東記上海麵

營業中

休息中

成日聽人介紹大埔墟街市東記嘅豬扒麵、雞翼麵，終於有機會試到喇❗️.雖然係買外賣，依然享受到脆卜卜嘅感覺，因為佢地好細心，將雞翼分開放，唔會放在湯度浸到淋晒！.雞翼真心正❗️炸到金金黃黃好靚仔，外皮酥脆，食落帶少少蒜香味，啱晒鍾意食香口嘢嘅朋友！脆皮內嘅雞肉嫩滑juicy，果然高質！份量方面有5隻大大隻嘅雞中翼，好抵食，唔怪得咁受歡迎啦👍🏼.米線就正正常常啦，好嘅係佢地放咗兩條菜，感覺上健康啲👍🏼而且食完唔會口渴，值得推介！

一直聽人講話大埔街市熟食檔有檔炸豬扒，雞亦好好味嘅麵檔，今日專登搭車入去食，雖然檔口外貌普通一般，我地分別點了一碗炸豬扒粗麵同一碗炸雞亦米線，未食之前望外觀好一般，但一食落去超得，果然名不虛傳👍👍，外皮好脆，裡面仍然好多汁超掂，味道一流，怪不得老遠都傳到區區知，真是震店之寶冇得輸，下次再入去再食先得

大埔街市熟食檔開返，見友人不停 post 喺 FB,咁就揾日早啲出動，順便睇吓新開返嘅熟食中心啦 😊8：30 左右去到都要等位，由於一張檯只可 2 個人，又要隔張檯先可以比人坐，安排上有點亂，等咗陣有位就坐。唔想食太多炸嘢，所以 2 個人叫咗碗淨雲吞同雪菜肉絲豬扒麵，雲吞皮薄有好多粒，好味道 👍👍 但炸豬扒應該係炸定嘅，食嗰時唔係熱辣辣 😑😑 雪菜肉絲帶啲甜味消返啲油膩感，麵條唔算多。熟食中心有 2 檔上海麵店電視雜誌都介紹過，味道可以，但以早餐嚟講由於食物不包餐飲，價格上有點偏貴，入開大埔不防一試 😝大埔熟食中心只要有幫襯就可以坐該檔嘅坐位，然後可以叫其他檔嘅飲品或食物架 😊

東記上海麵 (大埔)作為一個大埔人 就點都唔可以錯過食東記的炸豬扒雞翼粗麵✨炸豬扒好大塊 仲大過我塊面新鮮炸起 脆口豬扒肉都幾嫩 而且唔會乾 留住d水分肥豬糕都食唔到 已經切走咗啦 水準ok👍炸雞翼竟然比豬扒仲好食因為更能夠鎖住個肉汁黎炸一食落口 已經bid曬d水出黎 ✌️而上海粗麵呢 一上檯已經太淋啦 無咩咬口直情就係食緊烏冬👉👈菜好鮮甜 而大家叫黎碗麵的時候都可以選擇多一個配料 我地選擇咗 墨丸同菜肉雲吞水準就平凡咗dOverall係平 但未係其他人所講到咁驚人的水準啦🙎Overall🌟: $ 30 炸豬扒/雞翼麵+1配料 ( 7 /10)

假日出大埔踩單車，點都要補充一下體力先至出發。地理位置方便嘅大埔街市樓上，有一個熟食中心，最多人食嘅一定係呢間豬扒麵。平時好少可以係外面食到上海麵，呢度嘅麵質非常紮實，好有咬口。湯底方面就比較清，加上榨菜味道剛剛好。講到最出名嘅豬扒，佢醃得好入味，食起上嚟鬆軟，但仍然保持豬扒嘅質感，唔會醃得鬆過龍。而雞翼炸得恰到好處，表面香脆之餘，內裏保留肉汁，啖啖都好鮮嫩。唯一缺點就係，佢無得跟餐，飲品要同隔離單買，會比較貴。所以都係買定樽裝飲品去最抵！

黎到大埔 當然要去大埔墟街市-熟食中心到搵好野食～ 大埔豬扒上海麵好出名🤤🤤 星期六、日去勁多人 有時要等成半個鐘先有得食～ 但勝在即叫即炸 食物夠新鮮🤩 今日點左個豬扒雲吞上海麵 不過呢到就無餐 如果要飲品要過隔離果間店單點飲品 咁就比較貴 個所以我就只點左食物由於今日係平日 大約落order 後10分鐘就有得食 豬扒都算多 又厚 但唔會好硬咬唔到 即炸熱辣辣特別好味😋 而雲吞就有4粒 唔算大粒 入面有豬肉同菜 都唔錯 一個人食一碗都飽晒😆

唔熟大埔街市既我，入到去係奇怪點解兩間野個餐牌一樣，但兩間唔同名，咁食下咪知有乜唔同囉！👉🏻炸物份量多 4人4碟食唔晒👉🏻豬扒夠脆口，粉漿都OK，但係裏面太乾，無豬味（其實呢啲價位都唔期望有），基本上只係食到醃肉味，但有味道既～👉🏻雞翼內裏有肉汁，讚，但係雞翼並非我杯茶👉🏻麵條敗筆，太淋太霉，唔掂。寧願叫米線米粉之類👉🏻雪菜肉絲榨菜肉絲都OK，味道不錯。份量也多兩間都食過既我，終於可以總結一下喇！總結：豬扒：世記勝雞翼：東記勝麵：打和咁差

大埔工作數天，準備買外賣，同事介紹東記話好味，自認想做食家既我就試試佢。首先阿姐雖然忙到死，但係態度都可接受，而且做野好熟手有程序。炸醬豬扒上海麵（$38）外賣係街食上海麵，豬扒有好多塊，有肉汁唔鞋口，上海麵夠彈牙，炸醬味道惹味，湯頭好甜，整體味道唔錯，唔怪之咁旺場，有時間我會去再食多次。

