板上 (D2 Place) (已結業)

28/1/2018行完街街諗住食吓嘢，見到呢間幾吸引，響收銀櫃企咗陣無人理，叫咗一聲，水吧兩女店員回應：1) 等一陣吓2)麻煩你自己過去用八達通比錢有咩緊要得過落單呢?收銀都咁嘅態度，好難想像其他嘢會點嘞，所以我走咗無幫襯。

星期日周圍都人山人海， 就快連太空都係人嘅時候， 朋友便介紹我到D2行街。 D2行街真係好，入面嘅嘢好有特色，好特別！加上人好少只係地方比較隔涉到咗晚飯時間便揀了這一間板上見佢價格便宜地方環境優美人唔算多要自己出去點餐先點餐畀錢之後自己攞餐我們點了一個黑豚肉漢堡包配脆薯皇，中伏首先 個包係凍嘅芝士係未溶嘅黑豚肉得果幾件同埋冇味嘅成個感覺係失望加伏伏伏 嗰下真心覺得麥X勞都好食過佢！垃圾大家千祈唔好食！其次，都點左至尊pizza～ 呢個至尊pizza冇咩餸冇咩味得果4塊塊餅底薄切切仲要成76蚊又中多一次伏，伏伏，垃圾！叫咗個花洋蔥，好彩～呢個洋蔥算是正正常常,唔係難食,亦都係熱嘅 加25蚊要杯啤酒點知個杯係用膠杯份量仲要好細超唔值 真心垃圾！！！如果想中下伏就去試啦！不過，平心而論，個環境係幾靚嘅

位於荔枝角地鐵站D2出口的商場D2 Place 食店多樣化，由中菜、西餐、日本菜泰國菜至西班牙菜等等都有⋯ 今次試試開業不太久的板上 Griddle Top。店內燈光昏暗，中間設大量高枱，有點置身酒吧的感覺，差點忘記了自己是來吃Lunch，而且是吃板上燒的。自助點餐機，用八達通付款就可以了。板上照燒雞·珍珠飯＄42－很對得起這個價錢的一個 Lunch Set，跟餐有大量免費飲品選擇，我選了玫瑰花茶，熱辣辣飲落肚成個人當堂暖返哂。照燒雞是在鐵板上即燒的，香味濃郁，而珍珠飯也是有質素的，粒粒分明，口感很好。值得一讚的是跟餐卸配左沙律菜仲有栗米，適合注重健康人士。又抵食又滿足的Lunch。

成日行D2place都係行手作店，原來呢度係好多野食！難得星期五放工決定行過嚟食個簡單嘅晚餐。一開始覺得好大學canteen feel🤣🤣買完等號碼係mon度顯示+有嗌號，都幾快手，買完唔洗十分鐘就有得食。見琴有羊肉唔會放過！簡咗 板燒黑草羊配珍珠飯 跟餐有汽水。羊騷味十足，但都比較多根位，呢個價錢都合理啦！有洋蔥同香草一齊炒珍珠飯係鋪喺底，煮得太濕，飯個度差啲😕😕跟餐仲有煮粟米，不過不失。沙律菜有麻醬，都過關唔洗60蚊係D2食晚飯嚟講係幾抵，不過如果個飯乾身啲會更滿足！

同條佬行D2 place行到肚餓，就去左3/F睇下食咩，發現有間自助形式的餐廳，環境燈光昏暗，有些工業風的感覺，好有型格，食物又岩我地口味，就決定呢間落完單之後，就揾個位坐低等叫number 重有得睇波添～當見到便當個刻好驚喜，原來重附送沙律&牛油粟米！當初以為得一碗飯，好似吉x家錦，頓時覺得好抵食赤味噌燒豚肉五花珍珠飯 配 忌廉 $46豚肉多到不得了，完全蓋住D飯，豚肉切到薄身，每片都連住脂肪邊，入口有些焦香味，醬汁帶甜，送飯一流～板上雪花一口牛珍珠飯 配 熱柚子蜜 $58一口牛大大粒好有咬口，牛味濃郁，而且份量都好多，配上肥小又有黏口的珍珠飯好滿足！另外我地叫左蜜糖雞翼$48 有6隻，外皮炸到好香脆，肉質嫩滑，除左蜜糖的甜味之外，重帶有少少辣味，好好食喔～

第2次係d2食飯呢度大部分餐廳都過百元消費一個人經過板上見咁平就試下啦叫左牛漢堡同期間限定既羊便當唔洗加錢都有d特別既飲品唔係淨係得汽水，奶茶果d個羊好好味唔蘇，加埋飯食一流burger 質素亦唔錯同港島區食一百蚊果d差唔多薯角亦多都食唔晒加$10既青檸特飲都好夠味夠酸唔太甜重有得live睇波加啤酒抵到爛會encore

