東昇樓海鮮酒家

營業中

休息中

本身店舖食品味道也不錯.燒鵝仲有啲柴香味,但可惜立亂收費,埋單時朋友check單,咁橋佢揀嘅其中一個餸記得幾多錢發覺收多咗十元八塊,咁就畀返張單叫佢跟返正啦.出去畀錢又發覺點解多咗十個巴仙收費嘅？佢就話是接座服務要收额外服務費,問佢為什麼訂枱同call車時不聲明,佢又話不是接座服務費用,其實是收加一服務費,既然是加一服務費甘算啦.照比．跟著我朋友出門口問一問剛剛畀完錢的顧客,原來個顧客話唔使加一㗎喎．咁我又返轉頭望下佢門口張纸.又真係寫住全日免收加一茶芥,甘我米同佢講你門口寫著全店免收加一茶介喎,個收銀又話是接坐服務費,咁究竟係接載服務費定加一服務費呀😂講嘢吞吞吐吐,一時又話乜都唔知乜都要打電話問老闆又話自己新嚟、間鋪我見到起碼有四五個員工．拗數呢啲問題斷估唔會搵個新嚟嘅坐鎮掛、既然錢到光棍手就一去無回頭、就打道回府返酒店啦、返到酒店再望下張單又發現海鮮三百幾蚊一斤嘅瀨尿蝦埋單變4百幾蚊斤,之前個小炒又寫大十元八塊,坐接載服務要收額外收費又唔出聲,老吾老實就大家自己判斷😏大家唔好問我點解自己唔問清楚睇清楚啲單先畀錢．總之你哋如果要幫襯就提點一下大家真係要問清楚、睇清楚．免得食餐飯就有啲

適逢又係爸爸生日，梗係揀間好味嘅中菜館嚟食啦，而呢間係正樓下夠方便夠近。喺正東涌嘅海鮮菜館點少得唔食海鮮呢，海鮮夠新鮮，味道適中唔會太鹹亦都唔會唔夠妹，啱晒一家大細去食！

每次去東涌吃飯，幾乎都是來這裡，差不多有十次。必點的包括燒鵝（住在深井的親戚說這裡的好味過深井的），皮脆肉滑，不是太油，鵝香濃郁，食過番尋味。另外必叫的還有魚湯魚肚浸勝瓜（清清地之選，食完好舒服，好味過魚腐浸勝瓜）、海三鮮蒸矮瓜（有咬口、超級鮮味）、蒜蓉粉絲鮮魷（蒜蓉粉絲本身無得輸，但魷魚非常可口鮮味，蒸比炸更食得出鮮味）、鯪魚粥（粥底又細又棉，難得的酒樓好粥）。不過！要數最驚為天人的一定是它的臘味煲仔飯，難能可貴之處是要老闆得閒親自下廚先有得食，大煲煲仔飯最為震撼，個煲大過兩個人頭，臘味的味道充分滲到飯裡，飯粒均勻，粒粒分明，不油不膩，要飯焦有飯焦，真的不得了，食完即刻暖笠笠。唔係賣廣告，純粹想推介啲菜式給大家。做街坊生意的餐廳，最值得支持 ：）唯一係比較多人，一定要訂位，盡快落單，要碗要熱茶等有時要自己黎，廁所不太乾淨。但為左食好野，仲要咁抵，也無所謂啦！

平時去東升樓就係食點心，今晚就唔同啲，因為老友升職請食飯，仲要話食海鮮，而且大家都係喺東涌長大，梗係揀啲又近又有新鮮海鮮食嘅餐廳啦！有人請食飯，餐牌都唔使睇，老細發板啦！新鮮海蝦，我未影相已經俾人夾晒，雖然佢白灼，但係真係好鮮甜，蝦肉又實又甜，啲蝦殼薄到咬爛晒就吞得👍🏻避風塘賴尿蝦！叫咗四隻一開二，炒到好香口而且仲好入味，送酒一流！瀨尿蝦肉質結實彈牙，啖啖肉鮮甜香口，配上惹味既鹹辣蒜香，味道層次豐富👍🏻👍🏻上湯勝瓜浸魚肚!勝瓜爽口又清甜，魚肚吸收上湯精華，咬落軟綿又鮮嫩，有湯又有餸，正！😋黑椒牛仔骨，又香又淋，不過都係鍾意食牛仔粒多啲，因為牛仔骨冇乜肉。燒鵝一隻，我想講呢隻燒鵝係我食過咁多間燒鵝最好食嘅燒鵝，外皮脆，咬落啲燒鵝又好似片皮鴨嗰啲燒鵝皮咁，啲油係個口到朗朗下，肉質實淨，最鍾意食胸口位置！不得了😍清蒸左條班仔，新鮮果然唔同啲，啲肉滑到係個口到亂咁游，精粹係個豉油度，是又要煮得靚先帶得出條魚嘅鮮味！蒸魚甜豉油係不可錯過嘅精髓，用嚟撈飯簡直冇得頂！