作為一個九龍人，長途跋涉專誠去大埔梁九記買凍肉（不過而家已經唔算好抵買了），梗係早啲入去食大埔街市豬扒面喇。我地一行4人，原來阿媽係食開東記，我之前係食世記（最尾有東記vs世記比拼），橫掂未試過，咪食下東記囉。四人都叫雙拼，2份豬扒；2份雞翼，炸物係食唔晒既！豬扒炸得脆，味道都ok，但好乾。乾到份量雖然多，但食到尾係唔想食既，因為乾到𠝹口。粗麵太淋，有啲霉既感覺。雞翼，外脆內軟，味道也洽到好處雪菜肉絲及榨菜肉絲既份量都幾多。老實講，食世記係好耐之前，已經唔記得咩味道，所以當刻比較唔到。之但係第二小隊到達，我叫佢食世記，我又痴幾啖食下，就得出以下評分豬扒：世記勝 東記及世記同樣炸得脆口，但世記的豬扒內裡較有肉汁，味道又ok。當然唔可以同日式吉列豬扒比，唔好幻想會有好香豬味，脆口有肉汁已經好好，性價比高。麵：打和兩店的粗麵都煮得太淋，食落口一舊舊粉咁，食幼麵應該會好啲！雞翼：食雞翼就去東記都唔會差。筆者喺世記無叫雞翼，不能對比。但冬記記的雞翼是ok的。

野食正常態度差到無得再差鋪面呀姐黑口黑面 叫牛根無牛根 叫米線無米線 個態度好似我唔岩咁隔離個枱都食到一肚氣貼錢買難受就係咁好想唔食就走 不過已經叫左野食無辦法做唔到咁多枱就唔應該開咁多枱啦It was a horrible experience eating here. The woman at the counter was extremely impolite. I understand it was busy but the thing is that you have to provide reasonable service. You should cut down the table number if you don’t have enough manpower.

今日同同事黎食大埔墟街市既東記上海麵, 呢度豬扒出名當然要叫, 再配雲吞麵, 豬扒分開上,鬆軟, 感覺唔太乾,不過都唔算多肉汁, 雲吞都好足料, 豬肉同菜好入味。午市都幾full, 要食就可能要預早到了

日期：10月1日人數：3人大埔墟街市2樓係一個熟食中心，裡面有唔少熟食檔。當中最出名應該就係十字路口的豬扒麵。豬扒麵檔已經屹立喺熟食中心多年，一直都係最多人食嘅檔口。我都係同好多其他食客一樣，點左個雪菜肉絲豬扒粗麵。由於今日熟食中心入面好多人，所以我哋就坐咗喺好遠的一個檔口。幫我叫野嗰陣，檔口話因為今日人數眾多，可能要等半個鐘，結果等左15分鐘都有得食啦。豬扒依然好大塊，炸得香，但稍為過熟，骨亦較多。雪菜肉絲份量好多，非常多雪菜但係少肉絲。粗面質感中規中矩，有少少似食緊烏冬。整體份量非常大，但都係$38 ，算係幾抵食。炸雞翼睇落都好大隻，應該都幾好食，不妨一試。亦有一大盒豬扒/雞翼外賣，一盒都係$75 ，可以買盒返去加餸。

入到大埔就試一試佢啦!! 本身想叫炸醬豬扒面, 可惜我太遲去, 已經無晒 🤷🏼‍♂🤷🏼‍♂ 最後叫左竹筍肉絲炸豬扒面, 湯底比較淡, 粗面比教淋, 所以係無特別嘅😶😶 但係竹筍入口爽脆無渣🤤🤤 炸豬扒入口外脆內Juicy, 肉爽彈牙, 好好味 😎 但份量偏多, 下次可以叫少面🍻 但建議大家可以早d到, 點解呢? 因為牛腩呢d食材好快就會賣晒, 下次如果有機會我會試下牛腩炸豬扒面 同埋順帶一提, 野飲係另一間鋪頭到叫, 不過您一落粉面單, 另一位姐姐就會一齊走埋黎👍🏻

難得踏單車入到大埔，緊係要試下大埔街市入面最最最出名既炸豬扒面!記得一年前食過，當時2個人叫左一人一碗豬扒面，再加多碟炸雞翼，結果太多要外賣拎走番屋企食今次汲取教訓後，我地都係一人一碗炸豬扒面，無再額外叫多碟雞翼啦~~ 佢既炸豬扒依然keep到水準，個炸漿好鬆脆，豬扒超有肉味，側邊仲有少少肥膏，超正!!個上海面跟既醬都好惹味!如果佢開分店就好了聽聞大埔街市入面仲有多檔炸豬扒面，(好似又係咩兄弟拆夥，另起爐灶) 大家都可以試下比較下睇下邊間好味D! 溫馨提示，除非係係大食王，因為一碟炸豬扒再加埋個面食完己經好飽了! 佢豬扒份量好多架，唔使驚得好少

咁岩嚟到大埔搵朋友，朋友就帶左我去食好出名既豬扒麵😍豬扒麵位於大埔墟熟食中心入面，一睇就覺得好地道～我地係平日既中午去食，要等一陣位，見好多人麵食緊豬扒麵，心諗咁多人食應該真係好不錯🤤坐低即刻叫返個招牌既豬扒麵，再配菜用雲吞。豬扒同麵係分開上，咁樣既好處係避免豬扒比湯整淋。麵同豬扒既份量都好足，豬扒岩岩炸起，炸得金香，外皮脆口，入面就好juicy,唔會梅，好香口好好食，而麵入面又有雲吞又有菜，好有份量感🤤