東京キッチン (已結業)

團年飯當夜，約了朋友出黎食野，點知好多舖頭都唔開門，最後去左食food court。Aeon呢個場其實幾多野揀，食左幾次唔好舖頭，今次朋友決定試下東京kitchen。叫左呢客芝士焗咖哩牛肉飯（＄53），咩都唔包得個飯，可以加錢要沙律或餐湯或餐飲，不過朋友話唔使了，無乜興趣，寧願一陣間出去買嘢飲好過。先講返個焗飯，個樣幾靚仔，芝士下得很多，焗起相當香嘅，而且好重手份量唔細，呢樣絕對夠飽，超多飯同好漏嘅芝士一大盤，但除左可以好飽外就無其實優點……個咖哩汁超鹹，超鹹，超鹹呀！加上勁多汁，想用白飯中和佢係唔work嘅，牛肉醃鹹到已經唔知係咪食緊牛肉，朋友一副味如嚼蠟嘅樣對住呢碟飯，好慘呀……餐牌咁多野揀都揀中個伏，或者其他野好味啲啦。Food court唔好期望太多，哈哈。