板上 (D2 Place) (已結業)

星期六日行開市集，就打算搵個地方食下小食，就比我發現到呢個好地方！未到6點，所以唔太多人，高枱有位，坐喺到，燈光暗暗地，食住炸雞飲住啤酒傾吓計都幾有feel架！

又是星期四外勤日, 好多時這天都唔會食正常午餐時間, 這天來了已經幫襯過的板上,原來荔枝角D2店下午茶時段食有特價,食嘅都係餐牌上的正常套餐沒有因為特價咗份量細d或者飲品俾細杯d咁,呢日要的是黑豚薄切肉片飯便當, 配菜的質素唔多講了,只係一般唔太出色的貨色啦, 主菜的黑豚薄切肉片係有d深沉的豬肉味嘅只要大家唔嫌佢肥羔(肉片係腩肉切片,無形中相等於煙肉片上嘅皮下脂肪) 只不過用甜醬油味襯托出來,飲品叫咗熱啡,但因為最簡單的按個製揸出來那種再倒入過量的奶, 所以大家如果對飲啡有要求的話還是要汽水吧!

今晚，和朋友在家談完事情，大家又懶得出門吃飯卻又不想頹吃pizza炸雞之類，於是就用飲食速遞app叫外賣。這間餐廳其實在D2 Place已經過了很多次，卻一直未有機會試，大家都沒有意見吃什麼，於是就決定試一下。落單之後要等45分鐘，送貨員準時地把食物送上門。食品到達時是熱辣辣的，㚈賣盒子也很精美，飯和配菜是分開的，就像在餐廳吃的一樣。不過飯和餸是放在一起的，由於外賣速遞始終有送貨時間，焗了一下，令到飯比較腍和濕。三個飯拿上手都很有份量板上照燒雞腿珍珠飯和薑汁燒豚五花珍珠飯有很多餸，味道亦不錯美中不足的是豚五花的脂肪比較多。板燒鯖魚味道也是非常對板的，外面少許焦香但魚肉不會太乾身我們還點了兩客雞翼。可能因為焗在盒子裏，雞翼的皮腍了，但雞肉是嫩滑的。燒烤汁雞翼味道適中，但個人認為水牛城雞翼就比較辣了。以外賣來說今晚的食物是令人滿意的，下次可以到D2 place 試試實體店，食物的味道和口感應該更好。

點咗份赤味噌燒豚五花珍珠飯加熱奶茶。價錢$46。個餐賣相好正。個豚肉好鮮嫩。混入珍珠飯好好食。個玉米加菜絲混入白飯好食。杯熱奶茶好香濃。間餐廳橫裝好似日式快餐店。值得推介。

喺D2 place 行左陣，解決埋晚餐。其實每層都有嘢食咁泄，頂層最集中。我哋俾呢間嘅裝修同環境吸引咗。 去到先發現以餐盒形式同自助服務形式去做，我哋各自叫左一個餐，另外再加左個大板燒。燒羊肉飯好香，好惹味，配左杯凍奶茶飲。鰻魚飯都ok 不過就唔好期望太同，同專本食鰻魚飯嘅日本餐廳會有距離。大板燒嘅食後感同上 ，但整體還可以。至於環境就真係唔錯，無乜人，而且好寬敞。亦都無職員俾壓力你趕你走，坐耐d，傾下計都得。

第一次寫評論，因為服務態度實在令人不吐不快。食過幾次，店的食物質素其實OK。最少質素是合乎該價格。但服務態度卻令人生氣。先不論是否真的有落錯單，雖然我肯定叫慣了沒叫錯。到取的時候才發現收銀原來落錯，店員過來了解...本來說"已經出餐了可否要了它？"我也有考慮要的。但其後一句"我們應該有和你Check單，咁我地已經出左喇喎"一句"唔好意思"都無其實咩態度？更何況個日落單顯示屏根本壞的。今次之後我真的好認真考慮今後要否再光顧你們。本來真的還喜歡先顧，真心希望你們可以好好檢討自己對顧客的服務態度！

