東海酒家 (已結業)

同家人飲早茶，係一件常心樂事，傾下計，睇下報紙！講下現時既新聞！誰事誰非 ！又坐得舒舒服服！探早茶係中國人至喜歡架！東海酒樓原來對泡茶很注重又獨立包裝茶葉外，仲有用上等既茶葉。普洱茶味很濃！令人飲後，喉嚨很舒服，特别精神，又衛生！！仲有個皮蛋瘦肉粥，粥既味道很好！稀稠得宜！加送一碟油炸鬼，脆脆可口！最佳配搭！講起個鮮蝦菜苗餃，最值得一讚！皮薄軟滑，餡料十足！雖然不是游水蝦！但係大隻彈牙！皮內有大量豆苗！令餃非常豐富！

天氣實在太熱了，今晚決定外出用餐 ，一家人到附近的商場揾食吧。。可能時間尚早吧，經過東海時，發現不用等位，帶住小朋友的我，這是最吸引我入去的原因，另外恆生信用咭優惠的 $33 一款小菜仍然有做推廣，二話不說就行左入去啦！ 之前已試過了其中五款，今次點了覺得最好食的兩款 - 鎮江小排骨及紅燒雙菇，因為想試下其他小菜。 另外再叫左三款小菜，有四個餸：龍蝦孖寶的套餐，另外再附送四罐汽水 ，再加上每人一個白飯 ，食完都好飽呢！所以整體黎講。。都算抵食呀！

星期日因家人上了大陸，只好跟朋友兩人去將軍奧飲茶……其實這間東海我已去過10多次（因住在西貢）交通方便，每逢節日要做節，必定光顧它燒味部，雖然價錢略貴，但所有的燒味真是好食到不得了 ，節日時份要趁早買，不然下午可能售罄。講回飲茶，星期日等位既人多，但它地方算大，本來要等10幾張枱，但原來等5分鐘就有，非常好！下午茶點心，大、中、小點同價，好抵食，而且有質數，點了點心之餘，亦叫了碗叉燒飯，因夠新鮮熱辣，飯味十足，竟忘了影相；而點心點了：糯米包、鳳爪、芋角、腐皮卷、白菜餃:；本打算點甜品糖水（種類多），but太飽><

今晚一家四口外出用膳，因為平日嘅習慣，平時等好耐位嘅東海今日竟然吾洗排隊，所以直入去食了！先係嗌左呢碟茄子煲！上碟時勁熱，茄子吾會煮得太林，但略厭味道軟咸，但正好送飯一流。其次嗌左個炒蟹，這個味道還可。但蟹吾夠新鮮，冇咩鮮味，雖然蟹看看似大隻，但冇咩肉食，而且可能放係風口位？一陣就凍晒，可惜！之後嗌左個魚腐白菜煲，很好食！！個汁很鮮甜，令菜入晒味，而魚腐林身入晒湯汁，熱到出晒煙咁上碟，最正呢碟！最後碟雞就一般，大概係價錢平做緊promotion而嗌，雞有點瘦，冇咩特別，不過不失！整餐飯都可以，只係碟蟹有點搵笨，不過食飯至重要開心，同家人食咩都已經很滿足了！

適逢父親節,本想同父親大人飲個舒舒服服既下午茶,點知去到邊都鬼死甘多人,貢下貢下就比我見到呢間東海,見等位人唔多,所以就試下佢啦!等左大概5分鐘,接待小姐好有禮貌帶住我地入坐,本以為酒樓環境應該好嘈,點知都幾寧靜.入門口時,因為見到好多燒味掛左係到,所以叫點心時我們特意叫左紅燒乳鴿皇,另外叫左香滑麻蓉包,蟹皇燒賣,合桃义燒批,翡翠帶子腸,蔥花炸兩腸粉,泰式鳳爪.最受大家歡迎既,當然係紅燒乳鴿皇,翡翠帶子腸及泰式鳳爪,乳鴿即叫即整,熱辣辣之餘,仲唔會係番熱.翡翠帶子腸嗒嗒帶子,加埋醒胃泰式鳳爪,酸辣適中,連平日識飲識食既爸爸都比整體滿意分. 不過唯獨麻蓉包略欠油水函料較乾.

