影片
港鐵觀塘站 A2 出口, 步行約2分鐘
繼續閱讀
付款方式
以上資料只供參考, 請與餐廳確認詳情
買餐時我都同店員講想要他他醬炸雞定食，店員重要問我係咪K04!(店員態度好不滿）我就係到諗依家個餐叫k04而唔係叫他他醬炸醬定食？咁不如貴公唔好寫個餐個名！直接寫k04算啦！而且個k04寫得唔係好明顯！講定食名唔得？跟住去到拎餐處，我問可唔可以轉外賣，個店員同我講番去落單處加$2就得！我就番去落單處講轉外賣加$2，當時幫我落單既店員又再次好無禮貌咁同我講去取餐處拎餐就得唔洗拎張飛過黎！我都未講要轉外賣已要咁比人用咁差態度對待！重要前後兩次咁差態度！個店員咁唔想做就不如唔好做！唔洗令到客人比錢買難受！
繼續閱讀
話說新鴻基啲牌牌好多美食coupon，我都好順理成章地拎左啲去用，但係APM大部份食店都係連鎖大集團，冇乜嘢好食咁，左揀右揀決定食food Court嘅炸雞定食。炸雞定食分咗幾個大細，五件炸雞定食賣$79，多一件貴$10，少一件平$10。除咗炸雞之外，仲有白飯，麵豉湯，同埋兩個醬汁俾你點。講一講啲炸雞先，炸雞新鮮即炸，香脆可口，雞肉唔會鞋十十，老實講都幾驚喜喺foodcourt食到呢個質素。至於嗰兩個汁係啲咩詳細我都冇問，其中一個應該係柚子胡椒？但我覺得都一般般姐總結來講下次再嚟APM應該都會食返呢間
繼續閱讀
1421 瀏覽
美食廣場（food court）這個概念許多年前已經引入香港，但初期的美食廣場只是附屬於商場一角，內裏的攤檔並不吸引，只是集中了多間不同口味、兼相對較為抵食的半自助式快餐廳，並共同分享一大片座位空間。後來才逐漸演變成今時今日的優質版本 food court：統一管理、設統一收銀櫃檯，並提供真真正正的美食；價錢可能比以前的美食廣場貴了一點，但相對同一個商場內的其他餐廳，仍然算抵食。cookedDeli by city’super 正是其中一個優質版本 food court，近年積極擴張版圖，打入各區高檔次商場，今天就揀了 apm mall 內的 cookedDeli by city’super 開飯。收銀櫃檯同時服務四間日式餐廳，亦共享一個廚房及出餐位置 ⋯⋯ 雖然四間餐廳招牌不同，但估計都是由同一個香港餐飲集團經營，否則很難處理廚房運作。其中一間就是2017年進軍香港的日本炸雞專門店「からやま 浅草」。餐廳招牌有「浅草」兩個漢字，皆因餐廳隸屬總店位於東京淺草區的「からあげ 縁」旗下；兩間雖然同樣賣炸雞，但雞肉件的大細、醃料口味、脆粉漿、醬汁並不相同。「からやま 浅草」在日本全國有幾十間分店分佈各省，總店在神奈川縣，亦沒有任何分店在浅草區。典型新派日式餐廳，門面一定有一個櫥窗，內裏擺設了一系列幾可亂真的食物模型；真的不得不佩服製作食物模型的日本職人，無論大細、顏色、外型，真的有95%像真度，如果單看模型照片、不看模型實物，甚至可說是100%像真度！餐牌大至跟足日本總店，當然價錢稍貴，大約貴25%左右；亦有一些香港限定特色口味，例如辣子雞及七味山椒。