板上 (D2 Place) (已結業)

夜晚8點幾行過D2 place, 諗住搵野食醫肚，咁岩見到呢間餐廳唔駛排隊，就諗住試一試佢。地方好大 有高吧台同普通位 位同位之間好闊落至於食物方面 比我地想像中平， 佢有分唔同餐，全部有跟前菜同飲品，都只係40-60幾蚊，晚餐來講算好抵佢仲有好多小食配，好似都唔錯。呢個山賊醬燒燻蹄配珍珠飯，d燻蹄鋪滿起面，啖啖肉，個汁辣辣地，送飯一流！另一個我地試左味噌燒豚五花配珍珠飯，呢個味噌燒唔特出，比較遜色。總括來講，晚餐以呢個價錢呢個質素食到，算幾好，唔好睇份量好似好細，兩個人都食到好飽。

賣相絕對唔開胃，求奇到怕。肉質連合格都唔到，豬肉韌到傻，牛肉就粉嘅。味噌燒豚肉個汁同肉都好咸，係好好好好咸。Angus牛肉漢堡，麥記都比佢砌得好，直情係差。今時今日百物騰貴，你賣得比較平都唔等於要浪費食物，整到咁難食，有冇尊重作為食物嘅一眾生命。就算冇，咁嘅質數個企業都唔可以持續，識唔識經營？質量差嘅食材都可以整得好味，睇你點整架姐， 吉野瓜，大家落，麥記都係賣低質野架啦。廚師們幫幫手，救救香港垃圾食肆。

D2新開戲院，睇戲前梗係要醫飽個肚先成層都係餐廳，可惜星期六也不多人流，每間餐廳都空空如也揀左呢間美式feel鐵板燒餐廳餐牌係LED顯示屏，字體有d細，都幾難睇比錢之後自己搵位，等睇LED顯示屏叫號碼就自己出去伶餐，全自助式餐廳有霓虹燈quote營造出美式chill chill的感覺店內有很多高腳櫈，一張長檯坐到8-10個人，係一大班朋友聚餐好選擇但我地都係選擇坐卡位，有d挨住坐的確會比較舒服😌板上一口牛，珍珠飯$62呢個價錢我完全唔係expect呢一份便當原以為一口牛會同珍珠米炒埋一齊，咁d米就可以充分沾染牛油香，可惜唔係！鐵板牛的確幾好味，油花味香濃，邊味都有小小焦香，火喉控制不錯👍🏼可惜d珍珠米唔可以吸收牛肉味道，淡而無味，要另外加燒汁拌勻食先有味配菜係無味粟米加無味芽菜全部只係用水煮熟，毫無誠意呢個餐整體令我好失望，只得一口牛係好味餐飲叫了熱柚子蜜，也是普通貨色，係惠康d罐裝柚子蜜再溝水魷魚圈$38呢個係即炸，上碟熱辣辣，魷魚有口感，頗彈牙，炸粉亦做得出色，脆脆的呢個價錢我可以搵到更好既選擇，食物質素有待改善

去開荔枝角通常都會去D2 Place，睇下有乜嘢手作店同埋食呢間又平又好味嘅板上今日成下午四點先去到，商場人流唔多，食客都唔多。坐位任君選擇板上設有好多比較高的座位，個人來講覺得唔太舒適，好多客人都會選擇返普通卡位嚟坐。今次揀左我最鐘意號1號餐，板上照燒雞珍珠飯，由$45減到$40仲配埋飲品，成罐雪碧都唔使加錢，好抵啊而且雞肉嘅份量好多，啲照燒雞可以鋪滿晒係飯面，餸比飯還要多呢！雞的照燒汁好入味，成個飯唔會有太多汁，但係又唔會覺得好乾。味道同汁量配合得唔錯！另外仲有芽菜同牛油粟米伴碟，唔會覺得淨係食肉咁dry

因工作關係，經常都會喺荔枝角一帶行街，而D2 place 就係我其中一個行得最多既商場。商場主打小店、有特色既商品，不過唔知點解食物既價位又唔似小店既價錢😂揀左好耐我就同朋友決定今晚既晚餐食板上。板上之前食過一次，不過係喺深水埗，佢既牛柳粒便當令我既印象都幾深刻，見到D2有分店，而且價錢相宜，實在太好。D2既板上同我之前食過既深水埗店略有不同。除左有便當之外，仲有漢堡包、pizza、啤酒等，而且地方夠闊落，放工黎飲返杯都唔錯。漢堡包配薯角，跟汽水（$68)麵包鬆軟，肉味香濃而且充滿肉汁一口牛便當，連汽水（$62)牛超淋同個醬汁好夾可惜飯量少！二人餐，pizza+雞翼+兩杯啤酒（$138)似餅乾既邊，太乾身，芝士味唔夠濃，配料份量又唔特別多，不吃也罷雞翼夠香！又唔算細隻

