東京キッチン (已結業)

芝士焗吉列豬扒飯 $53同平時茶餐廳果D焗豬唔同，佢係焗吉豬，焗完都覺得好脆口，係幾唔錯，我本身中意食吉豬，又中意食焗豬，依個款搭好OK~凍日本抹茶 +$6我覺得味道怪怪地，平時飲開熱覺得都OK，但凍又覺得有D怪。長珍寶蟹棒 $35真係好珍寶，好長，D肉唔會好散，$35兩條咁長，都幾抵。

第一次見唔係即叫即燒嘅章魚燒 仲要韌嘅第一次食舊皮唔脆 舊肉仲要係韌過teflon嘅炸雞冇咩需要就上番地面食其他嘢啦 坐喺行人通道食 仲要唔一定係有得坐已經出出地事……

因為而家政府禁堂食,好多餐廳都有外賣自取優惠 而咁啱行aeon,見呢間係food court嘅餐廳外賣自取有85折,個三文魚焗飯折完淨係要50蚊,所以諗住試下~ 但返到屋企開盒飯時真係覺得好後悔,因為好耐冇食過咁難食嘅飯!!! 首先個飯嘅外觀已經唔吸引,仲要個三文魚冇三文魚味,淨係得咸魚味!!!!! 雖然個三文魚焗飯都有幾多三文魚,但係完全冇三文魚味!真係顛覆左我味覺!! 本身冇諗住食食評所以冇影相 但諗諗下都係覺得我應該寫出黎以免大家中伏

📌日式明太子面🍝（💰53）最上嗰pat明太子帶少少辣💕幾惹味個麵都幾淡偏清新少辣 見到粒粒明太子💕如果你係想食濃郁味嘅話就唔好期望太多啦但你都會食到好多粒粒明太子💕-📌汁燒牛扒拼香煎蝦套餐🥩🍤🍟（💰83）因為想食蝦🦐同薯條🍟就叫咗點知睇睇下發現原來仲有碗白飯🍚隻蝦原來我睇錯咗以為佢有炸粉(;´༎ຶД༎ຶ`)🦐幾爽口彈牙 牛牛就普普通通(⁎⁍̴̛ᴗ⁍̴̛⁎)🍟薯條唔會炸得太乾都幾濕潤有少脆叫多茄汁點知佢放咗喺啲薯條上面...我呆了🌝🌚✨-📌加💰6/10/15轉餐👉🏻有沙律🥗➕餐湯或者指定飲品🥗幾新鮮係配千島醬餐湯就真係得昆布同埋蔥🥺幾清-見到🐙章魚燒（💰18）好似好抵下次食-

團年飯當夜，約了朋友出黎食野，點知好多舖頭都唔開門，最後去左食food court。Aeon呢個場其實幾多野揀，食左幾次唔好舖頭，今次朋友決定試下東京kitchen。叫左呢客芝士焗咖哩牛肉飯（＄53），咩都唔包得個飯，可以加錢要沙律或餐湯或餐飲，不過朋友話唔使了，無乜興趣，寧願一陣間出去買嘢飲好過。先講返個焗飯，個樣幾靚仔，芝士下得很多，焗起相當香嘅，而且好重手份量唔細，呢樣絕對夠飽，超多飯同好漏嘅芝士一大盤，但除左可以好飽外就無其實優點……個咖哩汁超鹹，超鹹，超鹹呀！加上勁多汁，想用白飯中和佢係唔work嘅，牛肉醃鹹到已經唔知係咪食緊牛肉，朋友一副味如嚼蠟嘅樣對住呢碟飯，好慘呀……餐牌咁多野揀都揀中個伏，或者其他野好味啲啦。Food court唔好期望太多，哈哈。

番到屋企發現屋企人冇煮我飯，就唯有落樓下Aeon foodcourt 覓食。行過見到有間主打咖哩飯同洋食嘅日本餐廳，個廚師喺度煮緊意粉，望落好似好唔錯，就即刻買左一份嚟試。我點咗一個“忌廉煙肉蘑菇麵“$59，晚飯嚟講唔算貴。等咗大約十分鐘，個意粉終於嚟啦！講下個意粉，份量唔算好多，但係整體來講都可以接受嘅，幾好食嘅👌🏻👌🏻特別鍾意佢哋既忌廉汁，忌廉味都幾濃下😄😄不過煙肉嘅份量都係偏少，但🍄蘑菇份量就OK啦。呢個意粉賣相都幾吸引，味道都唔錯，令我有啲驚喜😝

aeon foodcourt係foodcourt界黎講應該都算高質～每次行過見到啲餐廳都算吸引～今日就揀左依間日式西餐試下！嗌左個carbonara, 明太子意粉同章魚燒做晚餐…最值得稱讚係明太子意粉！好出色！明太子味好濃 而且超多醬汁…食哂啲意粉都仲有好多汁剩～唯一缺點係鹹左少少…carbonara相比之下就麻麻地～個汁唔夠creamy...亦都唔係幾夠味…章魚燒唔錯…唔會好粉～亦都食到舊章魚不過唔夠熱～ 可以再好啲！咁既價錢我覺得都ok嘅…大推明太子 

黎FOOD COURT 真係唔可以要求太多...呢度係OPEN KITCHEN...望住佢既食物基本都係係SUPERMARKET搵到...廚師既工作都係為你REHEAT..切好上碟味道我會形容為比7-11出色既日式快餐我就叫左燒魚炸雞套餐,朋友叫左吉列豬扒咖哩飯燒魚炸雞套餐....1條魚,3件炸雞,1小份牛肉,加6蚊就有飲品/餐湯+沙律燒魚係配現成再加熱,....正常既味道,炸雞應該炸左好耐,入口只有微溫....比較好既係牛肉,甜甜地,調出黎既汁係好味過吉記既,$58 一個飯....真係不能要求太多當係一個快餐食..心境會開心D既

本來想早少少食個晚飯，來到food court 就試吓d未試過嘅野。點知一試就中伏。已經唔記得呢個餐叫咩名，總之就有魚、有牛肉、同雞肉。一堆唔知想點嘅食物，條魚多油到好似用咗成樽油去煮咁，食完個胃都唔舒服。d雞肉冇乜味道，d牛又普通。雖然我唔應該對food court有太高要求，但都唔好俾d難食過快餐店嘅食物人食先得架。話晒都幾十蚊一個餐，做得餐廳都要有返d良心，唔得求其煮碟野出嚟就收人幾十蚊，食落肚架，唉！以後都唔會再來。