東京站日式小食餐廳 (已結業)

行過見到有章魚小丸子就買黎試下，店員夾起已經整好左唔知幾耐既俾我，然後吱醬同大量紫菜碎。當時已經feel到會中伏🤢果然不出所料，小丸子只係微暖，個皮硬到不得了，係要大力咬先扯得開🙄裡面既餡就勁淋，好似一pat漿咁，完全係失望，仲嘥晒我食野既quota!!而且醬落得好少，反而嘗試用大量紫菜碎去吊味，但紫菜亦唔特別香，太碎更加令到我食得好論盡，周身都係🤦‍♀️ 呢次既經驗真係太失望，一定無下次🙄

上星期試過Q餅，覺得質素不錯，所以決意再來試下佢地嘅雞蛋仔。除了有原味，還有其他選擇。10蚊一底好平，所以就買左抹茶味來試。起初仲以為係即叫即做，但原來已經各個口味已經整好各一底。好彩，拎上手還是微暖。手感好輕，食落都冇咩實在感。不是每粒雞蛋仔中間都充滿料，由其是邊邊的部分,是空心的。抹茶味確實麻麻，可能咖啡朱古力會好食d!

睇到食評，見到食物都幾吸引，價錢又不太貴，可以一試。趁中午行開附近，買樣小食當午餐。食物款式多，有牛雜，炸雞脾，多種口味雞蛋仔，格仔餅，叮噹餅......以上食物都普遍，第一次來要試啲與別不同，就是日式Q餅!有多種口味揀，承為20元。選擇困難症又來，最終揀了芝士蘑菇黑椒牛肉。口味有甜有咸，本人雖然係抹茶控，對抹茶紅豆都bling bling眼，但諗深一層都覺得咸味會好食多啲。老細倒左一層蛋漿，然後掃開成一大片薄脆，隨即放入大量芝士碎和蘑菇，之後喺雪櫃拎出一塊牛肉片。因為全部餡料都係凍，所以都要3分鐘左右等食材整熱。眼見芝士好似在鐵板上跳下跳下，就已經十分期待。老細最後仲問要唔要加辣和沙律醬，但為左唔好搶左本來的芝士味道，所以我就不加了。Q餅拎上手，好熱辣辣香味不斷餅皮食落好脆...芝士沒有拉絲效果。食到最後，因為放涼左就會變un，所以盡快食就啱喇!開頭都以為會唔夠飽，但食晒之後都其實足夠。整體都不錯，可能蘑菇沒有調味，只靠黑椒牛肉帶起點點的味道，所以成塊餅味道就較為淡。唔怪得問客人要唔要另外加辣或者沙律醬~

東京站 小食店 荃灣日式Q餅 $20件 即叫即整 好香平時會食車輪餅，因為好好食，又經濟。但今次比Q餅個香味吸引到，所以試下Q餅。揀左芝士蘑菇煙肉好芝士，但煙肉少少常溫唔夠熱。但整體ok! 門口16個味

👫係荃灣掃街，比呢個藍色大招牌吸引左🌝 呢間小食店有好多嘢食，有格仔餅、雞蛋仔、Q餅⋯價錢唔貴，👱🏽‍♂️👱🏻‍♀️就嚟左試啦😆 📢 想知邊到有更多好西食？Follow&like @ourfoodstory.hk✨ 吃貨情侶帶你食勻全世界🌏 每日不定時更新喔⭐️一一一一一一一一一一一一一一#日式小丸子 <$18/6粒>睇落都算幾大粒幾飽滿，老闆夾完小丸子仲落左勁多沙律醬、燒汁同紫菜，好大方🤣.由於係預先整定，所以食落唔算好熱，只係暖暖地🤔 但食得出入面好足料，啲章魚仲大大粒，好有口感💁🏻‍♀️ 而且仲勁多菜，好食過其他地方嘅小丸子多多聲😋.美中不足嘅係唔夠熱同埋皮有啲厚，改善埋就Prefect啦😳一一一一一一一一一一一一一一👾驚喜指數：❗️❗️❗️（5個❗️最高）一一一一一一一一一一一一一一💑提提你：▪️如果需要多醬/多紫菜，可以預先同老闆講💁🏻‍♀️

荃灣地鐵站附近有條「為食街」，吸引不少為食一族前來搵食，今日就由我，去食下「熱辣辣格仔餅」。搶眼招牌和燈箱，住何人行過都會被這店吸引著，店員齊整地在不同部門中候命，我就心血來潮，想食經典之街頭小食「格仔餅」。店員即叫即做，兩三分鐘就成品，塗上練奶、花生醬、砂糖、植物牛油，對摺夾在一起放袋，所以又稱為「夾餅」。格仔餅較軟身，但餅邊仍不失爽脆，淡口味朋友也可以「走砂糖」，但我就保留砂糖在其中，因很喜歡砂糖半熔化，再由口腔中咬到之口感，想起小朋友時代總愛偷砂糖夾方包，很有兒時回憶。唯一美中不足是花生醬調得較稀身，食時容易漏出和沾到衣服，大家要留意。

七一假期當日，跟前度男友去街！走訪荔枝角 D2 Place > 天后 > 銅鑼灣 > 數碼港 > 油麻地 > 旺角，最後一站來到荃灣！晚上 8:00，當我們坐上往屯門方向往他家的小巴，他便問我陣間想食什麼！大約兩小時前，我們在數碼港麥當勞食飽！…我想食些小東西都可以，反正屯門到 9:00 後，已經顯得夜欄人靜！建議去元朗或者荃灣，跟他回家拿車後，他直接車出荃灣！由於荃灣路德圍一帶找不到泊車位，於是，乾脆買外賣就算！幫他去麥當勞買完雪糕新地讓他在車上慢慢嘆！我走到附近的 <東京站日式小食餐廳> 買雞蛋仔！日式抹茶雞蛋仔 $10雞蛋仔一底 $10，兩底 $18！醫口痕啱哂！下午行 D2 Place 市集，見到一底雞蛋仔盛惠約三十蚊，實在不值得！所以當時無買！這裡青 BB 的抹茶雞蛋仔不但賣相一般，而且抹茶相當淡薄，口感尚算香脆！甜度剛好！十蚊雞醫口痕可以啦！

