松屋日本料理 (已結業)

一行六人步進店內店員很友善介紹新食物和飲品店內裝修和佈置一般，普通日式餐廳格局但松屋是我吃過的日式放題店中唯一一間有「任飲」一般日式放題只提供熱茶，而飲品則要另外付錢的而他們不提供熱茶，免費任飲多款飲品、罐裝汽水或維他盒裝蜂密綠茶等 簡單介紹幾款菜式 （膿味）燒蝦我想他們完全沒有放任何調味料，將整隻蝦放在火上燒一放進口內只有一陣燒膿了的炭味，蝦肉乾身完全無味 （厚粉）炸蠔其實也不用形容，看看相片也一清二楚炸粉的與蠔仔的比例竟然可以是（1 : 50） （勁羶）羊架一位朋友很喜歡吃羊肉，但那件羊架一放上檯陣陣羊羶味飄來，就連很喜歡吃羊肉的朋友都無法吃下 海鮮卷這個海鮮卷內裡很足料，上檯熱騰騰一口咬下，所有紅蘿白、沙拉汁、蟹柳絲都爆出來，味道不錯！ 芝麻炸雞翼炸雞翼也很少煮得不好吃，味道亦無甚特別不過很少會吃到雞全翼，喜歡吃雞翼尖的朋友不妨一試 雞骨腸這雞骨腸算是很特別的一款菜式我之前也未吃過，估計是混合雞肉和豬肉弄出來包著一條長長的雞骨，頗有心思！ 刺身刺身絕對是日式放題的重點菜式他們的刺身不是不新鮮，但確實欠了一點澤味道和肉質是可以的，沒有雪味，但就嫌他們每件都切得很小片每次至少夾兩

仲記得上年同屋企人食過松屋一直好掛住佢既即燒串燒今日小兔生日就BOOK左未去過既旺角店6-9PM 因為地點方便刺身全部都試過三文魚,吞拿魚, 立魚, 馬刀貝, 劍魚, 鮑片三文魚 叫左3round...第1round的最好 可能人比較少 如果大塊d會更好 幾新鮮吞拿魚 一般 係香港好像未食過好食既立魚,劍魚 一般馬刀貝, 鮑片 爽口!連細食既小兔都話正要叫多幾round!串燒試左9成我地count過食左4x 串!! (有個筒係檯擺"簽")小兔最鐘意 : 雞骨腸,蝦我就鐘意: 雞腎,牛舌,雞脾菇,脆玉瓜, 羊扒,,蝦, 芝麻雞翼小兔鐘意雞骨腸好多汁蝦...,蝦肉結實又大隻! 食左10隻!雞腎,牛舌...本身好鐘意食呢2樣野...燒完更好!雞腎爽,牛舌夠厚!雞脾菇,脆玉瓜...估唔到可以咁好食!脆玉瓜好甜!我食左5串羊扒...見到人話唔好 但我食又覺得好好wor!芝麻雞翼...好味! 有點特別是有白果,豬大腸小兔未食過白果...味淡豬大腸...一般...如果是脆邊的一定會更好試了人地推介既番薯...好乾..又硬- -''其他野食蝦天婦羅,炸蠔...炸粉太厚4款ice cream

同人慶生, 五條友2030嚟到。個場都full哂, 佢話宜家淨返張四人卡位問我地要唔要, 但真係好迫... 好彩睇緊時佢話後面仲有張, 係長椅, 咁我地梗係要呢張啦!壽司方面冇太多款揀... 馬都貝同鮑片爽爽地, 個人認為唔錯三文魚我地叫左30, 經理仲特登過嚟問我地係咪30, 佢落架喇咁話, 哈!燒物方面燒茄子都唔錯, 淡淡地味, 雞骨腸就咪叫喇.. 因為太淡..唔好食炸海鮮卷同炸腐皮卷都好正!! 脆之餘唔油羊扒較難咬開, 不過唔算太蘇味, 都幾好野飲有幾款揀, 款款都唔錯!雪糕方面有綠茶! 我地一拎個蛋糕入嚟佢地都好好話幫我擺入雪櫃, 最後仲俾哂啲碟, 义我地, 冇另外收費當日有十幾個中年男人嚟左, 因為佢地冇房, 所以啲醉漢狂叫, 真係超嘈... 好影響我地食野心情

果日三五知己收到風話旺角開左一間新的sushi店~ 我們一行人便去試菜~ 我們730 那一場都爆場,環境都ok ,我們一口氣叫了30 件三文魚, 魚的質素只可以算係普通, 第二round 我們叫了15件吞拿魚~ 經過上一次三文魚的食材, 我們評估出 , 今回的質素一定同三文魚差不多, 結果不出所料 , 肉質雖然淡紅, 但一入口即有點不新鮮...註: 部份第三round 我們開始放棄魚生, 改由熟食入手, 我們叫了炸蝦, 炸豪, 串燒雞 等....果然熟食的質素比較容易接受評價 :環境 : ★★★☆☆魚生: ★☆☆☆☆熟食: ★★★☆☆服務: ★★★★☆註 : 本人試了其他分店...只係旺角有問題...可能我黑仔 姐.....

