李家 (山林道)

營業中

休息中

我最近去了一家韓式炸雞小店，試左佢地拿手必叫招牌菜。1）無骨甜辣炸雞炸雞🍗我只係叫左半份，份量都好多，足夠讓我和我的朋友們分享一齊食。炸雞的外皮酥脆，內裡則保持著多汁嫩滑的口感。甜辣的調味使整道菜的味道與韓國的風味非常相似，絕對是一個令人滿意的選擇。好似去左Korea咁…唔洗去korea都可以食到☺️2）無骨蜂蜜大蒜炸雞一樣份量都多，大份～炸雞🍗外皮脆脆，充滿了蜂蜜和大蒜的香氣，好香！蜂蜜既甜甜味與大蒜的香味完美地融合，個汁幾好味🤤唔錯～整亂炸雞個汁唔錯！如果炸雞炸粉少啲，會更好！😚😚3）芝士辣雞炒年糕年糕好香，有一層芝士鋪面，夾起可以拉到芝士拉絲😚見到好有食慾！芝士🧀在炒年糕上融化，濃濃的奶酪香氣，好吸引！年糕本身非常軟糯，與辣雞的味道好夾好match。食落口感豐富，又有辣味的刺激，值得一試！4）辛辣拉麵食韓國野又點少得辛辣麵！湯底濃郁，公仔麵🍜煮得岩岩好，唔會太淋。湯底帶有辛辣的味道，令人一口接一口，好惹味❤️

李家．炸雞非常juicy搵食之旅隨心出發之前又重溫了韓劇看到演員一直食炸雞仲由警察變身炸雞專家就非常口痕！既然放假，就去深入尖沙咀搵韓國人的炸雞李家是一家位於山林道的韓國餐廳很傳統的韓國座位FEEL有青少年學生與街坊就座明顯是有一定口碑據「食事名著：Openrice」一書記載，此店出名就是炸雞所以特意來吃招牌韓式指定動作，先上小碟前菜這是基本的醃蘿蔔與椰菜絲OK的開胃！先來2杯特飲：蘋果梳打：清爽可口，蘋果味突出，可愛式的甜度飲品西柚梳打：酸香可口，是清爽型又開胃的特飲牛肉炒粉絲粉絲軟身入味，冬菇爆香，肥牛激多牛香牛油的味道都由粉絲吸收，所以粉絲特別好味洋蔥、青椒及甘筍絲帶來清甜口感是必食的韓國菜式半半炸雞：原味及甜辣醬先說原味，咬開脆皮就是爆汁的雞肉一定要趁熱食，既香脆又有雞肉的嫩熱辣辣又有雞油汁水的口感特別有韓feel甜辣醬炸雞：一定要點有骨的可以感受扯雞肉的口感而且甜辣醬不算太辣卻足夠惹味令人一口接一口半半炸雞份量巨大要完成一整碟，2人一起努力是可以的但最好預留肚量，因為愈食就愈想要追加餐包伴著炸雞與醬汁一起吃相信一定更好食李家 (山林道) 尖沙咀山林道54-56號利雅商業大廈地

今日嚟到韓國餐廳，有好多卡位提供，私隱到真㗎😍😍😍環境都比較闊落，一坐低就有小菜等我開下胃，等陣間大吃特吃😚🤭呢度有得揀有骨炸雞同埋無骨炸雞，最後因為懶人嘅方面揀咗無骨炸雞😹😹最開心嘅係佢唔使成份一齊叫可以嗌一半一半，一次過試晒唔同嘅口味。而且半份嘅炸雞份量都非常足夠，每半份都有大約六至七舊左右🫣😎無骨甜辣炸雞(半隻)$103🍗🍗炸雞表面充滿住甜甜辣辣嘅醬汁，每一邊都有醬，雖然醬汁多，但係雞仍然保持住香脆既口感。好鍾意呢度嘅甜辣醬汁有濃郁嘅香味，就算平時唔係幾食得辣都可以食到😍😍😍🙈蜂蜜大蒜炸雞(半隻)$118🧅炸雞都係每一邊充滿醬汁😍😍蜂蜜醬甜甜地，最開心嘅係佢面頭有大蒜，亦都有啲細嘅蒜泥，鹹鹹甜甜咁樣食都幾吸引😚😻鐵板炒泡菜豬肉$168最鍾意佢用鐵板上嘅菜式，感覺可以保持熱度另外風味十足🤓份量充足而且泡菜嘅比例啱啱好。豬肉都富有肉香同埋稍為有少少脂肪，令到肉方面唔會太靭🐖Stella $68 500ml 🍺食炸雞，梗係要飲杯啤酒。店內都有唔同嘅酒精飲品同非酒精飲品選擇，記得18歲之後先好飲酒啊👀李家 (山林道) (尖沙咀)尖沙咀山林道54-56號利雅商業大廈地下2號舖

