松記糖水店 (已結業)

今日突然間想食糖水下午茶，就走咗落去樓下間松記糖水，見到冇咩人，可能因為6:00之後就要關門，我哋差唔多五點先去到，入到去基本上得一兩台客，人流唔多，相對都安心。我嗌左一個雜果幻彩明珠，同一個雷沙湯丸，雷沙湯丸會等得耐少少。啲雜果好好食，除咗個芒果勁酸，可能唔啱季節，跟住其他都係一向嘅水準👍🏻最鍾意食佢嘅大粒西米。雷沙湯丸整咗出嚟都好好味，個湯圓面都好滑溜，整體上都唔錯，係食嘅期間，都好多人嚟買外賣。