東記潮州城粉麵 (已結業)

話説最近又去海濱花園揾男朋友 因為要早啲食飯嘅關係我地又未好肚餓 所以就去左係巴士站隔離嘅東記潮州城粉麵到食潮州野啦其實依啲小店先係我欣賞嘅店 因為佢地真係用心經營 而且好有人情味 我地只係叫左碗韮菜餃就已經知道小店嘅好 一碗$32 蚊 有六隻 而每一隻都好包滿 裏面好足料 佢啲豬肉都好實同彈牙! 自己包嘅係真係唔同啲 而佢湯底一啲都唔味精 淡淡的咸味加上好多嘅蔥 為碗淨餃帶出一點特別而事頭婆都好nice 成日都笑住幫我地落單好和藹可親加上佢嘅豆漿唔太甜 唔會飲完好口乾 個人認為熱嘅口飲啲 唔錯唔錯