其實之前食過好多次，每一次都覺得好好味但2023年12月去過嘅時候已經覺得差咗好多唔知係咪轉左廚師 啲雞好有雪味而且入座嘅時候 啲韓國人好冇禮貌 串到不行 同佢講7:00三位 佢問我幾耐到 因為有限時 我話十分鐘後 另外兩位朋友行緊嚟佢話咁唔得喎，我哋full啦 咁我就奇怪，明明佢啱啱仲問我幾耐到然後10分鐘之後我朋友去問佢有冇位 佢竟然話有 到朋友入完坐 個三個人見到我都好尷尬😀咁你啱啱又話無位？ ？ 如果你叫我人齊先入黎 我都會覺得合理但你而家係同我講無位咼而且我企喺出邊見到好多都係Walk in入去其實唔想做生意 喺門口寫咪得囉 唔洗趕客 然後到咗今日吸取左上次嘅教訓 😀諗住打去book定聽日點知仲嬲因為OpenRice淨係可以book五點同七點然後我打電話去 我:🤕 店員:💩🤕:唔該 我想book聽日六點半💩：咩六點半🤕:我想book聽日六點半💩:你去openrice book la🤕我個陣記錯）但openrice得五點半同七點 我想book六點半💩:咩五點半呀 係五點同七點 總知就得個2個時間 六點半黎walk in la 其實有禮貌少少都唔會咁嬲本身係覺得嗰度近紅館先諗住

上個星期日去左位於山林道的「李家」餐廳，餐廳由韓國人主理，而且在韓國有很多分店，食物好正宗韓國風味，有多款韓國料理，例如韓式炸雞、泡菜煎餅、鍋物等等，真係好多選擇㗎。每一款食物都好好味，而且份量夠曬多。🍗🥞🍲首先必點甜辣炸雞，絕對係「李家」嘅招牌菜式之一。炸雞好脆好嫩，而且佢地嘅甜辣醬汁真係好好味。又香又辣，每一口都有脆口嘅質感同埋濃郁嘅味道，令人回味無窮！🍗🌶️😍然後就係芝士雞蛋卷，蛋卷煎得金香，入面包住咗融化嘅芝士，每一口都飄咗濃郁嘅奶香同埋鮮美嘅口感！呢道菜簡單但係好好味，絕對係芝士愛好者嘅最愛！🧀🍳👌再嚟就係韓式烏冬，烏冬麵條有口感，湯底濃郁鮮美，每一口都充滿咗韓式風味！呢道菜好啱嚟暖身喇，又好好味！🍜🦑🥬😋最後就係辛拉麵，韓國菜嘅經典之一！辛拉麵湯底辣度適中，麵條有彈牙口感，味道好濃郁。🌶️🍜🔥「李家」餐廳係一間好值得一試嘅韓國餐廳。甜辣炸雞、芝士雞蛋卷、韓式烏冬同埋辛拉麵全部都好好味，而且價錢亦都平實。🍽️🇰🇷🌟