開頭同老婆見好似幾抵食入去試下，咁以食物質素同價錢係不錯，但職員態度堅差，一去到收銀已經西口西面，之後我order 個set有兩杯啤酒， 我老婆唔飲得我好聲好氣問佢兩杯前後上得唔得勁走氣，佢就西聲西氣話無得分開上架喎，講左輪最後收銀都同同事講分開上最後……又係一齊上，我話: 頭先唔係話可以分開上？店員: 無喎，斟左喇喎……咩態度呀大佬……又唔去了解下自己店員係咪有講，一句掟埋黎無喎……超差囉真係幾好食都假，no next time...

有時放早，總係唔想浪費左一日嘅時光，喺返屋企食飯之前，騰出少少時間同工作的戰友傾吓計，分享下工作喜與憂，呻下自己嘅辛勞，好好放鬆一下心情。喺區要搵下午茶食絕對唔難，不過大多數都係以港式茶餐廳為主，而且好多座位都唔係咁好坐，俾唔到Happy hours嘅感覺等大家放鬆下辛勞工作的心情。先來睇睇個餐牌，價錢屬於中上個type啦，不過其實50零$60都有個飯食，平時你食晏都算OK 㗎。今次我哋因為放工小聚，所以一行七人就以叫小食為主。因為咁樣方便我哋share食物。我哋叫齊晒佢餐牌上果三個pizza我好Pizza size唔算細，我估應該都有九吋大，一個都切到六件出嚟分享食。Pizza個底其實有啲似拎返屋企叮黎食嗰啲，不過熱辣辣嘅Pizza真係好難會唔好食。三個之中我個人比較鍾意辣肉腸，可能辣香腸真係好吸引啦。之後嚟咗個花洋蔥，呢個個賣相非常之吸引，識落同個樣都有得fight，條條洋蔥都脆身加上千島醬，口感同味覺一流。食小食又點可以唔叫雞翼呢，佢一份雞翼有六隻，啱晒我哋一大班人嚟食。就咁睇相我自己都分唔番邊個係蜜糖雞翼，邊個係水牛雞翼。但個味道我就記得啦，水牛雞翼就係有味辣嘅，但係辣得黎夠香

係附近工作左咁耐，對呢間餐廳都算幾熟悉，食過好多次咁。事關位置於D2place當中，呢間都已經算係比起同場既其他餐廳便宜，而且性價比都算高，所以午市時間都比較多人，很容易就滿座，而且以自助形式找位置，要食就要快快來到🙈餐牌選擇唔算多，大概十款咁，大部分都係便當類，不同既肉類去配搭珍珠飯咁，但都有兩款漢堡餐配脆薯皇既，整體價錢$4x-7x咁，如果飲汽水或者熱飲，一般都係免費☺️👍🏻 平日我食開佢個照燒雞肉珍珠飯便當既，今次就偶爾試下新意思，食下安格斯牛肉漢堡配脆薯🍔🍟🍹仲好貪心仔咁加左塊咖哩可樂餅🍘老實說，漢堡肉算係中規中矩，不算好juicy但又唔係乾爭爭，配上生菜、蕃茄、芝士，再加些許沙律醬，算係中庸之道啦！脆薯皇就好夠熱、而且係香脆同埋唔燶，雖然話好難會整得唔好，但事實上有好多地方都係炸得好求其，燶或淋、唔夠熱、炸到痴埋一舊咁既都大有人在，呢個算係炸得幾好☺️☺️ 至於可樂餅，加$8就有一件，啫係咖哩薯餅咁，咖哩味一般般，但係香脆表皮入面既薯泥好滑，係我喜歡既味道，次次黎食都會加🤤🤭下次想試💁🏼‍♀️柚子醬油燒極黑豚配珍珠飯🍱試下唔好次次都食照燒雞🙈

去d2行市集之前想醫飽個肚，四圍行見到呢間比較平又幾吸引既餐廳就決定幫襯下佢係自助形式既餐廳，買完飛坐埋位等叫號碼再出去拎餐午餐算幾抵食，五十零六十蚊有飯有沙律有野飲，不過凍飲要加錢豚五花珍珠飯個餐有粟米 沙律 熱飲有好多豚肉，相比之下飯比較少豚肉比較靭同埋五花呢個部位都比較肥，不過送飯都唔錯照燒雞珍珠飯一樣都係有好多配料雞肉個樣同想像中唔同，顏色好似唔係好夠咁，點知食落好入味，唔會太鹹但係好夠味同豚肉飯一樣雞肉都有好多，食曬飯都仲淨返好多肉