話說個女要去長沙灣買校服，一諗到長沙灣，荔枝角，深水埗呢三個地方就係工廠區咁，三個女出世之後都冇帶佢地去過呢三個地方，見今次要出去買校服就出去同佢地行下。我諗好多人都知荔枝角已經同以前唔同，多左個賣手作潮流野嘅商場，仲有唔好賣小朋友野嘅地方，咁一聽到有小朋友野睇我當然會帶埋三個小魔怪去啦。咁大家都知月尾啦，我又一家五口咁多人，咁梗係要搵d唔太貴嘅野食啦，上到黎openrice睇過最多好評又抵食嘅就係呢間板上啦，咁我梗係唔執輸去試下先啦。我可能已經人老啦，一見到就只係想食下飯，仲要係有羌wor，諗都唔洗諗就叫左個生羌豚肉珍珠飯。估唔到真係好夠羌！但又唔會話辣到食唔到，而豚肉方面又真係有好多，一d都唔姑寒，肉唔會話淋哂，有咬口，亦好重羌味，珍珠飯都煮得剛好，加埋d肉汁同羌食就好暖暖胃。另外佢仲有醬燒茄子同烚粟米，個醬燒茄子好惹味，可惜只得一舊，粟米都好甜，送埋杯飲品（可揀汽水或熱飲唔洗加錢），其實呢個價錢真係好抵。老公梗係食漢堡啦，本身佢揀牛肉漢堡但比女搶走左，最後佢食豚肉漢堡，入面一樣十分足料，豚肉有腌過夠入味，個包就反而冇烘過所以就比汁料整到淋左少少，但個薯角一流，好味！2個大女嘅安格

好耐冇去過D2 place 多左野食今次去左板上 上網話平價美食果然係名符其實 我推薦啊👍🏼我叫左季節限定板燒黑草羊配珍珠飯佢會配上兩個前菜 日式魷魚？同粟米😋主角板燒黑草羊少許羶味但調味可以再濃少少 我覺得有少少淡😂至於男朋友叫左安格斯牛肉漢堡配脆薯皇要激讚佢嘅脆薯皇 夠熱又夠脆😆漢堡都足料 性價比高🍔最後叫左水牛城辣雞翼（6隻）但真係太辣 食左兩隻放棄 交比男朋友👻_________________________裝修環境：✨✨✨✨服務態度：✨✨✨✨食物質素：✨✨✨✨(5個✨為滿分)價錢：$52+68+48________________________唔信我嘅可以自己去試試😂地址：荔枝角D2 Place一期3樓304號舖

假日嘛～可以的話，就去曬曬太陽，郁下身體吧！今日中午陪外子跑步(我真係行㗎咋! 無跑呀!)，然後再去D2逛逛，覓食一下。去到D2One，行勻D食市，最後揀左「板上」。食Menu好似幾吸引咁，但食落麻麻。我點左燒豚五花珍珠飯，味道普通，個飯好似就咁淋個汁上去(快餐係咁，仲想想？)，個汁無乜特別，少少酸又少少甜咁，而且個飯有D爛，豚肉又硬。外子點了個黑豚漢堡配脆薯。個包唔似一般Buger店用的，似係超級市場買到的嘉頓漢堡包囉⋯⋯而且係唔Juicy的。唯一可以讚的，係個脆薯皇～不過其實脆薯係應該要整得好食的！其實都係可以入口嘅，不過我地點既2樣唔係美食囉～但環境算係闊落，若果想搵個地方坐低吹下水，都係可選擇的。

百物騰貴，好多餐廳食個Dinner都要過百蚊。今次到D2 Place去睇展覽前去左Griddle Top醫醫肚先。點解揀呢間？糧尾lor餐廳主要提供日式飯餐、漢堡飽、薄餅、小食及飲品提供。當餐點準備好，職員會叫你收據上的號碼出Counter取餐。環境暗暗地，都幾啱約幾個朋友仔出黎食D野啤啤佢。鐵板一口牛•珍珠飯除左主食外，個餐會一螺肉及粟米作前菜。飯係比較濕同軟身，但一口牛意外地香！牛汁甚至滲落飯到，令到成件事成為一個整體。薑汁燒豚五花•珍珠飯五花肉份量好好，而且食得出有薑汁味，不過燒得唔夠香。炸魷魚圈，炸粉唔會太厚，不過油感都幾重。醬燒魷魚鬚燒得幾香，不過唔夠肥美，肉唔夠厚。飲品方面，唔加錢可選汽水、熱飲。2個人埋單$157，唔想食茶餐廳可考慮食呢個。糧尾會再去，下次想試漢堡飽。

