東京チカラめし

營業中

休息中

係附近行街行到咁上下，咁岩見到呢間平時排哂隊，門口冇長龍，係要衝入去試下~ 主打牛同豬丼飯仲有咖哩同多款日式小食，食物選擇都幾多，因為想食飽D，就叫左個大既芝士燒豚肉丼，先講講真係好大碗，飯量十足~ 豚肉較多脂肪，可能因為要燒既關係唔會太瘦，再加上芝士，呢個絕對係增肥之選，口感會勁滿足~ 而且豚肉教多油脂，所以都唔會覺得太嚡口同干身，芝士都算幾香幾重味道，所以食起黎都好滿足，好飽肚。另外再叫多份玉子同泡菜，送飯一流，又可以去左豚肉既油膩感。

去開旺角想食牛肉飯，諗都唔使諗，一定會去來自東京嘅 「東京チカラめし」，因為好喜歡佢哋獨有嘅鐵板燒牛肉，即叫即烤，再加上微焦的特製醬汁，非常入味，啖啖肉又熱辣辣，丼飯仲可以隨意追加味噌湯、椰菜絲沙律、泡菜、溫泉玉子、餃子，唐揚炸雞等小食，價錢都係係$10起，超抵食，食幾多完全唔會覺得肉痛🤣🤣🧀▪️芝士燒牛肉丼 (並) $ 58🍳溫泉玉子 $ 15🍲味噌湯 $ 10🥗菜沙律 $ 12每次我一定都係會食呢一個芝士燒牛肉丼，燒得焦香既拉絲芝士，加上洋蔥燒牛肉，真係好食到癲，仲要牛肉份量超級多，配埋特製燒汁和日本珍珠米飯一齊食，超級好食，今次我仲追加咗溫泉玉子，蛋黃流進飯內，更加美味，終極大滿足，另外味噌湯和椰菜絲沙律都係必須追加的，一樣係滿滿日本風味👍🏻🐮▪️野菜燒牛肉定食 $ 70(已包沙律和味噌湯 ）這個定食套餐真係抵食到嚇親人，包埋湯同沙律都係$70，份量超級大，用鐵板盛載住炒野菜，吸收咗牛肉嘅味道，非常惹味，鐵板燒牛肉當然一樣咁好味，配合白飯真係冇得輸🥟▪️餃子3件 $ 18傳統日本餃子，椰菜豬肉餡，沾上酸醋汁，味道非常唔錯

呢日收工係旺角，諗唔到食乜野好，就見到附近有呢間平價既日本菜，見到前面唔多人排隊，佢個招牌好靚，被吸引住，就決定呢晚食呢間野。呢間野只係離地鐵站5分鐘路程，又方便，食完仲可以行下波鞋街。我地2個人，叫左2個鐵板燒，一個係牛既一個係豚肉，佢比左好多菜我，一定係知道我鍾意食菜，因為我真係好鍾意食菜，再另外加購左個炸雞同埋牛肉，佢啲牛肉好好味，係有壽慶燒汁既味，我好鍾意呀，食完埋單2個人加埋200幾蚊左右，超飽

東京牛肉飯店位於旺角麥花臣球場斜對面，當踢完波行過去食一碗牛肉飯，傾錢不算貴。芝士燒牛肉飯，堅吾錯有芝士香味，配合埋牛肉汁係一個新鮮配搭我真係食晒成碗飯，沒留低半粒飯野菜燒牛肉定食，用牛肉炒出嚟好夠味，配一客沙律同一碗湯，想健康一點就試下呢個餐。座位吾多，地方都夠寬既，坐得幾舒服，長期都有人等位，想食要早少少去排下隊。我覺得呢個價錢好抵食，香港有三間分店，旺角算幾方便。同香港另一家牛肉飯專門店有吾同，東京牛肉飯吸引我會再去食。

同朋友出開旺角呢頭做完運動順便一齊食飯，佢話想食日式牛肉飯，我諗各位心目中都係得嗰兩三間😂我上次食過呢間覺得性價比都唔錯，相對好似唔使排咁耐，就同佢嚟碰吓運氣～ 👅咖喱吉列豬扒飯🍛之前嚟我都係食燒牛肉，今日見到隔籬枱嘅咖喱都幾吸引，決定試新嘢🫢呢度嘅豬扒好似冇出面日式餐廳吉列得咁勁，炸皮相對薄，不過依然好香脆唔油膩👍👍 豬扒肉質鬆化，仲好大塊😂 日式咖喱唔辣相對較甜，份量都好多，絕對夠送晒咁大碗飯😬朋友叫咗牛肉定食，佢都話唔錯，仲話我冇介紹錯😌#日式牛肉飯 #牛肉丼 #日本菜推介 #燒牛肉飯 #燒豚肉飯 #咖喱吉列豬扒飯 #吉列豬扒飯

