東南亞特色美食

營業中

休息中

第一次食呢間 "東南亞特色美食", 叫左一個外賣既滑蛋叉燒飯 $74。滑蛋叉燒飯就好多地方都有做，但質素真係可以差好遠，今日同大家呢下呢間外賣滑蛋既質素如何。一打開個外賣盒，第一個反應就係咁多叉燒🙃🙃真係叉燒多過蛋，好少可，叉燒質地就正常水平，唔太特別，但量取勝。咁滑蛋又做成點呢？ 我覺得係可以收貨既，因為始終外賣關係，外賣時間同埋谷住係個外賣盒，一定會令到個滑蛋無咁滑家啦，但呢個食落都唔錯，所以我覺得堂食應該係唔錯既。最後講一講佢個豉油，佢自稱係自家製既，味道係甜甜地，應該係用普通豉油加糖煮既，無乜特別。

和女友仔過澳門遊玩. 搭夜晚八點半船.見放工後到信德中心都是7點幾, 就和女友仔食過晚飯先.於是選擇了呢間在三樓自成一角的餐廳見到小菜都有好多選擇, 於是我們選擇了一清一邪惡既組合.店員先送上例湯, 不錯咼, 不太味精. 仲幾多湯料, 到底仲見到有薏米. 好味.邪惡: S1. 椒鹽一字骨d 椒鹽超入味. 可以逐粒逐粒食都得. 一字骨炸到同椒鹽好夾, 十分開胃.清泉: S8. 金銀蛋浸莧菜呢度既金銀蛋用左皮蛋粒, 蛋白粒同蛋花組成幾有趣的組合. 而莧菜並不是太老. 十分嫩口. 再加埋一人一碗大白飯, 呢兩個小菜組合令到個碗一粒米都沒有.可以話帶著滿足的心情去搭船了.

上環中午吃飯， 多人要排隊大家都明白的， 我們一行五人排隊， 排了半個小時多。 我們排到第二名既時候， 我們齊晒5人， 前面排第一名（2位）仲要未齊人， 後面人龍都有幾十人在後， 正當我們看見有張6人檯出現。這個帶位員說我們不能坐6人檯（因為會多出了一個位無人坐， 所以不給我們）， 卻說人龍中後面有 幾檯3位3位 ，他們才可以這一張6人檯， 因此我們無耐地呆等。 然後一直不斷入檯， 跳過晒第1、2、3位， 全部入中後人龍既客人。之後， 排第一的客人2位， 就算有3人檯也不給她， 又是比人龍中的3個人坐入去。 他們完全係唔會有機會比我們入座， 如果等一個鐘， 從來都無2人檯5人檯出現， 那麼我整個中午都無飯吃。 到最後， 我們等了50分鐘，有一張6人檯。我們 入座時 也是給我們6座位， 餘下一個位。 跟剛才一開始見到的6人檯有什麼不同， 那麼我們真的白等了 20分鐘。 這樣的帶位方式， 我以後也不想再光顧了，食到 一肚子的火， 浪費時間在白等。

上環真係一個好多人嘅地方由其是閒日lunch time係順德中心好多間都排到嘔血咁今日黎到呢間 簡直係lunch time嘅排隊人龍之王好多人 好快好多人排隊 條龍好長下呢間就係喺個死角位嘅東南亞特色美食日本滑蛋叉燒飯 配特製醬 $55呢個應該算幾出名見到都幾多人揀呢個食食落去幾好味嘅個匙油都好好味 甜甜地 開胃添呀仲叉燒同蛋都幾夾下 唔錯不過由於我食過呢一間比呢間好味都係上環 所以比下去咗如果冇試過另一間其實呢間都算幾好食嘅

朋友介紹後，我喜歡在這裏吃早餐，今日試吓個下午茶，普普通通，但收銀阿嬸就態度好差，之前我未遇過她。她找續時，我發現有個崩十元硬幣，我問麻煩你可唔可以幫我換成紙幣，一邊換比我，一邊用凌厲的眼神屈住我。估唔到而家香港仲有啲咁嘅服務態度。😞

