東寶小館 (已搬遷) 新店位置

若果質素好的話，我絕對不介意價錢貴一點！在這兒，每樣小菜的價錢差不多，都要超過一百塊錢！ 還要加上 5%的服務費， 收費比一般酒樓、食肆還要貴！話說回頭，雖然這裏的價錢不便宜，但是食物的質素卻是只是一般一般， 絕對令人有掠水的感覺！盛名之下，價錢略貴，絕對明白！但是，對於食物，卻應該給予顧客相應的質素才對！性價比對只是一般！絕對不會再回頭！！！！說真的，碗碟都不乾淨，為何還要收服務費呢？絕對想不通！大排檔連茶都冇一壼，只得滾水.............

剛回港很想再賞街坊小炒風味。價格略貴，鑊氣不足。想不到要收$48一壼大排擋茶，這點比較難接受。一次已足夠，可能是最後一次。花費超過$500，吃一些簡單菜色。個人認為物非所値，街市大廈環境，應收街坊價。不會推薦！不大滿意！

聽講東寶小館除左野食得之外，仲有表演睇，今日食過之後真係聞名不如見面。先講野食，total叫左4樣野。1. 蟹籽粉絲(必食)，用煲上既粉絲唔會好乾，條條分明，充滿蟹籽，味道濃郁。2. 風沙雞(必食)，肉質嫩滑，咬落有肉汁，味道亦好好。3. 腐乳炒生菜頭，第一次食生菜頭，以為會好硬點知炒得好腍👍🏻。4. 鴨汁糯米飯，係生炒糯米飯加鴨汁，濃而不膩，食過番尋味。講番個表演，大概八點幾開始，場內音樂會突然好激昂，現場觀眾的情緒變得高漲。東寶老闆就會出黎跳MJ舞，邀請客人一齊跳同飲酒。雖然埋單會比一般小菜地方貴，但絕對值回票價。

而家較易有位， 咪去試下， 網紅店伙記都好好傾， 但一睇餐牌面寫嘅字， 就知串店食完之後覺得好一般， 但不會回頭差食物見到蟹好吸引， 問價錢， 店員回覆$700左右啦，叫左一隻， 結果勁咸勁多酒， 苦的。 結果埋單時$924雙蟹墨魚麵仲離譜， 只有咸味肉餅豬仔包， 肉餅無味， 配介辣只有介辣味芝士蕃茄法包， 蕃茄蓉ok, 但只可以講無慳過芝士粉讚食物黃金蠔， 真係好味， 配菜食幾特式。無特別豆腐．炒菜等等正常野埋單九個人$2800

這是我第一次光顧，2個人叫了3碟小菜，1支啤酒，飽到肚皮要破了。燒牛仔骨這是看到同枱的食客而叫的，可以說是十分十分之美味！肉的質感不會太老，牛味很重，不點醬吃原味的話也有驚喜。而它那個黑椒汁有點略鹹，黑椒味很重，點了醬加白飯也很讚在「東寶」的餐牌上找不到，後來才知是在「店小二」的餐牌上。這個要$188我跟你說是值的。東寶沙拉骨它的名字有「東寶」，期待它會有驚喜，可是它味道十分普通，還要$98，那有點貴。魚香茄子煲由細到大也很喜歡吃，可以說吃盡很多餐廳的茄子煲。這間的話，我認為算是中上水準。有些人會認為這道菜很油，是啊，是真的很油，因茄子要走油，這個步驟很重要，可以保持茄子上的鮮艷顏色，形狀也得以保存，吃時口感也會很好，但不是每間餐廳會這樣做，而這間便有了，失分的地方是不夠魚香味。

大口大口暢飲高談闊論唔係男人既專利黎既女士門都可以豪氣暢飲一番高朋滿座既東寶每台都放滿一大堆戰鬥碗感覺熱鬧親切貼地送酒小菜夠鑊氣炸物酥脆香口即叫即炒確係一大班朋友聚在一起的好地方

今晚北角有個約會，既然來到這裏，就來這裡打咭啦⋯⋯北角渣華道市政大廈。我相信大家一講到這裡就必去這間.....東寶小館。已經好多年沒有來幫襯，食市有四五間，但它永遠是座無虛席👍⋯⋯伙計熱情不再話下，當人山人海的畫面出現的時候，就是老闆表演的時候了😂😂餐牌可以用五花八門，應有盡有來形容！今晚叫左薑蔥爆生蠔，黑椒牛仔骨，什菜粉絲煲，Wasabi青瓜鮮魷！薑蔥啫啫生𧐢那種香，濃，鮮已經慢慢飄來！蠔飽滿，肥大，新鮮。但牛仔骨本人覺得偏咸，幸好有枝竹配合，中和那台味道！👍至於什菜煲，絕不馬虎，菜類稍多和新鮮。Wasabi 青瓜鮮魷就沒有多大驚喜！不過水準都沒有下降！沒有來過的朋友可以一試！

次次黎都無謂，今次終於唔使等位都有得食啦。一致決定要是煲仔菜，結果一叫叫咗三樣 😂 。芥末魷魚青瓜沙律，料足，下面勁多魷魚囉。呢個黑椒牛仔骨，其實係隔離枱叫咗，侍應傳菜時經過，聞到好香，於是乎我哋又叫埋一份 haha！真係色香味俱全啊。薑蔥生蠔煲，又係煲仔菜必食，因為我都幾鍾意食蠔，咬開勁鮮，佢鋪左一層博博嘅粉然後半煎炸，所以做到好焦香，最緊要冇over cook。呢個菜呢，系好足料嘅，但係意外地好淡，個湯都冇乜味，所以唯有當烚雜菜食。食啲咁有鑊氣嘅嘢，冇乜理由唔叫返碗「靚仔」姐

Went there last night with 3 other friends and ordered 5 of their signature dishes. Food was poor but very expensive. Didn’t expect such bad quality at that price. Plus the place was mega hot with hardly noticeable air conditioning. 1. Squids cooked in squid ink was tasteless. 2. Deep fried pork knuckles was hard and dry. 3. Prawns was not fresh4. Stir fried vegetables were boil before mixing with sauce. 5. Can hardly find the few pieces of small cube of steak stirred fried with the mushrooms..