【尖沙咀•李家】@leegachicken_hkππππππππππππππππππππππππππππππ尖沙咀老店李家韓式料理餐廳韓式海鮮炸醬麵 198$海鮮拌炒麵是一道台式經典的家常好菜。雖然其中的食材，以肉絲、蝦仁、蟹柳等多種海鮮為主。用韓國炸醬手工乾燥製過後，外形像絲綢般的光滑手工條麵，配料有多種，有秘製的炸醬，整體的味道不油膩，十分順口。吃完後永遠都會回味無窮。人參雞湯 198$被認為有提升體力和滋補身體的功效。人參雞湯的主要食材包括雞肉、人參和各種草藥，加上綠色蔬菜。這些材料經過長時間燉煮後，湯的口感非常濃郁。雞肉非常鮮嫩多汁，而人參的微苦味為湯增添了深刻的風味。對於喜歡濃郁湯品的人來說，人參雞湯絕對是一道值得嚐試的美食。辛辣麵 58$辛辣麵的湯底是用高湯、泡菜和辣椒醬煮成的，充滿了酸辣的風味。麵條本身非常有彈性，口感十分爽滑。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 499（加一）✨✨✨✨✨✨✨✨✨✨✨✨✨#尖沙咀美食 #李家 #web3尖沙咀李家 (山林道)尖沙咀山林道54-56號利雅商業大廈地下2號舖

李家位於尖沙咀山林道54-56號利雅商場大廈地下2號舖餐廳靠近華美達酒店先講一講門口位置有對翼，非常夢幻係門口見到營業中，但看唔到入面情況私隱度極高餐廳好識得利用空間，把午餐同部分餐廳掛在牆壁上吸引客人的眼光我都係被餐牌吸引入去坐低後職員會比餐牌隔一陣就走黎幫你落單，既比空間人客諗食咩又岩時候過黎，好貼心由於天氣凍凍地，我們想飲岩熱湯但因為天氣都比較乾燥，所以無揀泡菜豆腐湯或辛辣麵，而係叫左比較滋補既人蔘雞湯$198人蔘雞湯人蔘 一大條，好足料紅棗 有五大粒，而且原粒 非常補身雞係用童子雞 雞肉非常嫰滑炸雞亦係韓國人必食但一大份真係食唔晒，攞走凍左再翻熱就唔好食呢度可以半半雞之餘仲可以只叫一份做到滿足人客過口癮原味 半份 雞 $93我地選擇有骨上檯時見到有雞脾位，雞翼，雞胸等等而且係熱辣辣雞胸肉 多汁嫰滑雞脾肉 啖啖肉，嫰滑炸醬好薄身，所以脆皮都係薄薄一層雖然好邪惡，但忍唔住連皮食豬腩肉$208鐵板上豬肉金黃色店員介紹將一塊豬肉點蒜蓉辣醬再加少少泡菜同醃左辣醬的蔥絲一齊食真係好特別平時用生菜包我食第一塊時感覺到口中沒有油膩感唔會有好滯食完仲想食

🌸韓式玫瑰炒年糕🌹🇰🇷 大大盤熱辣辣嘅韓式玫瑰炒年糕😍😍醬汁好濃郁香口，甜甜地又有少少辣，越食越惹味😍🤭而且年糕口感好煙韌彈牙，有嚼勁但唔會太軟糊或過硬👍🏻👍🏻配埋蔬菜、腐皮、芝士腸同埋車厘茄，好正！😬😬🌸蜂蜜蒜蓉無骨炸雞🍯🧄🍗我地點左無骨炸雞，所以真係啖啖肉😊炸雞外皮香脆，肉質好鮮嫩又juicy😍食落口蒜香味好香🧄而且仲食到蜂蜜嘅甜味，停唔到口😬😬🌸橙汁🍊🌸桃汁🍑💁🏻‍♀️餐廳環境舒適，簡約風格但滿滿韓風，餐廳內播放唔同嘅k-pop🎶🎵🤗上菜速度都快，抵讚👍🏻

《李家》韓式炸雞店&韓餐專門店李家有多家分店🐔這次來到山林道分店粟米炸雞$218（+$10轉無骨炸雞）VIP級炸雞😆無骨炸雞啖啖肉一份有差不多十件炸雞加有粟米片的炸皮香脆 而且厚薄適中炸雞調味香甜炸過的粟米好像變得更香甜 而且多了一絲香口感年糕水餃湯$98一碗裡有六、七粒餃子餃子粒粒飽滿 塞滿肉餡還有煙韌軟糯的年糕 是簡單卻最美味的味道Apple cider Rita$88吃炸雞要配點酒精吧一大杯甜甜的蘋果酒可以兩個人share易入口又不會嗆口

