松記糖水店 (已結業)

入口即溶的棉棉冰, 雙併自由揀味, 我揀左最愛既芒果味+益力多味, 再有自選兩款材料伴碟,左邊係益力多爆珠,右邊係3Q,類似涼粉既口感 最後再揀左朱古力醬, 成份甜品都係自選, 太多選擇比自己佩搭喇!!! 棉棉冰層次分明, 配上朱古力醬, 入口冰凍溶化而甜, 加上益力多爆珠, 入口咬爆後, 口中更增添益力多味, 3Q再增加口感, 真係爽啊!!!

今日路過松記,突然想食返個靚甜品來消暑。我一個人食比較方便及容易找到位置。幻彩明珠是我最鍾意食的,有大粒的真珠煙煙韌韌好有咬口,有好多不同與又新鮮生果,西瓜,哈蜜瓜,蜜瓜,芒果,仲有細細粒的西米同切到大大粒的涼粉,在面上加了一些花奶及芒果汁,一碗只是二十幾蚊十分低食,分量又多。 路過不防停一停食一下啦~~

飯後當然是糖水時間，甫入松記，在選擇點什麼時，店員前來介紹一個新甜品芒果樂園，而此甜品亦尚未推出，但現試推叫食客給予意見。望望相亦吸引，反正暫未想到吃什麼，不妨試一下吧。芒果樂園內有小丸子、芒果肉粒、OREO脆脆及芒果雪糕等，先吃上層芒果雪糕，清新濃郁，不過朱古力醬太多，偏甜。當吸啜芒果汁時，連同OREO脆脆，味道好特別，但較失色的是芒果粒太大，多次塞住飲管。整體味道好獨特，如加以改良更好。

同朋友慶祝生日 點左三樣 三個人SHARE 食第一樣係最出名的木槺布甸之前食過 好好食呀 有D咖啡粉 中間係D CREAM  但係硬左少少 好難切得再細舊D= =第二樣係恐怖黑珍珠 唔好意思 只可以咁樣黎形容佢 樣已經... 味道都...仲要有D 酸酸地 第三樣係心太軟 心太軟 雪糕揀左曲奇味 切開個心太軟 哇 D 朱古力SAUCE 流出黎 SAUCE 加個CAKE 的配合 無得頂 個CAKE 好鬆軟呀!!下次黎如果唔使介口 會再點 

係上面新都城食完晚餐 睇完戲又想食糖水見到有松記同小方糖係小方糖係屋企附近食過麻麻所以揀左松記其實我就鐘意D 懷舊既甜品可能因為咁所以我揀左松記其實入到去唔算多人仲有好多位可以坐但原來松記都有好多新式甜品例如咖啡雪糕等不過我都係想食芝麻糊個類多D佢呢度有個特色係可以兩溝例如芝麻糊加杏仁糊咁都覺幾新奇既 可以芝麻糊加其他糊但黑白雙溝感覺應該好怪 我無試到我叫番芝麻糊呢D傳統野等左一陣 就有得食啦芝麻糊夠熱 夠漿 芝麻味都香 而且好大碗一路食野一路同侍應傾計 傾傾下就食曬開開心心咁走左仲有就係 走個時先發覺 原來隔泥小方糖成十幾人排隊但忽略左隔泥個間都好好食

觀塘行完街，想食甜品，之後上左openrice睇下將軍澳有咩甜品，之後就搵到呢間甜品鋪，之後去到因為兩個人，所以好快就有位啦。我地叫左個湯丸，大菜糕，哈密瓜流璃            由於我無食到湯丸，所以對於湯丸無意見大菜糕好爽，同埋d奶好香哈密瓜流璃就有加埋曲奇雪糕，個味好襯

將軍澳有幾間糖水，我首選一定係依間，因為我至愛佢地架summer ,任選雪糕一定係朱古力同曲奇，鐘意佢加上香甜架笀果汁，加上大豆米，好有口感，再加上脆脆的朱古力威化條，一流，夏天悶熱架天氣冇哂，環境寬闊，好比深水捗架分開，唔會話一食完即刻收嘢，抹台好似趕你走咁！

最近去糖水店通常都食涼粉，生果涼粉屬於低卡路里晚選擇，多食也唔怕吧，松記的涼粉屬於大塊形，亦不會過苦(有d糖水店既涼粉會比較苦)哈蜜瓜亦很鮮甜。朋友則食榴槤班戟，我本人對榴槤沒有好感就不置評了。只見朋友食得津津有味，我也買了外賣孝敬媽媽，見媽媽也不斷讚好，便知應該不錯吧。叫外賣時怕朋友車會好勁榴槤味，也要求店員幫忙加保鮮紙，店員也很樂意幫忙，真的很友善！！！

