東京一番 (已結業)

相約老友於長沙灣食晚飯，但一般既餐廳都不容易滿足我同老友既胃，皆因我地都係食得之人同鍾意多款式既食物。 因此，我地決定去食東京一番放題佢有3個時段(1930前，1930到2130即正價同2130後)。我同老友就正價時段入去食，一上到去發現座無虛席，人山人海。我同老友非常肚餓，先去左攞野飲，選擇左蜜桃同忌廉soda(仲有其他選擇如啤酒，可樂，烏龍茶等),跟住一口氣叫左唔同款式既食物。先黎到既食物有三文魚同響螺片刺身，明太子甜蝦，厚燒玉子。刺身非常鮮美可口，入口即溶，玉子真係又厚又好味，令我地已經非常期待其他既美食。跟住就黎左花之戀壽司，皇帝蟹棒壽司，同鵝肝帶子壽司。壽司整體黎講整得唔錯，不過我同老友就俾個鵝肝帶子壽司吸引住，一來覺得配搭特別，二來個口感同味道唔錯，三來非常精緻，足足叫左每人6件先肯停手。 接住而來既就係蒜香一口牛，香燒羊架(my飛佛)，鹽燒海蝦，芝士燒牛舌，燒菠蘿，雞軟骨,泰式雞翼，仲有炸香蕉添。 牛肉未食已聞到濃濃既蒜香味，一食之下d肉汁係個口都出哂黎，味道非常好味。羊架有騷味，羊肉個質感正，絕對要俾個like。 海蝦，牛舌，菠蘿，雞軟骨都非常唔錯。值得一提既係個泰式雞

今晚放工後陪朋友去長沙灣, 所以順便食埋晚餐, 我係港島人,平時極少去長沙灣,唔知個邊有咩好食,所以由朋友發板,佢最後話想食放題,行到呢間鋪頭門口見到好吸引,所以我地就決定食呢間.首先我地叫左剌身, 壽司先. 甜蝦好好味,唔腥虎蝦好爽三文角, 油甘魚, 螺片好新鮮雙色拼籽軍艦食落去口感好滿足墨魚籽油甘魚好好食魚生船好特別, 佢角腐皮包住三文魚同沙律醫呢個火灸壽司不得不讚,燒出來好香,味道一流和風牛肉好juice鵝肝帶好一定要試,朋友食左好多件熟食方面, 叫左燒蝦, 羊架, 菠蘿等等…菠蘿超級多汁飲品方面種類都OK多...仲有梅酒飲.最後當然食返個雪糕做總結啦

收工下班好肚餓 於是就去咗食放題 因為可以任食唔嬲好食好多填飽個肚 可能因為夜晚七點幾等嘅時間唔係太長 等左十幾分鐘就入得啦 放題嘅食物都係大同小異講下魚生先 三文魚都係喺厚切足料 而且咬落唔會太乾油份充足 浸出三文魚嘅鮮味 八爪魚咬落爽口 一片滲出鮮甜的肉汁 甜蝦尚算入口溶化 綿綿口感帶點淡淡甜味其他魚生平平小食方面羊架有蒜香味 燒烤底聞落去可口 不過脂肪較多一件起兩件止芝士烤生蠔 有驚喜 芝士味濃郁 喜歡吃芝士的人不可錯過 而且生蠔不腥 唯獨不是蠔殼一齊上 而且份量較少炸物方便天婦羅款式多 其中炸地瓜特別出色 炸粉唔會太厚 而且亦不失地瓜本身嘅甜味不過就容易飽肚 可以留返後尾先食飲品方面基本上可樂同酸奶茶飲品都齊全另外仲有酒任飲不過我個人就比較喜歡酸奶甜品就有朱古力雲呢拿等品味雪糕 雪糕不會太甜而且奶味不錯 普通的雪糕 不過等候時間有時會長 或會有漏單情況 不過跟一跟就好快上返食物不是大問題

