多，抵食。及第粥好多料，豬潤好大塊，好滑好香豬潤味，正。叫了兩個小食。炸鯪魚球（$35）炸得太黒，太乾。

小弟喜歡以粥粉麵這三大中國發明作早餐及午餐，貪其較為清淡，而且水份較多，比起乾箏箏的麵包雞蛋火腿等的西式早餐，較合口味，所以小弟在Openrice 內早午餐食評，都以飲茶及粥粉麵三大發明為主。住了元朗一年多，久聞朱兆記大名，陀地友人都說近年在元朗開業的粥麵店中，以它質素最好，性價比最高，他們開在元朗大坑渠旁的安良里，今早去元朗泳池游泳，特意先到朱兆記吃個早餐。浦坐下，馬上點了艇仔粥及炸兩的早晨套餐，然後當然把室內外環境及餐牌盡收手機。等了不到三分鐘，艇仔已划到小弟跟前。艇仔粥炸兩早晨套餐 HK$29艇仔粥的用料正常，沒特別驚喜，有瘦肉絲、豬皮、水魷魚、碎牛肉及花生，雖然用料都是基本款式，然而份量不少，每種材料都能展示出應有特性，豬皮及水魷魚帶着爽脆口感，瘦肉絲有着濃郁鹹香，碎牛肉則帶着羶香，加上充滿米香的綿滑粥底，確實味美，早上吃一碗靚粥，整天都會心情愉快。炸兩製作一碟好的炸兩，油條鬆脆最為重要，即炸的當然最好，用燈照着油條及翻炸油條都能令油條脆身，不過都有缺點，燈照油條太久會變得乾身，而翻炸油條，油條則可能再次吸入油份，變得過份油膩。朱兆記的油條，在包上腸粉皮前經過翻炸，變得相當脆身

這間麵店沒有太多食評，其實一名著名的元朗名人早早在專欄提及過，本人則曾經在這店子吃粥，一次留言試吓嘗試吃牛腩，豈料一鳴驚人。 肥瘦相間 牛腩肥瘦相間，可能有時有些部份瘦得少許痴牙，但情況並不常見。大多數腩部都是崩沙般，肥瘦相間，中間有點彈牙爽口、濃香、牛味強烈。 吃撈麵時牛腩更多，但那次有層肥膏在面頭較膩，麵條沒湯難免較膩，惟撈麵牛腩更多更可觀。午時晚市，單拼牛腩麵，$30，質素超班，夫復何求。

見網上好多人讚朱兆記牛腩，於是就去試試。店內環境好舊，都幾污糟，而且好多烏蠅飛黎飛去，坐店外應該好好多。叫咗個腩河同蔥花蝦米腸。腩河先來，落單時並無要求咩腩，好在都唔太韌又唔太肥，牛味濃，算不錯，但又未至於一定要試。蝦米腸即叫即拉，有米味，滑嘟嘟，蔥花份量正常，但蝦米就好少。