東寶小館 (已搬遷) 新店位置

黑魚魷魚意粉得過鹹，沙拉骨內面冷了，好吃的得豉油皇炒麵和小炒王！最頂的是6:00pm入席，7:00pm就催你走，張單鬼劃符，都不知正式的菜名和價錢，怎樣對，比得$800 都不會有下一次，水準跌Bar 🥲🥲

_____好味指數：🌟🌟🌟🌟抵食指數：🤑🤑你有冇試過喺club度食小炒😂呢間係北角熟食中心入邊嘅大排檔，除咗嘢食大大份，佢啲音樂同店員都好盞鬼，係會播club music，啲店員又好有趣，會同你傾偈，又會表現特技例如筷子開啤酒樽✅墨汁墨魚麵好黑又好好味！墨汁好香同厚身，加埋彈牙嘅麵一齊食味道好夾，而且仲有墨魚仔同墨魚丸。不過約女仔嘅時候叫呢個就小心啲啦，因為食完會成個咀黑晒✅椒鹽九肚魚炸粉好薄，炸得香脆，而且魚身肉質鬆軟好香口，配啤酒一流！

每次去東寶小館食，除左因為佢d野食堅好食之外，仲係為左佢嘅氣氛而黎！🤩 特別係70後或者80後嘅食客，一定會覺好得high, 因為佢整晚都會播住一首又一首經典嘅歌🎶🎶，d青春回憶直頭返哂黎！ 😌今晚係為8月生日嘅朋友仔慶祝生日，未試過嘅都話好正！ 食物質素非常好，食材新鮮，邊個話食完大排檔野一定會熱氣？完全唔會喺度發生～先嚟一人一個戰鬥碗飲啤酒，好有feel囉~ 今晚嘅菜式有：*Wasabi青瓜鮮魷*wasabi加鮮魷我印象中冇咩邊度食過，我就係鍾意佢夠創新，味道出乎意料地夾，又唔會嗆候 *加拿大海膽*海膽嘅鮮味配以紫菜、青瓜同多士，成件事好清新，海膽係好新鮮同埋足料 *蝦多士*蝦係啖啖肉，最正係個蝦頭，唔好以為佢係配角，其實佢先係主角，蝦頭d膏入味，又脆又多膏 *豉椒炒蜆*呢個同一般出面食到嘅大致上都好似，送飯一流 *泰國臭草豆腐*呢個係一個好特別嘅菜式，臭草配豆腐真係第一次試 ，配上秘製醬汁，想試新野嘅你絕對岩唒，口感豐富*芽菜新鮮鹹雞*雞肉好嫰身，佢將芽菜墊喺底，d芽菜吸唒d鮮味，連埋d雞肉一齊食，唔會覺膩 整體黎講呢間餐廳好出色，如果你未黎食過一定要黎，冇介紹錯你！

一直都知東寶小館好出名，唔book都好難有位。但忽然好想試吓，於是在星期六晚上8 PM碰碰運氣walk in，好彩咁啱有兩人位。我諗東寶應該係最受外國人歡迎的大排檔，場內的外國人比香港人還要多。無他，這裡有提供英文menu，場內的氣氛亦似酒吧多過大排檔。電視播著的是英文歌mv，個人覺得音量有點大，但外國人應該好受落。沙拉骨同椒鹽鮮魷都好出色，唔會有太厚的炸皮，但仍炸得很香脆。入面的排骨和海鮮也吃得出是高質的值得一讚的是，呢兩碟炸嘢都可以叫半份。人少少去大排檔最怕眼闊肚窄，可以半份半份咁叫真係啱晒咩都想試少少嘅人。人少少去都可以食多啲款豉椒炒蜆同樣好出色！味道夠重口味，蜆好大隻，有肉，而且全部殼開晒口嘅 完全無呃稱！啫啫煲菜蝦醬味濃，好味！整體來講，東寶價錢真係偏貴，但質素對得住價錢。又可以叫半份，人少少都可以食。

重要的話放前面，有幸睇到呢篇嘅朋友，你千萬唔好來，又貴環境又差，又唔似網上講得咁好食。當客人是水魚一樣。第一次來，兩個人，點三樣餸，收到嘅份量超級超級少。用左快600蚊。4個聖子時價158蚊，真系攞命，隔壁春秧街一扎先幾錢，只係加工下就收呢個價，又唔係炒得天花龍鳳特別好食，只係中規中矩咋。4隻大頭蝦，奶油蝦加一塊麵包，202蚊，簡直離譜，冬陰功湯嘅味加4隻大頭蝦，半隻雞煲，168，全是薑，雞都係啲邊角位置，茶餐廳的咭咭雞煲都好過佢一倍啊。