呢日晚飯唔想食咁多，因為之前行街個陣食左d野，見到板上個menu d小食唔錯，價錢又幾抵所以就決定入去食。兩個人叫左一件可樂餅，一份水牛城雞翼，一個大板燒同埋一杯巨峰乳酸梳打。水牛城雞翼有6大隻，個醬正正常常，都幾入味，不過就咸左d。可樂餅我地揀左咖喱味，咖喱有少少太淡。個大板燒都幾好，呢個價錢又有豬肉又有魷魚，真係算唔錯，只係略嫌麵粉太多。最正真係個巨峰乳酸梳打，巨峰味濃，而且又唔會好甜，非常好味

D2嘅食肆都唔差 呢間板上係我近日幾鍾意嘅餐廳選擇都幾多 有飯同burger 受歡迎嘅飯係一口牛 而我就揀左味噌豬肉 數量多之餘都好夠味 豬肉亦彈牙 幾岩香港人口味最正嘅係有粟米同螺肉做小菜 唔會啖啖肉咁悶 而且小菜係會定期轉！上次我嚟係中華沙律 都幾好味架！如果嫌唔夠味 仲可以拎汁 不過員工態度就麻麻 試過想拎多個汁俾朋友 員工竟然問 你食兩個飯？ 嘩 就算我唔係食兩個飯 都可以拎兩個汁掛？不過40零蚊 包野飲 野飲方面有柚子蜜 檸檬蜜 檸檬紅茶等等 都還可以嘅！

自助形式，先搵位再出櫃位買野食。半開放式餐廳，後面有個仿貨櫃既牆，配上吊燈及中間木造高枱，同外邊對比相對昏暗既燈光，入到黎感覺有點點wild安格斯牛肉漢堡拼薯皇，漢堡扒稍薄但算有點肉味，調味稍咸，但配上凍啤還算可以接受。薑汁燒豚五花珍珠飯餐，味道不錯，加上配菜，營養也算均衡水牛城辣雞翼一個字，咸…… 連鐘意食雞翼既重口味朋友都係食左一隻就掉低哂比我……唐揚炸雞都幾細粒，初時以為大版雞軟骨（開頭改左n次唔記得自己叫左乜）原來係炸雞。味道還算可以，稍乾。吉列炸蠔，ok,不過不失。南瓜可樂餅，南瓜夠軟綿甜香，不錯 醬燒魷魚鬚原先以為是大鬚幾條，怎知是一串乾蚊蚊的小鬚，失望原先見地方算挺好的又不太多人，叫了很多食物打算慢慢吃加聊聊天，怎知食物質素中下之餘還很熱…… 坐了大約半小時汗還是沒有停，扇子完全沒收起過（難道是因為坐在店子邊緣所以沒冷氣?）…… 最後匆匆忙忙吃完閃人轉場飲野

第一次來d2呢間野，望餐牌見野食價錢都幾吸引，所以去試食。明白平日下午茶時間有時候會少人是正常，但我去問職員野時，女職員顧住食野玩住手機咁答我野。無禮貌！（我自己曾經也做過飲食行業，下午茶時段有時的確比較少人，我亦都會玩手機，但是如果有客人問我問題時，我不會顧住望手機地回答客人問題）當我去收銀處買嘢食先，我問男職員有無泊車單，佢問「你叫既野食夠唔夠錢泊車？」我答「唔夠」佢答「咁你咪叫多啲野食囉」點解可以咁答人嫁？！我叫了兩個小食1. 水牛城辣雞翼2.醬燒魷魚鬚其實個魷魚鬚無什麼特別，只是個雞翼實在太難食。我沒有吃過什麼叫水牛城味道，但那個雞翼超級酸，而且放入口已經聞到一股刺鼻的味道。所以吃了我兩人只完成了一隻雞翼，已經吃不到了。Ps:我知道餐廳沒有義務，亦沒有必要給你一張夠金額的泊車飛，但是回答時可以婉轉些，沒有必要串串共的答人，令人聽落去好唔舒服。

係openrice到搵D2 place既餐廳，見呢間差不多最低價位就去試下，等位（四人）：星期三lunch時間幫襯，不設訂座，亦冇得拎飛，等位模式係快餐店咁，企係人地張台隔離，店舖約80個位，有人食完唔走，有人岩岩先黎，足足等左20分鐘先有位坐。餐牌：款式好少，雞、牛、豬飯，又或者牛、豬包，夾埋好似有十個餐。買野食：一人收銀，可以八達通付款，條隊都算清得快。買完兩、三分鐘就拎得。野食：豚肉漢堡配薯角，$58送罐裝飲品，有可口可樂揀，又或者道地既荔枝紅茶、蘋果紅茶等等。薯角份量十足，夠熱。個包唔夠醬，好乾。豚肉冇味似雪藏。間餐廳太多射燈，食到出晒汗，好想快d走。