大致上松屋無咩款可以選擇魚生,我覺得一般,太細舊,無咩鮮味無甜蝦刺身,迫住要叫甜蝦壽司無鰻魚壽司,迫住叫鰻魚手卷!!炸/燒雞翼好食,但食得多都膩~金菇肥牛都好食!!燒蝦,炒飯,烏冬都唔好食上菜超慢,等左好耐都無黎,以為無落單,再叫過點知一黎一次過黎哂d野,omg!!服務態度都好好,但唔太滿意半個鐘之前要人last order我都唔知d野會唔會黎齊,唔黎當然要再order同埋雪糕諗住臨走食,e家迫人早半個鐘叫但總括黎講我講得最大問題係d款太少

之前睇雜誌見佢賣廣告, 食10~12點只係HK$133/位好似唔錯~所以一早決定同朋友o係九龍灣睇完戲就過去食~一去到已經好多人等緊, 雖然已經book o左位;但係都要等一段時間先入到去坐低。我o地決定第一輪order每樣都試下, 如果好食o個o的就再order~最後我o地試o左 -啤酒　　　　　 <日本啤酒,食自助餐好少有>薑母茶三文魚刺身　　 <有Encore>吞拿魚刺身立魚刺身馬刀貝刺身　　 <有Encore>魷魚刺身劍魚刺身鮑片刺身金菇牛肉卷雞骨腸串燒　　 雞翼串燒　　　 <唔好食, 裡面無咩味>雞軟骨串燒　　 <有Encore>照燒雞串　　　 <太咸>雞腎串燒牛舌串燒　　　 <有Encore>雞脾菇串燒　　 <有Encore, 估唔到雞脾菇可以燒得咁好食>脆玉瓜串燒　　 <有Encore>白果串燒　　　 <苦o既>煙肉車厘茄串燒 <有Encore>豬大腸串燒　　 <有Encore>番薯

上星期四, 難得bf唔使返學, 就打算去MK食放題. 佢搵到呢間叫”松屋”既餐廳, 上網睇話新開, 野食OK, 而且裝修都幾好, 都值得一試.去到, 都OK啊, 裝修得靚靚仔仔咁, 但又唔係好標緻個D囉. 我都覺得D侍應幾好架, 叫佢又快手. 我地一去到, 好快就左野食, 佢都唔使一分鐘就有野上台啦! 嘩~ 難得咁快手喔. 雖然野食既種類係少左d因為我地2人台既關係, 張台好細, 好彩D侍應都醒水, 好快幫我地收左D碟, 唔係D野食都無位擺!因為佢係分時段既, 6點-8點收費$14X, 6點-9點又收費D咁. 咁我地諗住都唔會食咁耐架啦, 就同佢講會食到8點.點知佢神咁早7:30就話, 唔好意思啊, 我地半個鐘前就last order啊. 咁我地都無所謂, 咪叫多round, 食完咪走囉!我真係好想講一句: 搞錯!!!!! Last order 叫左既野係一野就上晒我都算啦, 大佬係都唔使咁準時, 一到8點即刻走黎叫人交台嘛?! 你都見我成台都係野食架! 你唔俾d時間人地點食啊? 真係即刻火都黎!!!仲要d雪糕叫左佢遲d先黎, 點知佢一黎就上雪糕, 我食得其他野黎, d雪糕都變水啦…

睇番d相先記得要補番寫食評~我地係睇到報紙話5:30-7:30最平先黎食~起初都有d擔心~因為search過旺角間松屋好似係新開~ 唔知會唔會水準無咁好~點知又唔錯~服務生會經常幫你執走d空碟~d野食都黎得幾快~環境又唔錯~仲有大玻璃看到天空~不過係走廊窄左d~食物方面~1. 第一時間點左刺身~當中以三文魚同魷魚最新鮮! 鮑魚片都唔錯~tuna就真係麻麻地~2. 前菜方面~佢個沙律又係好好食~ 有菜有生果~ 凍豆腐就一般唔特別~面鼓湯都係一般~3. 手卷其實唔係話唔好食, 不過我唔太鍾意佢張紫菜果種味同口感, 好似咬極都唔爛果種呢~唔知點形容~就連軟殼蟹都唔係好脆~所以都唔係特別推薦大家叫手卷~4.炸物方面反而好得! 特別係芝麻chincken wings~我地1人食左3隻先收手~好脆之餘又入味~天婦羅蝦, 吉列炸蠔同海鮮卷又係好好食! 對佢地d炸物好有信心!5.面就真係唔特別, 我地叫左個牛肉烏冬同豬骨面, 我無食豬骨面, 但個牛肉烏冬d烏冬真係好唔得~唔滑之餘仲好似食左舊粉咁~仲要好大bowl下~所以都唔推薦大家叫牛肉烏冬~同最好一個面2人share~如果唔係好快就會飽!6.串燒