【聚會必食多選擇正宗韓國菜💬】尖沙咀雖然多韓國嘢，但係咁多間韓國嘢入邊揀一間都唔易㗎😛今次終於試咗想試好耐嘅呢一間😍估唔到真係樣樣嘢都好好食！表示一定會再嚟😤-🍴芝士蛋糕卷（💰:128 )蛋卷超大嚿，好滑🥚上邊仲有茄汁，入面啲芝士係拉絲🧀就係好韓嘅味道🇰🇷.🍴無骨半半炸雞（💰:188 )呢個半半炸雞份量一啲都唔少㗎😬今次叫咗蜂蜜大蒜炸雞同埋甜辣炸雞🍗蜂蜜果個甜甜地🤪炸雞就係大家想像得到嘅味，外皮炸得夠脆，入邊啲雞肉都好嫩滑😋大家一定要叫！.🍴魚糕湯（💰:168 )超多魚糕！食到你唔食🤩入面仲有芽菜，個湯就係平時係韓國飲到嘅味👍🏼-💡下次想試炸醬麵，見到日常仲有LUNCH SET.💡呢間店嘅份量都好多，完全適合一大班人聚會🤩-💎推介指數: 💎💎💎💎💎💡性價比:✨✨✨✨ (喺香港食韓國菜本來就偏貴🙈)🍴ENCORE指數: ⭐️⭐️⭐️⭐️⭐️(呢間變咗我愛店韓國菜 😍）-

同朋友除了鍾意韓劇，更加喜歡食韓國菜，在尖沙咀開始行街前，特地找了一間韓國餐廳試試。一坐低會上小菜，同炸雞一齊食，很開胃解膩。有骨原味炸雞（半隻） $93有骨甜辣炸雞（半隻） $98餐廳有不少炸雞口味可以選擇，同朋友選擇了原味及甜辣口味。雖然餐廳有無骨炸雞選擇，同朋友覺得連骨的炸雞會比較好味，更多肉汁。兩款炸雞都是即叫即炸，上枱熱辣辣，炸到外面香脆，中間有肉汁。特別要稱讚的是甜辣炸雞，即使表面有甜甜辣辣的醬汁，炸雞仍然可以保持到酥脆的口感！炸雞的份量大，每份都有9-10件，建議細食的人點一份分享，再叫其他餐點。泡菜餅 $138泡菜煎餅份量毫不吝嗇，用料足，可以食到不少泡菜及魷魚，口感同味道不錯，外層香口，中間有一定厚度，不會有油膩的感覺。西柚子味無酒精麗塔 $78啤酒配炸雞是不敗的組合，但又不想未開始行街就開始飲啤酒，剛好呢一款雞尾酒有無酒精版本，滿足了想飲啤酒的願望又無負擔。啤酒的味道加上清爽的西柚味，與香口的炸雞是絕配。檸檬梳打 $38檸檬梳打大大杯，味道清新，不會太甜。餐廳除了由韓國人主理，也播放住最新的K-POP音樂，連播了IVE的幾首歌，加分🤣🤣。食物味道不錯，份量足，是不錯

去完韓國旅行，念念不忘當地的炸雞，返到香港想食返同韓國一般嘅質素，首選「李家」，今次我去山林道呢間分店，裝修如同當地炸雞店，電視亦播放着流行Kpop歌曲，韓國籍店員招呼好有賓至如歸的感覺。半半炸雞🍗一半原味一半甜辣，炸雞香脆可口，份量十足。一次過可以食兩款口味，性價比高。海鮮炸醬麵🍜濃郁帶甜的炸醬，配搭煙韌彈牙麵條，相當掛汁，海鮮配料亦相當豐富👍🏻西柚子味麗塔味道相當清新，食完炸雞飲佢好爽😄

