東京一番 (已結業)

長沙灣一向都多野食，今日就搵左間日式放題試下。提前幾日book左位，準時7點半入場。價錢百零蚊任飲任食4個鍾。入到去環境好嘈，好似茶樓飲茶咁。座位都好逼，坐係到一旦有食客同員工經過都有機會撞到。食物方面，一般放題有既佢都有。刺身，壽司，天婦羅，炸既小食，味道中下。重點講下部份食物，刺身的確唔算太新鮮。一口牛柳粒都咬落硬左d，肉有d老。壽司飯仲有少少微溫。至於天婦羅，炸雞翼，串燒呢d食物中伏既機會都相對地低，可以放心食。值得一提，落單後上菜速度相當慢，千萬唔好見佢未黎就以為佢漏左單，跟住又再order過d食物，唔係食到飽果陣，仲上緊菜，浪費食物就唔好。另外有部份食物只有係落單紙上出現，即使你叫幾多次都唔會送黎，可能從一開始就無。食飽隔離仲有雪糕做飯後甜品，呢點唔錯。總括黎講，佢地既食物絕對對得住佢個價錢，如果你對食物質素，味道有較高既要求，又或者你接受唔到嘈住食野，呢間日式放題餐廳都係唔啱你，費是又要平食又要投訴就唔好。另外，員工既服務態度係無問題，全晚做唔停手，我好佩服佢地。

極抵食又好食，勁旺埸＠東京一番 東京一番收費本身已經不貴，不同時段收費有點不同，但正價都只是＄２００左右 ９：３０後才＄１３０一位，ＬＩＫＥ了ＦＡＣＥＢＯＯＫ，兩位男士加一位女士食飯，其中一位更是免費，我們９：３０後入埸，所以就可以享受到＄１３８的優惠 客人多到一個點，平日夜晚接近全滿～建議來食還是先book枱 冷氣強勁，位不萛很好坐，人好多所以也比較嘈，不過氣氛挺好，客人都是附近街坊為主 在場不時會奏起輕快的生日歌，職員也會一起唱歌，全埸人就突然情緒高漲，有人拍手，有人一起唱，雖然我們都不認識生日那位，但生日的朋友被大家祝福，也會感覺很快樂的！ 一大曡點菜紙放在枱上，選擇亦都算多，基本上什麼都有 飲品，沙律，甜品都是自助形式的。 飲料也是任飲的，韓式飲料，啤酒款式頗多 放題的重點是食刺身吧！ 這裡的刺身質素很高，那當然不能和高級日本餐廳比 但全部都新鮮無雪味！甜蝦肉質鮮甜，蝦味濃郁。帶子夠厚又鮮嫩 第二圈來的刺身，沒有ＣＵＴ單，質素和第一圈沒有分別 點十片就來十片 三文魚也夠甘香肥豐腴 之後就點了一大堆壽司，很喜歡這裡的壽司細細件的， 可以一次過試多幾款

第一次嬲到要上openrice寫食評！！以下只有文字沒有相，因為當時已經嬲到爆，無心情影相。未試過食咁差嘅放題，用正價價錢幫襯，仲衰過比人打劫嘅感覺!!!首先打電話book枱無人聽，於是walk in 去約七點，寫埋枱號比我，轉頭翻到去話張枱比人坐左，算。等左陣之後上到去係比張摺枱我，都算。又無點食物嘅紙，問佢拎完之後又唔比支筆我，滴血寫咩。雪櫃飲品一d都唔凍，兩個鐘嘅放題有個半鐘係等，熱食黎到一d都唔熱，重覆order左兩次嘅食物都係無黎，真係火都黎埋，叫我order多次，唔駛五分鐘之後即係有部分野食黎，但用餐時間已經淨翻15分鐘，倒落個口到唔咬都唔夠時間啦！呢間餐廳絕對唔合格，比負分都形容唔到嘅差。我喺櫃枱埋單好嬲咁同收銀員講話我喺佢fb到寫左意見，佢話會叫佢公司喺fb回答我因爲佢地並無任何意見書可以比我寫，但事隔幾天，一個回覆，怎至一個like証明睇左嘅都無，恭喜你，你係得嘅。

之前留意到Facebook有人推介呢一間放題抵食兼好食，見到有團購賣就諗住去試吓啦，點知真係出晒事！我未試過食放題係會食唔飽嘅，兩個鐘頭限時，但係我哋18:50坐低叫咗刺身、串燒、天婦蘿、同其他小食，結果只係嚟咗刺身一碟！眼見周圍枱嘅人都不斷有嘢食，但我地只可以你眼望我眼等左半個鐘都未開始有一碟熟嘅嘢食上枱！！不斷交order紙，仲揾埋個話得事嘅人幫我地跟，都係無等到傻左都未有！終於開始有少量既串燒上枱，但之後再交既單都係失左蹤！等得耐唔緊要，因為晚市多人我地都明，只要你廚房有單嘅我都可以等。但等左咁耐原來係交10張單只有兩張係入到廚房整？！咁樣嘅出菜程序係呢一間餐廳最失敗嘅地方，呢一間餐廳我永遠唔會再去而且會同朋友講唔好幫襯！或者飲食業真係好難做，但係一個侍應要去滿足客人嘅要求唔係靜止沉默或者點頭就可以令到個客人滿意返。

