影片
以上資料只供參考, 請與餐廳確認詳情
行山，走累了最想吃一碗餐蛋麵，但在東平洲，都是要來碗花甲麵才是王道。普通的一碗麻油出前一丁，加入了附近打撈的新鮮花甲，花甲的鮮甜配上麻油的香氣很搭。成就了島上的一大特色。食完一丁意猶未盡？仲有椒鹽鮮大尾魷，酥炸的香味，以及大尾魷獨特的嚼勁，出面已經好難搵到。
繼續閱讀
秋天到喇🍁行山季又嚟啦⛰️每次去行山都會搵啲好嘢食下嘅我。。今次同大家去’東平洲‘。。唔係成日聽到嗰個坪洲。。呢個東平洲係要喺大學站行返出去海邊。。嗰度搭船。。仲要佢啲船唔係日日有。。剩係得星期六日先有。。大家要睇清楚有冇船期先好去。。去搭船都要搭成個鐘。。當然去到除咗行山我梗係搵好嘢食啦。。東平洲最出名嘅咪係海膽炒飯啦。。我答最早嗰班船去到啲餐廳全部冇開。。全部都寫住疫情關係唔開。。個心即刻沉一沉。。因為我冇帶到晏晝嘅嘢食。。計埋船程要到七點先可以出返市區。。但真係好好彩。。行到一半嘅時候有間餐廳係開咗㗎。。仲要有出名嘅海膽炒飯同埋有新鮮嘅大尾魷😋😋呢兩樣嘢都係老闆今朝去捉返嚟嘅。。超開心‼️你話係咪真係高級餐廳水準就一定冇㗎喇。。但嗰一刻對住過海加埋行咗咁耐仲有就係以為冇嘢食。。所有因素加埋呢一餐係好好味😋😋仲好野味😋😋..🐚薑蔥炒蜆🦑平洲椒鹽大尾魷🍛平洲海膽炒飯🍜墨汁海鮮炒麵🌸山水豆腐花..📍 李莉小聚 (大埔)大埔東平洲亞媽灣沙頭..=•=•=•=•=•=•=•=•=•=•=•=•=•=•=•=•=•=•=•=•=•=•=#cafe#cafehopping#cafehoppinghk#coffeeshop#coffeeshopcorner#coffeeshopvibes#discoverhongkong#foodiesofinstagram#foodstagram#hkcafe#hkcoffee#hkdessert#hkfood#hkfoodie#hkfoodlover#hkfoodstagram#hkig#hkstyle#hongkong#hongkongcafe#hongkongfoodshare#tungpingchau#taipo#taipofood#taipocafe#李莉小聚#東平洲#東平洲地質公園#大埔#大埔美食
繼續閱讀
星期日同朋友入東平洲環島遊，接近行完時，來到李莉小聚，朋友話要吃蜆仔烏冬。可惜，佢話無乜蜆，啲蜆要留返俾熟客😩一場黎到，又行到攰，我哋唯有食其他好味嘅風味嘢。🔸大尾魷烏冬(💰60)(8/10)碗烏冬好多好多大尾魷，大尾魷好彈牙爽口有鮮味👍🏻啲烏冬係用普通酸酸地嗰啲噹噹烏冬，係幾有風味嘅，不過梗係用靚烏冬比較好啦🫣。個湯底有海水鮮味，仲有好多蔥。好味！食完呢個大尾魷令我都想試下佢嘅蜆仔烏冬。佢仲可以叫出前一丁，但個湯就用平時出前一丁嗰啲味粉湯，無咗海鮮湯底啦，所以都係食返烏冬好啲。🔸海螺🐚(💰90)(7.5/10)新鮮，有海水味。但可能係品種關係，就無咗啲甘甜味。🔸豆腐花(💰14)(7/10）🔸椰汁涼粉冰(💰25)(7/10)豆腐花無乜豆味，不過幾滑嘅。涼粉冰都解渴消暑。兩款都係正常味道，行到熱辣辣食就啱哂！如果可以凍啲就更好！招呼方面，店員好有笑容，態度良好👍🏻下次再黎東平洲再睇下有無蜆仔烏冬啦，不過唔知幾時先會再黎😂😂Overall評分: 7.5/10👍🏻
