松記糖水店 (已結業)

天氣咁凍 食完飯又心絲絲想食碗暇笠笠既糖水 所以order左2碗糖水叫熊貓送上黎屋企 我地分別叫左杏仁芝麻糊同花生栗米麥米 我地等左大概30分鐘左右 好彩糖水仲係好熱👍🏻本身我係好鍾意杏仁既味道 但今次唔想食得太膩 所以加埋芝麻mix即刻變得好香又滑溜 但我覺得有少少偏甜 兩者mix埋黎食原來咁夾 仲好養生養顏 正宗既黑白配 🖤🤍 花生栗米麥米方面 依款傳統港式糖水好小甜品店可以叫到啦 麥米的口感係有小小彈牙+小小煙韌 有口感😋花生煮得又淋又香 糖水唔會太甜 岩岩到位 食完暖身又暖胃 ✌🏻

嘩上次去食蛋白杏仁一pat野硬到咬唔開似係買剩野難食到唔怪得無咩客唉真想叫佢換左佢無下次佢D甜品又貴又細碟加個雪糕又话唔知要幾錢我有FD問佢有咩味雪糕又叫佢自己睇餐牌服務態度不太好

今晚去咗呢間名店食糖水，出名嘅原因我估係佢分店多，其實佢啲糖水嘅味道都係一般啦，今晚叫咗熱嘅芝麻糊同埋熱嘅腐竹糖水，另外因為想食湯圓所以叫咗個六寶湯圓，顧名思義即係有六個味道啦。芝麻糊同埋腐竹糖水正正常常啦，不過想讚一讚佢嘅六寶湯圓，六隻唔同嘅味分別有紫薯紫米、花生、紅豆、綠茶、奶黃同埋芝麻餡，紫薯紫米同埋綠茶湯丸嘅顏色都好靚，味道都唔錯，配埋薑湯一齊上，味道唔錯。如果大家想食湯圓又覺得食得晒嘅話就寧願獨立叫一碗，因為咁樣叫會抵好多。

乜大家食過硬嘅木槺布甸咩？佢竟然好意思話公司不嬲都係出硬嘅木槺布甸！係咪我對木槺布甸有乜錯誤理解？仲要一開始第一次問，個侍應叔叔話可能冬天個布甸先會硬咗，我就話 要佢硬起碼要低過零度啦，點會關冬唔冬天事，今日先15度，佢就改口話係個雪櫃可能壞咗。大佬你比得出咁樣嘅解釋即係你都認同木糠布丁唔應該係硬㗎啦，之後我再叫另外一個女人，佢就同我講公司不嬲都係出硬嘅木糠布甸！之後就同我講嗰個叔叔係新來嘅，就開始過去鬧佢，話佢新來唔好亂答。咁大佬你講一次就算啦，佢就係我食其他糖水嘅過程不斷重複 「你都傻傻哋雪到硬咗」，「你個腦就雪到硬咗」等等。我本身已經好唔gur,佢仲要咁樣好似比說話我聽咁，我想講唔係嗰個叔叔嘅問題囉，因為正常人對木糠布丁嘅理解都係軟滑嘅囉！超級難食我食咗一啖就唔想食啦，佢哋話冇得退換。咁最後我都照俾錢走咗，但以後都唔會再食呢間咁嘅糖水舖。我都做過飲食業，但我真係未見過咁樣打橫嚟講去處理事情。唔會再食呢一間野

松記嘅糖水/ 甜品一向都係多元化，選擇比較多，適合年青一輩或者老一輩都啱食，但我每次去到都係有選擇困難症😅芒果拿破崙 $40有時食芒果嘅甜品芒果會好酸，但呢度嘅芒果都幾甜，唔會酸👍👍拿破崙嘅酥皮都幾香幾鬆化😋宇治金時 其實都幾大杯，一個人都唔係咁容易食得晒，我外甥女最愛每次去到呢度，都係要揀呢個😂生磨芝麻糊 $16芝麻糊一上到枱都已經聞到幾香，屋企人食完都話唔錯。杏仁露 $16杏仁露一上到枱又係聞到好香，底下仲鋪咗一層已蒸熟咗嘅蛋白，味道都唔錯喎。

細細個已經好鍾意食松記嘅糖水，其實個款式你以前已經多咗，但外賣佢都比較夜，而家疫情關係就嗌外賣比較方便。之前通常帶一啲比較傳統嘅糖水例如楊枝甘露或者係芒果布甸，超級鍾意佢嘅芒果布甸，布甸整到好好食而且上面芒果超大件重甜但一直都好想叫嗰啲雪糕嘅甜品🍮，但又驚浴喎，但太想食嘅關係所以膽粗粗叫咗啦，送到之後犀利喎！竟然係冇用嘅個雪糕🍦，今次我叫咗嘅係榴槤班cake加雪糕相對性從佢嘅糖水外賣係真係比較耐嘅，大部份都安全地送到，係唯獨一次就倒瀉咗杯椰皇水，其他都好好，會繼續幫襯，由細識到大，有年青食到老

姐姐無端端問我哋食唔食糖水，做妹妹嘅梗係話食啦😆於是我地就喺foodpanda叫咗松記糖水店既外賣啦。今次我哋叫咗五樣嘢，分別係芋頭紫米露、兩碗芒果紫米露、楊枝甘露同埋糖不甩。佢啲糖水真係樣樣都好足料，滿滿一碗🥣🎈糖不甩佢嘅糖不甩湯圓好大粒，糖粉同花生都好多，湯圓煙煙韌韌好好咬，不過我都係鍾意地茂館既糖不甩多啲，因為佢有得再額外加糖粉同花生。🎈芋頭紫米露（加$8要多四粒芋圓）紫米非常多，加咗椰奶之後更香滑，有五塊芋頭，而且非常大舊，老實講，我冇諗過佢啲芋頭咁大舊，以為係細細粒嗰種，我食左一兩舊已經好飽，反而希望佢少啲芋頭多啲紫米，而芋圓佢俾咗八粒，但係佢既芋圓只可以話普普通通，唔太特別而我嘅屋企人就話楊枝甘露係一如以往嘅好食，芒果紫米露就普普通通。我覺得如果要外賣糖水嘅話，松記都係一個方便之選，不過芋頭紫米露我就真係未必再嗌啦😅