這裡的Q餅即叫即製，非常新鮮，而且用料很足有十幾款口味可以揀，今次揀左吞拿魚芝士火腿紫菜阿姐把材料放Q餅不同位置，用料十分重手，做起餅十分脆，不過吞拿魚加了大量黑椒，其實只有黑椒味😅芝士味也不算突出，但有少少拉絲效果。紫菜係一敗筆，因為用料太足，一堆紫菜放在餅中，好難咬.....見人地買香蕉朱古力味，阿姐即剝一隻香蕉切碎放在餅上，只嫌朱古力醬有點少，不合我口味😝總括來說$18的Q餅味道還可, 下次可以試其他口味

第二次買呢個大判燒上次買左抹茶味今次買紫薯味🤣🤣普普通通冇咩特別紫薯味唔會話好出但行行下經過就會比佢吸引住好想食勝在夠平下次有機會再食埋奶黃味個啲🙊🤣🙈😹☘️

今天要去荃灣辦點工事，忙了大半天終於完成了! 肚子也餓了要找找東西補充體力了! 荃灣和葵芳一樣，不愁美食，有好多大小不同選擇，我最後選了地鐵站附近街邊的東京站日式小食餐廳，來個快食補給一下，才回公司繼續做埋一些手尾。點了很喜歡的一小碗牛雜，很熱，不像其他一些小店有點冷，而且煮得很入味，牛雜也煮得很軟很有口感! 快食的美咪之選!

琴日同朋友喺荃灣食完晚飯，送左佢去搭車之後，經過東京站，魚蛋控當然忍唔住想食魚蛋啦。好多時喺荃灣想搵間好食嘅魚蛋都冇，估唔到呢間都係難食…佢地都算幾大檔，有魚蛋燒賣呢啲基本野，有牛雜、雞脾、炸大腸等，價錢就唔係特別貴。咖喱魚蛋 $10/碗冇認真數有幾多粒，但驟眼睇都接近十粒，圍番梗係幾抵食啦。一食咪知囉，完全唔係魚蛋！成粒係粉，冇魚味唔講，又唔彈牙，一粒粉丸，難食！咖喱汁亦都流流地，唔辣，唯獨係夠熱辣辣 (笑)

從未食過超凍的煎釀三寶，隔袋摸完曾要求再炸被拒絕，與同區其他出售煎釀三寶檔口差很遠覺得佢炸起好耐冇人買而個爐又冇保溫功能咁⋯結果要返屋企整熱自入的口⋯以後唔會再幫襯

今日食飯食唔飽， 經過呢間小食店時，見到佢嘅“叮噹餅“都只係賣$6一個， 都算抵食，所以忍唔住手買左一個紫薯味黎食。起初都覺得點解好似咁少饀咁嘅？但當咬多2啖，就覺得情願佢冇饀好過了.... 零紫薯味不特止，只係見到一pat表面好令嘅深紫色醬, 食落去根本食唔出咩味.. 同埋好難食，要將啲饀挖晒出黎先得。 而且最後我發現，我條脷變左紫色..... 從來冇試過食紫薯食品食到條脷會染左色呀！！ 睇黎我嘅食店黑名單又多一間了....

開工前經過見到，藍色招牌好搶眼呀，比呢幾樣野食吸引左過去望下，有Q餅，叮噹豆沙餅，小丸子，貴錢唔貴，我就試左小丸子，入面粒八爪魚都幾大粒，又多菜，所以覺得比其他地方食到既好味！醬汁紫菜都比左好多！明天又經過了，打算再試其他。

之前同朋友食過呢到既雞蛋仔🐥，食原味，味係唔錯，好脆，但超空心，食飽再食都唔怕😂😂聽朋友講話呢到既q食餅好好味，今次就試吓佢😋😋🤤 食完對面馬路既燃味棧，有少少飽肚，但又未夠飽😝 就去路德圍掃吓街一過馬路就揾到東京站，佢除左q餅，仲有雞蛋仔🥚，章魚燒🦑，車輪餅等等 價錢就中中等等啦😛講番q餅 其實係完全冇聽過呢個名😂佢選擇都幾多，我就揀左芝士海苔肉鬆味 $18，佢好似都係倒左類似蛋漿落去，舖平做圓形再落預先mix好既紫菜肉鬆，都落左幾多吓🤤另一面就落芝士🧀🧀 一路等既時候見到啲芝士好似呼吸緊咁👅一路有香味傳出👃🏽佢仲會問要唔要沙律醬同辣粉，我就要沙律醬唔加辣粉 因為怕辣粉蓋過左啲味><望住佢整既過程，個肚已經打緊鼓😋一到手，熱辣辣😍😍 頭嗰幾啖未食到餸住 食個餅皮 好脆👍🏼👍🏼都幾香蛋味 食到啲料既時候仲正😛🤤有我鍾意既紫菜肉鬆 呢啲點都一樣味架啦😂 啲芝士就唔係拉絲嗰隻 但係好香！ 好足料 啖啖都有芝士同紫菜肉鬆😍 食曬成份咪話唔飽 建議share 食👻