為咗唔想正日同人迫，而又臨迎父親節，不如提早慶晒佢啦~~~~又要食中菜啦，又要東九啦，又要唔駛等位啦，又要食好DD啦，算啦，我決定試呢間！有套餐，菜式啱食，就叫個4人餐啦燒味雙併冇得揀點併的……有驚喜，個叉燒熱辣辣，唔太乾身，入口鬆化，OK喎！個豉油雞就正常味道啦紅燒菜膽煲仔翅煲仔上好有懷舊風味喎............一開，嘩，好足料，熱騰騰，好味！食完個翅已經飽飽地喇，好重骨膠原啦古法蒸左口魚古法只係加左D肉絲冬菇絲喺面一齊蒸，魚都蒸得幾滑，幾新鮮，好快清碟~~濃湯浸時蔬清清地，菜好清甜，中和一下大家既味蕾，好fresh醬油脆皮雞(半隻)本身大家都飽，個雞嚟到既時候都感覺有D吃力。但係，一入口，嘩，塊皮真係好脆，連平時唔食雞皮既我都食晒，真係皮脆肉滑！跟餐甜品，有2款，紅豆沙/木瓜雪耳，每樣2碗啦好熱，好足料，唔太甜，OK今晚大家食得好滿足，個脆皮雞仲好有驚喜添~~~可以encore，下次再嚟試其他野

這家東海酒家最特別的地方為它讓食客選擇可不搭枱，使人坐得舒服，所以我想去光顧。這天，我跟母親點了兩碟雪山叉燒酥，一碟水晶包及一盅排骨飯。排骨飯表現中規中矩，但酥跟包則很好吃。叉燒酥外相非常漂亮，真的恍如一座雪山般潔白。酥皮鬆脆不在話下，其中叉燒肥瘦均勻，使人百吃不厭。水晶包方面，有蓮蓉和紅豆2種味，蓮蓉較甜，但2者的豆味都比較重，且皮較薄，若能每天以其作早餐，一生無憾矣

懶洋洋的星期六，梁老太罷工，一班小將就去了離家不遠，開業有一段時間但一直没有幫襯過的東海酒家。一坐落，侍應隨即送上一碟燒肉，鬆脆爽口，免費！J我們被『一掌定江山』吸引，決定一嚐，原來是猪手。經師傅的特別炮製，變得淋而不油膩，甘香滑口，梁老太牙齒不太好都食得津津有味，各位為食一族值得一試。還有一樣值得一提的是『晚市三寶』：芝士焗魚柳丶茄汁浸菜苗丶醬油雞，超．超．超好味，現在想起都流口水。最後的『楊枝甘露』甜品就有些失望，裡面的柚子肉不夠多。另：如有Citibank Card，一定要帶上啦！七折！超扺

突然好掛住東海既蛋黃壽包～特登去買返一盒返屋企食～價錢都唔平，都成20蚊一個不過係其他地方食唔到，都值既～賣相大大個非常可愛～每個入面都有一大個蛋黃～蛋黃重要流晒油～好靚～好香～蓮蓉甜度適中～壽包亦好鬆軟～雖然好肥，但一啖咬落去真係好好食呀～不過買包時，要我等咗接近半小時我唔需要翻熱，只需要係雪櫃拎出黎就得！服務態度唔多好！催咗兩次都無理我！

到了將軍澳後.選擇飲茶.就入了東海,服務沒有問題.有禮貌,開茶效率又高,但環境有點迫.被安排在一排2人枱中間和鄰座距離不足一手位..感覺不自在.蛋墶:不是酥皮.加上凍凍的,入口覺得皮似餅乾.蛋黃亦有點過甜.一般貸色.燒鵝瀨:下午茶只是32元,燒鵝肥油頗多,骨多肉少,皮黑色的,又不脆,也不香.肉亦欠決燒鵝的香味,瀨粉也大碗,湯亦熱.可能32元就是這樣.乳鴿36元:骨瘦如柴,肉很少,幸好不會過濃,肉亦甜,夠味...不用調味也行.只多了菜乾粥,下午茶已經85元位...真係貴夾唔好食......

今天難得星期日day off, 當然瞓到日上三竿才醒了, 我母親問我這個食家有什麼好地方介紹飲茶, 突然想起我們樓下新都城的東海酒家都未曾光顧, 之後去到酒樓門口已經有十幾人等下午茶,那時已經一點半, 正價時段已經冇得派籌了, 唯有等茶市飲茶, 點心價錢(星期六, 日及公眾假期)小點$16,中點$20, 大點$24, 頂點$29, 茶芥$8一位等了大約半小時,再約了我父親一起三人飲茶, 我們被安排坐包廂而且地方都好乾淨, 冷氣不會好凍又不會好熱溫度適中, 而且有個電視看, 一坐下來, 侍應們都有效率問我們飲什麼茶, 之後我們叫了一壺菊花及一壺鐵觀音, 點心選擇都不會太多,炒粉麵都要$68起, 價錢方面都不算便宜茶方面不會好突出, 味道都可以,點心種類方面下午茶當然不及正價時段食物多, 下午茶時沒有"雪山叉燒包"及"咖哩魷魚", 其實都有點失望,雞絲粉卷(中點)----- 粉卷皮不會好厚, 入口滑溜, 滿滿的雞肉與西芹及木耳混合,夾住木耳的爽口及粉皮的滑溜, 好有口感香煎蘿蔔糕(小點), 煎得不是太香脆, 而且一夾起就散, 餡料又少黃橋燒餅都熱騰騰, 散發啖啖芝麻香,制作精細,酥皮好鬆

