松記糖水店

營業中

休息中

真好運，一到即有二人位三色涼粉除了傳統的黑色涼粉，另外兩種是白色及透明的透明無咩味道，但唔知點解食白色涼粉會食到香蕉味，真新奇所有涼粉都爽口挺身，合我口味芒果滑冰每逢天氣熱，就會想到松記既芒果滑冰一呷，冰凍感傳到全身相比其他連鎖式甜品店，松記絕對係超值兼款式多多，最好快d係港島開多幾間，咁就多個好選擇食糖水!

個標題.係廢話..神做得做奇妙的事.就係人間很難搵一樣東西完全相同.套用於食店就算食物完全相同...主理人.服務生..間店面積肯定不同,這是不爭的事實...b]服務:松記我只試過元朗分店,元朗的服務生.主動.有禮.斯文.什至會清楚介紹食物..這裏我未入門口前,見到一大班員工.吸煙.我不是說吸煙就是壞人.但印象分減了很多.事實上我入去之後三吹四請先搵到人落單...環境：的枱放得唔好..中間個排枱..勁似圖書館.好迫,的二人枱又勁細食物:芒果雪榚紅豆冰18元.元朗間松記冰多.紅豆挺身..椰汁味勁重.呢間少冰.反而無左椰汁味,而芒果雪榚無冰粒夾住...好快溶左...擂沙湯丸:12元我記得個湯丸要好熱咁擂沙,點會凍...幸好不是太甜.而個皮好咬口...不過呢個食物不是 松記所長.不叫也罷松記的確有實力,元朗店敢在偏僻地方開.荃灣店成條街有大量甜品店,得佢一間人客有8成滿,不過又是間間質素.品質,服務都不同...坦白講我對呢間店不滿,有機會去總店食..如果係呢個質素.就值喊面....

是日食第2次糖水~松記糖水係食開既糖水店~荃灣分店好多人等位~不過2個人就易有位d~我食芒果黑珍珠~芒果好甜!!正!!男友飲西瓜滑冰~大大杯~好鮮甜..

呢晚真係幾好，同幾個朋友落左黎呢度食甜品。雖然係星期五晚，不過又好好彩地搵到位。跟住我地一人叫甜品黎食，真係好正。芒果pancake真係唔錯，雖然唔係太大舊。但裡面既芒果份量算幼多，真係落足料架。而且個皮又唔算太厚，整體既份量同配搭都唔錯。而且忌廉既份量適中，唔錯。奶皇湯圓另一個好食既甜品，湯圓都算大粒。而且皮薄，奶皇既味道唔算太甜。整體上都ok既。朱古力綿綿冰另一個fd叫既，呢個都唔錯。朱古力味好重，食落又幾得意。呢晚真係好開心，可以同班fd吹下水，傾下計又過左一個美好既晚上。

剛剛行過門口, 諗起上次同0的friend食完好好味,自己一個人就入0左去,叫0左個楊枝甘露。楊枝甘露芒果甜,汁好味,西米彈牙, very good。

第一次去呢間松記食...就係有次無意係"開飯喇 open rice"度發現係tw有咁好味,專攻糖水的shop/3\今日我地專登搭車去tw食,諗住晏就3點半食tea,行到去以為會有好多人排隊...誰不知,唔係好多人,最興幸唔需要等位...哈!!坐埋位後,我地即刻叫左個幻彩明珠同綿綿冰首先講個幻彩明珠,好似有5種生果:芒果,西瓜,奇異果,哈密瓜,木瓜芒果同西瓜都好甜個底有涼粉,仲有黑珍珠,大大粒明珠,面頭淋左d芒果汁...明珠好好好好好好好好好好x1000000煙癮,讚!!!!個綿綿冰諗住要個雙色,不過價錢就要$32,有d貴,所以最後選擇了單色,價錢就$28.都係有d貴,(記得有次係葵廣新開間專食綿綿冰的店,只需要$18,19就可以有碟好夠料的綿綿冰,不過而家間野就執左lu~)個綿綿冰好快就黎到,芒果綿綿冰淋上strawberry汁,再另+了3Qx果同oreo碎,個綿綿冰食到芒果味,不過就係太甜,好似食緊d冰咁~好硬!!!硬都好ge,唔會好快溶...d服務就好掂!!見人食完就收碟,而且又知道有兩人堂食,膠匙都有2隻!!!

@第二個網頁寫呢個豆腐冰既食評既時候，已經有同區街坊話可唔可以少人d。第一次食既時候，係寒姊推介既Summer，其實廿蚊兩球雪糕+生果都OK既，但係我鍾意既係佢既豆腐冰（有豆漿味，個人鍾意加花生碎既口感、Oreo既朱古力同埋焦糖帶起既甜味)，仲有芒果世界既新鮮富芒果味，有少少香蕉味香油同雲呢拿既白涼粉=)最可惜我叫親既多數都要堂食先得><"閒日六七點去食可能會好d既@@"

雖然TW的松記已經開左好耐.但每次夜晚經過佢既門口..都好5耐煩地轉食隔離果D糖水鋪,,...因為松記實在太多.太多人了...如果平時一大班朋友(10個人倒)食松記既話.真係5知要等到幾時先有位= =而今次,因為得3個人,,,相信5洗等咁耐.所以就決定試試TW的松記啦!長沙灣的松記經常食,但TW的都係第1次.曾經聽過朋友講,TW的無長沙灣的咁好味.但當日我食左SUMMER,朋友食左上圖果個5知乜乜.3人都覺我同長沙灣差不多,一樣咁好味=)味道雖好.但如果可以地方大D就好啦,5洗咁逼,舒服D嘛,..有機會會再來試試