🐥炸雞控必去x韓國菜老字號🇰🇷-上次咁啱食完韓國嘢食開有鋪癮 所以約咗同朋友一齊去呢間尖沙咀嘅韓國菜老字號 再食過炸雞😎 佢哋炸雞有超多種唔同嘅口味 仲可以有半份同一份咁嗌 照顧到我哋呢啲心大心細 而且又想試好多款味嘅朋友仔😎 今次想試吓食啲平時少叫嘅口味 所以冇揀到我哋平時最鍾意叫嘅芝士同甜辣醬🤪-🐥無骨蔥炸雞 半份 $113無骨蔥炸雞嘅醬汁係比較清爽同流質 酸酸地咁 配上超級多嘅大蔥蔥絲 食香口之餘又可以中和返炸雞😋-🐝無骨蜂蜜大蒜炸雞 半份 $118如果食開甜辣醬嘅朋友 就可以試吓呢款蜂蜜大蒜炸雞😎 佢嘅醬汁係用咗蜂蜜去包住炸雞 加上炸香咗嘅大蒜 食落甜甜地帶有蒜香😜-🌶️泡菜餅 $138食韓國菜都好鍾意叫韓式煎餅 我哋今次就叫咗泡菜煎餅😋 佢係大大份一個圓形咁上碟 外層先到好酥脆唔會好油 入面就好食到軟糯嘅口感 同埋泡菜嘅爽脆 層次十足😝-🥟年糕餃子湯 $98另外我哋仲加咗一個年糕餃子湯 湯底係呈奶白色有少少似雪濃湯❄️ 而餃子好大隻 加上年糕薄片 喺咁涼爽嘅天氣之下食 見住呢個湯翻滾同冒煙 有種好幸福嘅感覺😚-📍李家 (山林道) (尖沙咀)尖沙咀山林道54-56號利雅商業大廈地下

食左好多年嘅韓國菜今日因為開party 叫左唔同餐廳嘅野食相對上淨係喺李家叫左好少野😅1. 無骨芝士調味炸雞 半份 $1782. 無骨蜂蜜蒜蓉炸雞 半份 $178無骨炸雞食左咁多年都係咁好食炸粉唔會好厚 肉質又juicy 😋個人黎講 最鍾意同推介其實係甜辣醬 🌶️不過同事發辦 所以今次無叫到第二就係蜂蜜蒜蓉 雖然係蜂蜜 但係唔會好甜易入口得黎又唔會膩🍯至於芝士🧀調味炸雞 係用芝士粉 所以外賣黎講 係唔錯嘅選擇 放左好一段時間都keep到好脆 不過我揀嘅話 都係揀翻甜辣醬/蜂蜜蒜蓉 3. 蔘雞湯 $248本身唔特別好人蔘雞湯 但係因為天氣凍 就叫左兩個湯飲份量幾大 除左有人蔘、紅棗、杞子、糯米飯嗰啲配料入面仲有隻雞 唔係啲碎濕濕嘅雞肉雞肉燉得好軟腍好嫩滑

【尖沙咀•李家】@leegachicken_hkππππππππππππππππππππππππππππππ尖沙咀韓式料理 人參雞湯竹料好味！韓式牛肉炒粉絲 158$韓國料理，主要材料包括牛肉，粉絲，青蔥，紅蘿蔔等。風味濃厚，牛肉的鮮甜和粉絲的彈牙在口中交織出豐富的口感，另外加入青蔥和紅蘿蔔的色彩和香氣也為這道菜增添了風味。韓式蛹湯 sikworm soup 138$蚕蛹湯的口感獨特，蚕蛹富含蛋白質和微量元素，具有高營養價值。吃起來帶有一點彈牙感，而這種特殊的口感也讓這道湯類料理顯得格外有趣。另外，加入了各種蔬菜和調味料的湯汁清淡鮮美，讓這道菜色更加開胃可口。人參雞湯 198人參雞湯的湯底是以雞肉和高品質的人參熬製而成，雞肉的鮮嫩和人參的滋補功效相得益彰。湯中還加入了蔘、枸杞等中藥材，被認為對健康有益。湯中的雞肉滋味鮮美，人參則賦予湯品香氣和滋補的功效！人參雞湯的風味細膩溫潤，湯汁濃郁濃郁。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 540（連加一）✨✨✨✨✨✨✨✨✨✨✨✨✨#尖沙咀美食 #李家 #web3尖沙咀李家 (山林道)尖沙咀山