呢間酒樓一向都有好多人等位, 可能係因為得2個人, 我地等左20分鐘左右就有位.　酒樓有電視睇，星期日的午間電影，　都會照播。就左一個燒味雙併米粉: 义燒只係有少少肥膏, 唔錯. 燒肉肥膏部份唔多, 燒肉皮都仲係脆的. 不過2款都有少少凍, 要浸返落D 米粉湯中, 先暖D.甜薄罉做到皮薄涵甜 : 外面係煙煙韌韌的, 內裏係白芝麻, 椰絲同糖之類.過橋燒餅：係一個焗得好脆的燒餅，內裏係類似蜜汁义燒的涵，　但同义燒包又唔一樣。燒賣同馬拉糕不過不失。

是日與媽媽一起到這裡飲茶，因為將軍澳好吃的酒樓不多，以往數次來這裡的飲茶也有好吃的點心，便一心與媽媽好好享受下午親子時段~ 由於其他人在等下午茶時段，我們決定不與眾人擠，不等下午茶，所以大約15分鐘便有位了~不過這張桌與另一張桌有點「姊妹桌」的感覺，因為兩桌差不多是貼著的！ 感覺有點怪怪的，相信是酒樓為求多點生意而變出來的技倆吧！灼油菜 - 媽媽選了唐生菜，菜灼的不錯，不會灼過火而變林，爽爽的不錯~鹽焗豬肚 - 我們也愛吃豬肚，但這個豬肚實在有點過咸，而豬肚也洗得不太乾淨，有陣陣怪味~韭菜鮮蝦腸粉 - 腸粉皮不夠滑，也不太容易找到韭菜的縱影，反而蝦是大隻而爽的~叉燒批 - 奉上時只是微暖，皮也林身了 上次吃的時候是新鮮熱烘烘的，而皮是脆的，所以很好吃，今次有點失望~杏香黃沙蝦丸 - 賣相很不錯，蝦丸中間是蛋黃沙，新鮮炸起，頗香的~龍蝦湯海鮮粒泡飯 - 浮面的該是炸脆了的脆米，但送過來的時候脆米已在湯飯中，吸了湯後全都林了，沒有原本應有的不同口感~ 但味道也不錯的~之前來的時候水準也是每次不同，其實不少次來吃食物也不錯的，要是水準能保持良好及穩定，相信能吸引更多客~

母親大人的生日正是佛誕日，一家人一起出外用餐來慶祝一下。對將軍澳來說，東海是一間都算新的酒家，也因它的名氣，所以都有不少人光顧。幸好可以訂座。先來一個南瓜魚湯，甜甜的很夠味。喜歡它的南瓜肉雖然是湯渣仍是十分可口。然後便到水晶雞，名副其實雞皮是很有光澤的，雖然雞味似是冰鮮雞，但配合薑蔥油就十分美滿了。另一味我們都十分喜愛的菜式是生炒骨，它做得很好的地方是料夠。最怕是吃到一些全口都是粉，只有一丁點肉的生炒骨。而它不但肉多，而且夠熱，是生炒骨應有的表現。好。再來龍蝦伊麵，簡單的說就是喜歡它的龍蝦味及伊麵的配合。很好。海鮮當然少不了，要了一味老虎斑。味道是不錯的，唯一不足的是魚肉頗痴骨，有點難處理。菜方面，選了兩款。第一個是蝦醬通菜。蝦醬味不會太濃以致太咸，菜也夠嫩，容易入口。另一款是支竹配竹笙，淡淡的味道，可以清一清味蕾以迎接往後的餸菜。最後，當然是這裡的經典名菜：壽包。大大個，蓮蓉夠甜外，最經典的絶對是它的原集蛋黃。它的油在包的外面也能清楚可見。P.S. 這一頓大家都食得很開心，最重要是母親大人也喜歡啦。

今天假期晚上與親友選了區內較高級(貴)的酒樓--東海海鮮酒家，副經理態度非常差 ，卻換來一肚氣！事源是「北京片皮鴨」！服務員片了皮後，鴨殼還有很多皮和肉，其中一位親友不想浪費，要求服務員把鴨殼打包拎走。服務員要求加錢。Menu沒有說明要額外收費，我們便叫經理解釋一下，他說是公司規矩。但Menu上寫明是每「隻」鴨計算的價錢，不是單單「鴨皮」價錢，如果不包鴨殼應清楚列明，以免誤導顧客。副經理說：我地一向都係咁，好少客人會「詐形」，這句話加上他不友善的語氣令我們非常不滿，他還說：咁你想點呀？ 最後經理論後，他親自到廚房把一袋鴨殼放枱上便轉身走了(當然態度非常差 )。大家都吃得不開心。所以我們己black list東海海鮮酒家，希望各位會員點「北京片皮鴨」要先問清楚。