好姊妹終於離開了那份做得不開心的工作, 當然要慶祝一下. 大家也是住同一區, 於是就打算走到新開的D2 Place商場, 看看有什麼心水地方晚膳.走著走著, 見到這家售賣鐵板快餐的板上. 看其餐牌上的食品, 價錢大眾化, 又有我們有興趣吃的東西, 於是便立即點餐, 然後拿著號碼牌到座位上, 等候食物送來.我點了我喜愛的板上蒲燒鰻魚飯(珍珠飯)($73)和好友分享. 有三格的木便當內, 分別放了鰻魚, 珍珠飯, 粟米粒和芽菜. 大大件的鰻魚被燒汁覆蓋著, 幸好燒汁不會過多, 味道亦不會過份的鹹. 鰻魚的肉質緊緻幼嫩, 細骨也不多, 魚皮亦不韌, 好吃哩. 總覺得把安格斯牛肉夾在漢堡包中間, 是一件甚為邪惡的事, 然而, 好友就偏偏點了這客安格斯牛肉漢堡配脆薯皇($68). 無他的, 任她如何大吃大喝, 也可以保持24吋纖腰, 維持零肚腩的狀態. 感謝她幫忙把這份漢堡一開為二. 當一刀切開後, 醬汁就隨即滲漏出來. 安格斯漢堡扒不單止龐大厚身, 更是肉味強勁, 夾著芝士, 生菜, 蕃茄及洋蔥一併吃, 既充斥著飽滿感, 又不會感覺太油膩. 另外, 點了紫薯可樂餅和南瓜可樂餅. 雖然兩款炸物也

今個星期成班同事做嘢做到冇停手, 日日嗌辛苦平時大家都帶飯, 琴日就提議不如星期三出去食, 順便抖吓氣一行五人唔算易搵位, 同事提議到D2 ONE頂樓食日本野12:45左右去到, 等到5分鍾左右就有位喺門口收銀度落咗ORDER先, 有得食就會嗌張單上面果個NUMBER款式雖然稱不上多, 但應有盡有, 價錢亦算中等, 平均$50左右跟餐罐裝飲品(可樂, 道地荔枝茶)等等都不用加錢其他一般飲品加$5, 特飲加$10我ORDER咗一份板燒鯖魚珍珠飯, 飲凍巨峰乳酸梳打等咗5分鍾左右就有得食, 同同事傾幾句計好快就過配菜有少量菜絲同埋粟米, 好普通飯量中等, 夠正常食量的女仔食, 岩岩好至於主角燒鯖魚, 外皮不是酥脆的那種但肉質有點油脂而且一點也不乾鯖魚的魚肉油脂豐富, 配飯食一啖接一啖定食配有醬汁和檸檬, 吃的時候榨一些檸汁能去腥提味, 魚的鮮味更出眾檸檬的香氣搭配着魚香一整天辛苦的感覺通通都忘記了

有朋友係呢頭番工，所以黎左呢頭食，唔係好日都唔黎呢度一轉，除左見客之外。食完事後查番原來深水埗有分店，難怪有分店既咁既質素。鰻魚飯勝在CP高，醬汁味道唔會過濃，作為dinner絕對值食。因為都用上珍珠米，飯粒煮得唔會太過濕，$73女仔食應該夠飽。Burger就顯得相對上普通，可能呢個年頭太多好既burger食，比上不足但佢比下有餘，欣賞佢芝士有溶過先出街，而薯條份量十足，就略嫌炸得偏乾。呢個burger $68黎講炸紫薯餅就純粹滿足港女朋友 見佢好快就食哂應該幾好味。我呢d男人就寧願食大阪燒，估唔到都幾大份下，因為見先$32蚊個，有豬肉同魷魚做餡，啖啖肉好足料，完全低估左份量。而粉漿亦唔會將價就貨無味道，變左好surprise我。最surprise其實係個炸洋葱，講緊連鎖店賣既都無佢炸到咁靚，而且佢呢個份量我都估佢唔到，好鬼大份 同埋最重要炸得夠透夠香口，如果我有飲啤酒一定食哂佢~呢間餐廳既CP值我會再同附近番工既客拎黎做appointment既地方，食到咁飽食剩小小薯條洋葱圈，可以剩低拎左比D朋友OT食先至around $130/per，肥死我

D2 Place成日搞市集買完手作緊係要搵食由深水埗開到去荔枝角既日式鐵板便當分店最緊要價錢唔貴又份量唔細仲可以望到點炒添自助形式點餐拎餐開飯喇板燒黑草羊($52)羊肉份量好多好鍾意食羶味濃既羊肉呢度真係岩哂加$10叫左芋香奶昔芋香味勁濃勁出蒲燒鰻魚飯($73)鰻魚肉厚加上鰻魚汁再加蛋絲仲用埋珍珠飯一流大拇指雞翼($28)用左單骨雞翼食落方便外皮夠香肉又唔會好鞋加$5跟左熱蜂蜜紅棗茶好足料仲夠哂潤仲有可樂餅大板燒都好吸引呀店名: 板上地址: 荔枝角長義街9號D2 Place一期3樓304號KJFOODLIFE飲食玩樂地圖 