放假出旺角整頭髮整左幾粒鐘好肚餓😪整到大概六點，經過呢間日式丼飯見一個人唔使排隊即刻入左去🙈叫咗個定食，仲加左兩款配菜🫢👅鐵板野菜燒牛肉飯咁肚餓嘅我好彩唔使等好耐就有得食🙌🏻鐵板上熱辣辣香噴噴😍份量相當多👍 牛肉醬汁唔會太鹹，肉質亦都唔韌～椰菜爽脆，送飯一流🤤另外加嘅溫泉玉子滑捋捋，泡菜唔太辣好開胃，連埋本身個牛肉，眨吓眼送晒一碗飯😂😂呢度環境好光猛，好多大玻璃👍有吧檯亦都有二人同四人檯，我諗就算繁忙時間如果一個人嚟應該唔使等好耐，下次經過可以再嚟😬

呢一晚同朋友約左去旺角睇戲👯‍♀️睇戲前決定快食飯 我地決定快食 東京チカラめし📍-這家食日式便當快餐 幾抵食😎而且環境幾有日本風味🤭-我揀左燒豚肉定食🍱除了豚肉外，仲有白飯，沙律，味噌湯🥣真係幾抵食 份量幾多既燒豚肉都算野味，唔會太硬💡-朋友揀左旨辛牛燒肉定食🍱同樣有齊白飯，沙律，味噌湯🍚呢個有D韓式味道，材料好豐富而且惹味幾岩食得少少辣既朋友🌶-我地另外再點了餃子做小食呢🥟飲品方面 就簡單點左汽水同茶🧃-輕鬆既晚餐 絕對係好岩快食之選🔎而且價錢真係幾抵! 不過要留意真係快食⚠️環境簡單同埋未算好舒服‼️

呢間牛肉飯成日都見排長龍原來真係幾抵食，性價比好高🤩🤩🤩唔止得牛肉飯食，仲有豚肉揀又有咖哩飯，芝士飯，好多選擇入面仲有卡位同吧枱坐，幾舒服👍🏻👍🏻👍🏻🧡鹽燒豚肉丼(配溫泉蛋)🐷🥚大大碗飯，上面舖滿豚肉、洋蔥、蔥仲見到啲黑椒同鹽喺面撈埋溫泉蛋食口感好滑佢嘅鹽燒唔會太鹹洋蔥甜味再加埋飯啱啱好豚肉又唔會好韌，不錯不錯☺️☺️☺️🧡咖喱飯配燒牛肉🍛🐮燒牛肉好淋好入味，份量仲好多就咁食已經好好味加埋咖哩一齊食又另一個風味因為係日式咖喱，所以唔會好辣怕辣嘅朋友都可以試下😋😋😋🧡唐揚炸雞🐔炸雞有三件，大大件啖啖肉唔會好厚皮😚😚😚🧡雲抹日式綠茶(無糖)🍵飲品都多選揀左支裝綠茶😌😌😌

今次同女朋友過嚟旺角搵食，平時都係食吉野家牛肉飯的發現這間過江龍餐廳必定要過嚟試一下！餐廳價錢唔會太貴座位比較寬敞今次叫了鐵板野菜燒牛肉定食，加了一份牛肉和炸雞先講鐵板椰菜燒牛肉定食8/10分，賣相都比較吸引而且菜和肉分量都比較多，一個人試食吃得飽的，雖然不是什麼靚牛肉但是味道也是不錯的。性價比高炸雞8/10分炸雞也是十分推薦的，比外面的炸雞還要好吃很多裏面的粉不是很好推薦的我也會再次光顧這間店鋪，雖然要等位但是也是值得的

星期五同朋友去食好快就等到位入咗去。可以嘅上菜速度合理嘅，但最大問題係啲食物方面。寫就寫燒牛肉燒豚肉，但係完全冇燒嘅感覺似係淥多啲呀。簡單一句就係難食。仲要六$70喺眾多日式牛肉飯店之中算係最差嘅一間。啲牛肉係有筋好難食啲飯唔係日本米仲差過屋企煮。啲醬汁好鹹啲沙律好硬，食到口都鞋。唯一樣嘢值得讚，就係啲水，唔知點解會咁好飲，可能啲食物真係實在太難食完全係屬於攞住嗰種日本招牌，但係提供食物就差到街坊質素。食過一次永遠唔會再回頭。

