東海堂 (已結業)

約左朋友出太子食飯，行經聯x廣場，心思思又想食蛋糕。行到過去見到一件西餅都幾成十廿蚊，諗住唔食之際。見到一個長型意大利芝士蛋糕都係50蚊，心動不如行動。今晚食完飯可以當係生日蛋糕同朋友一齊開心慶祝。其實我主要想讚下收銀姐姐，態度超好。因為朋友生日，問有無生日燭，佢俾。問有無匙羹，佢就問我要幾多，仲用個袋幫我入好👍平時有D問多兩句，都黑面，好欣賞您的服務。跟住俾收據時，話中左10蚊獎，又教我要上網輸入資料，入QR code，下次買野可以有10蚊優惠，真的多謝你。蛋糕雖然唔係傳統蛋糕樣，朋友都很喜歡，個蛋糕唔算甜，有蛋糕香軟，口感唔錯。$50真係超值。希望東海堂可以keep住有呢d平民蛋糕就好啦🎂🎂

話說2月係本小姐生日月一早叫左b先生一定要訂蛋糕俾我我覺自生日一定要有蛋糕左揀右揀 揀左東海堂呢個美人之豆乳148+10 （生日牌）好好食 清清地 好有layer 同埋最緊要係好輕盈食完罪惡感都少好多👍🏻

爸爸生日就預訂咗新出嘅九州日本草莓蛋糕賣相好靚草莓都好香食落去好甜中間有果凍口感特別豐富起碼唔係得個樣呢個好睇又好食啱晒做生日蛋糕重點重點草莓嚟自九州日本的值得推薦

今日係Daddy生日，本來係琴日慶祝的，但我大懵，訂左今日，令到唔同住的百忙家人要再返多屋企一次。行左幾間睇到好幾間連鎖麵包店都係以日本，英國等生果作蛋糕主題，我媽話daddy鍾意食栗子味，依個時間東海堂得兩款，所以就選左無咁多 moouse嗰個。個Cake size 五個人食剛剛好(其實八個人食細份啲都夠食)，蛋糕外貌亦可以。 "栗之天堂"個面有唧得好靚既忌廉，蛋糕面中間位有啲栗子蓉一行行咁排，三粒大栗子上面有少少金鉑。忌廉層内全部都係清蛋糕同忌廉，唔會有好多其他唔鍾意食既配料， 栗子蓉夠綿，唔算太甜，而且栗子蓉既份量都算多，大家食得好開心。其實栗子都幾討人喜心既～～～

這天下午在太子站附近補習📚📘，工作完畢就順道在附近逛街。😍😇在西洋菜南街那邊見到有間東海堂😮，想起之前也吃過這間連鎖店的蛋糕🍰🎂🍴，味道很好，決定要買一件1️⃣來當下午茶😛🤤。千挑萬選後，我選了有芒果鮮果在上面的那款蛋糕😋，因為突然間很想吃有芒果的食物🙈。先試芒果，嚐得出芒果很新鮮👍🏻，完全是剛剛切開的樣子，很好奇蛋糕師傅是怎樣為芒果保鮮的🤔。蛋糕部份一如既往的香軟，忌廉像棉花一般的質感，海綿部份很香🤗。就是這樣，我很滿足地吃完一頓下午茶😎。

未到中秋，已一個食完一盒雙式月餅。由於在mtr被洗腦，見到有綠茶就買黎食。入面共六隻好細，三個紫薯麻薯同三個綠茶紅豆，麻薯好甜，不過不失。綠茶無乜綠茶味，加上紅豆勁甜，真係好甜膩，估唔到咁細個都咁濟，分開左成個星期先食得曬囉。。還是細細個的不同口味冰皮好食，看食評後，倒對中村xx的月餅更有興趣，不竟才是專門綠茶店嘛。

突然想食栗子味的東西, 就來了東海堂買一件栗子撻回家試試都幾有驚喜, 本身都幾鍾意食栗子蓉, 呢個撻真係啱晒我, 因為真係有好多栗子蓉㗎~ 上面仲有原粒栗子, 食到個塔既CORE位置先有少少海綿蛋糕同埋少少cream, 海綿蛋糕都幾軟熟, 仲有個撻底同海綿蛋糕之間有層朱古力添~ (不過我就覺得有少少畫蛇添足, 冇朱古力的話味道應該會仲好). 而塊撻邊都幾香幾好味, 口感好鬆脆, 好似食緊曲奇咁下次一定會再encore! 

 沖繩黑糖包, 見個名字好吸引, 一試無妨顏色完全是黑糖的顏色, 究竟是做包者用料多, 還是別有方法? 包面有少量熟粉, 點綴都好好, 分量都幾大, 而且預切了一件件, 方便人食用及分享。入口都好香黑糖味, 麵包都好鬆軟, 提子夠水份, 不會過硬, 而且提子數量都不少, 但可惜是合核我食左一半個, 都未食得到一粒, 希望全留在另一邊...