Fatbrown 見Weekend 無咩野做，星期五晚收工一於同幾個朋友過一過大海試下手氣先過大海前黎個快食填飽個肚腩仔，先有力氣衝刺咖嘛黎到信德，吉野家、肯德基、美心，平時返工食到嫌曬，搵左個食東南亞野的小店試下先原來餐廳唔止賣東南亞野，平時茶餐廳有的頹飯佢都有齊咖見隔離臺個滑蛋叉燒好似幾正，不過今晚FatBrown 系食常餐的心情，於是嗌左個KING 餐<KING 餐(蕃茄薯仔排骨螺絲粉、炒蛋、牛油多士)$45>番茄湯湯底鮮甜可口，排骨同薯仔煮得好琳，好有住家味道炒蛋但未濃郁，但係略嫌唔夠滑牛油多士烘到岩岩好，好厚好鬆化，加埋牛油食真系一流40零蚊一個餐咁多野食，幾抵食

這家餐廳都排了很多人，這次等了50分鐘才才可以坐下，飯很快就上枱，用餐時間只需要短時間。點了叉燒炒滑蛋飯，說是受歡迎，味道不錯，滑蛋用上了日本蛋，增添鮮味，加上秘制製sauce, 更帶出美味。不過叉燒有點硬及有甜味，令飯變得略為甜了。總的來說，這個菜不錯，可以一試

<滑蛋叉燒飯>🍳呢間野叫東南亞美食 但其實同普通茶記差不多🤣之前fatb提過食過一間叉燒滑蛋飯好好食 就係呢間啦🤤佢既滑蛋唔會好多芡粉 叉燒切成條狀 連埋蛋同飯食更易入口🤓佢既秘制甜醬油都好出色 加少少辣油一流🤟🏻fatb認為佢既滑蛋叉燒飯比起旺記呢班出名既餐廳更勝一籌🤟🏻（其他飯食過就普普通通😂）

上環信德中心3樓，呢間東南亞特色美食餐廳，一日中午時段都排晒長龍，次次我個friend提議食呢間lunch，我見到超長龍，都耍手擰頭，但係我個friend次次都話真係好好食。咁今次又約咗佢食飯，但係佢又遲到喎，咁不如我排住先等埋佢黎啦。等左十幾分鐘，終於入到去食啦。呢間餐廳呀，啲夥計落單真係好快，我諗有澳牛速度。我就快快脆脆咁樣揀咗個咖喱雞扒飯。佢個咖喱汁啦，係好稠身嘅，好香好濃，辣味係慢慢先出(aftertaste?)，所以個咖喱好有層次。個雞扒呢，佢就首先煎香左嘅，所以食落有d脆口又香，唔似出面其他餐廳就咁揼舊雞肉落去算數，睇得出係有心機煮。飯就唔會濕身，我自己好怕d濕身一pat pat嘅飯，所以個飯都ok。連埋杯嘢飲，就$52，價錢呢就唔算貴又唔算平啦，但係呢個質素收呢個價，我覺得絕對可以接受。

每次來這裡用餐，也必定會點「澳門乾炒免治豬肉飯」，簡單來說就是肉碎煎蛋飯。雖然不知道和澳門有什麼關係，但我敢保證你食完不會後悔。好不好食，一試就知。肉碎飯以番茄和青瓜伴碟，配上太陽蛋，賣相不錯。豬肉碎加上炸薯仔粒、青豆、胡蘿蔔粒、 粟米粒，和醬料一起炒過，特別惹味，撈白飯一流，好味到最後連墊底的生菜也食完。店內標榜使用日本蛋，可能心理作用，蛋黃好像比一般蛋香，但分別不算特別大。估計因為晚市少客，廚房「精心製作之下」，竟然食到脆邊太陽蛋！店員服務態度不錯，落單埋單不會西面，隔離檯有個客人要求少辣，四眼哥哥又會提醒少辣會對味道有影響，上菜時更加問返：「你試下個味道辣唔辣。」簡單，好味。難怪每次午市都要排隊。