屋企人上網見佢做118蚊一位再加47蚊服務費好似好抵咁喎 咪打電話book囉 系電話到都特登再問系咪118蚊一位喇 咁當時個職員話系118一位再加47蚊服務費 4位仲有海鮮吾知乜野送咁既聽落系咪好吸引先？但完全系一個大伏黎！系當晚就收到餐廳電話 話118系團購價黎 話寫得好清楚 系我地發雞盲冇睇清 我屋企人聽到口疾疾之後就轉左我同餐廳職員講囉 我聽完佢地啲來龍去脈 之後我問左佢當初系咪誤導我地消費者 佢話冇 一口咬定系團購價 要我地比原價198一位去食喇 咁我既爭議點系當初打電話問又冇講系團購價黎 佢就一直話我吾明佢講緊118系要團購左先可以用 後尾佢轉比佢經理聽電話 但同時 個位聽電話既女職員系到用粗口問候我祖宗十八代 我都系第一次聽到咁光明正大問候個客 我都好聲好氣咁同佢講緊 佢就問候我 我依架先知食飯都要帶祖宗十八代黎食當轉左位經理同我傾個陣 我已經火氣上升 之後仲要吾同我道歉 要我講個位女職員點問候我先肯同我道歉 呢個道歉幾咁廉價阿你地話🙂最後個位經理肯比118一位我地系因爲佢地當初做錯野先 而吾系我地R折 我地只系想要個合理既解釋 個位女職員一直鬼打牆咁吾比一個合理解釋我之後

呢間放題完全比美MK果D野食款式都好多，有D食物反而呢到有MK果d又未必有佢除左有得紙畫點野食，佢仲有個 area 係有D小食同湯我覺得個辣鳳爪好好食!!!!!!!!我3月果陣去食，有埋長腳蟹，好鮮甜同埋好大隻刺身佢黎得好足，唔係cheap ge材料黎至於壽司 元氣有果d款都有佢燒果d壽司應該係即整，唔係整定同埋佢燒得岩岩好 唔會燒到黑哂食落係出左d三文魚ge油 一食係好熔化牛ge壽司唔會話靭 岩岩好 我個人就覺得呢到ge熟食 好過其他放題，所以黎食要留反多D位食埋D熟食炸雞軟骨係放題必食 呢到唔會梗到咬唔到 而且脆得黎唔多炸粉手卷係爆正 飯同餸比例差唔多，唔怕食完頂住個胃食唔落其他野極推介燒牛柳粒入口即熔而且有牛味，仲要係軟熟岩岩好 再者佢得好小叫多幾碟都得！可以參考下有咩野食最後雞翼都係推介首選 有唔同味 我就中意酸甜果個，個醬配炸雞翼係絕配

👨‍🍳😅walking around Cheung sha wan for some IT interest A handsome young man hands the leaflets to me 153$ before 7:30⋯⋯dinner Japanese style I think I can not go wrong 153$🥗🐟🍝🥒🐥🦑🐙🦐🐑no matter how little one eats But for 2 hours I am happy with can see the sashimi bar The best reason for me Saka And even Plum wine As much as I love ❤️ to take and all you can at the last round A pretty girl comes over And recommend this new seafood pocket special set318$🦀🦐🦂😽🙀Ask her if all these are fresh?She said

早前介紹完呢間放題，我既姊妹見到話好想試下，叫我帶佢地一齊去😋，佢地仲話價錢又抵，一去我地又拎左忌廉溝鮮奶，同姊妹最中意飲既可樂😁燒蝦簡直係我至愛❤️今次同上次一樣好好味keep得住水準，蝦又無梅同啲肉好實炸雞軟骨：一上台就聞到勁香，上次無食到，今次就姊妹點左黎試下，簡直無點錯，炸到脆卜卜，而且又夠味😆😋之後點左薯條，上到枱我以為會配茄汁，但佢地一改傳統風味。改用甜酸醬，估唔到個醬又同薯條夾到幾特別上次無試到，今次特登試下呢碗碗仔翅。入面啲材料有：紅蘿白、金菇，個人超中意食金菇。個翅又吾會好稀，好食拎碗仔翅之餘，順手拎埋黑松露粟米：啲粟米好甜。而且黑松露個味都好正。如果加多少少鹽就更perfect. .（皆因個人口味比較重）點左一兜刺生：生蝦好鮮甜、魚生入口即溶、響螺片、仿鮑片👍🏿👍🏿👍🏿仲叫左燒雞翼、燒菠蘿、燒墨魚丸，又係my 飛佛雖然好好飽，但我地起臨埋單前，都忍唔到口再叫多客三文魚食😅食埋布甸，好滿足。下次就係食呢個套餐😆

