東南亞特色美食

營業中

休息中

今日同同事 9個黎食飯首先 人好多 排曬長龍 但好采佢唔會比你坐太耐所以都run 得幾快好啦 點餐。大部人都係食滑蛋叉燒飯 我就食芝士鮮茄焗豬扒飯味道好 唔好太酸或太甜 比大家樂好 但份量少左d叫左杯凍檸茶少甜 好飲 甜度岩岩好Run得咁快都有咁既水準 係有d料致於滑蛋叉飯我下次再試！坐位還好 有些少空間 唔會太逼最唔好只有一樣會比人吹 點餐 食完時都會吹算啦 明既。不過值得去每人55左右。咁上下

永遠都咁長龍…但我係佢排長龍o既時候，永遠都唔排隊去試…近日好奇怪，罕有地見佢門口冇咩人，就去試下囉！餐廳寫明自己用日本蛋。這款人氣No.1飯，特別在個豉油，蛋香又滑，連叉燒炒， 唔差喎，叉燒同蛋比例適當，白飯唔會太爛。另一款焗豬飯，太陽蛋唔多油唔燶，飯炒底，豬扒有煎過再焗，少燶但可接受。好香鹹魚味，加埋叉燒粒，叉燒削d,唔太新鮮，菜新鮮脆，飯夠乾身。

平時見甘多人排，今日下午黎試一試。今日早放，12點左右黎到，都要排5-10分鐘。叫左個* 皇牌焗飯 : 芝士焗咖喱雞扒飯*價錢 56元上菜速度超快 ，一落單5分鐘左右就黎,應該整好晒。另外，杯飲品比平時d茶餐廳大d, 大約1/3.味道方面okay 唔錯， 咖喱汁燶烈 但又唔算太辣，平時食唔到淡仔少辣，都Okay, 可惜食唔到芝士味，完全比咖喱味覆蓋左。平時食量一般，所以覺得份量剛剛好。總括黎講唔錯，會黎再食， 試下其他餐。

信德中心3樓好多小店lunch 時候經常排哂人龍有日時間比較多 決定排下 但都好快就有得入去野食黎得快亦要食得快叫左個雞扒湯河 $45 包野飲雞扒幾入味，份量都多皮脆薄 肉都幾滑但係個湯河呢...完全冇味咁濟味道超級淡 好彩放左辣椒油喺附近可以自行加味隨餐仲送春卷1件不過冇食到 同事話唔太好味🙈🙈🙈有同事叫左叉燒滑蛋飯賣相幾好餐牌上寫明雞蛋來自北海道 不過同普通雞蛋味道一樣wor~~~而呢個飯重點係個秘製醬汁，同事大讚

今日用手機apps叫外賣，透過手機搜尋左尼間所謂既越南野！簡直中伏！我地叫左5個湯檬，冇錯！越式香茅湯檬！首先訂單已經錯！算啦！所謂湯檬，跟本就係米線黎既！送到黎，米線冇湯！因為發脹晒！香茅豬扒原全冇香茅味！跟本就係港式煎豬扒湯米線！最離譜係，5碗湯檬一d香料都冇（即係青檸檬葉，香茅，青蔥）！清湯一碗！要我比成70蚊1碗再加外賣費，講真，簡直係搵笨！冇下次囉！

身為係上環番工既我，其實好少黎信德食lunch，但有日同同事一齊食，佢為左依間餐廳行十分鐘都要去，而且仲要早啲去驚無位，咁我先黎依度一趟，而味道竟然有驚喜因為我地11:45am就到達，正常lunch hour 未到，所以我地即刻有位坐。舖名叫得做東南亞特色美食，其實係有得食東南亞嘢既，不過同時都係茶餐廳嘢為主，主要係另一份餐牌（我無影到），因為我被枱上這餐牌吸引住👇大大隻字寫住「日本北海道蛋」，而同事話依度啲叉燒蛋飯係唔錯，所以我揀左食日本北海道滑蛋雙寶飯套餐。所謂，雙寶，即可以牛肉、叉燒及蝦仁中三揀二，佢可以俾你揀三寶要晒，貴一蚊而已。黎得食快餐，上菜係快👇我揀左牛肉及叉燒，賣相叫還可以，同一般茶餐廳差唔多，明顯放得多蔥花，旁邊放左碗仔醬油，佢聲稱醬油係特製既。值得一讚既係，見到蛋汁流晒出黎，似是好滑咁我直接淋晒醬油上去試第一口，覺得係幾，蛋的確口感好滑，蛋味濃，而叉燒係砌絲，唔似出面餐廳咁通常一舊舊，所以唔會阻礙口感，配埋醬油，互相味道配合得好，係好味既雖然我係叫牛肉及叉燒，但其實可能要細心睇先見到叉燒，因為佢係砌絲，從上圖可見👆匙羹中左手面兩條係叉燒，右手面係牛肉，其實肉質都幾滑

知道近年信德開左好多餐廳，有日黎買外賣，先知原來信德平日放飯時間咁多人，基本上係間間都有條隊等緊。我叫左個King餐（其實King係邊個位？），有蕃茄湯牛腩粉、炒蛋多士。叫既時候店員已經呼呼喝喝。多士要走油謂遲左兩秒已經俾佢問做咩咁遲先講。要你加隻字係張單度係咪咁難先？叫外賣號碼時候，店員又係無啦啦超躁底，好似一聽到個號碼要秒速出現係佢面咁。你個門口又逼，叫號碼又唔順序，好高難度喎。無獨有偶，係信德入面食茶餐廳，俾侍應串、計錯數等等，已經唔係第一次。會唔會係做得太多遊客生意，難免有點控制唔到既躁底？無論如何，完全唔值得返去幫襯。