第一次幫襯，當然要試招牌作からやま定食原味炸雞，梅、竹、松各有不同件數不同價錢，揀了竹(5件)（$69），追加一杯巨蜂乳酸（加 $8）。快餐質素的日式味噌湯，當然不能要求什麼海鮮鮮味，湯內有份量不少的日本大蔥及豆卜，已經算有所交代。根據「からやま 浅草」網站形容，炸雞件採用了集團元祖店浅草「からあげ 縁」的秘傳醬油調味，取代了傳統日式炸雞的生薑和蒜頭等傳統香料醃製，上炸粉之後仲要冷藏，之後再參考日式炸豬扒（其中一個美味日本料理）嘅炸物技術去炸，以求做到每件炸雞表層香脆、內裡肉汁豐溢的效果 ⋯⋯ 但事實卻有所出入。先講賣相，雖然表層好似非常鬆脆，但顏色太淺、唔夠金黃，賣相先打了折扣。一啖咬落去，原來表面的炸粉脆漿未算鬆脆，口感再打了折扣。中心的雞肉既未夠熱辣辣、亦唔入味，可能因為是 food court，還有其他餐廳可以選擇，炸雞去貨速度未夠快，做唔到即時炸好、馬上銷貨，炸雞自然唔夠熱辣辣。至於味道一般，就不知道什麼原因了。炸雞唔算好食，反而兩款源自日本總店的醬汁芝麻蒜蓉及果香鹽味就非常吸引、味道濃郁，令人回味無窮；正好彌補（apm mall 分店）炸雞的不足之處。唔知是否因為 apm mall 分店與其他三間餐廳同用一個廚房，未能有效控制出品質素，炸雞味道一般、品嚐唔出過人之處，甚至乎某些日式居酒屋的出品更為好味。莫非要專程去黃大仙的「からやま 浅草」香港總店，才能試出真味道？
繼續閱讀
今日做完運動，搵野食，番左黎 apm 睇下有咩選！最後又食番炸雞 😆呢間既炸雞好正，外脆爆汁！我地叫左4件炸雞定食，再加兩件炸雞同兩件雞翼，老婆話唔食飯，只食雞同雞翼，呢個幾好！夠分！炸雞都真係好好食，保持水準，外脆內軟又爆汁，日式炸雞都真係好講炸既火喉！一過龍就乾！呢間可以保持到都真係要好好珍惜 😆佢既米飯係日本米，包唔會令你失望！入口米好甜，正！我地試過去其他餐廳話自己係日本米...都真係幾令人失望！雞翼脆到連骨都想食埋佢 😋
繼續閱讀
🐹肥老鼠身為觀塘人，Apm food court早就被我試清，這家是我覺得最有水準，最拍得住鋪位餐廳。原諒food court的奇怪藍調燈光，讓食物拍起來帶有怪怪的倒胃顏色Karayama定食（梅）4pcs （$59）望起來好像很乾的樣子，但食起上來，外面香脆內裡很鮮嫩有肉汁真是超級好食醬料有三種，麻醬、蒜蓉、甜醬油 （醬料不是每次都一樣）最喜歡點麻醬，有芝麻香味，微微弄濕表面更好食，更日本風味。椰菜絲雖然有人只當擺盤，但都被我食光，因為食到中段，難免有油膩感，這時候椰菜絲發揮了一流的解膩效果它的飯也值得一提，又是很好食，珍珠米有彈性軟糯，我多飽都依然堅持把飯食完，唯一不足是飯不夠熱。鐵板南蛮他他醬炸雞定食（$65）個人認為這個他他醬即是沙拉醬，這款沒有另配醬料。鐵板維持溫度的能力高，食到最後一舊都是溫熱的。開頭兩舊又是超級好食，他他醬跟雞塊很配合，酸酸甜甜。但油膩感更重，最後飽得放棄了一塊，連加了麻醬的椰菜絲也救不回來不過依然是很好食。基本上，自己一人在觀塘要食飯，都會選這家。而且，都蠻肯定下次都是選定食梅，五塊會太飽，女仔人家四塊剛剛好。🐹:來到觀塘不知食什麼，就選這家吧
繼續閱讀