繼續閱讀
全港最篤篤嘅餐廳？🤣.離島系列第三擊！不過呢個離島都幾遠🥲馬料水搭船都要個半鐘…可能幾個月先去得一次，不過遠還遠，唔代表無嘢好食喎！之後仲畀我哋搵到有甜品！.1️⃣平洲椒鹽大尾魷（$138）可能見到價錢伯嚇親，呢個係東平洲必食！個樣望落好似平時食開嘅椒鹽鮮魷，不過彈牙爽口好多🦑問過下老闆娘，佢就話大尾魷係東平洲獨有，鮮味好多大條好多。炸粉粉量啱啱好，大尾魷好濃魷魚香味，魷魚鬚亦都好焦脆，對於餓咗一朝嘅人嚟講係perfect👏🏻.2️⃣平洲海膽炒飯（$148）極遺憾當日去到嘅時候啱啱好賣晒即開海膽😭唯有嗌海膽炒飯頂住先！不過都唔hea你，份量首先夠幾個人share，然後海膽都算係每啖飯都有啲咁，夠熱有鑊氣！.3️⃣薑蔥炒蜆（$89）份量同樣地多！目測都有40-50隻，蜆肉飽滿完全無沙，啲薑蔥汁都唔會話過鹹，一隻接一隻，亦好少死蜆出現，good.4️⃣伯爵茶味拿破崙估唔到東平洲呢個超級山旯旮嘅島都會有甜品食！即刻試下！好啦其實係玩嘢🤪東平洲最特別係有呢啲千層岩石，到埗時真係覺得好壯觀，每一舊岩石都影相咁滯，絕對值得一去.性價比：🌕🌕🌕🌑🌑美味度：🌕🌕🌕🌕🌗獨特性：🌕🌕🌕🌕🌑.📍李莉小聚 (大埔)🦑大埔東平洲亞媽灣沙頭.#東平洲美食 #離島美食 #魷魚 #海膽 #香港好去處 #九龍好去處 #新界好去處 #性價比高 #香港美食指南 #852food #相機食先 #food #foodie #foodporn #foodiehk #hkfoodie #instafood #hongkong #hkfood #foodstagram #foodlover #食評 #食好西 #必食 #人氣美食 #香港美食
繼續閱讀
2-10-2020 (Fri)中秋節翌日公眾假期,同老公搭船嚟東平洲行,我哋去到啱啱12點,由於驚老公肚餓,於是快快搵嘢食,我哋見到碼頭南面有村屋,咁應該有嘢食啩,於是向呢邊行,行咗約10分鐘,見到呢間,睇吓門口大大塊menu,就決定食.我哋要$148.00嘅時令海膽炒飯,但已賣晒,於是要:3. $15.00嘅香醇新鮮豆漿唔太甜,豆味唔太濃,不過咁都好,唔會越飲越口渴.味道: 2.8分4. $15.00嘅無糖涼茶成份有羅漢果,海草/昆布,夏枯草.由於無糖所以我怕苦,但又唔係,唔單止唔苦,重唔甘添.又ok喎,而且同樣唔會口渴.味道: 5分2. $38.00嘅腸蛋麵OK正常冇問題.味道: 3分1. $138.00嘅平洲椒鹽大尾魷新鮮炸起,魷魚新鮮肉厚,食到佢嘅味道,不過食唔到椒鹽味,呢樣就唔係咁對版.味道: 2分5. $12.00嘅山水豆腐花兩碗食完後,都叫呢樣嚟食,都算滑,豆味亦唔太濃,普通.味道: 2.8分服務:好友善,老闆娘更加係笑面迎人,每次拎嘢嚟都會叫客人慢慢食.抵食係2.6分
繼續閱讀