一個人做完健身，好肚餓，行過嚟食返碗日式丼飯，因為呢度夠方便，性價比高，自己用QR code 點好後，店員好快便送上。🐖鹽燒豚肉丼(配餃子3件) $58豚肉用鹽燒做法，相比汁燒做法味道較清，帶鹹香，豚肉片放喺珍珠米飯，仲有的洋蔥、京蔥、黑椒碎等，增加惹味。三隻日式餃子🥟煎得幾靚仔，外皮微脆，裏面有豬肉、椰菜🥬等。🌶️泡菜$12加入辛辣🌶️嘅泡菜，令到成個飯更惹味～🥚溫泉玉子$15 x 2嫩滑嘅溫泉玉子一直係我嘅心頭好，今次加兩隻🥚🥚🤣，呢餐好滿足。

日本連鎖快餐,Tokyo Chikara Meshi 主打牛肉丼飯,而家喺香港已經開到第三間分店啦！間唔時都會見到佢哋餐廳門口有條小小的人龍,不過話晒都係一間快餐店,所以通常都唔使隊好耐! 餐廳一直都好受一般打工仔或者學生們歡迎,原因價錢實惠又飽肚$4～50就已經有大大份的飽肚燒牛肉當飯,只要加多$10就可以轉做大size,咁就再加多十零蚊就可以轉做定食套餐啦,仲會有埋前菜沙律和麵豉湯,確實價錢相當親民,重點係食物質素絕對唔會因為價錢而有影響,真的可以稱得上係價廉物美啊！🔮鐵板野菜燒牛肉定食  鐵板上菜熱辣辣分量超多啊,各樣雜菜已被牛肉汁炒過,再擺上鐵板上面,份外惹味,而主角燒牛肉,軟腍腍有肉味,牛肉醬汁豐富送飯一流呀🔮燒牛肉定食   燒牛肉份量真的很多,鋪滿晒成個碗面,一個女仔食晒成個飯,超級飽肚,上面仲有一些菠菜,通常我會叫多汁,咁樣會更加好送飯! 我推介可以加佢哋嘅溫泉蛋,半生熟嘅蛋黃,好有蛋香,用嚟撈飯更加一流！🔮唐楊炸雞   即叫即炸,上菜時,熱辣辣又大大嚿,雞腿肉嫩滑又Juicy,外脆內軟,為番都係平均$6一件,真心抵呀！

鍾意食日式🇯🇵咖喱飯，每次喺日本🇯🇵公幹/旅行嘅時候點都會食番一兩餐🤩，呢日喺旺角，又想食，諗吓邊處有得食，就諗到呢度😆，咁就嗱嗱聲行過去開餐🤣$60「咖喱吉列豬扒飯Curry and Rice with Fried Pork Chop」同埋 $45「追加燒牛肉 Grilled Beef」🤩「咖喱吉列豬扒飯」：吉列豬扒🐷🥩外層脆漿炸得香口脆脆哋😆；日式🇯🇵咖喱汁就濃郁，撈飯食好夾🤩「燒牛肉」肉質幾軟熟，帶微甜🤩我仲將「燒牛肉」加埋落碟「咖喱吉列豬扒飯」，睇落更加豐富😆

🧡 唔知大家有冇食過呢間牛丼屋，我自己都覺得幾好食😁 首先有牛或隻豬可以揀，之後仲可以揀鹽燒或者燒汁口味，又有細碗或者大碗揀。套餐仲可以揀配唔同小食或者沙律😝🧡 鹽燒牛肉丼(配餃子3件) $58第一碗嗌咗鹽燒牛肉！牛肉都幾大片，除咗洋蔥，仲有大蔥，同埋黑椒喺面。牛肉汁幾惹味，可以成碗飯食哂😜♡ 餃子不過不失，店員提醒餃子要盡快食，如果唔係就會變淋咖啦~🧡 燒豚肉丼(配唐揚炸雞2件) $58豚肉即係腩肉片，燒汁同鹽燒口味好唔同，呢個上邊有芝麻同埋菜。豚肉嘅油香同埋燒汁都好適合撈飯😋♡ 唐揚雞有兩大舊！都炸得好香😙🧡 枱面都擺咗辣醬，七味粉等調味料等大家隨意加添~🧡 溫泉玉子 $15加左溫泉玉子，流心程度一流👍🏼🧡 另外 沙律 $12 同 味噌湯 $10 都可以額外再加☺️🧡 簡單又好食嘅一餐😁😁👍🏼👍🏼

今日經過旺角，見到唔使排隊就入去試座位都算闊落用手機掃QR code落單今次叫咗個燒牛肉定食，除咗有牛同飯仲配有沙律同麵豉湯個麵豉湯都OK，不過個沙律就落得太少醬，好乾份量啱啱好，都唔算太多食落去個牛就唔似燒過，個汁有啲少，覺得淡得滯可以加枱上面嘅醬汁，牛食落冇咩驚喜，比較普通而且肉嘅份量比較少食物質素都算可接受，不過就唔值得排隊食 另外服務方面有待改善，明明有空位，店員都會叫人企喺門口等，態度都唔太友善