聞名不如見面，大排檔做到出名應該有佢過人之處。坐落於北角街市既東寶小館，一般熟食中心叫餸食飯既格局，氣氛竟然同夜場一樣熱鬧，載歌載舞，老闆都飲杯助慶一番。小炒好地道，等外賣既時候，喺隔離枱嘅瓦煲蝦醬炒菜真係好香。我地叫左一碟南乳炸豬手外賣🥡，等咗大概15分鐘到就有啦。一打開，香氣四溢，豬皮炸到深紅色， 咬落十分香脆。主要都係豬皮同埋筋腱，油脂嘅比例唔算太多，但同時亦都冇咩肉食。不過南乳同炸豬手有啲分離，南乳汁還南乳汁，倒出嚟點，豬手都勉強有啲南乳味，兩者並唔算係好融合。

我想搵個位擺BB車，搵咗水缸隔離張吉枱，佢就話無位，話得返一張係行人路側嘅細枱，唔要就無。我真係想知係我眼花定你做到懵咗，不過唔緊要，唔食你又唔會死，正如你唔希罕我區區一單小生意。希望你長做長有，保持你專業嘅服務態度睇完食評先知原來GD食過，唔怪得唔憂做。希望想嚟食嘅睇到呢段食評認真考慮先好嚟。我從未寫過食評，但我唔希望有人好似我咁要特登嚟受氣。唔好同我講澳牛都係咁，呢啲係人哋特色，人哋嘅效率你有無？幾好食嘅嘢，都不值得你受氣去食

It is smell qnd noisy, the table, chair are horrible, the plate and chipsticks are dirty, the floor is dirty also, and most important thing is the food is very expensive.3 persons with 4 dishes and 3 beers, around 700HKD.It is the wrost experience i had in Hong Kong.

香港所剩無幾的大排檔，每次來都見到門口坐著不少人等位。這次預先訂了房間，不用等位之餘亦算「旺中帶靜」。大排檔特色是鑊氣夠，調味重。這是一般高級中菜廳沒法做到的，亦是不少外國遊客跟米芝連評審不懂欣賞的地方。看到有食評說環境太吵，食物味道太濃，真心想說你看過安靜又菜式健康少鹽少油的大排檔嗎？這次黃金蝦，炸豬手，炒蟹，粟米斑塊等菜式都一如以往的出色。炸粉，材料，調味都是地道的香港大排檔手法。不過隨著不少遊客慕名而來，價錢確實不再便宜，從餐牌上的日文翻譯可見一班。服務來說，傳統的大排檔服務態度亦確實被不少食客認為是水準以下。整體來說，東寶比較適合想一試港式大排檔食物，又不怕嘈吵，不計較服務的食家。總評：4星(要求環境服務：3星）同價位下5星：即使排隊亦要一試再試4星：甚佳，可以一試3星：同價位有不少更佳選擇

同朋友一行四人去東寶食, 其實好細個就去街市食飯隊啤。 但東寶就小D. 入到去等左陣就有位。 一打開餐牌, 有D 驚訝。。。有D 貴。 但都坐低啦 當然唔理咁多。 叫左風沙雞半隻 ($280), 鯇魚皮 ($128) , 炸南乳豬手($148) , 冬陰豬粉腸 ($108). 味道確實唔差, 隊啤一流, 食得都開心嘅。 但始終唔係好特別嘅餸, 未係有驚喜嘅感覺。 今日咁啱又等唔到跳舞。 有丁點失落哈哈。 整體上180 個頭 (連啤) 其實唔係貴 但係自己覺得唔值。 如果帶客黎香港, 唔洗比錢嘅 當然ok 哈哈。 所以都會再幫襯

初次在北角與家人吃晚飯，打算找一家不錯的大牌檔嚐嚐，便在Openrice找到這家東寶小館。由於第一次來見到熟食中心只有此家人山人海，其餘店家只有小貓三兩隻，心想東寶應該還不錯吧？結果一開初家中的老人家已經被店員罵了，但是另一位店員叫我們站此登記，那位店員走過來，爸爸只是問了一句「唔該，係唔係要登記呀？」然後那位店員立刻很不耐煩煩又大聲吆喝，然後叫我們出去。可是這不是登記處嗎？為何飛未拿到手就要出去？爸爸是老好人，我們只好乖乖出去等。幸好有一位帶眼鏡的男店員很友善，這才讓我們心情好一點。然後望一望餐牌，發現一碟瑤柱蒸水蛋都要約130多元左右。再環顧四周，發現搭檯而坐的都是內地旅客。心想價錢應該是因為多遊客才那麼貴吧。我們抱著姑且一試的心態嚐一嚐。三人點了薑蔥蜆芥滑雞煲、蒸魚及豆豉鯪魚炒油麥菜。不嚐尤至可，一嚐便知中伏了。先就大牌檔常有之滑雞煲，汁與雞的咪是分開的，雞肉事先醃好，但略嫌過重，疑似想掩蓋雪雞的雪味。其餘兩味不過不失，性價比太差。在吃的時候，經常看見一男一女店員不停吆喝客人，完全沒有享受吃的感覺，草草吃完便埋單了。這是我最差的大牌檔體驗。