朋友看到我食記知在下獨好日本人清酒特意介紹我到長沙灣樓上日本放題東京一番喝清酒5:30-7:30早場很開心人較少看見清酒梅酒任飲狂野心生野性難馴畢竟是一個比較文學直率任情的人炸蝦天婦羅炸的不錯須知⋯⋯這個菜是日本考牌的一個藝術幾脆蝦小小但炸漿了得很鬆化到位魚生有三文油甘魚甜蝦泰國生蝦最喜歡油別緻的壽司計有一口鰻魚黑魚籽油甘魚魚生船最落本應是海膽大蝦更得意的是有碗仔翅以及這個辣味芒果吉列炸蝦飯團若問我送日本酒什麼料理至正一反常態我選他們的豬豕肉生薑燒入味好吃又可愛多汁口感豐盈飽滿結實！朋友情誼永遠珍惜

週六準時5:30入座, 時間尚早比較人少, 地方很大, 但枱比較細唔足夠放食物#入單後5分鐘刺身就到, 選擇很少, 魚生只有三款, 但質素唔錯, 貝類只得赤貝, 但第一輪已經冇, 也沒有通知 #壽司飯微暖感覺新鮮, 一再ENCORE#天婦羅等了20分鐘先到, 質素可以#爐煓燒完全無影, 需要重新落單, 海蝦一般, 燒菠蘿比較好#如其他食評所言, 收碟速度慢, 賣哂冇通知#梅酒, 清酒任飲, 假日用餐三小時相對其他放題優勝, 夠鐘座多陣也沒有被趕

好少有機會黎長沙灣，今次係專登過黎食放題。聽聞哩間放題好抵食，今次黎一試究竟。知道放題無可能樣樣食物岩自己心意，我自己只要有一半以上既食物有水準，重點encore果幾樣食物，就已經值回票價。我極力推薦羊架!!! 足足食左4件，味道豐富但唔羶，肉質嫩滑。另外燒大蝦，燒菠蘿，牛柳粒亦係水準之作。芝士焗蠔係每次放題必點，叫左幾次，如果蠔新鮮都係好味既。壽司方面，鵝肝帶子，鰻魚都好好味。特別係帶子大大粒，飯細細舊，一啖一舊真係食到好多舊。

見團購咁平所以買左，結果真係伏伏地。先講服務態度參差，長期漏單，枱面碟晒一碟碟食完既碟冇人收，加茶小姐話你可以出去自己加茶，一邊幫客人加茶一邊咁講。魚生師傅超唔衛生，見到兩個男師傅一路整一路流汗，仲有師傅一路整壽司魚生摸風扇！衛生程度認真麻麻！加上佢地既魚生放晒一個櫃切好晒，感覺好唔新鮮，魚生選擇好少，永遠同點既數量唔同，多數俾少。無左既魚生講都唔講聲，要問侍應點解冇俾，佢走去問先知冇晒個隻魚生，what??!仲有所謂推介既虎蝦泰國酸甜辣醬，問個侍應有冇，佢答未整。好啦轉頭問第二個，佢話佢都唔清楚。喂大佬，問下你老頂啦，客人問完佢，佢即刻話佢都唔清楚，咁都有既，今時今日咩服務態度！隔離大枱食客仲慘，落四五次單都走單，問侍應，侍應一味淨係話你地再落啦，落極都冇好慘！侍應就話，我都唔知嫁，交左單啦。好野喎，做得咁難頂唔好做啦。綜合：魚生選擇少唔新鮮，冇咩味道。得希靈魚比較好味。壽司多款但味道一般。芒果壽司加辣醬好怪！雪糕選擇少，用黎掘雪糕既匙巾浸落既水望落好似好耐冇人換過，衛生一般，所以試都唔夠試。一次團購就夠喇，冇謂再試。是日星期六晚上去到，依然冇滿座，長此下去，只有祝佢地好運喇！

