東京站 章魚小丸子 (已結業)

放左工有啲餓，想食啲野。黎左呢間小食店，都好多人幫襯架，要排一陣隊先有得食。佢地係即叫即做既，q餅好翠餡料好多。收左$26蚊。旁邊整小丸子嘅EE ，可能係新手，有啲小丸都燶左一大邊，都照入盒比客人。買小丸子既小姐開口，佢先拎番出黎。。

去旺角梗係掃街，行過呢間店見到好多人，原來係日式Q餅，仲有好多口味，好吸引。我揀咗個芝士黑椒牛肉蘑菇，即叫即整，兩三分鐘左右就有得食。個餅好香脆，甜甜地，裡面嘅餡料熱辣辣，香噴噴，又惹味，正！

一般般吧...酱会有点偏咸，料不太均匀好怀念日本的章鱼小丸子呀😭😭😭而且在我给钱的时候，其中十块钱是刚从7-11拿到的，连折横都没有的，结果老板娘拿到后换成了一张快被从中间完全撕开，还粘着紫菜碎的十块.......然后说我这十块钱有问题要换一张？？？本来之前偶尔还会买一下他家的鸡蛋仔的现在决定再也不去那家店了😣而且现在还涨价了食物料缺没有以前足了！！！总之，整体体验真的是非常非常的不好😴🤢

一排無黎發現食物前面多左塊野擋沙塵, Good! 平時食Q餅多, 今次想食下章魚小丸子, 原本覺得佢啲小丸子係好食過日船章魚小丸子 , 但係今次大跌眼鏡, 第一啖就知奶野😟, 個皮又乾又硬睇怕已經放左係到好耐, 裡面當然唔例外凝固得九九十十, 仲要無乜菜, 成件事好粉. 章魚小丸子一定要流心狀態先好食, 裡面要濕濕地有汁七分凝固, 章魚粒唔多唔緊要, 有粒大嘅撐場都夠, 最緊要係多菜多菜多菜! 之前買就算唔係睇住佢即整都無事, 唔知真係差左定唔好彩, 咁多年感情會畀多次機會佢睇下有冇改善, 今次畀住中評先, 下次唔好食實返黎劣評. 君子吃飯, 十年未晚😎 (只要我未死, 佢未執.)有機會都試下食次日船睇下佢而家咩環境你到底明唔明? 我唔想我同你之間嘅感情因為呢幾粒野而玩完💔$22六粒乾到無朋友😑旺角啲鋪轉得極快, 十幾年佢都仲係到好難得.平時會幫啲路人打格仔, 但呢個一定要show出黎, 我係對面馬路影幾張門面相, 返黎執相放大發現呢位哥仔原來一直同我交戲, 笑左出黎😂

之前同大家講開葵廣掃美食，有間大排長龍既人氣pancake店旺到係旺中開埋分店，其實講開日式pancake的話，旺角亦有另一間為人熟悉的人氣小食店～我諗去開旺角掃街的朋友們應該會認得哩間位於新寶戲院旁，賣章魚小丸子的小食店，呢度亦有賣唔同口味既日式pancake，不過佢哋就叫這做日式Q餅，鹹食同甜食都有，亦是在大家面前即叫即造，一律＄22仲抵過葵廣！今次我點了芝士煙鴨胸加沙律醬，睇住佢應該放咗至少六舊煙鴨胸同一片芝士落去，餅皮烤得熱辣辣脆卜卜，再咬進去餡料非常豐富，啖啖肉和芝士 味道不錯💓 ，行街經過不妨去買個滋味一下 ～

你知道旺角除左人多之外， 小食也很多。 今晚經過又買左“茶湯會”既熱豆漿珍珠奶茶， 跟住過嚟，點左個芝士海菭肉鬆Q餅 $23, 要少醬，少辣，個餅夠熱又夠脆，沙律醬汁和辣粉令個餅更加惹味，真係食過會上癮呀！

東京站 章魚小丸子旺角豉油街33號地下下午3時，開始肚餓，怎辦？街口有間小丸子，見挻香的，也買幾粒外賣試試。回到公司，仍然很香。紫菜已經有點淋了，咬下去章魚不多，有些蘿蔔，也可以。醬汁有太多沙律汁，普通。多些章魚會好好多！嘻！

呢間既q餅真係平靚正 佢好多配料簡 次次都睇到花多眼亂 佢係即叫即整 我今次就叫左芝士火腿吞拿魚紫菜味 佢其實都算好足料 佢有一片芝士 半塊火腿 好多吞拿魚同好多紫菜 佢都係從雪櫃拎出黎 一拎完就放返入去 都好衛生 最後佢都會好貼心問我要唔要沙律漿 同埋幫我用袋入住 其實真係太熱 要慢慢食 即刻食唔到 佢整到個皮好脆 好香 好似食緊雞蛋餅咁 好香雞蛋味 佢既配料都好好食 個吞拿魚佢係加左小小紫菜同黑椒係入面 本身都好香 芝士都溶晒 食落口拉到一條條絲出黎 可惜我呢個太貪心 個火腿得半塊 其實食落去得幾啖就冇左佢 如佢地可以另加錢加配料就一流啦