之前見到網上有團購，$118有4個鐘放題食，雖然知道自己食唔到4個鐘，但見都抵就買黎同男朋友試試。我係平日7點幾去到既，原來平時都要198一位，即刻覺得自己賺左😋 上到去，見到閒日都爆哂人點單紙基本上都係個幾樣，反而出面自助熟食有驚喜喎，有平時少見既碗仔翅、韭菜豬紅、同糖水。當然沙律個D都有啦，但得一個款。 飲品選擇都算足夠，有汽水、茶類、仲有酒添。 刺身哩個價錢黎講都算係咁，特別係響螺片，好鮮甜，翻兜左幾次添！ 黃金芝士焗壕，好味 壽司類，緊係要食的最鍾意既火灸三文魚啦～ 當然要食埋雪糕，4隻味 埋單係要俾多每位＄47既服務費，其實總共姐係$118+47=＄165哩個價錢黎講，食物質素已經算係唔錯，自己本身已經有哂心理準備，想平平地食餐放題都OK！

見做梗團購，咪想住去試試囉，上到去地方好迫，有D仲要坐圓櫈，都算，我7點半到，就叫左天婦羅蝦，仲有其他炸物，等到8點半，仲未有得食，我問個女職員，我等左1粒鐘，仲未有係咪再入單，佢話係我幫你跟，今次又等左1粒鐘，9點半仲未到，我再同另1位職員講，又等左1粒鐘，前後2粒鐘，見住其他枱都有炸物，就淨係我果枱完全冇黎過，叫佢入去check單,又話唔見我張單喎，吓？ 我話頭先有個女職員話幫我跟，原來佢無入單架，真係火起，算咁我再入單，今次要等多半個鐘，只係有天婦羅蝦，而我叫左炒雜菜，炒鳗魚飯，炸東菇2次，直到埋單都無黎。總括，經常漏單，地方嘈，迫，食物麻麻地，食到成肚火，不值得試

朋友係團購網買左放題，大約$100就有得食啦。餐廳都幾大，好多座位。叫左唔少壽司食，個火灸三文魚腩加左芝麻醬係上面，都幾特別。鵝肝帶子壽司既鵝肝雖然唔係好大粒，不過味道都好濃郁，同帶子好夾。仲有個明太子甜蝦，明太子小小辣同甜版既甜味幾夾。帶好多炸物食啊，有炸魷魚、芝士年糕、雞軟骨同炸雞翼。燒芝士牛舌好好食，牛舌好爽口，芝士夠濃味又熔熔地。燒玻璃肉好肥美，但又好爽口。三文魚他他餅好好食，三文魚蓉夠肥又夠香，配埋脆脆既餅底好正。

今日同男朋友到深水埗買野，話想食放題，見到附近依間雖然無聽過，但好多人都話OK, 而且都只係二百，抵食過平時果d , 就一於試下😍😍😍除左餐單上嘅食物，當晚仲有碗仔翅，牛油栗米，雪糕，飲品等自助。 值得一提嘅係，依到嘅Shōchū係唔洗加錢，任飲唔嬲😍😍 雖然我地都唔好Shōchū，但都唔輸蝕咁飲左枝☺️☺️第一樣要講嘅食物係羊架，男朋友泥自法國南部，佢話隻羊架exactly 就係佢地果邊嘅做法，用嘅香草都係果邊（叫Herbes de provence，係自一個省provence 嘅混合香草）。天婦羅有我愛嘅多春魚😍😍刺身都好新鮮，仲有泰蝦，一定要食！同配埋佢地嘅泰汁（有點辣，但好正，好惹味！）壽司同三文魚他他都好正，基本上d 野食完一次我地都有encore😍😍😋😋

買團購去食 好似係$171一個人但其實原價好似只係貴$30諗住啲嘢食都唔會太差 所以去試下初初去到啲嘢食都上得幾快但到一多人開始就成九個字都未上到菜 話like完Facebook送咩蒸海鮮 like完淨係比左個gas爐！之後成粒鐘催極都仲未有得食啲waiter又忙 漏單 環境逼，又嘈，地下又滑嘢食唔好食 都算 冇諗住打食評但我地七個 有四個人食完相繼肚痾 其中有三個人發燒！係四個人！真係好食嘅唔需要平比人團購買大家慎重考慮食完之後真心覺得唔好貪平 寧願比貴啲食到有質素嘅嘢食 好過比錢食啲垃圾落肚

餐廳有曱甴，服務態度極差，冇即時處理更沒任何表示，一句吾好意思更冇提及，衛生欠佳食物十分唔新鮮，飲料區更傳出整個晚市過程完全沒有服務，book檯時候服務態度完全極差，完全沒有再次光顧既意欲