侍應有禮, 食物好好, 唯獨收銀阿姐總是黑口黑面, 係每一次, 好似唔想人幫襯咁 今早找錢時, 掟落個西到, 唔知咁係咩態度呢?已經睇哂OPENRICE其他人寫既野, 都唔會係我一個咁講佢, 麻煩請負責人叫佢檢討下服務態度我嚟是消費, 不會是受佢氣

食過幾次東南亞都知收銀呀姐禮貌上有問題貼錢買難受比錢佢賺仲要受佢氣黑口黑面極度無禮貌之前堂食等得耐有一次叫外賣堂食果個食完個外賣都仲未到叫個收銀呀姐追一追佢就唔理你當聽唔到乜都唔理到比錢就好似欠左佢既今日一班同事食咁我唯有又跟住一齊食個呀姐始終都係好無禮貌排隊比錢第一句就粗聲粗氣話等等啦我都唔知等乜收銀講完到野食評分不過不失啦但如果個收銀呀姐一日仲“係到”呢間野一日都係趕客走嫁啦

中午去左呢間係係順德既茶記食個快餐環境乾淨企理叫左果滑蛋叉燒飯 豉油就另上既 話係特制醬油 不過食落似係普通甜豉油蛋就滑既 叉燒就一般啦 茶記快餐係咁上下既啦之後幫同事叫埋外賣 不過d伙記就唔係好識包外賣咁 自己包好過

一直鐘意食華星冰室，所以自從發現信德有之後，就成為左我的lunch飯堂啦~信德華星的地段位於好多好多餐廳隔離，咁多間餐廳放埋一齊，感覺成為左一個小food court。係尼個小food court中有2條特別長的隊，其中一條就緊係華星啦，另外一條，竟然係尼間無裝修的food court味濃的餐廳!!!!!為食妹團隊經過多日的觀察，終於見人齊仔仔，6個女女，一齊去開飯啦~見每個飯都係五十幾蚊，唔貴唔平。但等完已經得反半個鐘食飯。好彩員工好快手岀菜，野食有無黎都會留意住，唔洗岀聲都會幫手吹單。重點推介澳門乾炒免治豬肉飯，同 香茅雞排飯。都係有煎蛋嘅，而佢隻煎蛋！真係一睇都知勁juicy！正呀！免治豬肉並完全唔同平時茶記免治牛肉，口感勁香，而且仲有本小姐最愛嘅肥go，yummy yummy另外，我地仲有人點左越式咖哩豬頸肉飯，同喇沙湯海鮮銀針粉。竟然喇沙！係配！銀！針！粉！而味道仲要係好食，推薦again!!!

本身一直都食開依間茶記，食物質素一般，唔算難食，都一定說不上好食。不過收銀姐姐的霸氣惡態就真是免費都唔會再去！一入到去，收銀阿姐會免費請你食個黑面，之後埋單時，又會好似發緊你皮氣咁收錢，大佬呀～我俾緊錢你，你都咁樣？

去完澳門 番到香港已經五點幾 於是便是是但但搵間鋪頭醫下個肚 入到去點了海南雞飯 （聲稱皇牌既焗朱扒飯）喇沙海鮮金邊粉及招牌生熟牛河 先說海南雞飯 完全不是海南雞的味道 沒有香茅味只有咸味 個油飯很深色又好像有點軟軟的感覺 完全不覺得在吃海南雞飯 皇牌焗朱扒飯 朱扒沒有味 個焗飯汁比茶餐廳還要差 我還以爲在吃茄汁朱扒飯 焗飯不像是焗 像一早預備好了那些 喇沙海鮮金邊粉 金邊粉完全爛掉 完全夾不到 喇沙湯很辣還很多油 我吃了一口便沒吃了 招牌生熟牛河 湯底感上全是味精 牛肉到上檯時已經是全熟 我不會再來下一次了

食左越式咖哩牛肉飯跟例湯個湯真係超好飲 好足料 好好味 拍得住出面湯水外賣店好味到食晒啲湯渣而咖哩牛肉飯都唔差不過都係正常茶記果種味道美中不足既就係啲飯 間唔中會食到啲好硬既飯粒極度推薦大家黎試下佢地既例湯

最近才知道信德中心新開了個澳門廣場，入面全是食店，對於上環人來講當然是開心大發現本來想吃隔離的華X冰室，但實在太多人輪候，只好放棄轉投這間。由於店內空間大，所以排了十分鐘左右便可進內，裝修較簡潔，感覺有點像Food Court。點了海鮮叻沙，材料都算足，有魷魚、蜆肉和蝦，當然最多的是豆卜。合上眼喝一下湯，你會想像不到自己原來正在吃叻沙，沒有椰奶味沒有香辣味，只有強烈的香茅味，香茅味大得蓋過了所有味道吃多兩口已經頂不順！叻沙還配了兩件蔗蝦，味道正常，但吃不出蝦膠的彈劾，附近還有很多選擇，所以應該沒有下次了