親戚推介飯後甜品到松記，松記的分店頗多，所以之前都跟朋友吃過數次。進店時還是八時多，客人不算多，我們一律點了熱的中式甜品。今天已經吃了很多，事實上我也沒有再吃甜品的意欲，所以跟妹妹一起點了鮮奶燉蛋，免得敏感的胃子吃不消。鮮奶燉蛋很幼滑，不錯。親戚們點了合桃露、芝麻糊配豆腐花、芝麻糊及薑汁撞奶，又點了擂沙湯圓一起吃。其中一位親戚自嘲說，「看我們點的甜品便暴露了年齡」，雖然我和妹妹跟長輩們都有一段年齡的距離，但有時吃吃熱的甜品也很不錯呢！雖然知道這裡的甜品一定是叮完翻熱，但每聽到那叮一聲，然後店員立刻送過來，那種感覺果然怪怪的。

因為在家附近甜品店只有兩家，一家有"糖加水"的糖水，另外就是松記。松記出名是清新淡口，不會用砂糖的死甜去蓋著不到家的功夫。每星期總會有個晚上到來，為的就是跟家人於飯後加上完滿。這次，難得星期六有假期，相約朋友享受下午甜美。我不太好中式糖水，一般都是點綿綿冰，就算冬天再冷也都是它。豆腐綿綿冰的滑度不在講，豆味重不太甜，更能滿足本人。另外還可以附上兩種現料，自己選多是大西米及 紅豆/ QQ果。會煮的人都應該知道 西米不易控制，特別是大西米。店家卻沒有把質地煮爛，有留住彈牙特點。紅豆是原粒，不是甜膩溶爛的豆泥，很結實卻不生，做到少許起沙感覺。朋友點了大家都沒試過的檸檬馬啼露在沒有破壞檸檬之前，只吃馬啼露都不會有 "死糖味道"。稠密水狀又有大片馬啼，很脆口平衡。加入檸檬汁後，那種果酸，更能突出糖水十分清甜。

寶琳分店開左咁耐，次次路經都咁多人，今次專登早Ｄ，八點幾就過去。。入去嘅時候全店得兩台人，叫左一個芝麻糊豆腐花，一個雷沙湯圓。個雷沙湯圓黎得比預期快，第一眼睇見Ｄ"沙"實在少得可憐！再試埋個湯圓，味道無問題的，但湯圓個餡只係暖暖地。。以前在其他分店食過，剛煮好的雷沙湯圓係辣口的。。非繁忙時間Ｄ湯圓都煮得熱唔透，真係講唔通。。。。圖：元朗店(上) vs 寶琳店(下)

原本同朋友去食聰嫂糖水，但朋友話松記坐得舒服啲。即刻中伏！ 個楊枝金露完全無芒果汁，咁我舉手叫侍應啦，點知啲侍應十問九吾應不特止，我叫佢俾多啲芒果汁姐，又話規定左？下，我都未食過無芒果汁既楊枝金露，仲難食到想嘔，以後吾洗旨意我地會再幫襯！

同老公同佢D親戚屋企人食完晚飯,就搭車黎食個糖水本身見到門口有人企係到以為要等位,但岩岩有位WOR,咁就即刻入去啦,唔使等位真係好喇入到去其實唔洗睇餐牌就開始叫喇,老公叫左一個幻彩明珠,我就要SUMMERD野食好快就黎到啦,初初重以為唔係我地既TIM,我一見到我個SUMMER就即刻哇左一下,點解個SUMMER細個左咁多既?之後老公話佢換左個兜姐,其實都一樣嫁,但我望住個SUMMER好想食個欲望即刻冇左,同埋唔記得叫佢幫我走個芒果汁....我叫左朱古力同曲奇雪糕,個雪糕好好味喔,重有個朱古力脆脆棒都係,而且係用新鮮生果唔係用D浸過糖水既,幻彩明珠呢,就比起總店失色,都冇D細細粒既蘭香子,得D大大粒既西米....同埋D奶真係好唔同...都係總店好食D!!!!

心血來潮跟太太食糖水，由於天氣關係，沒有去聰嫂，感覺聰嫂的招牌糖水如薑汁芒果豆腐花和龍眼冰都是夏天吃會開心一點的糖水。來到新開張不久的松記糖水，跟想像一樣，人不少，要等位，還好等了二十分鐘左右便有位。本來站在門口時已經揀定了它們推介的檸檬馬蹄露，誰知侍應說已售罊，唯有選過第二樣，最後我們點了“哈囉”和“幻彩明珠”。先講幻彩明珠，說白了是雜果加上了涼粉和大珍珠，這裏的甜品似乎都會加花奶和芒果汁，不過侍應們在下單時都會問一問客人要不要。這個幻彩明珠味道不錯，如果夏天食的話應該更適合。再講哈囉，這個哈囉是一個甜品大雜會，甚麼都有，底是咋喳，面有一點黑涼粉，一點白涼粉，一件豆腐花，一件芋頭，然後又是花奶芒汁。結果？味道很不錯！我很喜歡這個哈囉，豆們的味道跟芒汁和涼粉意外的夾！推介！

晚飯過後的甜品對很多人來說都很重要，而近來身體抱恙，所以要了一個較正氣的甜品：合桃露外型是正常見慣的那款，但味道就差了一點。首先是太甜，因為身體狀態一般，所以覺得吃得有點「吃力」。而另一個問題是吃不出有合桃味，相信是因為太甜了。