長沙灣有間放題大優惠，有折扣，又出團購，令更多人認識青山道有便宜，又新鮮的放題刺身有三文魚，甜蝦，虎蝦，帶子，鮑魚片等等，淡淡海水味，超級新鮮，甜美壽司有好多款，每款都試，好好味特別系花之戀炸物都好香口爽脆，炸虎蝦，紫心蕃薯，秋葵，芝心丸，魷魚，雞翅一客帆立貝有5粒，炒得好香蠔仔好鮮味，加埋芝士焗，味道配搭到天衣無縫，超級抵讚燒得入味，加少少香草和檸檬汁飯炒得好香，而且食到粒粒鰻魚菠蘿燒到剛剛好，仍有水份存在今餐好滿足，抱住個肚走

係長沙灣要搵一間食放題既店都幾難下！入到店內人頭湧湧但我哋食嘅時間都係好早咋喎，七點半就已經咁多人。選擇嘅食物都幾多，有燒物又壽司刺身。入到去搵位坐低之後就唔好諗咁多搵啲嘢飲下先。呢兩款喺其他地方飲唔到嘅，錫蘭茶味道淡但幾易入口，蜜桃汽水超好飲蜜桃味重。啲壽司好快就上枱喇首先是咗個燒和牛壽司鰻魚壽司同個小劍魚壽司，一口一啖非常容易入口唔會咁容易飽之餘又可以試多幾款。芝士年糕同炸雞翼熱辣辣非常好食。一口牛嘅蒜香味非常好非常濃郁！甜蝦魚生同帶子都非常新鮮大嚿！糖水仲有好幾款揀添之後仲有雪糕芝麻波同芒果波就一定要試啦！

今日同朋友嚟到長沙彎呢頭食飯，見到呢間放題好似幾抵食，平日7半後食都係188一個人，算好平。不過佢位置唔算好多，所以要等下咁。野食就係大路款，刺身，天婦羅，燒烤，炒野等等。刺身叫左三文魚，甜蝦，鮑片，帶子等等。三文魚夠肥同厚，叫4件就比足4件。另外甜蝦都夠大隻，幾新鮮嘅。而帶子就切得有d細粒，但好在夠甜夠鮮。之後就叫左一堆sushi, 冇諗到軍艦都比較出色特別係雙色蟹籽軍艦，好好食。另外海膽花之戀亦係必食嘅！炸物推介一口芝士同炸Oreo.芝士好香脆，一啖一糖好享受而炸oreo口感似蛋糕，炸完仲有咁甜添

幾日前係團購買左個超抵食日本放題之後，今晚終於派上用場。黎到已經好多排隊。坐低即刻叫壽司食。因為太肚餓。海膽手卷唔會太多飯，份量適中。海膽鮮甜，味道新鮮。芝士鰻魚牛油果壽司好味，有層次感，牛油果香同芝士夾，鰻魚夠甜，成個壽司好好味。羊架香草味重，燒得夠軟滑。咬落口好滑。而且冇乜騷味。鍾意佢燒烤既技巧，羊架要燒到咁先好味，唔會好似食膠咁。呢個係我最鍾意既豚肉。好有水份，洋蔥味加埋豬肉好甜。好惹味。encore左幾碟。炸物最鍾意係炸魷魚，真係大大隻魷魚俾你。而且炸得香脆，聽唔到口，勁好味。不斷係咁食，食到好飽先返屋企，超級好食。

長沙灣一向都多平野食， 但原本放題都一樣抵食超值，長沙灣鐵路站行過去大慨10分鐘左右， 雖然不是位於繁華鬧市， 但一如以住都深受附近街坊歡迎， 眼見餐廳坐無虛席， 好熱鬧呀！ 原來依家有優惠推廣， 二人同行 9:30pm後入坐， 可享1人半價優惠，食放題每人$150, 絕對超值呢每次放題必食刺身， 三文魚同甜蝦都好新鮮，其他刺身我麻麻地， 我覺得主攻呢兩樣都得啦！壽司都幾多花款選擇， 我地每樣都試少少， 一口壽司， 不會有太多飯令你好快飽， 我同朋友都特別喜愛火灸三文魚腩壽司， 因為真係無得輸， 我地兩日好仔都唔夠喉， 最後我地仲加追多碟添天婦羅拼盤， 就算熱氣都不可以錯過呢，天婦羅蝦大大隻， 仲要紫薯，南瓜 , 已經大滿足串燒 都係 普普通通啦， 我地只點了少量， 因為想留肚食其他食物芝士年糕都不錯， 咬下去in in un un, 中間有香軟芝士流出，味道可比美大喜屋的芝士年糕， 只是不能吃太多， 因為好多會食濟芝士焗蠔， 賣相不算太吸引， 但味道ok, 只是沙津醬的味道蓋過了蠔的鮮味， 有點可惜呢！.最後又點可以錯過呢度既甜品呢， 仲有雪糕， 就算食到飽飽也有第二個胃放甜品呢