估唔到這裡我竟是第一次來！ 環境是一貫市政大樓熟食中心的格局， 氣氛特熱鬧。來這裡一定要人多， 所以在限聚我情況下， 總是有點縛手縛腳的感覺， 吃得不夠痛快。聽說朋友每次來都是由老闆發辦， 我也樂得坐著等吃。今次我們不算點了太多道菜， 因為主要都是為了聚舊閒聊。1. 雞蛋焗魚腸 - 雞蛋蒸得有點老， 魚腸味較淡但沒腥味。2. 墨汁鮮魷（w意大利粉） - 味道夠濃郁，很她好吃， 是偏西式的做法。3. 蝦米醬粉絲蝦煲 - 很惹味， 粉絲特好吃的， 有點喧賓奪主。4. 蕃茄龍骨魚湯 - 實在是很濃郁很好喝， 但如果我說是跟一般蕃茄薯仔湯差不多，會否太過份？5. 美國生蠔煎蛋角 - 這道很香口很好味， 咬開後蠔味湧著出來。6. 風沙雞 - 不過不失， 雞肉算嫩。7. 芥末魷魚青瓜沙律 - 清爽可口8. 紫菜豆腐 - 入口creamy , 健康的味道。我是第一次來這家， 雖然食物算可口， 但還是則重吃氣氛， 而且價格相對較貴，性價比較低。

Sooo if you want to try exceptional food, this place probably isn’t going to be it. It’s a fun DPD feel when you interact with your neighbours and the boss. We came with a bunch of expats and they loved it. It’s a place to bring overseas friends to in my opinion due to its reputation. But there are so many better places; especially when the price is considered. It’s not cheap by any means. My verdict: nothing stood out. Will only return if I have friends to showcase HK.

香港風味一定要食大排檔，呢間好方便，喺北角站一出市政大樓。食肆呢一層，東寶佔地好大，通常星期五六去，超多人，非常熱鬧👍🏻老闆好識得social，有氣氛之餘，啲餸又好味😋炸大腸👍🏻👍🏻好脆必食🤩🤩🤩南乳炸豬手，啲肉入晒味，另外配個南乳汁脆皮炸鱔🤩🤩🤩新鮮墨魚墨汁意粉🤩🤩🤩🌟風沙雞，賣晒就冇，要早啲留定🌟極好食🤩🤩🤩煎曹白，魚鱗炸到超脆！食薯片咁一定要配飯，齋食過鹹喇🤣

平日得閒有平日嘅好處，就係可以食平時好多人，仲要想book枱都book唔到嘅餐廳，例如佢- 東寶小館。😌今次嘅平日午餐聚會，我哋三個人試咗好幾款餸，因為佢有半份半份甘叫！ 呢個對於想食多幾款，但係個胃有冇咁大嘅人好啱呀👍🏻👍🏻先來一個例湯，再慢慢諗食物，先來個湯先，夠老火👍🏻足料飲完湯，先食沙拉骨（肉多個骨）再黎魚香茄子煲（好夠鑊氣，呢啲係屋企好難整到）仲有椒鹽鮮魷（都好味，但可以再椒鹽啲）煎肉餅配包（個肉餅應該係手拍嘅，細細塊，再好似北京填鴨咁，配上一個脆卜卜嘅豬仔包仔，再加上自家製醬料，估唔到又match喎）咕嚕肉（冇錯，係咕嚕肉、唔係有骨嘅生炒骨，啖啖肉！）一路食嘢，一路伴隨住許冠傑嘅懷舊精選金曲，無限loop😂今次食飯仲有折，抵食！😎食呢啲小炒，都係要去鑊氣夠嘅舖頭食，先至夠原汁原味👍🏻👍🏻差唔多食完嘅時候，仲見到啲姐姐好勤力咁樣喺度洗地，佢哋好專心，真係好努力咁洗，要好好讚賞佢地👍🏻