食完晚飯, 諗住坐車出來路德圍WELLCOM 雪糕, 連ICE BAG 都已經準備好. 点知行到恆生提款機前, 想起了松記的"SUMMER". 問下亞仔去食雪糕LOR, 好呀!同亞仔2仔食一碗SUMMER, 要了CHOLOCAT 和 尖糜雪糕, 亞仔用朱古力條点雪糕食好開心. 食食吓, 亞仔話"可尿"甘同佢去廁所先. 見到好多人同小朋友來食. 我仔仔AGE 2 & 8MTHS. 今次是佢第一次食雪糕食到話唔食. 因為份量都好多下.估唔到, 亞仔連 大大粒明珠(大粒西米) 都鐘意食PS : 埋單時, 唔見左張單, 以為唔見左吹左去. 因為同亞仔行開左去廁所. 佢地不停甘叫我找清楚D, 所有衫褲袋都找不到. LAST 竟然係ICE BAG 找到. 無影到相

松記間唔中都有幫襯的. 深水埗 , 佐敦的都有去.但黎荃灣哩間就較多, 因為男朋友住荃灣.一直以來都覺得哩間糖水鋪味道各樣算是不過不失, 所以一直都有幫襯, 但經過尋日之後就唔會再黎喇.尋日兩個人order得一個白色世界, 配料有香蕉, 大粒西米, 同白色形態似涼粉ge東東. 其實每一次都係因為哩個似白色涼粉ge東東先黎幫襯, 因為幾中意佢有一陣好似鳳仙雪條外面果層黃色皮ge味道.但今日呢d 東東係完全無味, 而且個甜品雖然已加奶, 但第一啖已經食唔到有奶味.成碗野可以話係無味可言. 香蕉又唔香, 大粒西米更加唔會有味啦.食到一半, 已經係晒水, 咁你就知碗野有幾淡.仲要中途個伙記叫多2個人坐落黎, share 唔係問題, 問題係間鋪起碼仲有兩, 三張枱係完全無人坐, 但佢竟然安排多兩人坐落黎. 之前一路哩間鋪服務都唔係好, 但今次煩到係自己, 所以唔會再黎喇, 又唔係得你一間.

聽朋友說食物係退步~早有聽過松記大名,但好失望六寶湯丸~D薑湯淡如水~湯丸皮好厚喳咋~ok~我只係嚐左一口,唔係好試好個味道第1次朋友介紹..結果..唉~大失望媽咪煮好有薑味

其實我是松記的粉絲，深水埗 , 佐敦的也經常去味道不錯，價錢公道但為何這間的服務態度這麼惡劣?只是聽不到叫位，就說我們聾都聽到啦，也給我們面色是不是生意不憂做????還是分店越開越多，很難控制服務質素??不過以後也不去這間了吃了也不舒服!

上年行過海壩街見到荃灣竟然開左間松記...即刻去試下, 鋪頭都幾大, 坐得多人過常去佐敦個間...個時岩岩興食綿花冰, 未試糖百府, 見佢岩岩新出左呢個新產品, 放棄左至愛既 summer, 試左個冰.雜果綿綿冰芒果底第一次吃, 真係好似雪糕咁, 夠凍食到芒果味, 不過以佢 $33 既售價份量就少左d, 配花生碎亦都怪怪地, 搵次真係要去專門食冰既鋪頭試下

今日考完試 戈朋友話想食甜野所以帶左佢黎;今次我地叫左 summer X2 同埋榴槤pankacesummer今次佢比左好多奶我地 正榴槤pankace 好好味連我戈朋友本黎好驚食榴槤都食左幾淡

有近二十年歷史嘅松記糖水，於二零零九年三月於荃灣海壩街開設分店，自此荃灣海壩街一帶糖水鋪嘅競爭就變得白熱化，以前大排長籠嘅依家大不如前，一切都取決於本身嘅實力；每晚荃灣松記門外都大排長籠，店主好有心準備一部電視給等侯嘅食客解悶。今晚正值世界盃開鑼，食客明顯少咗，我哋見唔洗等位，就入去食返個甜品做宵夜。店內以年輕員工居多，環境光猛舒適，坐底落單後食物大概三分鍾後就陸陸續續送到：幻彩明珠 (Colourful Pearl) ($17)：餐牌上推介嘅甜品之一，用大明珠、黑珍珠、涼粉做底配上各種生果，再加上椰汁、芒果汁同花奶，材料十足，惟賣相較差，夏日炎炎必食之選，推介~~~熱紅豆沙 ($12)：越簡單嘅食品就能顯示出糖水師傳嘅實力，呢個紅豆沙甜度適中，紅豆軟硬適中，煲得好入味，正！擂沙湯丸 (Glutious Rice Dumplings with Black Sesam) ($12)：黑芝麻餡好正， “擂沙” 份量足，湯丸黏上“擂沙” 更好食，推介~~~由傳統到新式甜品，松記都有中上水準，價錢不貴亦係其中一個賣點，惟部份食品賣相未能做到宣傳相片質素；此店經常要花長時間輪候，要食最好避開煩忙