見到食評而去試的, 刺身 : 新鮮好食, 尤其係馬刀貝(好爽)及吞拿魚(甜)串燒 : 太多好食, 例如, 羊扒(香, 唔"鬚"), 牛脷(Juicy), 蕃薯(香, 甜), 蝦(清新爽口), 翠玉瓜(好味), 雞脾菇(無菇臭味, 加埋d汁好夾), 照燒雞串(食得太多爽口嘢, 覺得佢有d淋, 但個味幾好).料理 : 如之前食評咁講, 炸芝麻雞翼及炸豆腐好食, 但係炸腐皮鳳尾蝦, 炸芝士海鮮卷, 以及天婦羅就麻麻嘞.手卷 : 牛油果軟殼蟹手卷無咗牛油果, 紫菜有聲, 但唔知點解都係un un 地. 飲品 : 選擇多, 就連係放題少有提供的日本啤酒都有, 而涷甘桔檸檬蜂蜜則按要求少甜奉上, 正. 雪糕 : 朱古力好食, 紅豆比較甜, 綠茶無綠茶味.值得讚 : 服務態度, 就算左問右問都好有禮貌. 時間到叫你走都好有禮貌. 食物上得快, 執碟亦執得好快.應該改 : 客人坐好後應該問客人飲什麼, 又應該要有熱既綠茶放order 紙上面. order 紙要放得好一些, 因為雪糕order 紙放係飲品order 紙後面, 而兩叠係一樣高及一樣色的, 好在隔離枱叫雪糕炸. 侍應要對食物有認識

一見廣告旺角開左新分店即刻上黎睇睇食評參考下食評全部都話保持到水準我地亦滿心期待咁入去因為要帶住BB...所以book位時一向都要求最少要有BB椅或者比卡位...聽電話ge人都好有禮貌問佢有無BB椅..佢話暫時未有...咁我話無BB椅一定要有卡位佢亦話咁早打黎BOOK一定可以留到卡位點知去到ge時候....居然比人帶左我地去一個死角位後話(一陣轉番檯比你)下??咁即係點ar??我要餓住等你唔知幾時有檯轉比我ar??野飲都唔知可唔可以叫....跟住搵個人黎問一問...再搵番頭sin帶我地入死角位ge先生黎..佢話大約等多幾個字左右(當時都係滿面笑容)不過...人餓起上黎...幾有笑容都假...況且當時話一定會有...我就不滿地同佢講問有無搞錯...當時話有...依家又要等幾個字...佢話我地可以叫住野食同野飲...有位時同我地轉番同埋張單打番個九折咁都ok la其實有無打九折係其次...當時餓到係...你唔打九折比我淨係比我叫住野食等我地都諗住算la咁都唔錯...起碼肯主動去減少我地ge勞氣不過我地畫左字唔夠三分鐘...就有人黎話有位比我地la...即刻走都走唔切地去住卡位但係...我地

7月10號我生日..所以一早訂左位同男友食飯男友之前同FD食過銅鑼灣既竹屋..讚口不絕見旺角都有...近近地咪去試下囉一坐低order左2杯野飲...係柑桔蜂蜜(好似係E個名)唔太甜..幾好牙第2杯黎既...太甜喇...好似飲緊甜水咁刺身:每樣都叫左D黎試下 晚飯都冇甜蝦刺身 三文魚都新鮮 吞拿魚都唔錯串燒: 都整得唔錯.. 墨魚丸好乾 翠玉瓜好正..燒起黎又唔會太乾...D鹽帶到本身既甜味出黎 燒雞髀菇：雞髀菇夠厚肉..但係就有d乾 不過雞串係凍既..炸物: 芝麻雞翼 yummy 炸餃子既皮太厚 包住炸蠔既係一層粉漿.. 炸芝士海鮮卷...D芝士去左邊壽司: 蛋都唔錯...不過舊飯有d硬 甜蝦壽司..d甜蝦唔甜...而且好似唔係咁新鮮 芒果炸蝦卷...叫左..但係冇黎到雪糕: 我要左個綠茶同紅豆... 綠茶雪糕食唔出係咩味 紅豆雪糕...有d紅豆係面 都係大亞果d好食d野食都算黎得快...book左a1時段...5:30pm-8:00pm$1