隔了一陣子相約朋友聚一聚，朋友一家三口住在北角，雖然咱們一港島一九龍，不過其實從將軍澳坐地鐵到北角只需一程車。為了相就友人家有幼小，咱們遂揀了在北角一帶吃飯。友人知道小的愛和風，只是老伴除了身在日本，他的和風只得「元気」與「千両」。結果小的選擇了自己的另一至愛 － 大排檔。北角街市的大排檔非常有名，從網上搜尋香港出色的地道大排檔，北角街市的「東寶小館」榜上有名。所以當小的向朋友提一提街市的大排檔，他們立刻知道是那一家。而且因著街坊的關係，朋友夫更可透過通訊軟件直接跟店主訂位。於是咱一行四人便找了個星期五一起到「東寶小館」品嚐地道風味。來到北角街市，「東寶小館」其門如市。由於朋友首先遲了少許，然後咱們再決定在地鐵站等上晚收工的老伴才一起到餐廳去。結果咱們到達的時間比預訂的遲了十五分鐘，在人如潮湧的正門如果咱們竟可大刺刺地入座似乎難息眾憤，是故友人夫君聰明地謂咱們走到側門處，然後他才獨自過去跟店員打點。雖然側門的人流也不少，最後咱們也順利入席。有趣的是北角熟食市場其實有不只一家的大排檔，然而別的店子在拍烏蠅，唯獨「東寶小館」一枝獨秀。一旁的舖頭就只能靠「執死雞」，安慰那些久等不著，退而求其

母親節前夕所有檯已訂滿，在沒有訂檯下就在人潮未出現之前佔一個座位，馬上品嚐蕃茄魚湯，這個湯每次去都會點，用了不同的魚來煲是整個湯的靈魂，一個人喝完這煲已有飽足感，帶走薑汁涼粉回家慢用。由於一個多小時的回家路程所以薑汁涼粉也不至太冰凍，正好配合薑粉泡腳後才吃這涼粉卻牽引出奇妙效果，先說此薑汁有別於一般的薑汁，不是只有辣；容易讓人接受加上甜度剛好，兩者相加起來讓人吃罷有血氣運行暖胃之感，值得推薦👍🏻👍🏻👍🏻相信於冬天吃會更窩心啊

香港風味：鬼佬到愛大排檔龍頭#東寶小館 #北角街市 #波士思思帶你周圍食必食：🐚大螺辣肉碎炒配米通粒加🍁紫蘇葉包住食，好食到癲!秘制豆腐又值得一試，因為佢唔係豆腐🤣其實一般小炒黑辣牛仔骨、咕嚕肉都唔差。不過佢哋會介紹佢哋酒水比你，但款式唔多！#hkfoodie #foodie #北角美食

呢間係我北角一個朋友嘅飯同佢熟曬點樣點菜， 簡直要你你都非常之有特色， 雖然係喺街市嘅一個餐廳， 但係嚟咗幾次都有幾次見到啲明星名人， 因為真係好好食。 特別鍾意個薑汁涼粉， 好多味菜係唔會有地方食到。

東寶給我第一印象就係環境極 “嘈” 😆，根本無辦法同自己同枱的朋友傾偈。但係佢嘅食物水準確實很得，夠鑊氣，有風味😋😋 即使在台灣的朋友都告訴我，有機會過來香港，一定要我帶佢去東寶吃。戰鬥碗是東寶的招牌🍻🍻南乳炸豬手，炸得夠香口，不過南乳不夠濃黃金蝦，虾好新鮮 又大隻，蝦殼炸得夠脆，但這次鹹蛋黃少了一點，如果鹹蛋黃再多D，我絕對比五粒星😆炸墨魚膠皮蛋，夠特別。蒜蓉白菜有啲失色，因為好淡瑤柱扒豆苗，其實比想像中貴了一點點，我沒有留意價錢，諗住叫了蒜蓉白菜，就唔想一樣蒜蓉炒。但係都真係好味，豆苗好嫩，完全冇渣😋豉油王炒麵，夠大碟又好味，鹹甜適中剛剛好👍🏻

同朋友即與去大牌檔食飯🤩💜🌟 粟米班塊 🌟粟米汁係平時地x牌corn cream嘅感覺食落冇驚喜 但同班塊都算夾😂🌟 椒鹽鮮魷 🌟炸得啱啱好 好香脆爽口 配埋啤酒真係一流🤤🌟 鳳梨咕嚕肉 🌟咕嚕肉都好香脆 甜酸醬配菠蘿真係絕配 勁開胃😉最後想特別提下佢地嘅啤酒🤣叫啤酒嘅話 會用一隻好特別嘅戰鬥碗飲飲完啤酒 個個戰鬥力都提高🤪🤑 粟米班塊 $168🤑 椒鹽鮮魷 $158 🤑 鳳梨咕嚕肉 $118