中式甜品最鍾意嘅係地茂館，而西式甜品最鍾意就係松記，佢個心太軟真係百吃不厭❤️🎈綠豆沙佢嘅綠豆沙會加埋海帶落去，綠豆煮得好綿，起晒沙，食落去口感好豐富🎈芒果拿破崙拿破崙有三大舊，非常鬆脆，配埋cream同埋芒果一齊食，真係絕配🎈心太軟佢嘅心太軟每一次都會係旁邊畫唔同嘅公仔，而且心太軟同埋雪糕上面都會加埋朱古力醬，鍾意食朱古力既人肯定鍾意一吉落去，蛋糕裏面嘅朱古力醬就會流出黎，朱古力味濃郁，可以加埋旁邊嘅朱古力脆脆一齊食，增添口感，心太軟同雪糕一冷一熱嘅配搭好完美💕

今日突然間想食糖水下午茶，就走咗落去樓下間松記糖水，見到冇咩人，可能因為6:00之後就要關門，我哋差唔多五點先去到，入到去基本上得一兩台客，人流唔多，相對都安心。我嗌左一個雜果幻彩明珠，同一個雷沙湯丸，雷沙湯丸會等得耐少少。啲雜果好好食，除咗個芒果勁酸，可能唔啱季節，跟住其他都係一向嘅水準👍🏻最鍾意食佢嘅大粒西米。雷沙湯丸整咗出嚟都好好味，個湯圓面都好滑溜，整體上都唔錯，係食嘅期間，都好多人嚟買外賣。

突然間好想吃芋圓 叫外賣 叫左薑湯芋圓地瓜圓同糖不甩不過完全冇霖到d糖水可以甘甜 好似糖唔洗錢甘地瓜圓完全冇地瓜味 d芋圓都係 一吃落就知摳左好多粉 d芋圓睇落透透地 就知冇乜料 糖不甩一樣好甜... 吃完覺得吃左好多糖 得個甜字 性價比真係好低 同之前吃過既芋圓差好遠 冇吃過甘難吃既芋圓 真心唔推薦 唔會再吃

今日喺將軍澳附近食完晚飯，同女朋友去左呢間松記糖水店。一坐底，我就叫左個榴連班戟配榴連雪糕，先評個班戟，榴槤蓉幾香幾甜，重榴連味，配埋d cream，幾好食，但個榴連雪糕真係敗筆，食落冇味，唔講真係唔知榴連雪糕。我女朋友就叫左個咖啡木糠布甸配Oreo雪糕，先講木糖布甸，不知所謂，雖重咖啡味，但硬冰冰，唔似布甸似石頭多d，但好彩個Oreo 雪糕好多，加返分。整體而言，位置ok，都分得夠開，但食物就中規中矩，服務似由老闆娘幫我食單都幾好禮貌，完。

飯後甜品時間～～懶人必點～「幻彩明珠」= 雜果撈一次過滿足幾個願望生果新鮮，又夠甜...明珠煙煙靱靱，有質感..另外涼粉都唔錯最後忌廉奶將整碗昇華！！未食過既朋友都唔好話去過松記。另外，我朋友點了薑汁蕃薯糖水，味道一般嗅到有薑味，但食唔到薑味

食完飯就要食糖水，呢個喺我同朋友嘅默契（哈哈）喺將軍澳食完飯一定要來松記啦，一人點一個炫彩明珠，一碗滿足幾個願望。炫彩明珠裏邊有勁多生果!新鮮西瓜，奇異果，蜜瓜，草莓咩都有。裏邊仲有好多涼粉，珠仔（口感好正），總之美味又抵食。

經過寶琳，當然要來松記吃碗糖水吧～下面呢個好似叫彩虹珍珠，唔係好記得甜品名佢有涼粉、水果、西米、花奶，食落涼涼地，唔係非常冰凍既甜品，呢個溫度感覺好好因為天氣熱，但又唔想食太冰凍既野，點呢道甜品岩岩好水果很甜，味道一點也不酸，配上涼粉和花奶味道很好之後呢個係腐竹雞蛋加湯圓湯圓有好多不同味道選擇，有六款我哋揀咗芝麻和奶黃味第一次食奶黃味嘅湯圓，味道一般，都係芝麻味最好味腐竹雞蛋糖水甜度適中，腐竹已經用溶喺碗糖水，唔會食到一片片嘅腐竹，整體來講味道唔錯

食完飯走來屋企附近新都城松記食番個甜品，天氣近來都一時冷一時熱，都有點咳咳，不如點了個海底椰紫米露$29，熱辣辣的紫米露灑上豐富的椰漿及一片片新鮮的海底椰，爽口海底椰片加上粒粒的紫米，吃起來有嚼感又不會太甜，有陣陣的椰香，幾好吃😙最想吃都是芒果拿破崙$42,製作需時等了15分鐘，一共三大件真是超豐富，每件都添上了鮮忌廉及芒果粒，再配上大量芒果汁，吃愛吃芒果的愛好者不容錯過，酥皮脆口鬆化，好有水準