幫襯過呢間舖幾次呢個芝士煙鴨胸燒餅係必必必試!!佢d煙鴨胸起碼有7塊 好足料呀！！睇佢整嘅時候d芝士脹卜卜 好過癮!!佢會問要唔要沙律醬 一定要要(我通常會叫佢比多d添)沙律醬簡直係錦上添花整完出黎最頂果D皮脆卜卜 但食到底果D會煙煙韌韌 因為係即整 熱到有D燙手 不過實在太好食啦：P佢仲有好多款 要慢慢試先得

可能係全旺角最平，7蚊一底12蚊兩底，夾餅雞蛋仔都同一。價，買了份雞蛋仔，因多人買即做，等5分鐘做好兩底。新鮮食就脆脆地，不過中間空心，成餅都好薄，不過唔衛生，阿媽無帶手套，收到找完錢又用同一雙手整雞蛋仔手拿雞蛋仔同入袋啦

十多年前我經常在旺角出沒，Q餅是我的至愛。Q餅熱潮盛行時，最高峰有五、六間店鋪售賣Q餅。時移勢易，現在旺角只剩餘兩間店鋪售賣Q餅。今晚藉着佔領旺角行動，我便到這店久嘗Q餅一番。這裡提供的Q餅有二十多種，價錢為$22。我點了芝士蟹籽沙律Q餅。這裡放了約半塊芝士，芝士分量略嫌不足，但提供了頗多份量，接近滿瀉的蟹籽沙律。另外店員會問要不要添加辣粉或沙律醬。我要了沙律醬，添加的份量亦充足。大約5分鐘便做好了。Q餅的餅皮厚度適中，非常脆口，甜度亦適中。蟹籽沙律酸酸甜甜很惹味。雖然一件Q餅份量看似不多，但可能由於沙律超多，吃完已非常飽肚！以這價錢來算，十分抵吃!

每次去台灣我都一定要在街邊吃'可麗餅'..太愛其脆卜卜香噴噴的質感..不過上年尾到台灣..很難得才找到一間有得吃..在香港當然久不久都會想起它..但想吃到和台灣一模一樣的..實在有難度..試過在Mazazu Crepe吃..明明眼見做法好像差不多..但那塊餅皮完全是淋的..只是班戟皮而矣..絕對不是我想要的質感.. 塗經旺角街頭見到'Q餅'..眼見太有台灣可麗餅的感覺了..款款都想吃..結果揀了'芝士蟹籽沙律'..看見材料受熱漲卜卜..我心感興奮..哈哈..太久沒吃過喇.. 很快手.. 幾分鐘已經熱辣辣到手.. 很脆很脆..真的很脆..完全是我想要的效果..好好味呀..(其實我都知..除了餅皮外..其他材料很簡單..很難會不好吃的) 當然有餸部份會淋啦..但我絕對給九分..唯一要扣分是..所有款式都是hkd 22..變相有些款式會感覺不值..例如 : 煉奶花生醬..感覺有點像夾餅..要用hkd 22買一件夾餅就未免太貴了..

經過必買$10兩個雞蛋仔(因實在太抵了)，再買章魚小丸子，每次都會盡量睇佢差唔多賣晒時新鮮再整一盤，嗰d真係好好味，又熱又脆個皮，裏面舊魷魚又彈牙，之前試過唔好的經歷買了舊的小丸子，又硬又怪，落幾多醬都遮唔住，所以襯新鮮買係差好遠啊，價錢又抵，經過一定會再買

每次經過旺角家樂坊附近，我都會來吃Q餅。Q餅20蚊一個，對女仔黎講，當做午餐夠飽。Q餅的皮好脆，甜甜的，個人覺得有點椰子香味，配搭咸味的餡料風味最佳。試過巧克力香蕉味的Q餅，不是特別美味，但咸的Q餅每次都讓我滿足。我最喜歡20號，吞拿魚cheese紫菜Q餅，Q餅果然還是要有cheese才好吃。另外，我喜歡拿著q餅一邊在行人專用區逛著看看街頭表演，如果不想掉到一身都是碎，最好不要選擇有肉鬆的Q餅，因為很易食到一身都系。可以要求少d 沙律醬或加辣粉！

原本諗住食Mazazu Crepe可麗餅但搵唔到就轉食似可麗餅ge Q燒餅我係第一個客要等下全程睇住佢整愈睇條氣就愈唔須放勁少礶頭生果落去+少少朱古力漿就收我$25!!?算,食左先評價一咬"翠翠"似雞蛋仔食多幾啖都未有咬到生果個角位又滳朱古力漿完全失望真係食雞蛋仔重好過