松屋尖沙咀老店雖然幫襯過幾次，但總係覺得唔太就腳。自從知道佢在旺角開分店之後，就心思思想來試試。終於呢日趁住週末放假，打定電話來訂位。五點半同老婆準時去到，只見店舖比老店光猛、闊落不少，裝修也企理乾淨。門外的叔叔問清楚有沒有訂位後，另一位侍應便帶我們到一張細枱坐下。可能因為是晚市第一輪（5:30-7:30）的關係吧，來光顧的客人不算很多，到我們差不多吃完的時候，才見座位接近坐滿。這裡除了環境好了之外，和老店最大的分別是沒有了「根本英俊」生和他的美極三文魚。不過其他食物的質素可是和老店分別不大，就是飲品沒有了紫蘇梅同四式雪糕只得紅豆、綠茶、芝麻同朱古力，沒有了最最好味的菠蘿味，是最令自己覺得遺憾的地方！兩公婆叫了幾輪食物：無論刺身、串燒、天婦羅、雪糕都叫了不少，大部分食物都有老店的水準，味道不太突出的，就不再說了，只談談那些較好味道和遜色點的食物吧！較好味道的：1）燒翠玉瓜：鮮甜多汁，好味道！2）燒雞髀菇：雞髀菇夠厚肉，加埋d醬汁，都好好味。3）什菜沙律：意外驚喜，本來對呢個菜無咩期望，只係想在食串燒之餘搵d菜食下，誰不知呢個沙律有蜜瓜、火龍果同提子，個沙律醬汁仲係芝麻醬，酸甜開胃又健康

旺角提供日式的飲食場所不少，單就西洋菜街已經超過10間以上，眾多食店普遍良莠不齊。今天路經西洋菜街，在兆萬中心地下敝見熟識的日式放題廣告，趨前一看果然真是松屋日本料理，她在旺角開分店落腳了。橫豎下午，於是打電話預訂5:30PM的歡樂時光。旺角松屋的營業時間是5:30PM至12:00PM，沒有午市，我是下午4時訂檯的，看來他們早已有人上班。往11樓的松屋，得先從地下搭自動電梯到3樓，再乘升降機便可到達。新店開張個多星期，松屋的木製巨型招牌還未掛在店門上，店內環境傢俱簇新裝潢雅緻，長廊式設計，共約有120個位子。我們安坐卡位，自己感覺有點狹窄，也許是肥胖的關係吧!...松屋一向提供簡而精的日式放題，依舊食品紙3大張、雪糕紙1小張及飲品紙1小張。我們本來叫了茶類凍飲的，服務生卻說沒有冰塊結果來了罐裝汽水。免費啤酒是罐裝Ashahi，不是Kirin Ichiban。今次我們所選食物不多：-麵豉湯----豆腐同海帶足料，嫌麵豉味道唔夠濃三文魚----唔錯，夠新鮮立魚，劍魚----算新鮮，尤其劍魚腩，食唔停咀馬刀貝、鮑片----爽口夾大件甜蝦壽司----啲甜蝦略淡，飯唔夠黏性八爪魚壽司----八爪

食開尖沙咀,昨晚同男友2個人行旺角唔知食乜好新發現這裡兆萬中心有間松屋,就試一試裝修得好靚.坐得好舒服有d特飲唔錯食物依舊同尖沙咀個間一樣--幾好刺身水準ok﹐三文魚都不俗仍然是串燒同天婦羅最好而蝦、南瓜天婦羅直情系黃牌必選。串燒一定要食羊﹐好多汁﹐雞翼都好但冬菰、笳子、番薯就唔惦 以百多塊的价錢任飲任吃O.K收貨囉這晚男友都很滿意這裏的食物及地方，話下次可以再來呀

今日係結婚週年紀念，諗住同老婆去旺角食餐飯慶祝，左行右行都未諗到食乜，點知發現兆萬中心樓上開咗間松屋既分店，咁就走上去試下喇～上去坐低發現環境原來都不錯，比起尖沙咀個間光猛ｄ舒服ｄ，我地兩個不停咁响度點ｄ野食，最好食既係佢既串燒，有燒雞翼、燒雞軟骨同埋燒脆玉瓜，用黎送清酒真係一流，我都忍唔住叫咗兩支。魚生反而唔係食咗太多，我真係黎親松屋都係食串燒，因為佢ｄ串燒真係有水準，下次都會考慮黎返旺角，始終交通都係方便ｄ。