之前因為有活動去了荔枝角~發現有個新商場D2 Place~然後約了朋友去逛逛,還試了板上Griddle Top~裏面環境不錯的~而且人不太多,跟朋友逛累了坐下聊聊天也不錯~海倫跟朋友都是很大食的~所以點了超多的~還好這裏的餐點都不貴~一般一個飯套餐也是50元左右~這個一口牛肉粒飯很香~牛肉軟軟的不會太老~而且米飯是珍珠米呢~真的很糯很好吃喔!!水牛城雞翼是朋友要點的~海倫覺得有點太辣了...但朋友覺得很香很惹味......還好加10塊可以點特飲~選了這個玫瑰荔枝茶飲(名字忘了...@@)~茶很香,也有荔枝的甜味~~喝了以後還想多點一杯喔!!!另外的主食就是這個煙三文魚薄餅~還有見到隔壁點了的洋蔥花!!!真的超大一個的!!!薄餅很薄很脆~不過煙三文魚有點點乾~個人覺得配啤酒會更搭喔!!!!​這個洋蔥花真的好大~剛開始吃還覺得很脆很好吃~但後來吃到近底部的就太油了...所以底部的一兩圈基本上都沒有吃到...感覺有點浪費呢...如果隔油再好一點就更好了~點了醬感覺比較清爽~還是那一句:剛開始吃比較好吃啦~

抱歉！一向無寫食評的習慣，更加無影食物的嗜好。但光顧這間餐廳後真的不吐不快。我們一行二人點了所謂安格斯牛肉漢堡伴薯角、炸洋葱花球、大板燒 + 2 個飲品 (罐裝檸檬茶、柚子蜜)。1. 安格斯牛肉漢堡 $68: 是否安格斯不重要，好食便好了。但竟然完全沒有牛肉味。芝士用類似X夫的平價貨。2. 炸洋葱花球 $58: 外表正常，有點似 OUTBXXK那個。但味道就差天共地。外面居然可以做到不香脆，調過味的炸粉居然還沒有完全熟透。難得......3. 大板燒 $32: 供應商提供貨色，沒有討論空間。永不光顧!

平日夜晚7點來到, 坐滿8成客人, 場內都有播住音樂, 氣氛唔錯。先睇餐牌, 有便當, PIZZA, BURGER, 小食等等, 一行三人就叫左黑草羊便當($52), 一口牛便當($56). 牛肉漢堡($68), 大阪燒($32), 同炸雞($28), 加左3杯野飲(每杯加5蚊)。每個便當都有粟米粒同醃青瓜, 略嫌唔夠調味, 黑草羊味道唔錯, 夠羶, 但有點兒乾, 一口牛都OK好食!大阪燒就唔好有要求了, 可能要等埋個炸雞所以凍左, 粉感好重, 無咩料既感覺; 炸雞出奇好食, 多汁又香口,抵食!牛肉漢堡好大個, 薯角份量好多, 好夠飽, 但牛肉略乾, 個包多d汁會再好味d,我自己就加左茄汁食。overall食左$251, 都唔錯, 食物熱d就更好!! 

行完週末市集 同兩個朋友揾餐廳開餐見到板上係自助形式 坐幾耐都得 就入去試試佢我地六點半左右到 仲有幾張吉枱 唔使等位但去到七點左右就坐滿哂人 仲要求等位因為我地三個都唔算好肚餓 就叫左四樣野板燒黑草羊配珍珠飯 ($52) 配熱朱古力 (+$5)羊肉唔會老 又無膻味 仲有啲配菜 份量又夠雜菌薄餅 ($72) 配熱蜂蜜紅棗茶個餅底好脆 配埋雜菌 一啲都唔膩大阪燒(日式魷魚豬肉燒餅) ($32)我略嫌啲粉漿太多 但味道不錯蜜糖雞翼 ($48)雞翼面上的醬汁夠哂 岩哂我哩啲咁鐘意食醬汁的肥妹仔數量足夠 算抵食

假日行完d2 市集，就係d2商場尋食，見到有間日式店舖，環境唔錯價錢合理，就入咗去食。入去有高枱同卡位可以坐，環境舒適用咗黃燈。但係，要自己去買嘢同拎食物，如果坐得太入既位置，就有啲唔方便。今次就揀咗薑汁燒豚五花呢個餐有一杯飲品，成個餐$46。便當既設計，入面有個紙盒，相信為咗方便清潔。便當有3格，一格係牛油粟米，一格係芽菜，一格係主菜薑汁五花肉飯。粟米食落新鮮，有牛油味但較淡。主角，薑汁五花肉既薑汁味重，天氣凍食薑汁好正。五花肉每條都大條同長身，但係薑汁太重，食唔到五花肉味。個珍珠飯就相對硬身，冇飯香，容易飽肚，個飯就令人有啲失望了，不過環境同食物價格好合理。