今日同朋友2人諗住去食放題happy 下🤗 朋友係網上見到呢間都幾多好評。於是就簡呢間一黎就去拎我地最中意飲既忌廉溝鮮奶。壽司都係一件一件咁點。點左粟米壽司、香芒吉列蝦。粟米好甜，呢個係我哋嘅飛佛，食咗第一舊之後就不停encore，而且佢啲Wasabi好正，😋😋好攻鼻識咁多嘢最鍾意就係食呢只燒蝦：蝦燒得好入味、而且又吾會梅、啲肉好結實😋😋不停encore👍🏿👍🏿呢個係燒一口牛柳粒：就咁睇表面都好多汁，食落去又唔會好硬。👍🏿👍🏿呢個有蝦天婦羅、番薯天婦羅、同茄子天婦羅，咁多個之中番薯天婦羅最好食，又甜。又夠味。終點左三文魚壽司、蟹柳壽司、花之戀，火焰三文魚腩壽司。啲三文魚又夠凍，又唔可以腥。蟹柳又冇雪藏味。 係咁食呢啲壽司，乜都抵返晒。燒雞翼：啲皮好趣，而且醃製又夠味，加上呢間自製嘅甜酸醬簡直係一流，呢個係必試。蜜汁燒墨魚丸同豆卜：豆卜反而唔係好鹹，可能係我本人比較重口味。但係墨魚丸啲汁好甜又好食😚😚其實當晚食飯嗰時見到隔離枱食龍蝦海鮮嗰啲，先知道佢哋食緊下面個Menu嘅海鮮袋。見佢哋食到舔舔脷，搞到我都心郁郁，但奈何食得太飽，所以唯有下次再嚟食啦。

長沙灣平價放題精選今日同屋企人試東京一番放題，$198一位其實都冇乜期望，但係食完之後覺得都OK啦。。。平日晚上都座無虛席，可能因為團購嘅關係啦，不過座位真係非常之迫，坐滿食客之後變得好嘈啊。刺身款式唔算多，不過食材質素新鮮，各款刺身都好鮮甜。黃金芝士蠔芝士味道好濃並帶少少微酸，味道好吸引。媽媽最喜歡係羊架，香燒羊架肥瘦適中，入口鬆軟溶化，值得一讚。蒜蓉田園炒什菜都唔錯，少油。蒜茸一口牛，火喉過左少少，稍韌，冇口感。壽司及沙律就一般。天婦羅脆口，粉漿較薄身，炸得少油，食材新鮮，讚！食物嘅選擇不過不失，刺身都幾新鮮。以呢個咁實惠嘅價錢，仲有啤酒同埋梅酒任飲，性價比非常高。偷睇到鄰桌會一整個晚上不停飲酒，其實計落都幾抵。。可能餐廳生意太好啦，加上人手不足食物，上菜速度一般，但係侍應都好忙。冇時間幫我地收拾枱面呢

諗住百幾蚊就試下咩環境，點知道伏已中，從未試過食放題好似食法國餐甘，1個鐘頭黎4樣野2樣係魚生……仲要係甘問都無反應，野食一般可以吾洗試……如果吾趕時間吾餓既可以一試包你一試難忘

好耐冇打食評，但真係劣到忍唔住想講下。完全唔係好似之前其他人啲食評咁有好多選擇，我真係懷疑有冇去錯地方，點解可以爭咁遠？食物質素好一般，選擇又少，炸物炸到乾爭爭。熱食區得碗仔翅，甜品亦都唔見有啲人post出黎果啲泡芙、和菓子，得啫喱同個樣唔多吸引嘅一盒盒自己"筆"既雪糕。服務質素超級唔掂，掛住收其他野唔知係手既碟啲汁流到個客件衫，當你唔小心都算，比啲反應好冇？最尾竟然可以只係拎兩張紙巾黎比你抹咁大把。食左兩round已經唔想再食，提早離場，一定冇下次。 後悔冇影低相