我們踩了自行車欣賞了風和日麗的海景後，一行五人到了這條村，叫左幾碟餸很豐富而且都很好吃！當中有蒸水蛋，椒鹽鮮魷，有菜，有避風塘炒蟹，有牛柳粒炒薯仔，有最靚既豬腩肉等。雖然都幾油下但係味道十足，足料又份量多，地道風味小菜性價比很高，下次到東涌踩單車再來吃過夠！

諗住佢有鋪頭會衛生啲,平日都叫開呢間外賣飯盒上星期五外賣跟餐支涼茶有隻大曱甴, 飲左一啖先見到, 喉嚨即刻腫左嚇都傻, 馬上早退去睇醫生食抗生素, 病左兩日今日同佢收番退錢仲要拖拖拉拉比佢鬧大佬我貪你一百幾十咩? $320醫生錢都無問你攞, 平時日日食開咁熟我已經無報食環無唱你, 收番退錢等自己心理好過啲咋煲個支涼茶入樽都搞都咁, 廚房有幾衛生真係不敢想像

東涌夜媽媽想食野真係選擇唔多，之前幫襯過兩次尼間夜茶質素都無今次咁差🤢🤢🤢非常之失望🤦🏽‍♀️🤦🏽‍♀️🤦🏽‍♀️我地今次係點左五樣野，首先講一講大家常叫既蝦餃燒賣，蝦餃皮一點煙韌都無燒賣皮又勁粉。再講蒸鳳爪好淡，淡到怪怪的🤨之後係皮蛋魚腩粥，唔知係米魚腩厚肉得制好似唔係好熟咁，咬落去口感麻麻😐最後既牛肉球不過不失。唔知係換左廚師定轉左手啦！？但都希望夜茶既質素有返d改善。謝謝～

本人是住東涌的，難得親友們進東涌想食海鮮，但我推薦的食市並未有為大家帶來驚喜，旁晚時分親友們突然說會到東涌和吃海鮮，我急忙打電話訂枱還點了出名的燒鵝一隻，7:30pm 親友們先到就叫了兩碟小炒邊吃邊等，到我到達時小炒隨即送到，可能是有點餓大家都覺得小炒不錯，接著我們到海鮮池點選了數樣海鮮，魚皇並沒有把海鮮進袋或放在裝載器皿只在單上邊點邊落單，回到坐位還點了小菜，十多樣的餸菜隨即上枱放在12人的枱上多壯觀，可惜出名的燒鵝姍姍來遲要侍應跟進了數次，燒鵝終於來了但這個熱力和這個質感告訴我是翻熱的😥很失望,而刺身象拔蚌多人都說很硬不爽脆猜測是不新鮮👎🏻，蝦醬炒鮮魷沒蝦醬味😑，而值得一讚的是酥炸筒蠔粉漿和蠔的結合不油不膩，其他小菜不過不失,反而小炒是最受大家歡迎🙄海鮮連小菜點了共16款菜式椒鹽做得不錯，建議點選海鮮時親自選擇/每款都叫職員用器皿裝起，不要讓食店自行安排。

東昇樓簡直是挑戰人類的極限，服務態度可說是今年吃過其中一間最差的。👎🏾雖然室內環境好像挺清幽，但是玻璃窗邊的座位其實溫度有點熱，內裏有不少懷舊的裝置或是擺設。門口就是一對木門，旁邊有一些好像舊式器皿，內裏有很多酒瓶塞。首先，內進之後，發現餐桌上面有不少上一手或者上兩手吃完剩下來的食物渣滓，👎🏾但是店員見你未落單，都不會將垃圾執好。第二，店員見你坐着想開口，但又會扮作非常忙碌，😾避免替你下單。但當你揚聲想下單的時候，只是查詢一下粥餐有什麼選擇，本身因為不太清楚其實粥的選項是單拼定還是雙拼，因此想叫個店員問一問，😾但是店員又叫你「你自己出去看餐牌」！👎🏾我一向也不算是喜歡搞事的人，因此，覺得去餐廳點餐，等15分鐘都算是正常，那它的粥10分鐘來到，都還可以接受。而河粉差不多等了20多分鐘，那就其實已經有點兒太久了。有杯話杯，但其實，這個粥質素不錯的，煮得夠綿，味道夠濃，即是豬潤只是薄薄的，但是都不會顯得又乾又鞋，粥內都有點生菜絲、有點薑絲、有點荵粒，質地夠厚身的粥，味道亦都不太淡。豉油王炒河粉，其實份量相當多，可能好似一些港式茶餐廳，或是連鎖餐廳的下午茶所提供的迷你版小炒一般，但當然，這個豉