東海堂已經成為同事們最基本的散水餅，由於午餐未落格，唔敢食得太heavy. 同同事一齊去拎餅,見芸芸餅海裡搵到一杯-芒果mousse，good整杯制作簡單，只得兩層，一層是極creamy的mousse，但無果肉的內涵，有芒果味，應該與平時的芒果mousse cake同出一轍面層有芒果肉配芒果醬，用少量啫喱水做定型，芒果仍然甜，果肉夠熟，少了生的爽口，多了熟的果香，不過不失

宇治抹茶の王將 $1987/10這蛋糕外表十分吸引, 只是味道未如預期。😞😞蛋糕看似層次感十足, 可惜每層的味道都不突出。🙈🙈抹茶慕絲的抹茶味和黑糖慕絲的黑糖味均偏淡, 似有似無😖, 但尚算幼滑。抹茶和竹炭海綿蛋糕綿密而不失鬆軟, 只是味道同樣不突出, 配上Q彈的抹茶寒天粒, 和鬆脆香口的朱古力脆層, 都彌補不了味道的落差。

兩年前同班朋友仔大出血去咗一趟肯雅旅行，今年暑假其中一對夫婦再次踏足，小弟呻窮就梗喺無跟住去啦，不過，睇佢哋嘅靚相就相當有興趣喇！所以，我哋幾家人又約埋出嚟聚一聚，食飯、傾偈、兼睇相，飯局嘅餸菜家家負責一、兩樣，小弟整咗盆大蝦芒果沙律，另加飯後甜點，而各人嘅準備都好豐富，包括：煙三文、風乾火腿配哈蜜瓜、腰果醬餅乾、烤雞鎚、燒羊架、鮮蝦蕃茄意大利粉，老友仲預備咗支白酒共酌，共渡一個愉快嘅晚上。甜點雖然喺由小弟負責，不過，都喺買現成貨，啱啱路過東海堂，被櫥窗嘅「真夏の果實」蛋糕系列所吸引，細細個，又幾像真，成個系列有5款：西瓜の情熱、巨峰の盛宴、極檸の味惑、赤莓の動心及蜜瓜の甘熟，小弟就覺得西瓜造型最可愛，維妙維肖好抵死，所以，就揀咗佢。西瓜の情熱 $118打開個包裝盒，朋友都覺得佢個樣夠得意，不過，啲西瓜紋喺印晌外圍嘅膠條上，拆咗張膠條，個蛋糕成個「斑蘭」樣咁，但就無乜味，只喺加入食用色素嘅海綿蛋糕。切開清晰可見個蛋糕分開多層，由上而下喺西瓜果凍、雲呢拿慕絲、海綿蛋糕、西瓜果肉、雲呢拿慕絲、杏仁蛋糕，當然，仲有少少幾粒朱古力脆珠扮西瓜核放上餅面。味道又如何，西瓜果凍做得幾清爽，而雲呢拿慕

慶生月, 喜歡紫色的便買來一個東海堂的巨峰蛋糕。外型真的很可愛，一個紫色波波的提子模樣。一切開, 中間的流心就忍不住要流出來了, 頓時變成了空心啊!! 這一點有待改良改良, 畢竟流心應該不只視覺享受的。流心是用了巨峰做的果汁, 有少許提子肉, 味道濃郁, 甜而帶酸。用了提子味做的慕絲, 也有巨峰的味道, 不過其實巨峰不是我愛的味道。口感還可以, 不算得上滑口, 但是也合格的。中間及最低層是朱古力蛋糕, 氣泡豐富所以出來蛋糕鬆軟。朱古力和提子, 也是很好的配搭。東海堂這次出了多款口味，而且蛋糕樣子可愛，的確吸引不少女孩子的喜愛。男士們, 識做吧!!

我呢個黑芝麻怪魔，有一日行行下肚餓，咁咪去買「竹炭芝麻卷」囉...點知...唉...好失望賣相的而且確係幾靚，但只有中間D cream有少少少少少少少少少少少少少少黑芝麻味，我諗黑色既蛋糕部分應該係竹炭，所以冇味，如果可以將D cream分勻一點，應該會好味好多!!!仲有一個咁既卷要$13...好貴囉...

十月二十六日 (星期五)今早，如昔，也沒有買早餐的打算出門前，慈母特然送上了這袋來自東海堂的東東眼看像長麵包，原來是蛋糕這蛋糕質地不算很軟綿，用手按下，也沒有回彈的感覺味道倒不錯，帶輕輕的牛油香，也帶點蛋香，不錯的最重要，是蛋糕還加入了媽媽的愛心

是日經過東海堂, 還記得筆者的sister讚這裡的芒果布丁不錯, 今次則買一個芒果布丁 (HK$18) 來試試.芒果布丁賣相不錯, 五分之二是深黃色的純芒果布丁, 餘下的五分之三是淡黃色的芒果混合了牛奶的布丁. 整個布丁夠冰凍, 入口也夠順滑. 上層的芒果布丁味道夠鮮甜, 下層另夾雜著用上3.6牛乳的味道, 真的不俗. 但價錢略嫌貴了一點.