之前中午時份經過此店，都大排長龍，終於找了個晚上去試試～約8:30左右到達，只有幾枱客人，先在櫃位點了食物，食物選擇不算多，但什麼款式都有，本身想試鯖魚，但已經沒有，這裡形式大概像大家樂大快活那樣，找近牆的位置坐下，等叫號碼～豚肉便當 - 配有沙律，粟米粒，不過飯的份量偏少，男生可能不太夠，豚肉咸了點，另外粟米粒如果加點點牛油或蜜糖會比較好一口牛便當 - 牛肉粒也很大粒，味道不錯，不會太硬，配飯很不錯花茶 - 意外地有花茶可選擇，好飲，但如果可以加熱水就更好，只沖一次水有點浪費

今日一起身就好想食漢堡所以lunch一到我就提議去D2食啦今日我揀左。黑豚漢堡-脆薯皇 ！薯角炸得岩！岩！好！好香口今次第一次食豚肉漢堡，之前都食開牛肉果個，豚肉個量都幾夠，但個包今次好似乾左少少，不過都ok!呢到一到lunch time就超多人

這家連鎖店今天是第一次光顧，我一直對連鎖店的套餐不敢恭維，不是因為厭尖，而是覺得食物和製作過程都係單一化，沒有heart, 同樣的價錢應該要支持良心小店，讓集團經營不至打壓小店的生存空間。今日不太餓，所以抱著不高的期望來這裡吃午飯。站在店裡一會，觀察了其他客戶點套餐的頻率，似乎安格斯漢堡和一口和牛粒人氣不錯，因為不餓，所以點了和牛粒來吃。上碟的一份套餐大概有 10粒牛肉粒，最讓人感覺良好是牛肉粒是有厚度的，而且上面的顏色煎成金黃飽滿，已經讓人很有食慾了。一入口，大概是 7 - 8成熟，所以不會韌，每一粒下去也沒有筋，完全超出期望，已經準備下次來試試他們的安格斯牛堡了!吃罷後看到隔離檯點了鰻魚飯，非常有份量，而且套餐外的飲品選擇幾多，連鎖店有此厚道和水準，很是驚喜，必須鼓勵推薦!

喺D2入面嘅食店，唔算係完全食過，行過見到餐牌寫住珍珠飯，而餸喺口味都有點吸引，店內只有幾檯客冇咩人，所以就會一會佢。叫咗個赤味噌燒豚肉五花·珍珠飯🍱，同埋板上雪花一口牛·珍珠飯🍱，坐咗一陣食物就準備好喇。店員㩒號碼制，個系統就自動讀出單號。😖最討厭嘅事情發生了，個咪超級大聲😨(可能當時地方冇咩人)，仲要重複三次，每次有人叫食物老非常嘈🙉。食物都算唔錯，牛肉裡面粉紅色，有肉汁質地嫩，五花豚肉加埋醬汁，味道好好👍食物盒設計係一個木盒，再加一個即棄嘅紙盒，設計係方便，但有啲唔環保🙅因面向廚房關係，見到店員清理飯盒，掉走紙盒後，用條布抹吓個木盒、餐盤及放食物嘅竹籃子，不過見到有人食完啲骨，吐咗落餐盤，店員用條布抹完個餐盤，接住又抹下一個放食物嘅竹籃同木盒，😒最重要係條布冇洗過……😱好嘔心~

行開荔枝角D2 place,入左一間叫板上既餐廳，晏晝時間都幾多人，要自己搵位，等左一陣終於有位。我叫左個特別推介：山賊汁燒元蹄飯+蜂蜜紅棗茶元蹄都幾多塊，味道不錯，唔會太油，另外加上配菜都幾開胃。朋友叫左個板上照燒雞珍珠飯，佢話味道都唔錯。飲品方面就只係果醬溝水，但呢個價錢都唔可以要求咩啦！份量方面，我地兩個男人都覺得夠飽，夾埋都係百零蚊，如果唔怕自己搵位麻煩，都可以一試！

D2 place 比較多西餐 想食飯既話可以試下呢間板上🤡價錢平 食落都唔錯 幾好食😂但明明見人地d肉好多 鋪滿飯面😵點解我地有空洞既😂😂佢係快餐店咁 點完野食自己拎番埋位既🤡良好市民緊係最好食完自己拎番去收盤位🤡所以服務黎講係無咩服務可言🙆🏻‍♂️：雪花一口牛.珍珠米加可樂餅（$8）🙆🏼‍♀️：豬手.豬珠米加雞翼（$8）$140 total