今日公司請食飯, 中午來了這裡吃午餐我們一行三圍, 已經預先點了8個小菜餐廳環境:是一般舊式酒家的布局,不過很體貼,是室內有冷氣的。衛生情況不錯服務質素這點沒有太大評價, 基本服務是有的食物方面黑椒牛柳粒 - 這個大讚, 這個是最好味, 醬汁是有點蜜糖味的椒鹽豆腐 - 呢個水準好好, 份量亦都十足豬仔脾 - 醬汁的味道也有蜜糖的感覺, 燒得恰到好處炒飯 - 炒得較為一般另外我們還點了一個豆腐湯,宮保雞丁, 這些都是比較普通整體而言, 作為一間海鮮酒家, 價錢不算貴, 非常值得一試 

東昇夜茶終於加入左網上外賣平台 ，唔使出街都可以食到，一於試下。嗌左十個點心，到左先發現分左十個餐盒。為左分隔味道，係要分開餐盒，不過其實好多人都唔介意同類型既放埋一齊，下次我會打個remarks唔要咁多個盒，唔好咁浪費。味道係好好，黎到都仲好熱。會再幫襯

東涌這間東昇樓食咗十年八年， 偶然會有一碟半碟唔太好食， 好似今次咁全部都唔好食就真係第一次， 今日唔知廚房搞乜鬼， 大廚放咗假還是轉咗廚師就不得而知， 總之短期內一定唔會再去食!!來東涌活動後都愛在這裡吃晚餐, 貪佢地多鑊氣美食, 點知今晚咁失威。東星小炒王見碟野上枱都知出事啦， 睇樣完全冇鑊氣可言， 冇乜味又唔香!椒鹽鮮魷無乜椒鹽的鮮魷燒鵝皇燒鵝皮還可以， 有點微脆， 鵝肉差唔多咩位置都係嚡的， 仲要係淡茂茂同完全冇燒鵝嘅香味， 咁差勁嘅燒鵝真係第一次食。霸王雞燒鵝同霸王雞基本上次次食都會點， 之前的霸王雞又香又滑， 今次又唔香又唔滑， 又係差唔多全隻雞都嚡口， 連帶出霸王雞豉油汁都無乜味的, 自問不是愛好味濃的人, 但也不要寡口囉!其他菜色全部都一般般， 味道總是欠了一點點， 以我哋呢班活動完像生了大食積嘅人。。。。。 基本上叫幾多就清幾多， 今晚竟然食剩好多嘢。。。。。 燃燒鵝及雞都食唔曬, 只此這家!

地理位置有啲格攝，不過勝在餐廳菜式夠地道，夠鑊氣！海鮮係攤出黎又緊水嗰啲比你自己簡，揀完報價先落鑊炒俾你食，夠晒新鮮肥美，跟年仲推出左夜間茶座，夜晚都可以有茶飲，有點心食！燒賣大大粒，肉質實實淨好有咬口，春卷唔係普通茶樓嗰隻而係包多人幾層先再落鑊炸，裏面嘅羅伯絲同肉嘅比例啱啱好，蘿蔔糕金黃外脆內軟，香口好味，重點係餸菜大大碟，點心真材實料！前日落去仲多咗糖水選擇，點左個芋圓不過不失啦，喺東涌呢啲冇啖好食嘅地方呢間算係人間天堂。

馬灣涌村東昇樓，地道風味小菜。午餐43蚊包足料老火湯同埋餐茶！每日有起碼六款lunch set 選擇。日日唔同，今日食左最有特色既籠仔飯，荷葉托底，米飯粒粒分明，散出荷葉香氣。重點係啲肉片，惹味新鮮，啲肉汁精華上下由滲透入飯度，成籠野陣味超夾。可惜呀靚姐話籠仔飯無得少飯，份量超大！性價比極高呀！

作為東涌人，東昇樓係我由細食到大，細細個d家族聚會都係呢到搞，最出名既其中一樣就係燒腩仔。曾經有一段時間退步左好多，燒腩仔皮不再脆，但最近都回復水準了。東昇樓除左小菜海鮮好掂之外，午餐都好抵食！4x＄有湯有主食有飲品例如有時會有冬蔭功／海鮮湯麵，係真係有好多海鮮！湯底亦唔係味精湯。另一樣最好味既就係籠仔飯，有時有籠仔雞飯，籠仔排骨飯，籠仔豬頸肉飯。清香既荷葉令白飯沾滿香氣，但要早d黎呀，遲少少都會賣曬！食物質素係好，不過唯一要挑剔就係，呢到d女員工好惡，只係問d好正常既問題（唔該前唔該後），都好惡答你。我試過同唔同既人黎，都會有唔同既對待，例如同學生哥黎，態度係會差d，心情好時就會有禮貌d。明白飲食業忙碌起上黎好辛苦，但的確要改善一下服務。