公司間唔中都會有同事請食下午茶，要地點就腳（食物送到都唔會變凍）、價錢相宜、食物種類多，呢間餐廳都算符合各項要求😉我最中意佢嘅A+B下午茶餐，可以喺A項同B項嘅食物度各選一項，大部分都係炸物，但下午茶就係要食邪惡之物呀！😋我揀嘅係大阪燒餅+半份西多士。份量好大，賣相亦好唔錯。燒餅整得用心，餡料有菜有肉，唔會成口麵粉，加上燒汁同沙律醬，味道好對版。🤤西多士係厚多士整成，中間有花生醬，配糖漿食好美味呀！惟一不足係糖漿冇分開上，令燒餅都沾滿左甜味。呢間餐廳個收銀呀姐極。度。冇。禮。貌！😡🤬冇禮貌到我已經唔會再去堂食，不過送外賣嘅職員又好好喎👍🏻

上環信德中心頂層現在有一部分係變左美食廣場, 每逢平日的Lunch時間入面大部分餐廳都係要排隊等食, 特別係呢間「東南亞特色美食」。我必須要開首同大家講, 要避免係呢間餐廳談及澳門大哥洗X華或其家屬的事, 因為相傳呢間餐廳係呢位大哥的太太定係女朋友所開。不過無論如何, 餐廳食物質素先係最重要。我和同事隔一段時間就會黎呢間餐廳食飯, 原因係因為佢既澳門肉碎飯係非常非常好食。首先呢間餐廳係用日本蛋, 所以可以放心食用。而佢既肉碎係先經醬油炒香, 再加上經半炒炸的薯仔粒, 混埋一齊, 個種香味同味道係非筆墨所能形容。而同事更評價呢個肉碎飯, 係除左澳門之外, 最好食的澳門肉碎飯。加上呢間餐廳的午餐價錢相宜, 平均都係$50-$60, 仲有湯或者飲品添。另外, 必須要盛讚佢地的服務態度非常好, 其中一位係類似經理級數的「成哥」, 每次去到, 都見到佢好努力咁分配樓面, 盡量令客人用最少的時間排隊。不過, 呢個餐廳的缺點, 就係勁多人排隊, 可能因為價錢平得黎又好食, 所以每次都起碼要等20-30分鐘先有得食。最慘個次我試過等左over 40分鐘........

被流放在外一段時間，今日返office了。介紹一下，東南亞是同事V的最愛。今日lunch hour，我們三人沒有想法，就在信德隨意逛逛，腳步👣就自然來到了東南亞。長長的人龍，我們排在最後頭，本來還說著不知道要等多久，但幸運的我們等了半分鐘就能入座了，原因是長長的人龍只有我們是三位的，就那麼剛好。.來到這裡，餐牌也不用看，就點了三個例牌。👇🏻👇🏻👇🏻.日本叉燒🥚飯 - 看，那滑滑的雞蛋，配上特製的醬油，味道剛好。叉燒是半肥瘦的，正。點睛的是炒香了的葱碎，提升了整個叉🥚飯的層次。HAHAHA,, 報告完畢。只能說，是水準不錯的叉🥚飯，暫時排名第二。

之前晏就都會專登走過嚟食，但係依家...下午茶點咗黑椒牛肉炒意粉，只係得返4小塊手指尾大細嘅牛肉，同淨黑椒意粉分別不大。茶走沒茶味，也沒奶味，得返淡淡嘅水味。雖然只係$40，但這價錢在區內有更好的選擇。

颱風迫近，落大雨，午膳時間人人都走去信德食，等咗35分鐘，終於有得入座。呢度選擇都幾多，午市餐有11個選擇，再加2個特餐，價錢在$50-60左右，連飲品，係中上環來講，呢個價錢算是經濟。叫咗食物後，10分鐘已上菜，終於有得食喇，店員同廚房嘅手腳都好快。叫咗香茅豬扒飯，呢度用咗日本蛋，所以蛋味較香，平時怕膽固醇高嘅我都忍唔住全隻食哂。豬扒份量都幾多，佔全個飯一半，真係落足料，味道亦唔差，厚薄適中，但可能個大比較鍾意食軟飯，而呢度嘅飯則較硬 。檸茶呢度都有4片檸檬🍋，相比其他中上環食肆，呢間餐廳真係用料足，值得推介。